نـــــــ15ــــــمر الي هو انا يعود اليكم من جديد ويكلمكم من خلف القضبان
السلام عليكم ورحمه الله وبركاته
اخبار الشباب والصبايا والله اني مشتاق لكم ومشتاق لاخوياي القدامىالي في المنتدى بس تبون الحق انا مقصر
وانتم بعد مقصرين
اقل شيء واحد يرسلي على الخاص ويقولي وينك؟؟؟؟
بس نمشيها هالمره
انا يا شباب والحمد لله قدر الله علي اني ادخل جامعه البترول ((السجن))
فيوم دخلتها قطعت عن النت وعن الماسنجر وعن كل شيء حتى اهلي اشوفهم يوم الخميس بس ولا الاسبوع هذا ما ني رايح للرياض
زهقت مسكت خطوط توني شارس سياره ما كملت اسبوعين ومشيت فيها 2400 كم
بسم الله ابدا واقص معاناتي لاول 3 اسابيع
اول شيء انا كنت توني راجع من ما ليزيا انا وواحد من اخوياي يعني عزاب بس عاقلين ولله الحمد
رجعت ويوم اشوف التاريخ الا ولازم ادز الشرقيه علشان اكمل باقي اجراءات القبول وبعدها بيوم تبدا الدراسه وجتني حاله نفسيه بايخه مدري وش تبي
ويالله اخلص اغراضي والم عفشي وندز بالطياره من الرياض الى الدمام (للمعلوميه حنا 3 اشخاصولا معنا سياره وقتها
) ويوم وصلنا ويجون التكاسي واركب مع واحد ويوديني فندق القصيبي
ونمنا ليله ويوم قمنا الصبح رحنا جامعه البترول عن طريق تكسي الفندق واحلى ما فيه انه كراون فكتوريا مب كامري مكتوب عليها اجره
والله وينزلنا مكان غلط بعيد عن المكان الي مفروض ننزل فيه والتكسي طبعا مشا وبعدها رحنا رجليه في ذا الحر ومشينا تقريبا 10 منتس(منت=دقيقه) ويوم وصلنا ولله الحمد قدمنا اوراقنا وخلصنا ورحنا نستلم السكن حق الجامعه ورحنا متاملين انه زين ......................الخ
ويوم جينا نستلم المفاتيح لقيناها بظرف صغير فرحنا وقلنا ابوابهم بكروت
قلنا نظامهم نضام فنادق
ويوم استلمنا الضرف الا وهو مفتاح لا وبدون مداليه ؟؟
قلنا مو مشكله ونروح وندور الغرفه التي وهي (اللاينات))
ويوم شفناه من بعيد وتضيق صدورنا قلنا مو مشكله يمكن الغرف حلوه
وندخل الغرف الا والله يكرمكم زباله حاطين بلاط حمامات وحاطين خشبتين يقولون انها دولاب وسرير
وذاك اليوم طلعنا من الغرفه وضايقه صدورنا ورحنا ورجعنا للفندق ونمنا ليله ثانيه
عاد ذاك اليوم ودي قسم بالله اصيح من القهر ودي ارجرع لامي حبيبتي
ونجي ثاني بوم قلنا بنستاجر شقه لاكن صارت اول مشكله والي هي اني ما اطلع الى الساعه 5 العصر من المحاظرات فقلنا الشقه ما تظبط لاننا ما راح نذاكر
فرجعنا للغرفه حقت اللاينات وقعدنا نناضر فيها شوي وبعدين فررنا نستاجر سياره فرحنا واستاجرنا اكسنت (ويييييييييييييييييييييييييييييييوه وقلبنا طعوس) وبعديها دزينا محل حق موكيت وشرينا موكيت وركبوه لنا
وقررنا مشروع ثلاجه وتلفزيون
............................................................................................
يتبع في الحلقه القادمه