عزل ولد المرزوقي ورامبو الاطخم - نادي الهلال السعودي - شبكة الزعيم

الشايب فهد · #1 27/07/2001, 01:55 PM

بسم الله الرحمن الرحيم

قررنا نحن الشايب فهد بعزل المشرفين التالية اسمائهم

اولاً/// يعزل المدعو سفر المرزوقي // اللقب ولد المرزوقي من منصبه كمشرف على المجلس العام وإيقافه عن الكتابه لمدة شهرين

ثانياً /// يعزل المدعو ابراهيم النجيدي // اللقب ابو خليل // رامبو الاطخم من منصبه كمشرف على المجلس العام وايقافه عن الكتابه لمدة شهرين

ثالثاً // ترشيح اثنين من الاعضاء للاشراف على منتدى المجلس العام والمرشحون هم

1- ابو سليمان

2- عاشق النمر

3- ملك العشاق

الرجاء التصويت ///

ابوسليمان · #2 27/07/2001, 02:19 PM

حبيبي ياشويبنا

هذا الكلام والا بلاش

بس مايصير ثلاثه ههههههههههههه

انا بارشح انا وهو كخخخخخخخخخخخخخ

تصدق ياالشايب ان رامبو من حطوه مشرف ( الرقعي ) هههههه وهو رافعن خشته علينا

ماغير ينفض فروته بزعمه بشت ويناظرنا بطرف عوينته

وسفر الله يستر عليه ألاجودي بس من لصقو فيه ألأطخم وهو مقفي

يدربح راسه وراه

وأزيدك ياالغالي ألأطخم ماهو سهل خذاء مفاتيح المنتدى ويحذف ويقفل وابو مرزوقي

يوايق من وراء البيبان مايقدر يقوله برم

بس ماتشوف انا خرناها هههههههههههه

اقول في امان الله قبل ماتمصخ

عاشق النمر · #3 27/07/2001, 02:22 PM

انا ارشح ابو سليمان شخصيه وسكبه ويصلح للاشراف

ارشحه مشرف رسمي مكان اي واحد على نضام الساعات

اما ملك العشاق فمن رائيي تسحب منه حتى العضويه

orange2000 · #4 27/07/2001, 02:44 PM

بما اني جديد وبقراطيسي ولا ادري وش السالفه بسسس انا اصدقاي المشرفين احبهم موت سواء الي بينشالون ولا الي بينحطوون

<<<<<<<<<<<<<< راعي مصالح

نايف · #5 27/07/2001, 02:51 PM

=========
اقوووووووووووووووول والله ياللي راح تنمسح اشتراكاتهم واااااااااجد وانت اولهم

بس ارشح عاشق وابو سليمان واحد صباحي والثاني مسائي

=====================

طلال · #6 27/07/2001, 05:10 PM

أنا ما أنفع ؟؟!!!

خاصة إنه عندي خبرة عشرطعشر سنة في الاشراف :p :p :p :p :p

وليش مارشحت نفسك ياشيبتنا ؟؟!!!

ولا تسوي لنا فيها متواضع

HILALY DENT · #7 27/07/2001, 05:59 PM

وخروا عني ........

اؤيد بشدة بالغة الشدة هذا القرار وانا معه قلبا وقالبا ، وطز في اللي يصير لي ( ياشديد) .

اتخذت قراري هذا عن قناعة تامة وبدون مؤثرات خارجية ( الشايب ماله دخل ) خصوصا عقب سالفة التشفير اللي طلعوا بها تالي .

هاه يالشايب وش رايك ؟؟ اعجبك بعد كذا .
!!!!!!!!!!!!!!!!!!
!!!!!!!!!!!!!!!!!
!!!!!!!!!!!!!!!!
!!!!!!!!!!!!!!!
!!!!!!!!!!!!!!
!!!!!!!!!!!!!
!!!!!!!!!!!!
!!!!!!!!!!!
!!!!!!!!!!
!!!!!!!!!
!!!!!!!
!!!!!!
!!!!!
!!!!
الله يستر من تاليتها ( دخل الذرة !!!!!)

