#1  
قديم 23/07/2001, 11:12 PM
زعيــم فعــال
تاريخ التسجيل: 12/04/2001
مشاركات: 307
Talking نقد عرابجه....؟؟؟؟؟

هذولا...خمس عرابجه..من عرابجة العصر السابق..يعني
تقريبا من عام 1978 ميلادي ...الظاهر الموافق عام 1425

الزبدة.,..ان ذا العرابجه تجمعوا..كل واحد بدا يحش
بخكاريه الجيل الحالي...

وانا بما أني كنت جالس معهم..لقطت بعض اللقطات من هذا
المشهد..

واحب انوه..انهم ..ذا العرابجه..كل واحد يقول بيت
شعر..ويبدون من حرف الألف..وبما انهم خمسة..يعني من
الألف الى حرف الجيم

يقول العربجي..عبدالكريم..الملقب بأبو
جلمبو..وراعي..الهايلكس..اللي صافط عند الباب....قال
بالخاكاريا مايلي..

ألف ألوف..من الخكاري بلونا *** ياشينهم بالسوق لا
قابلونا

مقلدين الغرب هم فشلونا *** كلامهم يشبه كلام الخوندات
(1)

(1) = الخوندات يعني الخواجات

اما العربجي..ذيب بن سرحان السلوقي..والمشهور بانتحاريته
..فيقول ويبدا بحرف الباء...:

والباء ..بلانا من بعض هالشباب*** اللي على الكوكتيل
والعز رابي

يصرخ الى من شاف حوله ذبابي ***ولامن مشى مشيه تقل فوق
يايات

الظاهر كل الكلمات واضحه .

العرجبي الثالث..هو طاحوس بن مسن المسحاتي..صاحب اول
جريه بسوق عتيقة عند افتتاحه ..بعد ان جلد اربع
باكستانيه...ويقول طاحوس..:

والتاء..ترى الخكري كثيره وصوفه***من ملبسه باين وملس
كفوفه

ودك ببياره سريع تلوفه(2)***يموت لو مايكشخ ويطرد بنيات

(2) = تلوفه ...يعني ترميه

العربجي الرابع..هو شاحوف بن شخف..ويتميز انه رومنسي
بالحيل..مايسمع الا اغاني مايكل جاكسون ..ويطبق حركة
الريوس وهو لابس زبيريات...ويقول شاحوف..:

والثاء.ثلاث انواع دايم عطوره ***ومقابل دش وفديو وكورة

مشروبه الدخان هذا بخوره***ولا قلت عيب يقول هذي موديلات


العربجي الخامس..واللي يكمل القصيدة المتناسقه..هو زايد
بن ناقص المقسم...ويعتبر اول عربجي ينجح بالرياضيات من
الدور الأول بصف سادس ابتدائي ليلي...ويقول زايد..:

والجيم..جسمه منشحط (3)من ثيابه***عقاله سخيف حشا
ماتهابه

يسمع ميوزيك مايحب الربابه***يحب دق العود معه الكامنجات


(3) = منشحط.. يعني منهري

وسلامتكم ...واحب اذكر..ان كل مايقوله هالعرابجه ..فهو
شي راجع لهم.



اضافة رد مع اقتباس
  #2  
قديم 23/07/2001, 11:22 PM
زعيــم جديــد
تاريخ التسجيل: 28/06/2001
مشاركات: 35
هاهاهاهاهاه

شكرا اخوي خالد على امسية هالعرابجة اثرهم مهوب سهلين والله
الله يعين وماقصرت .
وننتظر الجديد منك
اضافة رد مع اقتباس
  #3  
قديم 23/07/2001, 11:33 PM
عضو سابق بلجنة تطوير المجلس العام
تاريخ التسجيل: 17/01/2001
المكان: RIYADH
مشاركات: 2,282
مابقى الا ...... الحاء ....... ويتبعها ...... الخاء ؟

يعني أول حرف من أسمك اللي هو الأخير حرف ...... الخاء ...... ليتهم كملو الحروف :p



بس حلوة منك ياخالد .......... وتسلمممممممممممممم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:18 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube