الأخ الغالي ابو ساره والله ما ألومك فالهلال يمر الان بظروف صعبه ومرحله حرجه
على طاري اعضاء الشرف فيه عضو ما ادري ليه ما احد يتلكلم عنه وهو الأمير سلطان بن محمد ,,,,, هذا الرجل ماشاء الله تبارك الله انا اجزم ان ثروته السنه هذي زادت كم مليار بسبب امتلاكه لغالبية شركة المراعي اضافه انه يملك غالبية شركة اسمنت اليمامه وهو رئيس الشركتين وانت شايف سوق الاسهم ما شاء الله فووووووووق هالايام يعني لو دعم النادي بكم مليون ما راح تفرق معه ,,,,,ولكن في وجهة نظري ان الاعلام لم يركز عليه اطلاقا ويليت الصحفيين الهلاليين يحاولون يوصلون للرجال وان شاء الله انه ما يقصر ,,,,,
أما الجمهور للأسف فلا حياة لمن تنادي ولقد أسمعت لو ناديت حيا ,,,, وانا اقول الميت في قبره يسمع واغلب جماهيرنا ما يسمعون ,,,, لكن عزاءنا انه لازال فيه هلاليين مخلصين يسافرون عشان يحضرون المباريات وما نقول الا الله يوفقهم ويكثر من أمثالهم ,,,,,
ختاما اقول لك يا ابو ساره وانا احس بالحزن في موضوعك على غير العاده صبر جميل والله يجيب الفرج من عنده ,,,,, والجمل اذا طاح تكثر سكاكينه ,,,,, ولا قدر الله لو ابو سلطان استقال الهلال بتلقاه يصارع فرق الوسط زي قبل العام ,,,,,,ولا يهمك هلال وزعيم الله يسلم فيصل بن سعود العام دعم ب43 مليون ريال هي الي جابت لنا البطولات بعد توفيق الله ,,,,, |