3boud · #8 27/07/2001, 06:17 PM

الله يستر

انحش انت و اياه جـــــــــــــاء سفر

ييييييييوك
اشرد يا ولد

والله لو يصيدجم يحطكم في السجن حق المنتدى
و لا عاد تطلعون

الشايب فهد · #9 27/07/2001, 06:33 PM

ياسلام عليك ياHILALY DENT كذا القوه ولا بلاش

يلله يا شباب رشحو وشفيكم خايفين ما عليكم تراني مسيطر على الوضع

واللي خايفين منهم ( رامبو - وولد المرزوقي ) سجنتهم في السجن الجديد اللي انشأته تحت في الدور الارضي

يلله رشحووووووووووووووووووو

ٍBoW WoW · #10 27/07/2001, 08:07 PM

انا بارشح واللي يصير يصير ...

وش بيصير يعني ...

وش بيصير اكثر من اللي صار هاااااه ...

كل يوم ما نلقى منهم غير تهديد ووعيد .. وعيونهم حمره علينا .. اقل عقوبه عندهم هي الطرد ( يعني مثل الشنق شنقاً

)

هذا غير مسألة التشفير اللي طالعين لنا فيها ( تشفير ايه يابابا .. هو حنا نائصين )

وجاء الوقت اللي نتحد ونضم اصواتنا مع الحق .. ونحارب الباطل

ياشباب ترى اصواتنا امانه يجب ان نصونها ...

لهذا انا قررت اني ارشح كلاً من :

1- سفر المرزوقي
2- رامبوووووو

التوقيع ..
BoW WoW ...

الحريف · #11 27/07/2001, 11:41 PM

السلام

شف ياشايبنا

كل اللي انت رشحت مايصلحون

للأسباب التاليه

ابو سليمان

رجال حبيب وراعي نخوه وسنافي ويبي يجامل بعض الشباب

وسينتج عن ذلك التسامح في نشر بعض المواضبع مما سيؤدي الى ضعف المنتدى

عاشق النمر

رجال عربجي وداج على راي ابو خليل

وسينتج عن ذلك انضمام العرابجه والبنشريين والدشير الى المنتدى

مما سيؤدي حتما الى نهاية المنتدى

ملك العشاق

رجال هواوي وراعي سهر وليل وغنواي ولا هوب فاضي للمنتدى

اذا خلونا على ابو خليل وابو مرزوق

هم اصلح ناس

وبصراحه عندي كلمه بس مستحي اقولها

وش رايكم فيني

(( واحد مستحي ))

الحريف

الشايب فهد · #12 28/07/2001, 01:05 AM

بناء على التقرير الذي رفعه الحريف

الغاء ترشيح كل من ابو سليمان والداج وملك العشاق

وترشيح بدلاً منهم كل من

الشايب فهد

طلال

الحريف

محترف توقعات

ابراهيم النجيدي · #13 28/07/2001, 01:08 AM

وش تسوووووون

,,,

إنقلابات هاه

,,,

يصير خير .... لكن مادام الدعوه فيها ترشيح خلوني أرشح معكم

,,,

أنا أرشح الشايب والداج عاشق النمر .... لمنتدى جديد إسمه منتدى المواضيع البثره والله مالها سنع

..... وأرشح أبو سليمان لمنتدى " البر وعلوم الرجال " ولو إنه قلب علي برده لكن يستاهل بعد حيي ;) ,,,

الحريف ..... سينظر في أمرك ونبي نحطك من الحاشيه الخاصه بعد هالرد ,,,

المحتار · #14 28/07/2001, 01:38 AM

انا غيــــر

ولد المرزوقي
ورامبوا الاطخم
منيب مرشح
واللي يصير يصير

واحد مصلحجي

ســ9ــامــ9ــي · #15 28/07/2001, 02:29 AM

أنت يالشايب يالله حسن الخاتمه

...

أنا من زمان ودي بضحية لأول إعدام

...

وأظن هالحين المواصفات كامله ...

1 - شايب مخرف :p ...

2 - إعدامه ماراح يضر الشعب

...

والباقين المؤيدين السجن في إنتظارهم بس خلونا نفتح سجن التنسيم اللي في شارع البزارين

...

وأنا أوريكم الشغل ...

ولكم تحياتي ...

أخوكم / سفر المرزوقي .