بداية : شباب أبي كلمه غير مبروك , ترى الروتين أبدًا مهوب زين
يالله جونقرانشين نشين ((منتب عاقل يا i love hilal ))
المهم :
حركت تقريباً بنص صلاة التراويح , حركت للمعلب , وأنا ماشي , ومااش , بطني يمغصني ومير أصفط على اليمين ومالك إلا كودو صرفتها وأخذت مويه , وأخذت لكم مكالمه لسويسرا تحبها قلوبكم ;)
- وأنا ماشي للمعلب ألأ وذاك الكامرياللي فيه قاعدين يرقصون بالشارع عند ألاشاره , والناس تتّروح , قلت أنا يالله لاتخفس بنا
-وصلت الملعب , واخذنا اماكنّا وجلسنا نتابع المباراة
- دخل حماده ومعه أثنين شاقلين شي حسبته صحيفه المدرسه , طلع اللوحه اللي تكفل فيها سعد الجريد
- ويعلقونها , وخذ لك تصفيق
-دخل جبلي وصفقوا له الجماهير , وبادلهم التحيه , وجاء معيوف بعد دقيقتين , شكله أخذ مكالمه مثلي لسويسرا
-عقبها دخلت الكتيبه الهلاليه , عاد هنا بدى الشغل , وخذ لك تصفيق , والجمهور كله : ياسر ياسر ياسر , والولد ساحب علينا مسوي ثقل , يوم جاء الرابعه قلبوا عليه الجمهور قالوا: فاشل فاشل [ يمزحون تراهم ]
-عاد وبكل هالوقت أثر جمهور الاهلي قاععد يشجع وفريقهم له نص ساعه داخل وأنا مادريت عنهم صراحة , بس اللي شفته أن فيه واحد سغير عمره تقرياً 10 سنوات قاعد يدقق الكوره قدام الباب ويجيبها قول ويصفقون له , أحس أنهم ملحوسين ولاّ
- وبسم الله بدأت المباراه
-ربع ساعه ناريه حارقه كاويه وكل شي على ألاهلي , كل لاعب هلالي يقول جاء دوري أضيع فرصه
-عقبها المباراه أصبحت سجال , والمبُاراه على أشدها بس النتيجه ولا شي
-فيه كوره تفاريس حب يمزح مع الجمهور الهلالي , قام يسحب بالمهاجم ألاهلاوي , الظاهر أنه وليد الجيزاني , ووليد الجيزاني ماشاء لا الله الا الله , البوت حقه ( وأنتم بكرامه ) كبر قريح لابعد لونه أصفر , بعذر تفاريس قمطّ , فقولوا لتفاريس لاعاد يمزح واجد ;)
-الشلهوب , تحسّون أنه مدري وشو تحسون أن فيه شي شلهوب تكفى لايصير كل وقتك دوري ياباني , فيه شي أسمه تمرين
-الخثران , يابعدهم والله , لاعب مازد شفته مستواه منخفض ماشاء الله عليه , أوه شكلي نضلته , قولوا ماشاء الله , هذا أنا أقول ماشاء الله <--- مسوي يحتك بالبكر ;)
-جبلي , والله كلن يمدحه ألأ أنا يا أخوان أحس أنه قصير شوي , هو صح موهوب وعنده أمكانيات الحارس , لكنه قصير , بس ولو وش زود كاسياس
-فيه كم كوره بلعت العافيه ومازولا بعد !! خاصةً لاجاك الجيزاني هو ويا بوته وكلن يخاف منه , ولاغاب البس العب يافار <<-- البس = القطو مهوب البس ضد لاتلبس اللي جايه من اللبس
-كماتشو كبير كبير كبير
-الكُل طالب بنواف , بس ماش شكل المدرب متراهن هو ويا حرمته يقول أذا لعبت نواف الشوط ألاول ألاسبوع الجاي الغدا أنا اللي ابصلحه وغسيل المواعين بعد , لذلك منيب ملعبه
-كماتشو رفعها !! جووووووووووووول عنبر , الملعب ضج ودج بعد , خميت واحدن جمبي , مدري منهو , بس أكتشفت لو أنه بس لو يتروش كان يصير إكه والشماغ طاح بعد
-مامداني اشخص مره ثانيه بالشماغ عقب الهدف ألأول , ألا الله يصحله نواف جاب الثاني
- ياليل ابشخص مره ثانيه , يالله فدوتن لك يابو بندر :p
- يوم جاء الهدف الثاني , الا أشوف عبد الله البرقان داخل الملعب ونفس حالتي فاصخ شمااغه ولزوم يشخص مره ثانيه , ألا والضعيف يجاوب على خشته وأن دلّ على شيء دل على مدى أخلاصه للهلال [ محطة العافية يالبرقان مدامها من اجل الزعيم ]
-بعد شوي وجانا ابو سلطان أشر لنا بأصابعه أربع , يعني أربع بطولات , همن أصابعه ألاربع بقدرة قادر صارن خمس , وشوي صارن سبع , يعني باقي بطولات وتونا ريضين
-جاء أبو سلطان , وأبو مساعد , وأبو سلطان طلب من الجمهور أنهم يحيون أبو مساعد , وتستاهل والله
-الجبلي الله يقويه تشعبط بهالعارضه الله يهديه , أنا مدري وش لاقين فوق المرمى ؟
-سامي الجابر حضر المباراه , لكن بالزي الرسمي , ياحبي لك يابو عبدالله
-بعد التتويج أبو حقوي نشب لابو لما , يقوله أبو لما , بالله جيب اللعيبه عندنا , والظاهر أن أبو لما كشت به , بس الحقوي مازال مصر (( مصر مهيب سوريا مصر من الاصرار )) , وقال ياياسر بالله جيب الكاس والعيبه خلونا نشوفهم
بالله ياعيال بررب أبروح أشيك على المدخنه اللي بالمجلس , يقولون أن الهلال ماخلى شي !! عقب ماقضن الكيسان حوّل للمداخن
![أنتبهوا للمداخنكم !! [ مشاهدات من أرض الحدث ]](iconimages/t240073_rtl.gif)
))
, وأنا ماشي , ومااش , بطني يمغصني 
ومير أصفط على اليمين ومالك إلا كودو 
صرفتها وأخذت مويه , وأخذت لكم مكالمه لسويسرا تحبها قلوبكم ;) 
, وجاء معيوف بعد دقيقتين , شكله أخذ مكالمه مثلي لسويسرا 
, يوم جاء الرابعه قلبوا عليه الجمهور قالوا: فاشل فاشل 
, بس اللي شفته أن فيه واحد سغير عمره تقرياً 10 سنوات قاعد يدقق الكوره قدام الباب ويجيبها قول ويصفقون له , أحس أنهم ملحوسين ولاّ 
الوضع العادي
