القمه الاوربيه ,,,انتهت تعادليه,,,ليفربول Vs تشلسي (( تحـــلـــيل)) - صفحة رقم 2 - نادي الهلال السعودي - شبكة الزعيم

عاشـــــــ سامي ـــق · #16 30/09/2005, 02:47 AM

تحليل راااااااااااااااااااائع

و بالتوفيق للمــــان

بعد البارسا طبعا

و بعدهم الليفر .. هع ..

الهلالي عزوز · #17 30/09/2005, 04:12 AM

مشكورين عللى التحليل

اخوي ابو حنفي انت ماعندك اذا انهزم او تعادل فريقك بس تلوم التحكيم ياشيخ خلاص تحكيم تحكيم انا بصراحه ماشفت المبارات بس مب معقوله فريقك دايم يتعرض للظلم التحكيمي الدائم قل الحظ ماساعدنا قل اي شي خلك من التحكيم كانك عبدالرحمن بن سعود رحمة الله عليه

يعني بتقنعني ان الليفر ماجا عليه هجمات شوي خلك منصف عاد واترك عنك الميول شوي

مشكورين....

ليفربولي · #18 30/09/2005, 04:32 AM

LA T3LEG

JUVENTIS OF ENGLEND

ابو حنفي · #19 30/09/2005, 04:39 AM

[align=center]

إقتباس


	اخوي ابو حنفي انت ماعندك اذا انهزم او تعادل فريقك بس تلوم التحكيم ياشيخ خلاص تحكيم تحكيم انا بصراحه ماشفت المبارات بس مب معقوله فريقك دايم يتعرض للظلم التحكيمي الدائم قل الحظ ماساعدنا قل اي شي خلك من التحكيم كانك عبدالرحمن بن سعود رحمة الله عليه

اولا اسمها مباراة مهوب مبارات ...
ثانيا كل هالكلام علي وعلى رأيي بحكم اللقاء بالرغم انك ماشفت المباراة .. كيف لو شفتها اجل

ثالثا معقوله ونص ياحبيبي لنا عيون ونشوف فيها التحكيم ونحكم عليه .. ولا تروح بعيد شف رد الغالي اسير الزعيم الي اعتقد انه ( شاف المباراة

) وهو من مشجعي تشلسي وقال ان لابطال اوربا ضربة جزاء على اقل تقدير لم يحتسبها الحكم

إقتباس


	يعني بتقنعني ان الليفر ماجا عليه هجمات شوي خلك منصف عاد واترك عنك الميول شوي

مافهمت وش تقصد بـ(يعني بتقنعني ان الليفر ماجا عليه هجمات) .. ليش هل انا قايل ان مالهم هجمات ؟؟

والحمد لله مهوب انا الي يحكم بسبب الميول ولو كانت ضربات الجزاء لتشلسي ولم تحتسب ماراح انكرها !![/align]

أسيــ الزعيم ــر · #20 30/09/2005, 01:48 PM

[align=center]السلام عليكم

إقتباس


	طيب حتى لو اغفلنا اللمس المتعمد للكره ليش ما يحسبها الحكم على مسك جالاس لهيبيا

هلابك ياابورغد .. يقال لك صدتني اللحين الله يهديك

.. يااخي ماسكه مو بالمعنى اللي انت
فاهمه مسك وشد ومن هالكلام ماسكه مسك طبيعي .. طبيعي ماتعبر صح عن المسك لكن هو
التعبير اللي لقيته في بالي اللحين .. وارجع وشف اللقطة .. وعلى العموم ياشباب الآن هو اليوم
الثاني بعد المباراة وباقين يومين على المباراة الجاية فكونا من هذي اللحين لأن الكلام فيها لاراح
يودي ولايجيب بعد .. وخلونا نركز على الثانية << لامبارد

تحياتي للجميع ؛ ؛ ؛[/align]

G E R R A R D · #21 30/09/2005, 04:46 PM

[align=center]السلام عليكم

بالنسبة للنقاش الدائر حول ضربات الجزاء والتحكيم انا منب داخل فيه

لانه رايي واضح وقلته من قبل

لليفربول ضربتي جزاء

الاولى على ديديه دروجبا عندما اعاق سامي هيبيا داخل المنطقه (وهذي ماعليها كلام وحتى عشاق تشلسي المتعصبين رأو ذلك)

والثانيه لمسه اليد لجالاس داخل المنطقه ( وهذي تقديريه اختلف الناس على احتسابها)

إقتباس


	عندي ملاحظه بس لاخواني مشجعي الحمر لاني اشوف العاطفه اخذتهم بعيد شوي وانجرفوا مع تيار اوين ونيوكاسل

ابو رغد,, انا ماقصدت مهاجم معين ,,,انا قصدي اي مخلص للهجمات سواء اوين او غيره ممن ينهون الهجمات بشكل جيد

لانه كروتش ليس ذلك المنهي ولا حتى سيسيه ,,مافيه الا ناندو وهذا الاخير مستواه منحدر في الفترة الاخيرة[/align]

world sport · #22 30/09/2005, 05:39 PM

مشكووووووووووووووووور

أبكـي حـال الزعيـم · #23 30/09/2005, 07:47 PM

الــف شكــر

وقهــر والله..فريق يلعــب بخطة دفاعيــه ..وفريق يبدع في الهــجوم

تشلسي افضل فريق في العالم يلعب خطه دفاعيه ويفوز فيــها..

استغرب مورينهو ...واتعجب من فلسفته..التدريبيه..!!

يملك افضل اللاعبين ويلعب بخطه دفاعيه..؟؟؟

عجبـــي..!

بالتوفيق لليفر في المباريات المقبله

G E R R A R D · #24 30/09/2005, 08:39 PM

[align=center]مشكورين على المرور

..
.[/align]