[align=center]بسم الله ..


أخباركم زعماء ؟؟



اكيد الكل شاف برنامج الغباء والتفاهه المدعو الفرسان

ياجماعه قاعدين يستهبلون علينا ؟؟

أنا أول شي يوم أشوف الدعايات ..

أقول وش ذا ..

طعوس وحركات .. لا بعد من زود الدلع لابسين خوذه

المهم أول حلقه تفاجأت ببرود جاااااااامد جدا من لمقدم

يبي يستهبل ولا يعرف ؟؟

يبي يسوي خفيف دم ويتكلم لغة عربيه فصحى ؟؟

أول حلقه

بشير غنيم وعبدالعزيز السكيرين

يعني تفاهه ما بعدها تفاهه

السكيرين يسوي نفسه نايم

واذا جاه السوال قام قال هاه وشو الحين بشير وين وصل ؟؟

يعني الظاهر والله اعلم ان سرواله ضيق

يعني بالله وش دخلك في بشير ؟؟؟

ولا بشير اشكره

نص كلامه ما فهمته

وذا المشتركين ودافعين دراهم .. ساكتين وماكلين كبر راسهم

المهم ما علينا منهم

جت الحلقه الثانيه

قلنا يمكن فيه تطور

ولا جايب لي سواريا <<< شايفهم يسوون شاورما بالبوفيه اللي جنبنا

ولك شو يازلمه .. بدك تجاوب ولا بجاوب ابلن مناك

ابلن مناك يعني قبلك

ولا الاسئله ..

منتهى السخافه وقمة الدلاخه ..

اجل سوال .. من منتج مسلسل الورعان افتح يا سمسم

بالله هذا سوال ؟؟؟؟؟؟؟؟

يعني سوري .. وسعودي فاق خشته مايدري وين الله حاطه فيه

يقوله افتح يا سمسم ؟؟؟؟؟؟؟؟؟؟؟

طيب تمشيها

ولا الاسئله الرياضيه هذي اللي ودك ما تسمعها ؟؟ يعني كلها عن المنتخب بس

اما الشي المضحك في هذا البرنامج

فهو الجمهور ..

جايبين ذوليك اللي مسوين دعاية (( كولا ))

ومقعدينهم

واللي قاهرني أنهم يشجعون كل الفريقين كيف ما ادري ؟؟؟؟؟؟؟

لا و الهبال الزايد يقومون يصفقون ويقولون اسود .. اسود .. هوه .. هوه

وييييييين جالسين

ع الهوا وهوه هوه

في ملعب قاعد ؟؟؟

والله وانا باولى ابتدائي احس ان ذي هوه هوه كانت غبار ..

فكيف الان عقب ما عجزنا صارت موضه

ولا الطامه الكبرى ..

والله ما تتوقعونها ..

أن التصوير بلبنان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ليش لبنان ؟؟؟؟؟؟؟

يعني وش فرقت عن الرياض ؟؟؟؟؟؟

في استديو .. وحاطينهم وسط كارتون .. ومعطينه طارة ويقولن تراك تسوق الحين ؟؟

طيب ليه ما تصير في الرياض ؟؟؟؟؟؟؟؟

والله انا ارتفع ضغطي من ذا البرنامج ..

حامد راحت موضته .. يعني 8 سنين كفى ووفى .. البرنامج في بدايته كان حلو ..

لكن تاليتها خرب .. ليه مدري ؟؟؟

أما أزين برنامج مسابقات .. برنامج (( حروف )) بالله من يذكره

غالب كامل .. الله يازين ذيك الايام .. معلومات ثقافيه مفيده .. مهوب الحين من منتج افتح يا سمسم

وكان الديكور بسيط وكل شي بسيط .. ومع ذلك البرنامج كذاا

أنا أقترح عدة مقترحات لتطوير ذا البرنامج .. لانه بالفعل يجب ان يكون هناك برنامج مسابقات
غير حقت سليمان العيدي ..

1- تقرشعون ذا المقدم اللي مدري وش يبي بالضبط .. وتجيبون واحد تكانه .. أقرب واحد سلمان المطيويع .. والله ياهو بيرج البرنامج رج ج ج ج
2- التصوير في الرياض ولا يكثر يعني لبنان وش ازين من الرياض في ايش ؟؟؟؟؟
3 - تشيلون الجمهور وتخلونه بدون جمهور أصرف ترى
4-تخلون البرنامج خفيف دم .. مهوب غباء مثل ذا البرنامج اللي ما ودي اقول اسمه .
اسف على الاطاله ..

قفله ..

بالله شفتوا المذيع وهو ماسك العلم قبل بداية الحلقه [/align]

لاتعليــق ..!!

مشكور على مروركـ

شباب أي واحد يدخل يقول هو معي ولا ضدي ..

