بدون زعل طقم الاتهاد حق التمرين احسن من طقم الزعيم.. بغنا ست نجمات مالقينا شعار؟ - نادي الهلال السعودي - شبكة الزعيم

زعيم شامخ · #1 27/09/2005, 03:08 AM

السلام عليكم ورحمة الله وبركاته

اخواني الزعماء

بصراحه وبدون زعل الادارة الهلاليه ظلمة الزعيم بطقم اديداس

والتخطيط الاقتصادي السئ الي كل سنه مر اقرب محل من محلات الفالح والا غرناطه والا اديداس واشتري طقم والعبه

والا كل سنه وقع مع شركه لبس ومر اقرب خياط وحط دعايه تاخذ نص الفانيله لشركة الفلانيه يعني مانقدر نوقع عقد مع شركة لمدة خمس سنوات زي الاتهاد

[align=center]اررررحمونا خلو لنا شكل ورونق خاص فينا [/align]

تعلموا من العين شفوا لبسهم

كيف خاص يبهم وغير كذا لو حبو يغيرو الطقم يغيرونه للافضل ومن نفس الشركه ولا بعد عندهم طقم لون ثالث غير البنفسج والابيض يعني زي الانديه العالميه

والا اقولكم لاتروحون بعيد شف لبس الاتهاد كل سنه يتجدد

ومع نفس الشركه حتى الدعايه تطبع من الشركه نفسها والدعايه ثايبته
وانا اقسم بالله

يا لبس التمرين حق الاتهاد انه احسن مية مررره من طقم الزعيم الاولمبي في كاس فيصل

ياسمو الامير نرجو منكم الحفاظ حق الزعيم بوضع الست نجوم فوق الشعار واختيار طقم مميز للهلال
على الاقل اذا مو خاص فينا شف طقم زي ريال مدريد اما حق الاولمبي يرحم والديك فكنا منه

[align=center]خاتمه[/align]
انظروا الي طقم تشلسي والا طقم شالكه الالماني ستعرفون الفرق في هيبة النادي

عاشقه الهلال موت · #2 27/09/2005, 03:48 AM

ههههههههههههههههههههههههه الهلال يفكر بالبطولات ما يفكر بالطقم حنا بناخذ بطولات وبس

عزوز الحامد · #3 27/09/2005, 04:03 AM

والله كلامك جد
نبي لبس يفتح النفس
ويجبرك على المتابعة

andhoy10 · #4 27/09/2005, 04:07 AM

ما تبون مراييل بعد؟

مدرسة بنات حنا ولا ويييييييين

اهم شي عندي انا ان الهلال يلعب ويجيب بطولات حتى لو بفانيلة علاقي

عاشق الزعيم من اليمن · #5 27/09/2005, 05:50 AM

8
8
8
8
8
8

ياللي فوقي ترى اللي كاتب الموضوع ولد مو بنت ..

وبعدين كلامه صحيح مية بالمئة

نبي نشوف لاعبينا بطقم يفتح النفس

ولـد السلطان · #6 27/09/2005, 05:59 AM

اخوي اللي كتب الموضوع

اخوي اسمه نادي الاتحاد مو اللي كتبته

اتمني عدم تغير اسم اي نادي سعودي او عربي

وجزاك الله الف خير

زعيم شامخ · #7 27/09/2005, 07:25 AM

andhoy 10 ياليت ترجع وتقرا موضوعي زين ترى انا اقصد لبس نادي القرن

ما اقصد اللبس الي انت تروح به للمدرسه يا بابا (( انصحك تاخذ داندي )) علشان مافيه وقت تفصل

اخوي i-vip جزاك الله خير على مرورك ونصحيتك
بس للاسف انا مشكلتي اني اسمر وانطق الحاء هاء

لتمنى تكون فهمتني يا صاهبي

هذي لهجتي

شكرا للمروركم ( عاشقة الهلال وهدف 999 وعاشق الزعيم من اليمين ) وانتم

عطــر الأمــاكن · #8 27/09/2005, 08:11 AM

المفروض يكون للهلال طقم خاص فيه

بدون اي تقليد

ومو بس كذا

المفروض يكون شكله مميز ورائع وله هيبة

واللي يقول انه ما له داعي ما دام الهلال يجيب بطولات.......اقوله للاسف

ما زال عندك نقص في ثقافتك الكروية

الطقم له سوق......والمعجبين ايضا يبون الطقم المميز

يعني انا لو كنت هلالي وشفت طقم الهلال مميز وحلو.......شريته على طول

بالعكس لو كان سيء

صحيح انه البطولات خلتنا ننسى الطقم وغيره

لكن لازم نهتم في هذي النقطة

انا اقترح انه في حال رغبة النادي بطقم جديد

انهم يضعون عدة اشكال في المنتدى ويتم اختيار الافضل كاستفتاء

عشان ما يواجه انتقادات وغيره

تحياتي

هلالي ساامي · #9 27/09/2005, 08:14 AM

كلام سليم بس فكونا من المقارنات

الواحد يقول الحمد الله على كل حل وبيني وبينكم شركه ادايداس كويسه وماعليها شوفو طقم اي سي ميلان ومنتخب المانيا يصممون لهم طقوم حلوه لكن حنا مدري من الي ينسق معاهم

فياليت احد الاخوان المصممين يصمم لنا طقم وانا من هنا اناشد الاخ دحوم الي صمم طقم الهلال مع شركة ديدادورا انه يسوي لنا طقم حلو واحترافي ويرسلونه للشركه وهم يصممونه

وتحياتي

(( قلبي يقول ان الطقم الي صممته شركه اديداس هو نفسه الي لعب فيه الهلال في كاس الامير فيصل بن فهد والله يسسستر ))