أنتبهوا للمداخنكم !! [ مشاهدات من أرض الحدث ] [align=center] بداية : شباب أبي كلمه غير مبروك , ترى الروتين أبدًا مهوب زين :sleep: يالله جونقرانشين نشين ((منتب عاقل يا i love hilal :laugh: )) المهم : حركت تقريباً بنص صلاة التراويح , حركت للمعلب s13s , وأنا ماشي , ومااش , بطني يمغصني :confused: ومير أصفط على اليمين ومالك إلا كودو :D صرفتها وأخذت مويه , وأخذت لكم مكالمه لسويسرا تحبها قلوبكم ;) - وأنا ماشي للمعلب ألأ وذاك الكامرياللي فيه قاعدين يرقصون بالشارع عند ألاشاره , والناس تتّروح , قلت أنا يالله لاتخفس بنا :( -وصلت الملعب , واخذنا اماكنّا وجلسنا نتابع المباراة - دخل حماده ومعه أثنين شاقلين شي حسبته صحيفه المدرسه , طلع اللوحه اللي تكفل فيها سعد الجريد :razz: - ويعلقونها , وخذ لك تصفيق s13s -دخل جبلي وصفقوا له الجماهير , وبادلهم التحيه :) , وجاء معيوف بعد دقيقتين , شكله أخذ مكالمه مثلي لسويسرا :laugh: -عقبها دخلت الكتيبه الهلاليه s13s , عاد هنا بدى الشغل , وخذ لك تصفيق , والجمهور كله : ياسر ياسر ياسر , والولد ساحب علينا مسوي ثقل :upset: , يوم جاء الرابعه قلبوا عليه الجمهور قالوا: فاشل فاشل :razz: [ يمزحون تراهم ] -عاد وبكل هالوقت أثر جمهور الاهلي قاععد يشجع وفريقهم له نص ساعه داخل وأنا مادريت عنهم صراحة :rolleyes: , بس اللي شفته أن فيه واحد سغير عمره تقرياً 10 سنوات قاعد يدقق الكوره قدام الباب ويجيبها قول ويصفقون له , أحس أنهم ملحوسين ولاّ :rolleyes: - وبسم الله بدأت المباراه -ربع ساعه ناريه حارقه كاويه وكل شي على ألاهلي , كل لاعب هلالي يقول جاء دوري أضيع فرصه :confused: -عقبها المباراه أصبحت سجال , والمبُاراه على أشدها بس النتيجه ولا شي :sleep: -فيه كوره تفاريس حب يمزح مع الجمهور الهلالي :D , قام يسحب بالمهاجم ألاهلاوي , الظاهر أنه وليد الجيزاني , ووليد الجيزاني ماشاء لا الله الا الله , البوت حقه ( وأنتم بكرامه ) كبر قريح :D لابعد لونه أصفر , بعذر تفاريس قمطّ :D , فقولوا لتفاريس لاعاد يمزح واجد ;) -الشلهوب , تحسّون أنه مدري وشو :( تحسون أن فيه شي :( شلهوب تكفى لايصير كل وقتك دوري ياباني , فيه شي أسمه تمرين :D -الخثران , يابعدهم والله , لاعب مازد شفته مستواه منخفض ماشاء الله عليه :) , أوه شكلي نضلته , قولوا ماشاء الله , هذا أنا أقول ماشاء الله <--- مسوي يحتك بالبكر ;) -جبلي , والله كلن يمدحه ألأ أنا :( يا أخوان أحس أنه قصير شوي , هو صح موهوب وعنده أمكانيات الحارس , لكنه قصير , بس ولو وش زود كاسياس :sleep: -فيه كم كوره بلعت العافيه ومازولا بعد !! خاصةً لاجاك الجيزاني هو ويا بوته وكلن يخاف منه , ولاغاب البس العب يافار <<-- البس = القطو مهوب البس ضد لاتلبس اللي جايه من اللبس :rolleyes: -كماتشو كبير كبير كبير s60s -الكُل طالب بنواف , بس ماش شكل المدرب متراهن هو ويا حرمته يقول أذا لعبت نواف الشوط ألاول ألاسبوع الجاي الغدا أنا اللي ابصلحه وغسيل المواعين بعد , لذلك منيب ملعبه :( -كماتشو رفعها !! جووووووووووووول عنبر , الملعب ضج ودج بعد :D , خميت واحدن جمبي , مدري منهو , بس