هلا بالغالي ابوساره

اولاً نظام الدوري فاشل
يعتمد علي المربع والنهائي فقط
لوكان نقاط كان تشاهد الحظور الجماهيري يزداد مع حصر المنافسه علي الدوري

ومباراه الهلال والاتفاق
بتوقيت مباريات تصفيات كاس العالم
وانا وبالاستراحه ابناظر مباراه الهلال هواش انا والعيال علشانه واكيد صوتي كسب غصب عليهم
ابلشونا اللي يبي يناظر مباراه فرنسا واللي يبي يناظر البرتغال
ويقولون وشو الهلال مع انهم يشجعون الهلال
لكنهم طافين بالكورة العالمية ويدعون انهم يناظرون مباريات كبيره مع ان الهلال هو الافضل بدون منازع


انا من القصيم
المباريات الكبيره للهلال اللي في الرياض مابين الاتهاد والفقر والاهلي احظرها وكذلك الحاسمه ولله الحمد

وبي اعتقادي اغلبيه جماهير الهلال اللتي تحظر المباريات القوية او الحاسمه من خارج الرياض

والله شيء يقهر ..

أه لو أنا بالرياض ..

والتمارين ماتفوتني ..

أما أعضاء الشرف ..!!!!!!!!!!!!!!!!!!!

الف الف الف شكر يابو سارة والله كلامك درر

بصراحة جمهور الهلال غريب لما الفريق في عهد بن مساعد يتخبط وينهزم قلتو محنا حاضرين الملعب بسبب الهزايم والمستوى الباهت

لكن الغريب حاليا يفوز دايما والبطولات كل يوم تجي لكن الجمهور يستمر هجرانه نبي نعرف يا جمهور الهلال وش تبون بالضبط علشان تحضرووووووون ؟؟؟؟؟؟؟؟؟؟؟؟؟

كبير ياابو ساره


والله يعين ابو سلطان

ماشاء الله عليك ابو سارة مبدع وكلمه مبدع قليلة في حقك

والله اني امس نقصني الدعم المالي لان ماكان معي حق اللموزين والتذاكر فقلت لاخوي الصغير تروح معي للملعب وافق وراح يجيب من ابوي فلوس

وهذي قصتي دائم لازم القى احد يروح عشان اروح معه ولا لموزين والشكوى على الله 40 ريال فدوه للزعيم

اما بخصوص التمارين فانا كل يوم موجود ناشب لهم

والقهر صدق اني تاخرت امس قلت ان شاء الله ابلقى مكان لاني كنت متوقع الملعب مليان لكن للاسف كان الجمهور اي كلام

الله يعينك يابو سلطان وبس

يعطيك العافيه ابو ساره ...

بس انت خابر يا ابو ساره ان كل اداره هلاليه لها اعضاء شرف محددين يدعمونها اعتقد ان اي هلالي يكون عارف الشي هذا صح ان ابو سلطان حقق اشياء لاول مره تحدث بس ابو طبيع ما يغير طبعه


بالنسبه للجمهور احمد ربك انه يحضر لان الملاعب عندنا رايحه في عينها ابنو ملاعب فيها خدمات عامه ملاعب قريبه ادخل اشوف مباره انا اتمنى ان الهلال يبني ملعب خاص به وتقام عليه مباريات الهلال

اما قضيه ابو سلطان ذب في وجيهم الاستقاله انا شفت الاعضاء بدو يكتبون بكثره عن الموضوع هذا والحين انت يا ابو ساره وابو سلطان يدخل المنتدى ويقراء يعني مع وضعيته تبون تكبرونها في راسه

في النهايه ذهب من ذهب واتى من اتى سوف يبقى الهلال زعيم ونجما ساطعا باذن الله

[align=center]صدقت يا " أبو ســ ـ ـ ـ ـارة " ..

أعضاء الشرف تخلوا عن الهلال وهو في أمس الحاجة اليهم !!
تبرئوا منه انكروه تركوه و حيداً في أزمته ,,

الإجتماع و انتهى و الأزمة المادية مستمرة و أعضاء الشرف في سبات ..

الوليد بن طلال دعم مشكوراً الهلال و لكن الدعم ليس بحجم الأسم و لكنه يسمى دعم أفضل من الذين تخبئوا و أبتعدوا و حاولوا جاهدين الإختفاء من الأنظار حتى لا يسألوا عن أحوال الهلال ؟؟

بعد صفعة أعضاء الشرف وقف (( جمهور المنتديات و المقاهي )) و صرخوا في وجه الجميع نحن لها يا " أبـ ـ ـو سلطان " نحن واقفون معك داعمون لك !!
ولكن (( الكلام سهل جداً )) و (( الحضور صعب جداً ))

غريبون أنتم ايها الهلاليون بعد أن كان يضرب المثل فيكم بـ الوفاء لأزرقكم !
أصبحتم مثال الـ جفاء ,,
أين أنتم في لقاء الأمس فرمضان ليس بعذر ؟!
أين أنتم يا من وعدتم أبو سلطان بعدم الخذلان ؟!
الصراحه تعودنا عدم حضوركم إلا في المناسبات ...


السؤال: هل يستحق أبو سلطان هذا الجفاء ؟ هل يستحق الهلال البعد عنه ؟؟[/align]

يعطيك العـــافية ابو ســـارة على الموضوع المميـــز

في نقـطة حبيت أركز عليهـــا .. الي هي وعود أعضاء المنتدى .. صحيح يخرج من يقوووول


أنا سـأحضر ومعي 3 عيال عمي وخمسة عيال حرتنا ووو .... الخ ..

وأنت تتدري بأن ربــع أعضــاء المنتدي لايمثلون سوى 5% من الجمهور الهلالي الي يقدر بالملايين

يعني فية من أعضـاء المنتدى يوفي بوعدة ويحضـر

بس المشـكـلة من يقدر أن يوصـل الــكلام والمعـاناة التي تحصل لابو ســلطـان من أعضــاء الشرف

لمن يشجــعون الـــزعيم وهم لا يتـــابعون المنتدى ولايعرفون المنتدى ؟؟؟ !!!!

الى من يتابع الجرايد اليومية الى تعطي 50% صح والباقي الله بالخير ,,,,,,,,,,,,,,

مقالك ياابو سارة ذكرني بمقولة للامير بندر بن محمد ايام رئاسته للنادي


الامير بندر قال : اكثر شىء اخاف على الهلال منه الهلاليين انفسهم


وهذا بالضبط اللي صاير


مهما حاولوا الغوغائيين والتشاديين انهم ينالون من الهلال او يهدمون الهلال ماراح يقدرون


لكن لما نهدم بيتنا بانفسنا هذه بالفعل الكارثة


الشىء اللي لازم نستوعبه اننا بافعالنا هذه (اعضاء شرف وجمهور )

قاعدين نهدم هلالنا بيدينا

ونقدم اجمل خدمة للاعداء والمتربصين بنا

تحياتي لك ابوسارة وعساك على القوة

[align=center][QUOTE=سلام يا هلال]

إقتباس ابو ساره مع احترامي لك فانت كاتب كبير ورائع حقا ولكن اشك في حضورك للمباريات والا وش دراك عن زحمة الطرقات وجممهور المقاهي والمنتديات

الحين ياالشيخ هذا استنتاجك من المقال ؟!!

هذا كل اللي فهمته من الي كتبت ؟!!!


أوكي معقول أني ماقد رحت مقهى ؟ معقول يعني اكون ماقد تخلفت عن الحضور للملعب ؟

يااخي وببساطه.. ولد عمي يملك كوفي شوب في الرياض ..

هو ماله في الكورة .. لكن يقول :

والله مايملأ صالة العرض ويزيد ربحنا الا هلالكم !!

عندك مثلاُ مباراة الهلال والوحده العام الماضي .. خرجت من المعلب لظرف طاريء ..

في الطريق وانا راجع للبيت.. كل المقاهي ( فل ) .., مع ان الاستاد كان فاضي يومها !!!

يا الشيخ مباريات الهلال اللي تكون خارج الرياض أغلب ما أشوفها بالمقاهي ..

أشوف بعيني زحمة العالم واللي واقف يحتري مكان واللي يطلع مالقى له محل ..

أسأل نفسي وقتها: هذا الجمهور العاشق والمتابع وينه عن المدرج

عموماً أرجع واقول أهنيك على استنتاجك الفوري !!

إقتباس ولي تعليق اخر اننا سنحضر ولكن بشروط ؟؟؟ساكتبها في موضوع لاحق على حده

لا ياغالي وشو له تكلف على نفسك ماله داعي تحضر [/align]

الله يعين بو سلطان

اخــــي العزيـز .... ابـوسـارة ..............

غيـــاب اعضــــــاء الشــرف ......... والجمـــــاهير ... ليس وليـد ........

الامــــــس او اليــــوم ......... واسمحـــلي ان اقـــــول انــه الشــــيء ..........

الطبيعــــــي ...... الذي تعـــودنـــا عليــــه منــــذ سنــــــين .........

فجمــــاهير الهـــلال ... ( جمــــاهير منــــاسبـــات ) فقـــــــط .... ومنــــذ الازل .........

فــــي عــــــام 1416 هــ لعــــب الهـــلال نهـــائي البطـــولة العـــربية .........

امــــــام الترجــــي التونسي ....... وكـــــان جمـــوع الحـــاضرين للملــعب ............

ذاك المســـــــــاء مصـــدر فخـــر لنـــا كهـــلاليين الـــى يومنـــــا هـــذا ..........

بحمـــد اللـــه تحقـــق الفـــوز ....... بعـــد هـــذا النهـــائي بـــأسبـــوع ................

واحـــد فقـــط ( او اقـــل) الهـــلال يـــواجه الشبــــاب ........ في افتتـــــاح بطولــة.........

النخبــــة ........ في نفس الملعب ( استــاد المــلك فهــد) ....... عدد الحضــــور حــاز .........

عــلى لقـــب ( مخـــزي جـــدا) .......... والامثـــلة كثيـــــرة ...........

خــلاصــة القــــول ان خــــذلان اعضــــاء الشـــرف ( كمـــا تسميـــه) وغيـــاب الجمـــاهير ...........

طبيعـــي ... بــــل طبيعــــي جـــدا ........ ولكــــن سبـــب هـــذه الحـــرقة ..........

فـــي قلبــــي وقلبـــك ....... وقلــــب كـــل هـــلالـــي اصيــــــل .........

هــو ..... ان هــــذا الخــــذلان ......... تـــم بــــوجـــود رجـــل بقــــامــــــة ...............



ابـــــــــــــــــــو سـلطـــــــــــــــــــــــــــــــــــان


:sad: :sad: :sad: :sad: :sad: :sad:
........................................................................................

مشكور مشكور مشكور
وبالنسبة لأعضاء الشرف لو أتكلمت لبكرة ما حد حولك .
وبالنسبة للجمهور فجمهورنا جمهور نهائيات ...... ولا أقلك حتى نهائيات مو ذاك الزود

إقتباس ياغالي .. والله حالياً لا شفت تفاعل في موضوع يدعو للحضور .. وشفت ( الهياط ) على أصوله : اللي يقول : أنا وعشره من العيال .. واللي يقول : أنا واخوي وولد حارتنا ووولد خالي من الرضاع بنحضر !! أقول لا شفت هذا كله صدقني أتحطم لأني أدري أن الحضور بيكون مخجل .. جمهورنا للأسف ( منتدياتي ) فقط .. أما الفكاهه فـ عز الله أنه مابعد اليوم فكاهة

كلامك أخوي ابو ساره عين الصواب جماهير الهلال جماهير
منتدياتي
أنا ما أقول عن نفسي اني مرابط بالملعب اربع وعشرين ساعه ولاكن
نادرآ ما تكون هناك ظروف تمنعني من المجئ للملعب
وأن شاء الله يحس الجمهور شوي ويحضر مثل العام الماضي او اكثر