ويبين الاسباب

والله صادق في كل ماقلته كل ماأشوف البرنامج ولا أسمع طاريه شوي وأسوي كذا

الادهى والامر يا اخي الكريم ان السؤال الموجه للمشاهدين في الحلقه الثالثه كان - بالمعنى - :


س / موقع سينمائي مهم اسمه بوليود الى اي الدول التاليه يتبع : 1 " الولايات المتحده " - 2 " الهند - 3 " ؟؟ "



الموقع الفني تابع للهند وخاص بالسينما الهنديه واذا زرته لن تشاهد فيه الا المنحطّات البغايا العرايا والصور الفاضحه المخجله ومع هذا يوصف بأنه مهم ويطرح اسمه على الجماهير في القناه السعوديه الاولى !!!


هذا عدا الغباء او الاستغباء الزائد في فكرة البرنامج وطريقة تقديمه وكل مايمت له بصله حتى المشاهدين !


رحم الله ايام " حروف " , ذاك البرنامج كان لا يفوتني .

[align=center]ماودي احش :p
اللهم اني صااائم
يمكن امر على موضوعك عقب الفطور

بس الصراحة انت كفيت و وفيت
وانصح الي ماشاف البرنامج انه لايشوفه

<<<< لسااانه يحكه وده يحش [/align]

[align=center]
والله توقعت البرنامج أكبر من كذا من دعاياته

والله كل اللي قلته صحيح

وأسلوبه وإخراجه ومقدمه والمشجعين وكل شيء فاشل مع إحترامي

حتى ألوان الفريقين لابسين أحمر وأسود بس السيارات أزرق وأحمر !!

ما أتوقع له الإستمرار

لا وحاطين فيه تصويت مع أن ما له أي أي فائده ولا أحد أستفاد منه بس لازم مصدر دخل ;) !!

وصحيح برنامج حروف كان ممتع وحماسي كان يجي العصر

سلام[/align]

مشكورين ع المرور ..

أما بالنسبه للاخ md2002

لا تستغرب من ذولي شي ..


يعني اسلوب وقح جدا

ولا ذا السبيكة المذيع يقول

سال الفريق الاحمر عن شي

وكان الجواب طماط

قام قال طماط يا طماط

يقولها بشكل مضحك هالمخور

ما يستحي على شيبته ؟؟؟

سلالالالالالام

الله الله على المشجعين التحف الله الله

قمة الابداع والامتاع

تلقى الواحد ياان شماغة مقاس 68 او 32 يعني مافيه وسط

والعقال ( بترقيق القاف ) من النوع المطاطي مقاس 59 والثوب من النوع الشوال<<<<<< طبعا هذي

يفهمونها الحريم

وياسلام سلم

وفكرة البرنامج مميزة وتعطي التشويق والامتاع

لا والضيوف وخفة الدم الله الله الله

والمقدم ( اللهم اني صائم ) بس عندي سؤال من وين جابوه

واما انه في بيروت فعلشان نشوف هالجمهور التحفة

عارفين انهم اذا قعدوا في الرياض راح يمتلي الاستديو من الجماهير <<<<<<<<<<<< قل قسم

وعلشان الامتاع والابداع <<<<<<<<<<< ممسكة على الابداع والامتاع

ولكن في النهاية مااقول الا الشرهه على اللي يتابع هالقناة

والشرهه على اللي يضيع وقته مع هيك برامج <<<<<<<<< نعطيهم جوهم

ولكن يبقى الاهم الابداع والامتاع


وعلى فكرة تراني من بداية رمضان ماشفت الا عشر دقائق من حلقة وحدة اجل لو اني شايفة كله

يووووووووووووه كان بنهبل من الابداع والامتاع


واللي يرحم البرامج الشريفة مثل حروف وسباق مع الساعة اللي تحس انها برامج للتسلية مهيب

برامج للسرقة

وابتزاز اموال الناس

اقول احمدو ربكم على النعمه

مشكورين ع المرور

واللهم لا شماته

ياخي وش رايكم في برنامج عالخط مع هشام اللي ع الال بي سي

مع اني ما اواطنه ذا الهشام

الا اني اجد فيه متعة وخفة دم

انا اقول ان كانوا يبون واحد عاقل يقدم البرنامج فمالكم الا المطيويع

وان كان رجه وهباااال يا مناحي ولا مرمر زماني

يعني يا فايز المالكي ولا محمد العيسى ..

اهم شي يغيرون ذا المقدم ..... رافع ضغطي هو ويا علمه قبل البرنامج

والله صادق ..

برنامج بايخ وموذيع ابيخ

برنامج مادي

مشكوووووووووووووووووووووووووووووووووووووووووووووووووووووووووووووووووووووووور