ابروي لكم قصة حقيقية وواقعة حدثت لواحد من أصاحبي ماتعرفونه أكيد...
المطلوب منكم قرأتها ورايكم مطلوب بعد ويهمني كثير ...
تقول القصيدة :

لــو تحـبّـيني بـلا شــــــــرط وقيود
................................. أو عـطـيـتيني ولــو بعض الـغـرام
كان اصير اسعد معذب في الـوجود
................................. وافـتـخـر بـك واعـتبر حبك وسـام
واقطف اجمل وازكى باقات الورود
.................................. ثم أقـدّمـهـا لـعـيونـك بــاحـتــرام
كانت أحـــلامي مدى مــاله حدود
.................................. مـــا يخالطها الألم هو ذا الـمرام
لـكن الـمـركـب تـعـرض لـلــّرعود
................................. والريـــاح العاصفة وامسى حطام
مــــا حفظتي لــلأسف ذيك العهود
................................. يـــوم انـــا وانتي وثـــالثنا الظلام
الـمـحـبه والــوفــــــا وقلبٍ ودود
................................. مني وانتي عــكــسها وفـعـلك كلام
أنـشـغل واحـرم عـيـوني من رقود
................................ لــــو تـغـّـيبتي ولا أبغى الـطــــعام
واسألك " وينك؟ " تجيبيني ببرود
................................ " قصدي أثقل واختبر صبرك تمام "
صـبـري لـجلك واصـلٍ حـده وزود
................................ والفراق اصبح ضروري لي وهـام
جتني اخـبـارك تـحــبـيـن الــنـقود
................................ والهدايـــــا والـمــظـاهر بـــاهتمام
هــذا وصـّـلـنا لــدربٍ بـه ســدود
............................... حــــــــــاجزه تمنعنا نـتـقدم أمــــــام
مــــا اظـن حـبـي مقدر له خـلـود
............................... دامــك انتي مــــاعـطـيتيني الـغـرام

وسلامتكم
نواف الصالح;)

اخوي العزيز نواف الصالح ...صح لسانك ...قصيدة ممتازة ...عطنا من اشعارك ياشاعرنا ;)

للامــــــام دائماً

( ( ( وما خفي كأن أعظم ) ) )

هلا وغلا أخوي نواف صح السانك . . . على الكلام ونبي أكثر من القصايد في المستقل .


@@@ أثرك شاعر . . . وأنا أخر من يعلم ؟


تحياتي لك أخوي نواف , , ,

الأخوان الإعزاء
جابر عثرات الهلال : هذا من طيب نفسك طال عمرك.
حساس : أبشر باللي يسرّك ياوجه الخير.
وعلى فكرة ترى القصيدة قصتها حقيقية 100% وخالية من الإضافات

صح لسانك ..
والله القصيدة حلوة ...

صديقي العزيز MR.WOLF
شكراً لك أخوي.
وصدقوني كلماتكم الحلوة هذي ترفع معنوياتي كثير.