أكتشفت لو أنه بس لو يتروش كان يصير إكه s60s :D والشماغ طاح بعد -مامداني اشخص مره ثانيه بالشماغ عقب الهدف ألأول , ألا الله يصحله نواف جاب الثاني :D - ياليل ابشخص مره ثانيه , يالله فدوتن لك يابو بندر :p - يوم جاء الهدف الثاني , الا أشوف عبد الله البرقان داخل الملعب ونفس حالتي فاصخ شمااغه ولزوم يشخص مره ثانيه :D , ألا والضعيف يجاوب على خشته :( :( وأن دلّ على شيء دل على مدى أخلاصه للهلال :) [ محطة العافية يالبرقان مدامها من اجل الزعيم s60s ] -بعد شوي وجانا ابو سلطان أشر لنا بأصابعه أربع , يعني أربع بطولات , همن أصابعه ألاربع بقدرة قادر صارن خمس :D , وشوي صارن سبع , يعني باقي بطولات s13s وتونا ريضين :) -جاء أبو سلطان , وأبو مساعد , وأبو سلطان طلب من الجمهور أنهم يحيون أبو مساعد , وتستاهل والله :) -الجبلي الله يقويه تشعبط بهالعارضه الله يهديه , أنا مدري وش لاقين فوق المرمى ؟ :D -سامي الجابر حضر المباراه , لكن بالزي الرسمي , ياحبي لك يابو عبدالله :) -بعد التتويج أبو حقوي نشب لابو لما :D , يقوله أبو لما , بالله جيب اللعيبه عندنا , والظاهر أن أبو لما كشت به :D , بس الحقوي مازال مصر (( مصر مهيب سوريا مصر من الاصرار )) , وقال ياياسر بالله جيب الكاس والعيبه خلونا نشوفهم :rolleyes: بالله ياعيال بررب أبروح أشيك على المدخنه اللي بالمجلس :D , يقولون أن الهلال ماخلى شي !! عقب ماقضن الكيسان حوّل للمداخن :laugh: [/align] |
[align=center]اهليييييييين :) ويا عيني يا عيني بس على الرووووقة :) والف الف مبرووووك .. وهذا الهلال وعوايدة عودنا على الذهب .. وصرنا ما نرضى بغير الذهب :d سلمت يمينك يالغلا.. ولك مودتي اخوك صقووري[/align] |
تسلم يمينك وبصراحة اسلوبك رووووووووووووووووووووووووعه مو غريبه .. لانك زعيم وعلى دروب البطولات .. نلتقي اخوك..مشـــــــــــاري |
[align=center] هلا هلاوالله , هاه بشّر المدخنه عندكم ولا لا ;) [/align] |
:laugh: :D :D :D وجاء معيوف بعد دقيقتين , شكله أخذ مكالمه مثلي لسويسرا هههههههههههههههههههههههههههههههههههههههههههههه ههههههههههههههههههههههههههههههههههههههههه الله ياخذ ابليسك ظحكتني وانا صايم تذكرت كلمة خويي نفس الي قلته لا تصير هو بس وانا ما ادري |
s60s s60s s60s تعليقك عالى المباراة مرررره حلو مشكوور |
يعطيك 100000000000000 عفاية مشكور |
يارااااااااااااااااااايق :D يا ابو سويسرا الله يعطييك العاافيه علىى الموضووع الحلووووو s60s والف الف الف مبرووك البطوله والهلال منهو يطووووله s13s |
الله يعطيك العافيه |
راااااااااااااااااايق مشكور على الموضوع الرائع s60s |
تسلملي هل اليدين الي كتبت الكلام وألف مبرووووووووووك بالفوز بألكاس. s13s :D s13s |
هههههههههاااااااااااااااااااي طاش ما خلا فيك عقل |
مشكــورررر الله يعطيك العافيه عاد أهم شىء مكالمه سويسـرا :laugh: :D :D ههههههههههاي |
مشكوووور بس لو تكبر خطك |
تسلم ايديك خيوووو والف مبرووك على البطوله s13s |
الوقت المعتمد في المنتدى بتوقيت جرينتش +3.
الوقت الان » 06:27 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd