امس كنت اتكلم مع واحد من الشباب عن الصيف والاجازة ووين بيروح قال يمكن يطلع برا ..مع انه مو راعي سفرت برا كثير وخصوصاأن معه عائلة وسالت عن السبب قال السبب ....اكثر من سبب وين تبينى اوديهم الطايف والا جدة والا ابها ؟؟؟؟؟؟؟

وخلني احسبها معك بالقلم والاله. اذا بغيت تسافر في مصايفنا فلازم تجهز الاشياء التالية:
1- بنك متنقل معك برصيد مفتوح
2- اعصاب باردة
3- ان لا تمل من تكرار زيارة بعض الامكان اكثر من مرة.


قالت له ما فهمت ممكن توضح اكثر .....قال اوضح لك اذا بغيت تسافر في الاجازة في مصايفنا فلا بد من ان يكون معك مبلغ كبير لزوم المصاريف الغير معقولة خصوصا وان عندي اكثر من ولد وبنت وانت اكيد سفرت لجدة وابها وشفت الاسعار في كل شيء غلاء غلاء غلاء يعني اذا كنت بتجلس على الاقل 20 يوم فلزم يكون عندك في جيبك مبلغ محترم فاسعار الفنادق والشقق حرارتها اعلى من حرارة الصيف واضف الى ذلك مصايف الروحات والتمشيات والاكل لانك مو معقولة بتخلي اهلك يطبخون في العطلة بتريحهم شوي .وياليت يجيك شيء زين مقابل هالفلوس اللي تدفع الا خدمه زفت ونفس خايسة.هذا بالنسبة للبنك المتنقل

اما بالنسبة للاعصاب الباردة فهي انك لازم تشوف بعض المناظر وتسكت وتاكل تبن بعد كل مكان مزحوم الشوارع زحمه الملاهي زحمه الاسواق زحمه المطاعم زحمه .واضف الى ذلك ما تشاهده من تصرفات قلة حياء من بعض المراهقين الهايتين وخصوصا اللي طالعين ها الايام ببنطلونات وقبعات غربية وقصات شعر تشينهم اكثر مما تزينهم وما ذلك يدفعون فيها مبالغ يالله لك الحمد الله لايبلانا.حتى مكة ما سلمت منهم وانت رح للمشروع حق شركة مكة وشف وش صاير فيه .وعلى شان كذا قلت لازم يكون لديك اعصاب باردة.

اما الثالث فوهو ان لاتمل من تكرار زيارة الامكان اكثر من مرة ففي جدة مثلا ما فيه الا الملاهي والاسواق والكورنيش والمطاعم بس والطايف الردف والهداء والشفاء وياليتهم خلوها على حالها صارت كلها مباني وشقق مع انها منتزة طبيعى المفروض ما يسمح فيها بالبناء . وابها مثل ما تفرق اللي تصبح فيه تمسي فيه وخصوصا اذاكنت تروح كل سنه يعني بتحفظ الامكان صم.

وعقب هذا تبيني اصيف في الداخل معصي اسافر برا بلد جديد ما قد شفته وبنص التكاليف وضعف المدة ومعاملة كويسه وترجع مرتاح مو هنا ما ترجع الا طالع في راسك نخلة .وخصوصا مع الخطوط ورحلاتها .

بلا سياحة داخليه بلا كلام فاضي..........


========================
أنا أرى في ها الكلام شي من الصحه.........

يا شباب وش رايكم في هذا الكلام........
========================

وأنى بعد أرى في هذا الكلام شيئا من علبة صحه قصدي من الصحه!!

أقول

والله مالنا غير الثمامه

خذلك كم دوره على الدوار الاول بعدين شفلك أقرب مكان واسفط فيه وافرش عندالكفر

بلا سفر(مهوب سفر المرزوقي لالا سفر يعني سفرر ) ووجع راس


والله النشبه بعد؟ من ذا؟

موضوع شيق وانا معك في بعض الامور
اما من ناحية المصاريف انا معك فربعنا ماعندهم الا الحلب ومافيه الا شفط فلوس

اما الاماكن فأنا كواحد لنا اربع سنين نروح لأبها مع العائلة وكل سنة نكتشف اماكن ماتصدق انها
في السعودية .. انا من طبيعتي ماحب الفقش ..
بس هاذي الاماكن تبي من يدورها وتبي واحد فاضي
انا اعرف ناس يقولون ابها ولا الباحة مافيها شي يملا العين
وبالعكس لانهم يمشون في شوارع ابهااو الباحة ويدربون روسهم ويبون المناظر تجيهم ؟؟؟
عندك ياطويل العمر على بعد 20 كيلو من ابها على طريق ابها --- القرعا
تمر على اجمل اماكن منظقة عسير منها( غابة آل يزيد - ودلغان - والقرعا نفسها - ويتفرع بك الطريق إلى اماكن كثيرة منها المسقي والواديين والحبلة ومنتزه الامير سلطان بالقرعا
إضافة الى انه هناك منتجع سياحي جميل وهو منتجع القرعا السياحي

تبع الشركة السياحية التي لها مشاريع كثيرة في عسير هذا بعض المناطق الجميلة
ملاحظه :: الي يبي الاماكن الزينة لازم يكون معه سيارة دفع 4×4 عشان يطامر مع هالجبال
ويدور الاماكن الزينة

ولا اريد ان اطول وسلامتكم

فتى الذهب : تصدق عاد أن الفرنسيين يسوون نفس الحركه هذي على الشانزيليزيه..........


غبار النجوم : هذا رأيك.......بس تراك نسيت الزحمه.......وصعبه سالفه المطامر على الجبال.....


..............تحياتي للجميع

اخوي مخاوي نجد
السياحة الداخلية عندنا لازم نسميها السياحة البنكية { $$$$$$$$} وعلى قولك طولت البال شرط اساسي لأننا زعولين ومتنرفزين دائما ومبدأ التفاهم مش موجود عند اصحاب الشقق ومبدأهم ادفع اللي نبي والا اقلب وجهك

تبوووون الصراحة بعيدا عن تشجيع السياحة الداخلية مصايفنا هالسنة مافيها فاتح العين
.. اولا الارض مقحلة وشهبا ومافيها الا الغبرة والطبيعة امحق طبيعة غيررر السنوات الماضية

وهاذي عقوبة من ربك على هالمغنين والحفلات الغنائية أنا ماأدري عقب طيحة طلال مداح
_الله يرحمه _ ويجاوز عنا وعنه ليش مااعتبرروا ___ الله لا تبلانا ___

طيب انتم تقولون ان السياحة الداخلية مهيب زينة طيب وين ارروح عطوني بعض البلدان اللي تستحق السفرة لها وتكون آمنة
أنا من ناحيتي مستعد اقعد في بلدي معزز مكرم وأمن وآمان والدراهم والزحمة الله يخلف .

في بعض الاشياء اللي معك حق فيها..
لكن بما اني عديمة الخبرة في السياحة الداخلية للاسف ما اقدر افيدكم..
بس بالنسبة لبلد تستحق السفرة مع عائلة... هناك اليونان.. والنمسا... وسويسرا.. ولا اتكلم على جنيف بل مناطق اخرى رائعة كلوزان مثلا..بالاضافة هناك ماليزيا وسنغفورة.. من افضل الاماكن ... وكل هذه البلدان المذكورة اعلاه ذات مناطق طبيعية رائعة وخلابة...واماكن تسوق...
اسبانيا.. البلد المفضل عندي.. ولا اقصد ماربيا اومدريد... بل مايوركا .. جزيرة ابيزا... بني دورم... المناطق التي تجد فيها قلة وندرة من العرب..
ناتي لايطاليا... جزيرة صقليا ...فنيسيا... روما... ميلانو... والكثير...
هناك الغالي وهناك الرخيص.. على حسب العملة...
بلدان عربية.. هناك مصر...ولا اتحدث عن القاهرة.. بل الغردقة وشرم الشيخ... تشعر فيهما انك بالفعل في بلد سياحي ...
الامارات... واقصد دبي...البلد الاسرع تطورا في العالم..
لبنان...بيروت.. الجبل.. جونيه ..
المغرب... الدار البيضاء... ولكن الاجمل هي اغادير...
تونس...هناك بعض الاماكن التي لم يتم اكتشافها بعد من قبل الخليجين.. ولكنها قمة في الروعة ولا تحضرني اسماؤها الان للاسف..

هذه المناطق التي انصح بها لكل من اراد السفر خارج ربوع الوطن... وتختلف من مكان الى اخر...

واشكرك مخاوي نجد على طرحك الموضوع...

للجميع تحياتي

اقول عاشقة الهلال

(شكلس) ماخذه لفه على العالم ماشالله

بعدين من قال ان دبي الاسرع تطور في العالم؟

وين راحت الرياض؟

السلام عليكم..

سلمني على خويك وقله معك حقققققق

ياخي انت مصدق ان عندنا سياااااحه

وبصراحه معه حق في كل اللي يقوله وانا اشد المؤيدين له

هلا افتى الذهبي
امزح فتى الذهب...
والله للان ماحصلي الشرف وزرت الرياض...
ولو الله عطانا عمر ... بسويلها زيارة ...
بس هاااا لا اوصيكم ابي البخور والورد وسيارة خاصة تنتظرني عند باب الطيارة... .. ايه صح طيب مرة
======== السخونة مأثرة عليها شوي....

الرجاء لا تتكلمون عن الثمامه لانها المنتجع السياحي المفضل لي


يالله من فضلك ان بغيت الشمس والا فيها شمس يخلي المشق يقط قطه في الجسم وان بغيت الهواء والا هواء يالله من فضلك هوا ء صحيح حار بس زين وانبغيت الوجه الحسن يالله من فضلك يكفي اني انا فيها والخضره فيه خضره بس مدري وين بالضبط

ويالله من فضلك ثاني دوار اصفط على اليمين وافرش وتسدح وان كان معك عود طلع ابداعاتك على العزف ويالله لك الحمد

مشكورة اختي عاشق الهلال .. بس عندي .. مداخلة بسيطة

السفر للخارج لنا احنا كشباب هل انتي تأيدينه بحكم خبرتك في السفريات للخارج

وان الشاب يرى مناظر تعرضه للفتنة ومناظر لم يتعود عليهاوهل هناك بلد محافظ ؟؟؟؟


وهذا هو محك السؤال هل يوجد بلد محافظ وسياحي .

هلا غبار النجوم..
في الحقيقة.. كل بلد فيه الخير والشر... وفي كل بلد هناك خراب... وفي النهاية الامر راجع للشاب... وتفكيره.. هدفه.. وتربيته... حتى ان تواجد في بلد محافظ ان كان هدفه غير السياحة الحقيقية.. والتمتع البريء بالسفر.. سيجد ذلك... اون كان هناك مناظر تعرضه للفتنة ... فليس هناك اكثر من التلفزيون وما يقدمه من برامج واغراءات...
على الشاب.. ان يتذكر انه مسلم... وانه يمثل المسلمين والعرب في الخارج سواء في بلد محافظ او لا... ولكن الغالبية لا تفعل... وهنا انا لا اعمم بل اخص... بعض الشباب هداهم الله...
ساكرر واقول.. الامر راجع للشاب.. وطريقة تفكيره... تربيته.. ونيته...سواء كان مع الاهل او لا....حتى لو كان في بلده... او في بلد اوربي.. او اسوي او عربي... كله واحد.... بس اهم شي النية...
واشكرك على مداخلتك... وليعذرني مخاوي نجد...

للجميع تحياتي

عاشقه الهلال

حلوه ذي بسويلها زياره!

صارت لعبه ماصارت مدينه

يا شباب ما صارت قلبتوها تشات .........




بس بصراحه حواركم( بناء)<-------------(قابلني أن كنت أعرف وش معناها)........



عساكم على القوه.......



..........تحياتي للجميع