أقول اللي جوازه في مخباه ... وذابحه الطفش والملل يجي ...!!
 

السلام عليكم ورحمة الله وبركاته ...

مساء أو صباح الخير للجميع ...

*****************************

أقول بصراحة الله يعينكم على الحر والهم والطفش والملل والفراغ والخبال والعائلات :D ...

بصراحة صيفكم يملل :cool: ...

<-------------------- شديد في أمريكا حتة وحده :eek: ...

شباب أنا طفشت من أمريكا وراجع إنشاء الله هالأسبوعين بإذن الله للرياض ...

لأني إشتقت لها ((( طبعاً يوم واحد بس :D ))) ...

وهمن بعدها بدور أقرب طيارة توصلني للقريات وإذا مافيه الله يعين على طريف ;) ...

وإذا ما فيه الخطوط ما عندنا مانع :confused: ...

وش يعني 2000 كلم كلها حذفة حصاه :eek: ...

تبون الصدق اللي في مخباه دريهمات ووده يتمشى ويستانس ...

يترك عنه هالخرابيط السياحة الداخلية :rolleyes: ...

بلا جده غير بلا الطايف بلا أبها بلا بطيخ :p ...

طفشونا منهم كل شيء للعائلات حتى الأسواق هالحين للعائلات :confused: ...

قبل سنتين في جده غير ... صار لنا موقف ...

طبعاً طلعنا وكنا مقرشين يعني فسقانين من الدراهم :p ...

ونطلع قلنا اليوم ماسكه نسكن في درة العروس :cool: (( ما قلتلكم الدراهم واجد )) ...

ونمسك هالخطوط ونوصل للدرة على خير ...

بصراحة شيء خيالي أنا قمت أرتجف ماني مصدق :p ...

ويفاجأنا البواب قال ياشباب هنا عوائل فقط :confused: ...

قلت حسبي الله على بليسكم وكل هالمسافات والفلوس وتقول عوائل ...!!

قال أقول خلك رجال لأمحطك هنا ...

قلت خلاص أبشر لكن تكفا خلنا نشوف الدرة لو دقايق تراه حلم سنوات (( والله من النصب )) ...

قال خلاص باطلع معكم وناخذ لفة ونرجع قلنا أسلم يالذيب ...

وأخذنا اللفه خمس دقايق همن قال يالله اقلبوا خشتكم من هنا ...

قلنا تم ...

والساعة كانت 3 الفجر ...

وانا اللي أعصب قلت شباب أنا مسكت نسكن اليوم على البحر ...

قالوا براسك مشينا ...

قلت لا ولازم نسكن فندق 5 نجوم ...

قالوا هذي سهلة ...

ونجي للفنادق وكلها من يشوفون وجيهنا يقولون مافيه غرف :D ...

أنواع التصريف ...

ووصلنا لفندق الانتر والامل يطاردنا ...

والحمد لله وافقوا بعد اصرار طويل ...

قالوا لازم غرفتين قلنا ماهي مشكلة لأننا اربعة ...

قالوا ادفعوا اربعة الاف ريال تأمين وايجار ...!!!

قلنا خذ اربعة الاف ...

قال لازم الساعة 2 الظهر تتولكون على الله :( ...!!

والساعه هالحين 6 الفجر ...!!!

يعني كل الوقت نوم ...!!

ليه ...!!؟؟؟

قلنا أسمع يالحبيب تبي اربعة الاف نجلس اربع وعشرين ساعة والا بلاش ...!!

قال وين يا ابو الشباب انت وياه أنتم وجيه فنادق خمس نجوم روحوا للكرنتينا وتخب عليكم بعد :eek: ...

ونطلع قلنا يالله نلف على الشقق في البحر ...

وكل شقة نجيها نسمع الكلمة الرنانه للعوائل فقط ...!!

الله لا يبارك فيكم أنتم وشقككم ...!!

طيب وين نروح حنا نطب في البحر ونريحكم ...!!

قالوا أنتم أحرار ...!!

وبعد عناء طويل والساعة 10 الصباح ونحصل شقق وغرف على البحر في أبحر ...

وقال عوائل وكان الموجود على الكاونتر مصري ...

وطبعاً مصري ومقابل له سفر (( أنواع النصب أكيد )) ...

وأقوم أقرق معه من وين الأخ في مصر وقمت أتفلسف ...

وقمت ألمح بالبخشيش ...

وفي الأخير قال هات 300 ريال لي عن كل يوم ...!!

قلت تم ...

قال الشقة بـ 750 اليوم ...!!

قلنا تم ...

ونسكن ونجلس أسبوع ونص وكلها على نفس الروتين ...

بحر وقارب وخرطي ...!!

وفي الأخير ضاعت الدراهم على غير سنع :D ...

ومن بعدها بطلت أصيف في أي مدينة بالداخل ...

الصيف هالسنة إنشاء الله بيكون في دمشق ...

واللي بيخاويني يجهز جوازه ومشينا :D ...

<--------------- يفسد شعب كامل :p ...

ولكم تحياتي ...

أخوكم / سفر المرزوقي .

طلعت جواز اخس من قدك لا وامريكا والله تطورة :) والله انا والشباب رايحين علي تركياhttp://www.alzaeem.com/vb/images/smilies/cool.gif ;) تركيا كذا http://www.alzaeem.com/vb/images/icons/icon14.gif لا واسكن في فندق مرمرة يووووووه اقول ما فيه زي تركيا والله حركه اما اللي شديد ما يبي يدفع يروح الى جدة لالالا اقول يروح لسعوديه نبر تو اقصد (ماليزيا) وش رايكم

بلا سوريا بلا خرابيط الا تعاال عندنا يابعد حيي بحايل عندنا مهرجانات بدري على سوريا تسوي زيها
:D :D :D :D :D

:( :( :( تترك عمريكا :D :D :D وتروح لدمشق ترا يمدحون هالايام التسدح في الثمامه ;) ;) ;)

السلام عليكم ورحمة الله وبركاته
 

هلا والله بسفر....

