السلام عليكم ورحمة الله وبركاته ...

مساء أو صباح الخير للجميع ...

****************************

طبعاً أكيد أنتم تعرفون قراراتنا الوزارية التي كانت بالمنتدى وتم إعتمادها ...

وبفضل من الله كما تذكرون تم القبض على سلمان والاعصار ...

ثم قبضنا على المتسلل طلال ;) ...

ثم تم القبض على المفحط الخطير الأولاني :p ...

ووضعنا الجندي عاشق النمر في السجن بسبب نومه في وقت خفارته ...

والآن بما أني مستلم على المنتدى حالياً ...

أظهر لكم صورة حقيقية لكواليس سجن المنتدى العام ...

شاهدوا مايدور هنا ...



أتمنى أن يكون السجن عبره لمن لا يعتبر ...

وأعدكم غداً بتفاصيل أوسع عما يقوله المجرمون كاملاً ...

ولكم تحياتي ...

أخوكم / سفر المرزوقي .

ياسفر انت والاطخم رامبو اسمعوا تفاصيل علوم المساجين يوم رحت اشوفهم

1- السمرمدي = الاولاني يقول لي ويطلب مني اهرب له تتن بالزنزانة .
2- الاعصار يبين اتصل على اهله واقول لهم يجيبون له بطاطين ومخدة .
3- طلال يبيني اهرب له تلفون جوال يبي يدق على خويته ويقول لها انه عنده اجتماع مايقدر يجي.
4- اما الجندي اللي يعصى الاوامر عاشق النمر يهددني ويتوعدني بما انه اقدم مني انه يطبق علي خفارتي اذا استلمت معه مادري اني اباترقى قبله ابو ثالث مكافحة .
5- اما سلمان هذا ااااااه ياسلمان شيطاني اثره يبي يهك علي يقول لي عطن بدلتك وخلن اطلع اجيب عشاء للشلة وارجع يحسبني هين مادرى اني لو انا لاحق على موسوليني كان من مبطي وانا ماسكه .
وبناء عليه يرفع تقريرنا هذا الى معالي وسادة المشرف العام ولد النجيدي هو وسفر ونامل اتخاذ اللازم حسب المتبع .

ولاتنسى تشوف التوقيع والصورة ياسعادة ولد النجيدي ابي رايك للاهمية.

الحبحر الحار الهلالي/عاشق هلالي صميم
الزعيم يعرفه الفهيم ويجهله البهيم

والله يا سفر اثرك تخوف من جد

وانا احسبك منول داج .

الله يعينا عليك انت وخويك رامبو .

لا وسلمان يقول امسكوا الاعصار وطلعوني

والا عاشق اللي توهق

هلا صفر

خلاص علشاني تكفا طلع الشاكوش الي نام بالسجن


واذا قمت تتغلى الله يخليلنا كابتن حارتنا ( رامبووا )

افا والله افا ياصدى الامس بس جيت للموضوع ورديت وتكلمت مع سفر وولد النجيدي وطلعت يعني انا كرتون بهذا ابوك انا اللي رادهم مايطلعون انا الخفير عليهم يعني على مايقولون انا بالخط الاول بوجه المدفع وانت تردبي كني كرتون ولا خيشة فصفص حتى ولاتقول اي شي لي ماتشوف اسمي يلعلع قبل اسم ولد المرزوقي وبالخط الاحمر بعد افا والله افا هذي ببعير والله ولاحتى يرضيني بعير بعد لكن هين ان ماجنيت عليك ودخلت السجن معهم اخليكم تكملون ستة وتصكون كنكان لين تدوخون مانب الحبحر الحار ياشيخ بس خلن اترقى

حتى انت يالذيب بعد مزلبن
اقول لايصير اللي ماسكن خفارة عليهم بدلتي لحالة وانا مادري
نعنبو داركم جندي ركن قد الدنيا مترشح جندي اول ومعي وسام وصاعقة ومظلات ولاتعبرونن بس سفر وولد النجيدي
اولله بغبسة

اخوي حبحر

اركد ترى الركاده زينه

بعدين انت زي ما قلت انت جندي بس هذولا هم الكبار حاليا فقط

ولازم نرد عليهم ولو ما ردينا بيصير فبها

مشاكل اما انت !!!!!!!!

جندي تزعل ولا ما تزعل ما علينا منك

لا طلعوا الجماعه الهوامير الصدقيه مهب نافعينك

هذولا الداجين

بس نصيحه طلع اللي عندك ابركلك يمكن تترقى والا شئ ;)

بلاك متدري ياصدى الامس وش انا لاتهمك رتبتي ولا مرتبهم ذولا ولد النجيدي وولد المرزوقي
انا بسوي فيهم مثل هتلر مدري هلتر مدري هترل اللي هوهو
المهم انا افكر هالحين وشلون اغزيهم واسيطر على المنتدى كله ماهوب بس المجلس العام
بس اصبر شوي وتشوف لا وابحط منتدى خاص بالقصمان ومنتدى خاص بالكليجا
ومنتدى خاص بالحبحر وانواعى المدقوق والعلوب والاخضر والحمر واسكت بس بسوي توسعة وخطة خمسية على كيف كيفك بس انتظر شوي وتشوف واوريك تجي تحتك وتقول حبحور ماحبحور اوريك

اهلين سفر ويصبحك ربي بالف خير وعافيه

الغالي حبحر هار

وش لي عندك يالأجودي

كان لي غلا تكفى النمر طلعه من الحجز وتراني عند باب المنتدى

مشكلتي أحبه واغليه ولا ابي أشوفه متاذي من ابو خليل

خذ المفتاح لطشته من سفر وهو نايم قبل أشوي

بعدي والله حبحروه راعي الفزعه

وتراه حداء المفتاحين

والله عاد انت يابو سليمان عزيز وغالي بالحيل بلحيل وتوك معطيني هالعلب اللي تحت اسمي الله يرضى لي عليك بس ابشر ولااردك خايب ابروح هالحين للنمر واعطيه كم بقس على الكبد علشان يغشى عليه واطلعه للمستشفى ومناك انت وياه دبروا اعماركم
هذا اللي اقدر عليه ياخوي ابو سليمان لاني لو طلعته تعتبر خيانة ولوخليته ازعلك مافيه الا كم بقس مثل ماقلت لك وهو يتحمل من اجل الفركة وبعدين نتحاسب انا وياه على البقوس وش قلت .

بس هاه لاتعلم احد بهالخطة انت ولا اي واحد من زوار الموضوع هذا اما بالنسبة للاثنين اللي بالي بالك ماعليك منهم تراهم مايقرون ولا يكتبون حتى لو شفتهم مشرفين مهوب خلف العتيبي كان يغني وهومايعرف يعزف وابن سعيد يلحن وهو مايقرا ولايكتب كل الدعوى دف بدف ولا لو الدعوى بالمؤهلات كان والله ولاتحطهم حتى فراشين وانا اشك ان قرارتهم مكتوب فيها فراشين بس مثل ماقلت قراية المسؤول مثلهم وحسبها مشرف بدال فرّاش
ياويلي ويلاه بس لكن تراي بوجه الله ثم بوجهك يابوسليمان انا داخلٍ على الله ثم عليك منهم ومن بطشهم
الله يتر علينا بستره
اللهم اكفنا شر المشرفين واعطنا من خيرهم ياااااااااااااااااااارب يالله اني داخلٍ عليك

انا طالبكم

شغلوني معكم لو عريف
ماهوب لازم ملازم

ترى انا عندي خبرة
لاني كنت عريف في الموسيقى
في احد المنتديات

لكن فصلوني
لاني بدل ما اعزف السلام الملكي
عزفت قمرين حقت عمر دباب


بالرغم اني ما ادانيها

ههههههههه اهب ياعبود ول ماكبر شرهك
عريف على طول نعنبو بليسك انا خدمتي ثلاطعش سنة عشرة اشهر وسبعطعش يوم توي مستحق الترقية لجندي اول وانا معي مظلات وصاعقة ومعي ستطعش وسام وميدالية استحقاق من سعادة كبار المسعولين هنا بالمنتدى وانت بس خبط لزق جاي وتبي عريف ههههههه اقول والله يانت طموحك الظاهر مولود قبلك بخمس وعشرين سنة يعني اكبر منك بربع قرن تبي عريف على طول اقول خذ العلم اللي يجمد على الشارب عاد تدري متى تصير عريف انت اذا وصل راتبي انا اربعين الف مع بدل سكن خمسين الف سنوي ممكن تتعين عريف الا اذا تبي تتضامن معي واذا حصل وتوفقت وغزيت مثل هلتر مدري هتلر واحتليت الموقع كله ممكن احطك حارس شخصي لي :p ;) :p او احطك مأمور سنترال وانت بكيفك شاور عمرك ورد لي
الحبحر الحار الهلالي/عاشق هلالي صميمي
الزعيم يعرفه الفهيم ويجهله البهيـــم

ياصفر عفواً سفر


طلال & عاشق النمر <<<====== هذولا حبوبين وطيبين شكلهم ماهي اشكال بهدلة ولا سجون ولا حاجه

ولايهوني البقية اللي في التوقيف لايزعلوا علينا بعدين


وهناك فرق السجن مخصص للمشرفين!!!

ايش دخلني انا وعاشق في الموضوع

الله يفكنا من شره

ومن شر المناوبين بس يا سفر الإعصار عطشان حرام عليكم عطوه مويه

يا حبيبي يا / الحبحر الحار الهلالي

والله انك راعي فزعه لاكن آه لو باليد حيله كان

رقيتك وخليتك تكويهم بحبحرك الحار

انت سو الي عليك وما عليك من احد يالغالي

والي يتعرضك عطني اسمه اجيب لك خبروه