[align=center]الســلام عليــكم ورحمـــه اللــــه وبــركاتـــه
صبــآحكم عســل يــآعسل
الخميس الثالث من رمضان لعام الف واربع مائه وستة وعشروون للهجره <-- ياعزتي للي علمك عربي
مبرووووك عليكم الشهررررر وكل عام وانتم بصحه وعافيه وبخير <--- تلاحظووون صار محترم الولد
كيــف حــال القــوم هـذا اليـوم ؟ اطيبـون ام مـآذا <--رجعنــآ للغــه العـربيه يآخي لازم تثبت لهم انك من جنبها فيها
مالنا بالطويله
تعرفوون طبعا عدد سعه استاذ الملك فهد حوالي سبعين الى خمسه وسبعون الف متفرج <-- ارحمنا يابو لغه فكنا منها يرحم امك ما نعرف نقرىى
تذكرون مباراة المنتخب مع الكويت واوزباكستان الملعب فــــــل واغلبــه هلاليــن يعنــي لـول نقـول ان ستيـن الـف واحـد هـلالي
المهم
الملعـب الي بيلعــبون فيــه النهــائي مـآيشيـل عشـرين الـف يعنــي لـو يصمـلون ربعنــآ يملــون جـد جــده
وتــدرووون ان رئيسنــآ وحبـيب قلـوبنـآ زعـلان
( اذا الجمهور الهلالي مل من حضور المباريات فالاداره ملت من تقديم البطولات ) ياعيني عليك يابوسلطان سنايدي والله تبغون الجد شباب وهاذي ما فيها مزح والله كلامه قوي ومؤثر ياخي والله ماهي سهله علينا الجمله ذي لكن والله يابو سلطان ان تشووف الي يرضيك وابشر والله بسعدك اليوم وانت تعرف ان عندك ذيابه وما قلت الكلام ذا الا تبغاهم يفزووووون وابشرررر والله بسعدك والي بيرضيك وبيرضي الجمهور الهلالي اجمع
لا تشيل هم الحضور يابو سلطان واذا على التشيجع ولا يهمك معانا محل محال قولوا محال مافيه زعيم غير الهلال
كلنا اشتقنا للاعبين اشتقنا لبطوله اشتقنا لنواف وهويرفع الكاس واشتقنا لفاولات كوماتشو وسحبات الشلهوب وانشاء الله اليوم اهداف ياسر وراسيات تفاريس وخطوره الداهيه العنبر
احد يقدر يقول انه ماهو مشتاق لسامي صحيح ماهو لاعب اليوم بس احس اننا بنشووفه اليوووم
بالرغم اني اتمنى ان الصويلح يلعب اليوم وانشاء الله الكساندر بيحققها لنا مو لي لاني واثق ان فيه ناس يبغون الصاروخ يلعب
صحيح الي بيلعب مع الهلال اليوم يقولون انه الاهلي اهااا الاهلي الاتحاد النصر الشباب انشاء الله ريال مدريد يآعزتي للي بيحط راسه براس زعيمه وزعيمه يشوووف كاس محطوط بالمنصه
لا تقولون يبالغ يبالغ ذا خله يمد رجله على قد لحافه اقول شكلكم ما تعرفون الهلال الي اذا ما خلى بطوله الا وحطه بمخباه ( ما صار فريق ذا صار رامبوووو )
الوعد اليوم الخميس بعد صلاة التراويح انشاء الله الملعب بيكون فل قولوا تم يارياجيل
ياهلال نادتك البطوله ولبيت تستاهل الامجاد مجد ورى مجد
زعيم نصف الارض ياهلالي ياهلال من غيرك الي يستحق البطوله
قبل لا اطلع بغيت اقولكم شباب ترى زعيكم بحاجتكم <-- متآثر بالرومنسيه
اليووم انا بروح لبو هيثم وبمسكه من عند رقبته وبعطيه يوم اجازه يقفل القهوه علشان محد منكم يسعسع ويسووقها له
شباب ابغى منكم تسوون تفاعل كيميائي هلالي مع الموضوع بالردود <-- والله لو يسمعك مدرس الكيمياء ان تنطق عنده سنه ثانيه
يلا ياحبايب صياما مقبولا وافطارا شهيا
ما تشوووفووون شر وعقبال ما نتقابل بالليل ونحتفل جميعا
بايوٍوٍوٍ[/align]
الوضع العادي