انت شكلك ماتقدر على فراق فيصل على طول بتلحقه;)

سفر جهز سيارتك مالك الاهي مافيه حجوزات لا القريات ولاسوريا:mad:

فيه على لبنان الناس تاركينها على شانهم غلوا اسعار التذاكر روح للبنان واطلع لسوريامالك الاكذا او السياره:rolleyes:

بس اقولك مافيه احلى من الرياض لا امريكاولا سوريا(صحيح ان ودي بدمشق)
خلك بالرياض وتمشا مع اهلك وصر عائله:D

سفر لاتطول بسوريا وتترك الدراسه;)

سلملي على دمشق سفر وعلى شارع تشرين :)

تحياتي
هلاله

هلا و الله با الرحاله

ما عد خليت شى فى التاريخ لأبن بطوطه

شف الوضع اللى حنا فيه من ناحيه الجو عزالله انه دمار

الواحد ذا الايام تقول كأنه دجاجه فى شوايه

وترى الأخضر فى الدرج و الموتر مفلل بنزين

و دبر لنا اثنين ركاب معنا..... يوسعون الصدر.

تحياتى:cool:

والله ياسفر الروحه معك تنشرى ..... لكن وانا أخوك النصاب مايوافق نصاب :) , والمبروم مايلف على مبروم مثله ;) ,,,

علشان كذا خذلك كم واحد من الشباب تنصب عليهم وخل لي بعضهم علشان حتى أنا بعد يمشي سوقي :D ,,,

تخبر طفارى مع هالإجازه ويبيلنا نتعرف على كم من عضو قروشه زايده مثل ملك العشاق , والطفارى اللي مثل عاشق النمر هذولا نبي نسويلهم " بلوك " أو حظر :rolleyes: ,,,

الوعد إن قاله الله أغادير :cool: ,,,

تحياتي ,,,

انا بصراحه مقدر اسافر هاليومين ادور على وضيفه :(


فعاد اللي خابر وضيفة وزير شاغرة لا يبخل علينا يعلمنا عنها :cool:



ترى والله تعبت وانا ادو عن وضايف حتى وانا اتروش ادور
http://www.geocities.com/minwerg/pi/pi31.jpg


بس عجزت لا القى شي حتى مساعد وزير مالقيت :( :( :( :(

أقول اللي بيخاويني يرفع إصبعه :D ...

القطه 60000 ليرة سورية :p ...

هيمو حبيبي متى الدزة على كازا :cool: ...

حطني على المقعد اللي جنبك :eek: ...

وإلا أقولك نروح سوريا همن من هناك نروح كازا ومن ثم نرجع لسوريا همن الرياض :D ...

طالبك قل تم ...

ولكم تحياتي ...

أخوكم / سفر المرزوقي .

والله يابو هند مثل ماقلتلك الروحه معك لها شكل ثاني خاصة إذا سيرنا " سوا " على الحبايب :cool: ,,,

لكن طلعت الحين مشكله جديده :( ..... وشلون نروح مع بعض ونترك هالداجين لحالهم ؟؟ ,,,

الشغله ماتخارج ..... هذولا يبيلهم الواحد 24 ساعه مفتح عيونه عليهم ولا تراهم يبي يقلبون المنتدى ونلقى الفناجيل والطفايات منثره واللمبات مكسره .... هذا إذا ماسوو علينا إنقلاب ولقينا ملفاتنا عند الباب :mad: ,,,

مايبيلنا إلا إذا رجع الأول من السفر , سافر الثاني بعده ;) ,,,

ماهنا فكه يالداجين .... جالسين على قلوبكم لاتخافون :cool: ,,,

والله انا شرهت علي سفر علي هالموضوع وهالدعوه لان ترى مهوب كل واحد ينتخاوى ياسفر ومثل ماقال ابراهيموه نصاب مع نصاب مشكله وانت مثلك عارف مع اخينا راعي (( الوندي :) )) ...
انا اقترح كل واحد يروح لحاله عشان الواحد يعتمد علي نفسه مهوب شغل الاطخم رامبو يبي يقلبها بوابه من بوابات الحرم ...

وش رايك اذا عزمت قل لي وانا اعرف وين اواعدك انت وفيصلوه هو ووجه ....
وانت هالحين تعال همن سولف عن بعدين ....

<------- واحد قلب عليك ولاعرف

الحأني ( الحقني :D ) يا ابراهيم ...

فيه واحد من الادارة جاي لحارتنا ...

انا مش عارف هو عاوز ايه بالزبط ( بالضبط :D )

والله مادري وش يبي !! ,,,

وش رايك نبلغ الجوازات ؟؟ :D ,,,

طيب أقولك هيمو طلع الجندي عاشق النمر من السجن :D ...

خلاص طالبك سامحه في اليومين اللي سجنته عليها :cool: ...

ونادي بالجهاز لملك العشاق يجيب الدورية ويطلع مع عاشق يمسكون هالشخص المتهجم على حارتنا :D ...

http://d1d.net/1/arts/himo1/polic.gif



طلعنا الجندي عاشق النمر .... وعيونه فيها " غمص " ولا غسل وجهه ونادينا ملك العشاق بالجهاز , لكن قالولنا مافي ولا دوريه حاليا إلا الددسن الخاص بالطلبات وطبعا يبي يكون المقبوض عليه ورى بالحوض والجنديين قدام بالغماره , كما هو متعارف عليه :D ,,,