تخرجت من الثنوي بمجموع مثل وجهي حينها قال ابوي والله ماتجلس بالسعودية ولا دقيقة المهم منا ومنا لقينا جامعة وفيها اختبار توفل في امريكا قلنا ياهادي نطاوع هالشايب المهم حجزت على الولاية وزهبت اموري ومشى الحال المهم ودعت الشباب والشلة والاهل الا ابوي كنت خايف منه المهم رحت انا واخوي وولد عمي للمطار المهم لابس بدلة شاريها من شارع الوزير وكرافيتة وجكيت ومتميلح من زين هالوجة المهم وانا في المطار دق الوالد على اخوي جوال قال له عطني محيميص قال سم قلت الو قال اسمع حتى ولاسلام ولاشئ قال اسمع اشوفك توطوط في الرياض ودربي دمجك بدون الشهادة قلت سم المهم واركب الطيارة والقا اثنين شياب سعوديين مرجج وطول الخط وانا طايح لة نكت واستهبا وتعرفون واحد متخرمتخرج من مدرسة اهلية لازم الانجلزي حقه يكون ماعلية لكن اخوكم قعد بها في مطار نيويورك شفت طابوري كله مصاروة معطبينها بالطيارةوانابصراحة استاحشت المهم وروح للانفورميشن واقول ميدها i wanna go to st.louis قالت ok follow me وتوديني لطابور كلة اسرائيلي والله اناخقيت واقول في نفسي يمة انا وش بلاني الله بة بعدين مشت اموري مثل الساعة ومشى الحال واروح الى st.louis بالطيارة واوصلها واخوك نص عفشة نساه في نيويورك واللة اني دجاجة لكن وسع صدرك المهم واروح اسال ابغى عنوان الجامعة وما احاد فاهم علي وش اقول والقي واحد اسود من ها nigaaaar واسالة وقام يقرق على راسي وانا تعبان ابي اخلص بس ومن ضمن كلامة قال you have to pay for that انا ماادري ويش يقول قلت ok ويشي قال الحقني وانا ادربي دمجتي معه وينصب علي ركبني باص يوقفك قدام المطار علشن تحتري باص ثاني يخمك يوم وصل قلت تمام وصلت مدينتي وقعد السواق يقول ميدي حول فيذا يجيك باص ويخمك اي نسيت اقولكم الشايب الاسود كم معط مني معط 20$ المهم قات وشو احول والله مااحول الا في كاربونديل قال اقول صرف نفسك لا اتمردس في بطنك قلتلة لاياخوك ماحصل شي وكل واحد يصلح موتره المهمواحتري لمدة 5ساعات ولااحدجاني وانقهر وارجع المطار كعابي وارمح للانفورميشن واقول اسمعي هيه انا ابي اروح كاربونديل كيف قالت وش يبيذا هو وجهه وانا كنت خرمان على زقارة لكن مهناش وقالتلي فية مكان اسمه بارت يودونك فيذاك قلت عادي احسبه بلاش يوم قالت45$ قلت ياليل الليل وش ذا الوهقة مع العلم ماكان معي غير 200 كاش والباقي شيكات سياحية والله وادفع وانطق عندها 3ساعات وقامت تقرق علي وانا والله مدري وش تقول تسبني تمدحني ماادري مااقول غيرyes and ok بس واحمدلله ويجي بارت ويوديني للمدينة ..



البقية بعدين ترى تعبت انا ماعند كيبورد عربي الله يخلي حق نسيج والحلقة القادمة تعرفون وش سوى محيميص عند وصولة المدينة ...



اخوكم اادجة الصغير محمد الراجح