نادي الهلال السعودي - شبكة الزعيم - الموقع الرسمي - أمـ ـ ـ ـــس .. مـ ـ ـ ـــر و حلـ ـ ـ ــو >> عن المباراة <<

السلام عليكم ورحمة الله وبركاته

..

..

..

..

زملائي زميلاتي .. :D

فلذات الأكباد وبعد القلوب أنتم والله :D

اسمحوا لي أسرد مقتطفات من يوم أمس ... يوم الانتصار الهلالي :D

بسم الله نبدأ .. :D

بصراحة كنت محضر للمباراة من قبل بأسبوع ... وضارب حسابي الله لايعوق بحضرها ..

الوكاد اتفقت من صديق عزيز علي قلت له بنروح المباراة ونضرب المشوار 100 كيلو لعيون الزعيم ..

مع العلم انه نصراوي :D ... بس حاولت اخليه يعتنق الهلال بس الشكوى لله قال بترك النصر لانه ميلاني :D

المهم موب قصتنا خويي ...

وجاء يوم المباراة وأنا مسوي بروح أكسر الملعب قلت بروح من العصر :D

وامشي أنا وخويي ومسكنا الخط على السيارة <=== أكيد على السيارة أجل على هيلوكوبتر :D

وصلنا نص العصر ... الا والملعب مقفل !!! :confused: :confused:

والجماهير زحمة على الملعب بشكل ماتوقعته .. أغلبهم هلاليين فديتهم :D

قلت الله يعين على زحمة التذاكر متى بنشتري <=== على نياتي :D

المهم وأشوف واحد معه تذكرة واسأله بكل براءة :D ... من وين التذاكر ؟؟ :confused:

قال لي ====> :D

قلت شلون ..؟؟؟ .... قال الله يخلف .... شطّبوا على التذاكر :D :D

يؤ ...ّ!!!!

شلون ندخل ..؟؟؟؟؟ :cry:

وتشتغل السوق السوداء :D

وألقى واحد معه تذاكر كثار :D <===== قسم بالله وين الرقابة على مثل هال حركات :nono:

قلت يابو ... ثنين تذكرة لو سمحت :D

قال ايدك على 120 :D

قلت عشرين بس ؟؟ ... يارخصكم :D

قال ... 100 + 20 = 120 يالدلخ ... التذكرة بـ 60 :D

قلت لا لا يابو ... انا بحضر مباراة الهلال والحزم ... الميلان بدت من 3و نص مايمدينا عليها :D

قال ايه هذي تذاكر الهلال والحزم :D

بصراحة انقهرت ... قسم بالله ... تذكر بـ 60 ليه ؟؟

قسم بالله فيه تسيب وعدم رقابة وسوق سوداء قدام الملعب وقدام شباك التذاكر بعد ...

والغريب مافيه أي عقوبات ...

ولا فيه أي إجراءات لمثل هالحالات ... :wallbash:

المهم قلت 60 ريال تحلم بها .. موب عشان تغلى على الزعيم ... بس أطالع وجه اللي بيبيع وأقول حرام عليك ال60 :)

قلت خلاص برجع مشواري ... وأشوفها بالبيت .... والشكوى لله ماباليد حيلة :)

وأنا راجع الا خويي يقول تعال شوي يمكن فيه تذاكر زيادة وش دراك ننتظر وش بيضرنا ...

عشر دقايق بس .... والجماهير تطمر السور ومن فوق البوابة ... بشكل قوي وعنيف :D

وعلى كبر البوابة ... الا انهم فتحوا فقط باب حق شخص واحد :D

المهم مع الزحمة قلت بدخل أشوف التذاكر داخل :D

وأدخل أنا وخويي داخل الملعب ... ادور اللي يبي التذاكر :D :D

يمين يسار ... وامسك واحد قلت له وين شباك التذاكر :D ... جلس يضحك نص ساعة :D

يقول أنت دخلت وخلاص وش تبي بالتذكرة ؟؟؟ :D

قلت شلون .؟؟ ... يعني اروح امسك لي مكان استراتيجي وسط المدرجات ؟؟

قال ايه خلاص التذاكر من البوابة ياخذونها منك وانت دخلت خلاص :D

قلت الحق مايضيع ....

وأروح أنا وخويي نجلس بذاك المكان اللي يحبه قلبكم ... s60s

شوي الجماهير تصير أكثر ...

وفجأة :D

أنا وسط الجماهير الحزماوية :D

ويوزعون أعلام رومانيا <=== الحزم :D

ورابطة الحزم تتكلم قسم بالله موب فاهم ولا كلمة :D :D

قلت لا يصير يشعوذ :D

قبل المباراة ماتبدأ ... صار فيه بكس عنيف شوي بين مشجع هلالي ومشجع حزماوي :D

ساعتين قضيتهن بين اتصالات على زملاء وسوالف مع خويي النصراوي نتجاذب أطراف الحديث :D

المهم بدت المباراة والشوط الأول ...

القحطاني ضايع .. الشلهوب مرة يسار مرة يمين بدون كورة واذا مسكها انقطعت منه...

كماتشو موب بمستواه ... خشونه من الغنام والمفرج ...

الخثران فاقد تركيزه بسبب الجماهير المتخلفة اللي في المدرجات ...

التمياط المفروض مايشارك بملاعب مثل هذي خوفا عليه من خشونة اللاعبين وسوء الارضية ..

مستوى هزيل جدا ... وتراقص الحزماويين بلاعبي الهلال ...

توجوه بهدف حزماوي ....

جماهير هلالية كانت بجنبي ... انقلبت حزماوية وصارت تتفاعل مع الحزم ..

لا جيتوا للحق .. انقهرت ... وارتفع ضغطي مثلي مثل اي هلالي ...

واللي كملها اتصال ضروري خلاني اترك المباراة بين الشوطين ...

كنت امشي رايح للسيارة ... ووسلم علي شايب معه ولده الصغير معه شال الهلال ...

الشايب يقول حرام مستوى الهلال على ثمن التذكرة اللي دفعت ..

قلت له حرام والله بس ترى المفروض مادفعت انت تساند الاشكال هذي اللي تستغل حب الجماهير للزعيم .. :)

وارجع لبريدة ... ولكن وأنا أطلع من الرس ..

وصلتني رسالة من شخص غـــالي جدا ودليل غلاته بشارة الخير مثله ...

يقول العنبر جاب التعادل s60s s60s

يابعد قلبي والله ابو عنبر ... قسم بالله بغيت ارجع لولا اني طلعت خلاص ..

المهم شوي ... وتوصلني رسالة من نفس الشخص فديته يقول ..

القحطاني أضاف الثاني s60s s13s

ياحبي لك يابو سعيد :D قسم بالله ناقد عليه الشوط الأول ورد علي بهدف الفوز s60s

وانتهت المباراة وانا ماشفت الشوط الثاني ...

شوط الانتصار الهلالي :)

وحسبي الله على حظي :D

المهم أحب أبارك لكم بالفوز الغالي ... والثلاث نقاط ... :D s13s

نقاط سريعة:

1- ظلم كبير للجماهير الهلال .. وتركهم ينتظرون خارج الملعب مع العلم اني وصلت ماشوف اي مشجع حزماوي ..

2- تعصب الجماهير النصراوية التي ساندت الحزم كان ماله أي داعي .. وبصراحة عقول فارغة .. وأكبر دليل شتم الجماهير الحاضرة في المدرج الحزماوي ... وشتم اللاعبين عبدالعزيز الخثران وياسر القحطاني بسبب حقد لا أعلم من وين لهم

3- سوء تنظيم بصراحة بالملعب ... وناس دفعوا حق تذاكر بـ 70 و60 ريال وبالاخير ناس مادفعت تدخل وأولهم أنا وصديقي .

4- بصراحة حضور هلالي كبير في المدرجات الهلال بحيث اتوقع مافيه اي فراغ بين شخص وشخص

5- احسن شي الرس كل شي فيها ببلاش :D

6- العنبر يوم عن يوم تزيد ثقتي فيه .. ويوم عن يوم يرد علي برد كبير ...

7- تمنيت اني كملت المباراة :)

9- باكيتا صاير يتخبط بغض النظر عن النتايج اللي يطلع بها :) ... القحطاني يبي له واحد جنبه :)

10- يازين خط الرس لاصرت مشغل أبو نورة :D

تحياتي لكم أبو ساري ... وألف مبروك مرة ثانية الثلاث نقاط