أسعد الله اوقات الجميع ...
************************


في رحلة الى الغرب..
في رحلة الى الحضارة... كما يزعمون..
تغربت.. وتركت مرعى طفولتي.. وكل من حولي..
في سبيل العلم والمعرفة..
ذهبت.. وفوجئت.. بل صعقت..
باستفساراتهم.. واسئلتهم...
عن وطني...
عن السعودية...
" كيف تتحملون الحر وأنتم تعيشون في الخيام؟؟!!"
"كيف يسهل عليكم التنقل بالجمال والخيول؟؟!!"
" انتي تجيدين اللغة الانجليزية !!! فكيف ذلك؟؟"
أسئلة انهمرت علي كزخات المطر..
أجبت عنها جميعا بصدر رحب ..
وأرجعت ذلك.. لقلة ثقافتهم...
او لمحدودية اعلامنا ...
او لكليهمــــا ..
لا يعرفون ماهيي او اين هي السعودية...
وان عرفوا فلانها...جارة للعراق واسرائيل !!!
وكأنهم لا يدرسون الجغرافيا في مدارسهم !!
هذه ليست اول حادثة امر بها...
بل تكررت مرات ومرات.. مع مختلف الجنسيات..
تعددت الاسباب والافكار... والســـؤال واحد :
أين اعلامنا العربي السعودي ؟؟!!
نحن للعالم مجرد حفاة .. عراة.. هائمون على وجوهنا في الصحراء..
نحمل على جمالنا... براميل البترول !!


***********************************************************
من احد المواقف المضحكة.. والتي استمتعت فيها حقا ... عندما سألوني عن كيفية التنقل ووصف الشيء الذي اركبه .. فرسمت لهم على ورقة... جمل على اطارات ( كفرات , عجلات) وصدقوني... لعدة ايام .. حتى ولحسن الحظ ... انني جلبت معي من السعودية بطاقات بريدية فيها مناظر معمارية وصناعية للمملكة....

تحياتي للجميع

الظاهر انك جالسة تحلمي ;)

أو تهيئي نفسك (( نفسياً )) للسفر الى أمريكا

الله يوفقك ان شاء الله وتروحي لأمريكا وترجعي لنا بالدكتوراه :p

وتحياتي لكي ياشاعرة الهلال

نسيت أقولك اني أختلف معاكي في ما ذكرتيه أعلاه خاصة وأن الاعلام الغربي أجمع عرف السعودية أكثر ذي قبل وخاصة في السنوات القليلة الماضية ولاتنسي كأس العالم في أمريكا 1994م فهي أوضحت للعالم أجمع تطور الكرة السعودية ومن خلالها تبين حضارة المملكة العربية السعودية في شتى المجالات ....

الأخت / عاشقة الهلال . . . بعد التحية

والله ما أعتقد أنهم يجهلون لهدرجة والا أعتقد السبب الأعلام لأن كل مايدور في العالم قرابة العشر سنوات الماضية يعني من عهد التسعينات لا يخفى على أحد ولو طالعتي وأنتي بالرياض القنوات لفضائية لقيت معالم كثيرة عن أغلب مناطق العالم .

وأنا معك في تفكيرهم بس وأنا أخوك مهوب بالحر والخيم لا تفكيرهم بالخوف فقط لا غير وبعدين النضرة مهيب للرياض فقط لا تنظرين بعين وحده فقط هم يمدحون في مصر إلى بكره ولكن حاليا يخافون من الأرهاب .
وصدقيني فاهمين لا بعد حد ولا اقصد بمعنى كلامي هذا أني أكذب شي من ماذكرتي طبعا لا ولكن للتوضيح علشان ما نمشي في جهل ما يدعون ويمكن أنك لاقيتي واحد أو أثنين محدودين فكريا .
بإختصار . . . أنا عندي بالعمل دكتور لبناني الأصل أمريكي الجنسية له هناك مجمع سكني في أمريكاوسبق أن دار بيني وبينه حوارات كثيرة طبعا يتكلم للأسف اللغة العربية الفصحى أفضل مني بطلاقة ودخلنا بهذا الخصوص وسألته كيف النظره لنا ولمعملتنا وووالخ وتكلم لي بالكثير وأذكر عن نفسه قال أول ما نويت أجي عندكم كأن الخوف هو المربك فقط وصدقني الكثير من الشعب الأميركي بوده الحضور لكن الخوف مسيطر عليه من مايسمى الأرهابيين والا بلادكم السعودية معروفة أنها منذ بداية عهد التسعينات وهي تشهد حضارة لا مثيل لها والرياض خاصة كلنا نعرف في أميركا أنها أخذت تقرع بالمنافسة أبواب عواصم العالم .

أنا أسف على الإطالة وتراني ذكرت لك هذا فقط للفخر بما نحن فيه من تقدم ولعدم الأخذ بكلام من قال أن حنا نركب جمل وحر وخيام وغيره هذا محدود التفكير والأعلام ماله دور فيما ذكرتي . وبعدين ترى أمريكا فيها خيم وما تفرق وفيه حر أشد من الحر اللي عندك .

ولكي تحياتي , , ,

ليش انتم تركبون سيارات؟؟

انا الى الحين البعير عند الباب واقف

وبيت عاشق جمبنا واقف عند بابهم الحمار حق سواقهم

انا مع ألأخ / طلال .... نعم لا ننسى ان هذا بالماضي يعني سنين طويله .

أتذكر قصة لأحد زملائي أنه كان متعطل بسيارته وهو مسافر من مدينة الى مدينة بأمريكا ووقف لمساعدتهم أحد ألأمريكان وسألهم عن الجنسية

قالو له ..... سعوديين ... ضحك الرجل من كل قلبه ورحب فيهم وأستضافهم بمزرعته القريبة وقال لهم تعشو حتى تنتهي سيارتكم ...وقال لهم ترى هذي المزرعة أشتريتها وأنا أعمل بالسعودية ولن أنسى ذلك ماحييت أنا أحب السعودية مثل حبي لبلدي .

تصدقون عشاهم وبيتهم عنده ... لا وبعد دفع حساب أصلاح السيارة من جيبه .

المهم هذا واحد من الاف اللذين عملو بالسعودية وهذا يخبر جيرانه وأصدقائة وألاف مثله وهلما جرى .

أنا أسف للأطالة ... عاشقة الهلال صادقة بكلامها ولكن بالسابق .......

أما الحاضر فقلة قليلة .

ايه والله بعضهم فيهم جهل مو طبيعي مايعرفون شي ،مو بس في امريكا.. لا حتى في اماكن غيرها

مره كنت داخله محل وسالني اللي يشتغل فيه طبعا هو ايطالي و.. قالي من وين..

من اسرائيل؟؟

انا بغيت اعطيه ذاك الطراااق اللي يخليه ينسى اسمه بس مسكت نفسي

قلت لامن السعوديه الرجال تنح مايدري وشي السعوديه

وزين بعد اذا كان يعرف باقي دول الخليج

هلا اخوي طلال..
انا ما قاعدة احلم او اتهيأ نفسيا..
كل الكلام اللي ذكرته صحيح وصار معي 100% الصيف الماضي..
ولا نستطيع ان ننكر ان لديهم فكرة جدا خاطئة عنا وعن المجتمع وعن الاسلام..
طبعا هناك اختلاف بين الان والسنوات الماضية انا لا انكر... لكن الى متى سيبقى اعلامنا لا يواكب حضارتنا.. يعني محلك سر...سواء الاعلام المرئي او المقروء...
الله يسلمك...
ومشكووور على المداخلة واحترمك رايك..


الاخ حساس..
المملكة العربية السعودية من الدول المتقدمة حاليا... وكلي فخر بمملكتي وما ذكرته لا ينقص من حبي لها وقدرها... لكن... اريد ان يرى العالم كله بوضوح ويتابع هذا التطور...وبالنسبة للاجرام والارهاب... اسمحلي اخوي اقولك ان المملكة تعتبر من اكثر الدول امانا..وقليلة الاجرام بالنسبة لعدد السكان...
وبالعكس اسمحلي اخالفك الراي ان للاعلام دور مهم.. وهناك اسباب اخرى ايضا...
اشكرك عل مداخلتك ... ويسعدني ردك..


فتى الذهب..
كنت اتمنى ان تشاركنا برايك...


J.A.J..
احترم وجهة نظرك..وانا لا اعم .. بل الغالبية اخي الكريم... لان هذا الشيء لمسته في عدة رحلات.. مع مختلف الجنسيات... والاعمار...
مشكووور على مشاركتك..
تحياتي..


هلا بالغالية ماركو...
صدقتي اختي... ومشكووورة على مشاركتك.. وماقصرتي...
تحياتي لكي وللجميع...

الأخت / عاشقة الهلال . . . ياهلا والله وغلا

أول أشكرك على ردك الكريم وتقبلك لردي في الموضوع . . .

وأما بخصوص موضوعك أنا ما أقول الا هذا العشم فيك وهذا غير مستغرب منك أنك تكونين فخورة بالمملكة لو ما يجييك الا انك تفتخرين بثاني قبله للمسلمين . وكثر الله من أمثالك في هذا الشي .

أما بخصوص الارهاب ياليت ترجعين للرد السابق أنا أقولك أنتي تنظرين بعين وحدة هي الرياض فقط هم ما ينظرون للارهاب بكون أنه في الرياض او في الكويت او سوريا هم ينظرون بنظره عامة لجميع الدول العربية أنها حاقده عليهم وان الارهابيين ينظمون حملات ضدهم وهذا طبعا بعد الاحداث اللي يسمعون عنها وانتي بعد يمكن تكونين عارفة هذه الاحداث مثل تفجير الخبر وشارع الثلاثين بالرياض ومثل مصر وما حصل فيها ومثل فلسطين وما يدور فيها من الانتحاريين ومثل..... الكثير من الاحداث خلت عندهم نوع من الخوف والا اذا عن المملكة فالحمد لله أنا وأنتي والكثير يكفي أنه ينوم وهو مرتاح يعني ما فيه شي يخاف منه .

وارجع أقول بأنهم عارفين زين أن حنا الحين متطوريين وفاهميين من بداية التسعينات 1990م تأكدي من هذا الشي ويمكن اللي تناقشتي معهم أثنين او ثلاثه من الجهلة أو من الإستهتاريين والا الكل يعرف التقدم اللي واصلين له .
وعندك أندونسيا مع انهم يشتغلون عندنا الا ان عندهم اسواق ومباني مهيب عندنا وعندهم بيوت جبلية تستغربيين وجودها وروعة تصاميمها مع اني ما قد رحت لكن من تطلعاتي عرفت ومن سؤال بعض اللي قد راحو لها .

وأما الاعلام صدقيني أعلامنا محسودين عليه صحيح ان حنا نطالب بتطوره لكن من نواحي فقط مثل نطالب بقناة رياضية خاصة وقناة للاطفال خاصة وووو لكن في نقل الاخبار لنا عادات وتقاليد ترفض ان حنا نصف مع قنوات اقل مسنوى منا بالخلق الاسلامي وبحضارة اسلامية الكل غاير منها وهذا رأئي شخصي طبعا ولو رجعتي لنفسك راح تأييدين كلامي هذا وتفهمين وش اقصد منه . وبسألك عن المطالبة بالاعلام أنه ينقل الصورة وبدون تعليق ضنك القناة الاولي والثانية الفضائية وشبكة اوربت وشبكة ال ار تي وال بي سي وال ال م بي سي والاندلس وووو قنوات مين ؟؟؟
ما تكفي انها تكون موصلة للي تبين انه تنقل الحضارة اللي حنا عليها والحمد لله اعتقد انها ومنذ زمن طويل وصلت الحضارة بالكامل اذا كان تقصدين الاعلام في انه هو الموصل للحضارة اللي حنا فيها.

واشكرك مرة ثانية على تقبلك للرد بصدر رحب . . . تحياتي ,,,

فعلاً هذا تصور الدول الغربيه عن المملكه

حتى اذكر بان شخص بريطاني يتكلم عربي ( والا انا ما في امل افهمه ) المهم كان يتكلم معنا يقول اول ما جاه عقد العمل في السعوديه كان يرفضه بشده لانه طان يسمع عن السعوديه بانها بدائية جداً وبانها صحراء وخياة وووو
المهم يقول حتى التقيت بشخص بريطاني سبق له الذهاب للسعوديه واكدلي بانها عكس ما تصورتها وفعلاً اخيراً جيت لها وعرفت بانها مضلوماً اعلامياً ورايت بانها مثل اي دوله متقدمه بها التطور والصناعه ووووو ... الخ






وهذا العيب منا ليه بدال ما يذبوحنا في القناة الثانيه مثلاً بالاغاني الوطنيه ؟؟؟؟؟ ليه ماتكون هنا برامج تعريفيه بالتطور في المملكه والصناعه مو باذنا في القناة الاولى كاننا جاهلين ديرتنا




تحياتي

اقول عاشقه وراكي مارسلتي لهم صور عن عماره العويضه الي في القصيم

كان يعرفون التقدم الي صار لنا