10/10/2005, 08:33 PM
|
| زعيــم متألــق | | تاريخ التسجيل: 21/04/2005 المكان: بجوار الزعيم
مشاركات: 1,012
| |
|
عندما تكون الاهانه من محمد بن فيصل وعندما يتحامق باكيتا
[align=center]بسم الله الرحمن الرحيم
طبعا لا جديد البطوله زرقاء والفرحه للجمهور الازرق والقهر لغيرنا ولحسادنا ويا كثرهم
ما راح اتكلم كثير عن المباراه لانها اكيد اخذت حيز كبير من التحليل والنقد من كثير من الاعضاء
وبصراحه مع انها مباراه نهائي لاصغر البطولات السعوديه الا انها كانت مثيره جدا جدا
الاهلي قدم مباراه كبيره بقياده الخطير المغربي العريف والهلال ساعد الاهلي على البروز
لان الهلال ما كان في يومه وبصراحه ما ينلامون الظروف كثيره ومعقوله على العموم الهلال استحق
البطوله والاهلي استحق التحيه والبطوله راحت للي يعرف لها .
يفاجئني باكيتا بعض المرات بحماقته
اجل يا ناس فيه مدرب عاقل يحط عبداللطيف الغنام في الاحتياط
اجل ياناس فيه مدرب عاقل يخلي ياسر في الملعب مع ان ياسر ما قدم ولا شي
لو قلنا في الاحتياط مافيه احديقدر يغطي مكان ياسر كان قلنا ماعليش
لكن فيه المزعج والخطيير الصويلح اللي لو نزل من بدري
كان تغيرت المباراة ويمكن كان انحسمت في الشوط الثاني .
تقسيم الملعب وما ادراك ما تقسيم الملعب
والله على كثر المباريات اللي شفتها في حياتي ماقد شفت تقسيم زي اللي عندنا
تشويه للملعب بكل ما تعنيه الكلمه من معني وظلم للفريق صاحب الشعبيه الاكبر في المدينه
التي تحتضن المباراة .
محمد بن فيصل والله نزلت راسي للارض الله يسامحك .
يا خوي والله لو معد ناخذ بطولات والله لو نقفل النادي بس ما يصرف علينا هالدب البلوي
يا رجال حرام عليك نادي كبير وعريق مثل الهلال وبالاخير يطلب تبرعات من البلوي واشكاله
يا ليتني ما قريت الجرايد اليوم والله نزلت راسي يابو سلطان الله يسامحك بس قبل في الموسم
الماضي يوم رحت تحي جمهور الاتحاد دافعت عنك وبقوه لاني قلت من باب الروح الرياضيه
مع ان الكثير من الهلاليين اعتبروها اهانه لهم وبصراحه كان معهم حق لان الواحد اذا بغى
يسوي معروف لازم يعرف الناس اللي يستاهلونه لكن خلاص هذا شي وراح اما اننا نقبل الدعم
المالي من البلوي لا والف لا . ما بقى غير هالاشكال بعد تدعم الزعيم . اعضاء الشرف كان لهم
دور بعد في غلطه ابو سلطان لانهم ما دعموا النادي لكن بصراحه ما ينلامون لانهم مو ملزمين
وكل اللي يدفعونه يعتبر تبرع منهم .
اتمنى اني ما اكون طولت واتمنى اني مازعلت احد على العموم اتمنى ابو سلطان ما يزعل مني
لان كل اللي قلته من غيرتي على الهلال .[/align] |
الوضع العادي
