#1  
قديم 13/10/2005, 09:24 PM
زعيــم متواصــل
تاريخ التسجيل: 11/10/2004
مشاركات: 59
اخبار الهلال هاليومين

السلام عليكم ورحمه الله وبركاته
مساكم الله بالخير
كيف حالكم شباب ان شاء الله بخير
احبت انقل لكم بعض النقاط اللي اشوفها انا من وجهت نضري الخاصه والخاصه جدا واتمنى اشوف منكم ردود وتعليقات
1- تبرع منصور البلوي للهلال في صالح الهلال ياشباب اذا صار ابناء النادي واعضاء شرفه نفسهم ماتبرعو وجاك الخير ليه ترفض او تحتج واصلا لو فيها اي شى وان الفريق مو محتاج من جد ماااقبلها ابو سلطان.

2-سمعت اكثر من عضو واكثر من موضوع هاليومين وفي اكثر من صحيفه ان حسين عبدالغني بيوقع للهلال ليه عاد الهلال صحيح متاثر الى يومك من ايام خالد الرشيد(الله يذكره بالخير) لكن مع تواجد عبدالعزيز الخثران التاثر قليل جدا ويكاد لا يذكر وماشاء الله عليه الخثران مع ان خانته الاصليه اهي وسط يسار متقدم لكن مااااشاء الله عليه مبدع مره مره وفيه مضواح والجري ويجيبون عبدالغني والله لون عبالغني زي اول كان تقول ممكن لكن الولد مو زي اول وعمره كبير واصلا حتى لو زي اول مااعندك فراغ او نقص او ان الخانه اليسرى في الهلال ضعيفه لا الحمد لله وغير كذا الولد مشكلجي(انا اشوف انه ماراح ينفع الهلال لو جاء).

3- مدام احنا في الضهير الايسر اشوف اليوم وامس مواضيع كثيره وكبيره عن عبدالله غازي
وانه مااايعرف يلعب وانه وانه وانه ليه كل هالكلام ياعيال هاذي اول مباره يلعبها الولد غير كذا ترى عمره صغير مره وغير كذا مو لازم نحكم على اي احد انه سى او جيد من اول مباره احب اذكركم بخالد عزيز اول مباره لعبها واول موسم له مع الاساسي يويو كثيره المواضيع اللي تنتقده والله من جد كثيره وصبر الولد وتحمل الكلام اللي كان عنه وشفه الحين(ماشاء الله عليه)لا يكاد يخلو موضوع من مدح عزيز ماااشاء الله عليه لذا اقولكم ياخوان عبدالله غازي هاذي اول مباره ولازم نصبر عليه .

4-مشعل الموري لاعب كانت انطلاقته من الناشين الى الشباب الى الاول بسرعه الصاروخ (ماشاء الله) ومستوى كان اكثر من رائع ولكن اين هو الان للاسف اهو صحيح موجود الان لكن مستواه مو زي اول مره يعني اتوقع ان المدح الزايد من المواقع والصحف اهو اللي نقصت مستواه مع الاسف . اقرا اليوم في الجريده انه يسولون له موقع والله من جد غريبه معليش على السوال من يكون مشعل الموري عشان يسولون له موقع (خالد التيماوي وفيصل ابو اثنين ومحمد الدعيع ماااعندهم مواقع) والله صدقوني هاذي الاشياء موقع ومدح وثناء اذا جت مع بدايه الاعب واهو توه شاب والله يكبر راسه ويصير يتغير لعبه والله ترى انا ماااقول هكلام لاي شى لا والله من جد انا خايف على الاعب من جد انا خايف عليه وحتى بطوله الامير فيصل بن فهد مع انها بطوله لشباب الهلال ومع ذللك ماااالعب الا مباره او مبارتين واخر 5 دقايق بس (صدقوني من جد ماااقول ذا الكلام الا خوفا من الاعب انه ينغرويضيع)

5-ضغط اعلامي هاليومين على الشلهوب كل لاعب مو لازم يكون كل مباره توب الشلهوب مباره الهلال مع الاهلي صحيح ماااسوى شى يذكر لكن ترى وقتها كان توه داخل رمضان والاعبين اتوقع مااابعد تاقلمو مع جو رمضان المختلف تماما عن غيره من الاشهر وشفنا الشلهوب مع الاتفاق افضل وان شاء الله بيرجع زي اول واحسن ولا تستعجلون عليه.

6-العيساوي وليد العمودي اين هم الان؟؟؟؟؟؟؟؟؟؟؟؟؟؟؟؟؟؟؟؟

معليش اذا طولت عليكم وتاكدو ان كل كلمه قلتها نابعه من هلالي مخلص لناديه ويتمنى له لن يحصد جميع البطولات وان يكون مستوى لاعبيه واعضاء فريقه احس مستوى ولكم جزيل الشكر.



ودمتم
اضافة رد مع اقتباس
  #2  
قديم 13/10/2005, 11:04 PM
زعيــم مميــز
تاريخ التسجيل: 11/09/2005
المكان: الريـــاض
مشاركات: 5,201
-العيساوي وليد العمودي اين هم الان؟؟؟؟؟؟؟؟؟؟؟؟؟؟؟؟؟؟؟؟

من جد الهلال ينسق الاعبين المتميزين ويبقى الفاشلين أمثال الغامدي والهليل وغازي والمرشدجي وغيرهم الكثير
اضافة رد مع اقتباس
  #3  
قديم 13/10/2005, 11:32 PM
الصورة الرمزية الخاصة بـ عطــر الأمــاكن
مشرف سابق بمنتدى الجمهور الهلالي
تاريخ التسجيل: 24/04/2005
مشاركات: 13,275
كلامك جميل

وان شاء الله الشلهوب بيطور مستواه اكثر

واكييييييد ما نستعجل عليه

هذا الشلهوب......ما نقوى فراقه
اضافة رد مع اقتباس
  #4  
قديم 14/10/2005, 12:03 AM
زعيــم نشيــط
تاريخ التسجيل: 06/09/2005
المكان: Riyadh
مشاركات: 715
بالنسبة لتبرع منصور البلوي للهلال فصدقني أنه لو قبل فيا شماتة الإتحاديين فينا

أما بالنسبة لحسين عبدالغني فهو لاعب كبير ولن يناز عنه الأهلاويون والأخبار الصحفية هذي كاذبة

عبدالله غازي ابن اللاعب الهلالي السابق غازي سعيد أتوقع له مستقبل باهر و هو لاعب يجمع بين الدورين الدفاعي والهجومي وكان في تفكير من الإداره إنهم يعطونه لنادي الرائد لكن الحمد لله هونو في آخر لحضة

من ناحية المواقع الألكترونية للاعبين فصدقت ، شوف عبد الرحمن البيشي لاعب النصر ما نزل مستواه إلا بعد ما صلحوله موقع ، ومشعل مشكلته مشكلتين :
1- أنه يلعب في الحواري مما سبب له إصابه في الضهر لذلك ما بعد رجع لمستواه .
2- ألكسندر يلعبه راس حربه أو خلف المهاجمين وهو يفضل الجناااح .

أما الشلهوب فمشكلته إنه بطيء بدون كرة .


وليد العمودي نسق وهو الآن في الوحدة

أتمنى أكون أفدتك أخوي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:05 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube