#1  
قديم 03/10/2005, 12:28 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,241
Talking أمـ ـ ـ ـــس .. مـ ـ ـ ـــر و حلـ ـ ـ ــو >> عن المباراة <<

السلام عليكم ورحمة الله وبركاته


..


..


..


..



زملائي زميلاتي ..

فلذات الأكباد وبعد القلوب أنتم والله


اسمحوا لي أسرد مقتطفات من يوم أمس ... يوم الانتصار الهلالي

بسم الله نبدأ ..

بصراحة كنت محضر للمباراة من قبل بأسبوع ... وضارب حسابي الله لايعوق بحضرها ..


الوكاد اتفقت من صديق عزيز علي قلت له بنروح المباراة ونضرب المشوار 100 كيلو لعيون الزعيم ..


مع العلم انه نصراوي ... بس حاولت اخليه يعتنق الهلال بس الشكوى لله قال بترك النصر لانه ميلاني


المهم موب قصتنا خويي ...


وجاء يوم المباراة وأنا مسوي بروح أكسر الملعب قلت بروح من العصر


وامشي أنا وخويي ومسكنا الخط على السيارة <=== أكيد على السيارة أجل على هيلوكوبتر


وصلنا نص العصر ... الا والملعب مقفل !!!

والجماهير زحمة على الملعب بشكل ماتوقعته .. أغلبهم هلاليين فديتهم


قلت الله يعين على زحمة التذاكر متى بنشتري <=== على نياتي


المهم وأشوف واحد معه تذكرة واسأله بكل براءة ... من وين التذاكر ؟؟


قال لي ====>

قلت شلون ..؟؟؟ .... قال الله يخلف .... شطّبوا على التذاكر

يؤ ...ّ!!!!


شلون ندخل ..؟؟؟؟؟


وتشتغل السوق السوداء

وألقى واحد معه تذاكر كثار <===== قسم بالله وين الرقابة على مثل هال حركات


قلت يابو ... ثنين تذكرة لو سمحت

قال ايدك على 120

قلت عشرين بس ؟؟ ... يارخصكم


قال ... 100 + 20 = 120 يالدلخ ... التذكرة بـ 60

قلت لا لا يابو ... انا بحضر مباراة الهلال والحزم ... الميلان بدت من 3و نص مايمدينا عليها


قال ايه هذي تذاكر الهلال والحزم


بصراحة انقهرت ... قسم بالله ... تذكر بـ 60 ليه ؟؟


قسم بالله فيه تسيب وعدم رقابة وسوق سوداء قدام الملعب وقدام شباك التذاكر بعد ...


والغريب مافيه أي عقوبات ...


ولا فيه أي إجراءات لمثل هالحالات ...


المهم قلت 60 ريال تحلم بها .. موب عشان تغلى على الزعيم ... بس أطالع وجه اللي بيبيع وأقول حرام عليك ال60



قلت خلاص برجع مشواري ... وأشوفها بالبيت .... والشكوى لله ماباليد حيلة



وأنا راجع الا خويي يقول تعال شوي يمكن فيه تذاكر زيادة وش دراك ننتظر وش بيضرنا ...


عشر دقايق بس .... والجماهير تطمر السور ومن فوق البوابة ... بشكل قوي وعنيف


وعلى كبر البوابة ... الا انهم فتحوا فقط باب حق شخص واحد


المهم مع الزحمة قلت بدخل أشوف التذاكر داخل

وأدخل أنا وخويي داخل الملعب ... ادور اللي يبي التذاكر


يمين يسار ... وامسك واحد قلت له وين شباك التذاكر ... جلس يضحك نص ساعة




يقول أنت دخلت وخلاص وش تبي بالتذكرة ؟؟؟


قلت شلون .؟؟ ... يعني اروح امسك لي مكان استراتيجي وسط المدرجات ؟؟


قال ايه خلاص التذاكر من البوابة ياخذونها منك وانت دخلت خلاص


قلت الحق مايضيع ....


وأروح أنا وخويي نجلس بذاك المكان اللي يحبه قلبكم ...

