بصراحة مر علي موقف بحياتي مانساه لين امووووووووووت (بسم الله علي) وهو :

مرة اول ماجيت للرياض من القصيم وبالعربي من الرس ديرتي الحبيبة ديرة الحبحر . المهم جيت عام 1406 هـ علشان اتمرجل على مايقولون وادور وظيفة واتسنع مع الرجاجيل . المهم رحت لناس يقربون لي بالرياض وكنت مستانس بلحيل علشاني بروح للرياض المهم وصلت الرياض وكان هاك الايام الدوري مدهر قلت لعيال ..... ابي اروح احضر مباراة للهلال علشان لارجعت لديرتي ابز عندهم واهلس عليهم واقول شفت لاعبين الهلال على الطبيعة وسولفت معهم وفعلا رحت للملعب وناظرت المبارة مغير ادربي راسي بين الناس ماهمتن النتيجة ولا شي بس اهم شي اشوف اللاعبين حقين الهلال وشفت النعيمة والمصيبيح والبيشي والحبشي وكل الباقين وكنت فرحان بس ابي اروح للرس علشان اهك على خوياي واقول اني قابلت اللاعبين المهم قضت المبارة خلونا بالموقف اللي قلت لكم عنه توه مابعد جت سالفته المهم رحنا للبيت وكنت جوعان بالحيل الصراحة من الظهر وانا مسنتر عند الملعب ابي اشوف المباراة بعذري المهم قلت لعيال ...... انا جوعان الصراحة بالحيل شوفو لي اي مطعم ولا بوفية ابي اكل شي وفعلا وقفنا عند هاك البوفيه وحنا نصفط الموتر على جنب ونحول وندخل البوفية اثر عيال ..... وهقون طلبوا شي والله العظيم اول مرة اسمعه بحياتي اسمه كوكتيل انا على حسن نية حسبتهم جوعانين وطلبوا اكل اثر دردغانة ادربي راسي مادري وش السالفة قلت بنفسي خل اسوي مثلهم واطلب كوكتيل نشوف وشو هالكوكتيل الى هنا الموضوع عادي بس من زود القرادة قلت وشلون ابلع هالكوكتيل بدون ماشرب شي معه يدفعه لااغص قمت وطلبت واحد برتقال على بالي اتيكيت يطلب برتقال وكوكتيل المهم جلسنا شوي ويوم اخذنا الا ابو يمن جايبن لنا هاك الصينية اللي نصة مصدي وبوسطة اربع اكواب ثلاثة حمر مدري وردي لاتقولون قروي بعد مايعرف الالوان والرابع برتقان اعرفه مايحتاج وليدة بالبرنقان المهم قلت وين الاكل يابو يمن قال اي اكل ياخي انتم طلبتوا بس عصير وهذا العصير ؟؟؟؟؟ قلت ابوك والكوكتيل اللي طلبنا وينهو قال انت اش فيك اعمى هذا اللي قودامك اش هو مفطح يعني هذا كوكتيل انا الصراحة يوم شفت العيال ضحكوا وواحد منهم مير الله لايوريكم انسدح على الارض وصار يضحك وينتفض تقول شاة ترفس توك مذكية بصراحة طاح وجهي مدري وش اقول والله وانا اعض طرف ثوبي واحط رجلي للسيارة والعيال قاموا يضحكون علي ومن عقبة صرت ماعاد اداني شي اسمه كوكتيل ابد بحياااااااتي الى هالحين .وسلامتكم وصدقوني انها قصة حقيقية حصلت لي شخصيا بس هاه لاتفضحوننا عاد استروا ماواجهتوا ... :p

اخوي الغالي الحبحر الحار الهلالي : موقف طريف فعلا حسبي الله عليك فشلتنا لاتقول لاحد اني خويك هههههههه

بدينا نتلزق يابو صيفي من هالحين اصلا من قال انك انت خويي مهوب انا خويك ترى فيه فرق يعني لو لو لو مثلا صرنا خويا انت تصير خويي مهوب انا خويك بس هذا لوووووووو
وبعدين وش فشلتك به يوم تقول فشلتنا هاه نسيت انت وش سويت ؟ اعلم ولا اسكت؟
نسيت يوم انك اول ماطلع الميرندا ترشه على ثيابك تحسبه عطر يالصتيمة

تحياتي لك حبيبي لاتزعل تراي امزح وان بغيت تزعل طق براسك الجدار


الحبحر الحار الهلالي
ابوتركي / الرس
رحمك الله يابافهد رحمك الله ياشايب الهلال
اللهم ارحمه وااسكنه فسيح جناتك

موقف طولي ولا عرضي


خذ هذا موقف عالطاير :

كنت في قرية مرسال هذه الصيفية (( قبل أسبوع تقريباً )) وحضرت برنامج للمذيعة اللامعة (( أميرة الفضل )) وطبعاً كنت في الصف الأول وناس كثييييير ورايا (( طبعاً كلهم رجال والحريم في الجهه الجانبية )) ولما جات (( أميرة )) قدامي وتبغى تتشرف بسؤالي ماادري الا العالم اللي ورايا كلهم (( يدفوا بعض )) لين مادفعوني وكنت راح اطيح فوق أميره بس الله ستر الخشبة الي قدامي وقفتني وطاحت الخشبة بس (( البودري قارد )) مسكوا الخشبة قبل ماتطيح فوق أميرة

وكل مااتخيل هذا الموقف وانا

:p :p :p :p
كرررررررررررررررر هههههههههههههههههههه

حلوووووووووووووووووه يالغالي والله حلوووووه

من جهتي ماني قايل لأحد :p :p :p

على طاري القارياء

في واحد من ربعنا جاء من الشرقيه وموظف في أرامكو

جلس في أحد القراء القريبه من حايل عند جماعته وبعد كم يوم قال ابروح للديره

اي حايل فيكم أحد يخاوي قال واحد من ربعه معك يفلان

تيسرو وروحو لحايل وبعدين روحو للسوق قام راعي الشرقيه يبي يشتري عطر

يشمم من ذا العطور لين جازله حديهن وخويه ماغير فاتح أفمه

الوكاد قال ابي هذا بكم ؟ قاله السوداني بالكثر 000 قاله مافيه ((دس كونت))((DISCOUNT))

الوكاد خويه يسمع وجايز له العطر

أرجعو وبعد كم يوم خذا ذا القروي معه واحد وروحو للمحل والياء المحل مليان

قال يازول عطني عطر دس كونت 00ضحك السوداني قال انت أختار اللي تبي وأبشر بادس كونت

قال ابي عطر دس كونت يقول اللي حولي ماتو من الضحك وعرفت اني بدحديره ويقول أدور

ابو شنب جيبي الشاص ووينك يديرتي

ويوم عرف معناته مات على روحه من الضحك