شوي الجماهير تصير أكثر ...



وفجأة



أنا وسط الجماهير الحزماوية


ويوزعون أعلام رومانيا <=== الحزم

ورابطة الحزم تتكلم قسم بالله موب فاهم ولا كلمة

قلت لا يصير يشعوذ



قبل المباراة ماتبدأ ... صار فيه بكس عنيف شوي بين مشجع هلالي ومشجع حزماوي

ساعتين قضيتهن بين اتصالات على زملاء وسوالف مع خويي النصراوي نتجاذب أطراف الحديث



المهم بدت المباراة والشوط الأول ...


القحطاني ضايع .. الشلهوب مرة يسار مرة يمين بدون كورة واذا مسكها انقطعت منه...

كماتشو موب بمستواه ... خشونه من الغنام والمفرج ...

الخثران فاقد تركيزه بسبب الجماهير المتخلفة اللي في المدرجات ...

التمياط المفروض مايشارك بملاعب مثل هذي خوفا عليه من خشونة اللاعبين وسوء الارضية ..

مستوى هزيل جدا ... وتراقص الحزماويين بلاعبي الهلال ...

توجوه بهدف حزماوي ....



جماهير هلالية كانت بجنبي ... انقلبت حزماوية وصارت تتفاعل مع الحزم ..



لا جيتوا للحق .. انقهرت ... وارتفع ضغطي مثلي مثل اي هلالي ...


واللي كملها اتصال ضروري خلاني اترك المباراة بين الشوطين ...


كنت امشي رايح للسيارة ... ووسلم علي شايب معه ولده الصغير معه شال الهلال ...

الشايب يقول حرام مستوى الهلال على ثمن التذكرة اللي دفعت ..

قلت له حرام والله بس ترى المفروض مادفعت انت تساند الاشكال هذي اللي تستغل حب الجماهير للزعيم ..

وارجع لبريدة ... ولكن وأنا أطلع من الرس ..


وصلتني رسالة من شخص غـــالي جدا ودليل غلاته بشارة الخير مثله ...

يقول العنبر جاب التعادل

يابعد قلبي والله ابو عنبر ... قسم بالله بغيت ارجع لولا اني طلعت خلاص ..


المهم شوي ... وتوصلني رسالة من نفس الشخص فديته يقول ..

القحطاني أضاف الثاني

ياحبي لك يابو سعيد قسم بالله ناقد عليه الشوط الأول ورد علي بهدف الفوز


وانتهت المباراة وانا ماشفت الشوط الثاني ...

شوط الانتصار الهلالي


وحسبي الله على حظي


المهم أحب أبارك لكم بالفوز الغالي ... والثلاث نقاط ...



نقاط سريعة:

1- ظلم كبير للجماهير الهلال .. وتركهم ينتظرون خارج الملعب مع العلم اني وصلت ماشوف اي مشجع حزماوي ..

2- تعصب الجماهير النصراوية التي ساندت الحزم كان ماله أي داعي .. وبصراحة عقول فارغة .. وأكبر دليل شتم الجماهير الحاضرة في المدرج الحزماوي ... وشتم اللاعبين عبدالعزيز الخثران وياسر القحطاني بسبب حقد لا أعلم من وين لهم

3- سوء تنظيم بصراحة بالملعب ... وناس دفعوا حق تذاكر بـ 70 و60 ريال وبالاخير ناس مادفعت تدخل وأولهم أنا وصديقي .

4- بصراحة حضور هلالي كبير في المدرجات الهلال بحيث اتوقع مافيه اي فراغ بين شخص وشخص

5- احسن شي الرس كل شي فيها ببلاش

6- العنبر يوم عن يوم تزيد ثقتي فيه .. ويوم عن يوم يرد علي برد كبير ...

7- تمنيت اني كملت المباراة

9- باكيتا صاير يتخبط بغض النظر عن النتايج اللي يطلع بها ... القحطاني يبي له واحد جنبه

10- يازين خط الرس لاصرت مشغل أبو نورة






تحياتي لكم أبو ساري ... وألف مبروك مرة ثانية الثلاث نقاط

اخر تعديل كان بواسطة » ابوساري في يوم » 03/10/2005 عند الساعة » 12:47 PM
اضافة رد مع اقتباس
  #2  
قديم 03/10/2005, 12:38 PM
الصورة الرمزية الخاصة بـ البالون
زعيــم مميــز
تاريخ التسجيل: 11/08/2005
المكان: داجّ
مشاركات: 4,503
وش نهاية المباراة رجعت الرياض ولا نمت هناك
اضافة رد مع اقتباس
  #3  
قديم 03/10/2005, 12:51 PM
زعيــم فعــال
تاريخ التسجيل: 15/05/2005
المكان: شرقــــــــــاوي
مشاركات: 270
[align=center]قلت يابو ... ثنين تذكرة لو سمحت

قال ايدك على 120

قلت عشرين بس ؟؟ ... يارخصكم


هههههههههههههه
ههههههههههههههههههههههه

وقسم بالله إنك تحفه يا شيخ

امزززززح يابعدي


وبعدين انا اتصل علي خويي لمـّـا وصل الملعب

يقول اف اف اف انا موقـّـف والملعب على بعد (( كليو ))

يعني انواع المشي والهروله هههههههههههاي

وبعد المباراه ... اتصل علي يبارك وكذا ...

مستانس الولد ... شاف ابو سلطان وابو سعيد والشلهوب وخالد عزيز

والباقي يقول يتغلـّـون <<---- هع هع هع

المهم سألته شلون دخلت ..؟؟

قالي والله دفعت 60 ريال ... <<-- نفس حالتك

قلتله ليش يا .... (( مشفره )) هههههههههه

الناس من فوق السور وانت تدفع 60 .... يضحك الـ ... (( مشفره )) هههههههههه

مع وجهه جاي العصر ويبي تذاكر .. يارجـّـال الناس من الصبح تشتري وانت جاي العصريه تبي تذكره

ههههههههههههههههههههههههههههاي


ياحلوكم يا زعمـــاء وربي إنكم 100%


والحمد الله على كل حال

ومبـــروك الفـــوز ...

وعقبـــال النهائي ... الخميس يا حلـــوين [/align]
اضافة رد مع اقتباس
  #4  
قديم 03/10/2005, 01:06 PM
الصورة الرمزية الخاصة بـ أبو ميرا
مشرف منتدى الرياضه السعوديه
ومنتدى المنتخب السعودي
تاريخ التسجيل: 23/06/2004
المكان: الرس - القصيم
مشاركات: 5,037
الله يعطيك العافيه ابوساري
والله انا شريت تذكره ودخلت ببلاش :p
ابوساري انت دخلت من بوابة الحزم مو من بوابة الهلال
بوابة الهلال من الخلف ;)
وبالنسبه للجماهير والله زحمه الملعب على اخر درجه
وبالتوفيق للزعيم في المباريات القادمه
وانا التذكره للحين عندي بخليه عشان اذا جت مبارات الاتحاد احضره
<<<<<<<<<<<<متجهز من الحين لضرب محمد نوووور يقاروره على الطاير
اضافة رد مع اقتباس
  #5  
قديم 03/10/2005, 01:10 PM
زعيــم مميــز
تاريخ التسجيل: 06/02/2004
المكان: جــــــــــــــده
مشاركات: 5,914
تصدق قصتك حلوه

الله يرجك

لكن الشوط الاول الهلال كان مسيطر فيه مو الحزم

الحزم كان يلعب على المرتدات بس

ماكان فيه الا ابو عذاب

والباقي كلهم ورا النص حقهم "10"

وعلى العموم فرحتي لا تصدق بهدف ياسر

لاني جلست انطامر واقول باعلى صوتي ياسر جاب هدف
المشكله الهدف على الحزم مب على ريال مدريد

لكن انا كنت متوقع ان ياسر راح يجيب هدف من قبل المباراة

ومن يوم "قفز القناص لكرة التمياط الرائعه قلت هدف" يابعد عمري انتم

والعنبر ما شاء الله تعودت انه يجيب هدف على الاقل في المباراة الواحده

(الله لا يضره)

<<<<<تراك طولت


اسف على الاطاله

ومشكور اخوي ابو ساري على الموضوع الحلو
اضافة رد مع اقتباس
  #6  
قديم 03/10/2005, 01:38 PM
الصورة الرمزية الخاصة بـ الألـمـعـي
مشرف منتدى الجمهور الهلالي
تاريخ التسجيل: 04/09/2004
المكان: رجال ألمع - عسير
مشاركات: 9,258
رائع يارائع ولكن اللي اعرف ان المبارة تسعين دقيقة شوطين مي شوط لا يكون نسيت

ههههههههههههه

مبروك للزعيم
اضافة رد مع اقتباس
  #7  
قديم 03/10/2005, 01:54 PM
زعيــم مميــز
تاريخ التسجيل: 24/01/2004
المكان: الرياض
مشاركات: 1,618
الله يعطيك العافيه ابوساري
اضافة رد مع اقتباس
  #8  
قديم 03/10/2005, 02:31 PM
في انتظار تفعيل البريد من قبل العضو
تاريخ التسجيل: 06/02/2005
المكان: ᅔ K . s . A ᅔ
مشاركات: 229
ههههههههههه


يعطيك العافيه اخوي على موضوعك الحلو يا ( حلو ) << لا تصدق عاد


الحمد لله على الفوز ..

ايه وش قلت ابو نوره ( الأمـآكــن كلهـآ مشتـآقــه لك )



----

تحيــآتيّ
اضافة رد مع اقتباس
  #9  
قديم 03/10/2005, 02:38 PM
موقوف
تاريخ التسجيل: 11/01/2005
المكان: كوستاريكا
مشاركات: 107
ماشاء الله عليك يا ابو ساري

س: أنت دفعت حق التذاكر ولا دخلت ببلاش؟؟؟



ومبرووووووووووووووووووك الفوووووووووز






وعلى دروب الخير نلتقي
اضافة رد مع اقتباس
  #10  
قديم 03/10/2005, 03:49 PM
زعيــم نشيــط
تاريخ التسجيل: 24/09/2005
مشاركات: 947



اروح كشنة ياشيخ على مغامراتك

انت
اضافة رد مع اقتباس
  #11  
قديم 03/10/2005, 03:52 PM
زعيــم فعــال
تاريخ التسجيل: 16/02/2004
مشاركات: 478
مباراة ميلان وعلم رومانيا احلا لقطتين بالفلم





حمدالله على السلامه ومبروكـ الفوز
اضافة رد مع اقتباس
  #12  
قديم 03/10/2005, 04:03 PM
زعيــم مميــز
تاريخ التسجيل: 21/06/2004
مشاركات: 2,846
اجل كل شي في الرس بلاش ههههههههههههههههههههههههههههههههههههه

يعطيك العاافية ياغاالي ومبرووووووووك الفوز وعقبال البطولة الخميس ان شاء الله
اضافة رد مع اقتباس
  #13  
قديم 03/10/2005, 04:06 PM
زعيــم نشيــط
تاريخ التسجيل: 16/04/2004
المكان: الرياض
مشاركات: 630
إقتباس
ويوزعون أعلام رومانيا

إقتباس
ورابطة الحزم تتكلم قسم بالله موب فاهم ولا كلمة

قلت لا يصير يشعوذ

-
إقتباس
احسن شي الرس كل شي فيها ببلاش

تحف

يعطيك العافية حبيب قلبي
اضافة رد مع اقتباس
  #14  
قديم 03/10/2005, 04:34 PM
زعيــم متواصــل
تاريخ التسجيل: 28/10/2004
مشاركات: 181
مشكور
اضافة رد مع اقتباس
  #15  
قديم 03/10/2005, 04:47 PM
موقوف
تاريخ التسجيل: 28/01/2001
المكان: نادي الهــــــــــلال
مشاركات: 126
امسته اهم شيء

انا مثلك زحـــــــــــــمه مررررررررررررره بس كان معي مسدس و سكينه هههههههههههههههههه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:31 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube