السلام عليكم ورحمة الله وبركاته ...
بصراحة أشوف ميزة قراءة الموضوع من برا موب عندي مدري ليه
بس احتياطن بنزل شوي
...
..
..
..
موسوس قسم
طيب ..
أصدقائي أصدقاتي .. فلذات كبداتي ...
أيها الشعب المغوار.. أحببناكم صغارا وكبار
<===== قسم ذكريات
أبيك تحلف إنه ماجاك أرق ... ولا حسيت بزهق ... ولا طقت كبدك من كثر ماتهاوش هنا هنا ..
وتحاول تقنع ناس متخلفة بأحقية سامي باعتراف بأنه الأفضل من جميع لاعبي الكرة الاسيوية ...
أبيك تقول ق <=== سامعها أمس قسم
.. إنك ماتجتمع مع نصراوي إلا ويصك راسك ويسبب لك قلق مزمن
أبيك تقول لي ... بربك مامليت من مواضيع المقارنات اللي كثر التراب بالمنتدى ...
ماحسيت إنك تعيد نفس يومك ... وتضيع وقت ثمين من عمرك ...
شباب أنا عندي
كرسي بالبيت ... وأنا مستعد كليا أعطيكم
كروكي للبيت ...
تجوني يوميا من بعد صلاة العصر ... لين حزة النوم ...
هالكرسي راح أثبت لكم إنه موب كرسي ... بثبت لكم إنه
لمبة كهربائية
تجيني
تقول يابن الناس .. هذا كرسي ... يسمى كرسي
أقول لك لا ياولد الناس .. هذي لمبة كهربائية ...
تقول قسم برب الكعبة هذا كرسي .. شفه ألمسه .. له أربع رجلين ..
أقول لك ياخوي شفه لمبة ماتشوف انت ... هذا لمبة .. لمبة كهربائية
تقول تكفى يرحم وااااااااااااااالديك ... عشان خاطر أمك أبوك .. هذا كررررررسي
أقول لك ياخووووي موب كرسي ... صدقني لمبة لمبة .. وش فيك ماتفهم .. ماتعرف اللمبة ...؟؟
تقول إلا أعرفها اللمبة ..
أقول لك هذي هي ... هذي اللمبة ..
تقول قسم بالله عساااااااي أموت كل سنة .. كررررسي نجلس عليه
أقول لك أووووف بس .. صدق إنك ماتفهم ... لمبة كهربائية هذي
كل يوم ... من الساعة
4 العصر ... لين الساعة
12 الليل ... والقهوة علي وأعشيكم بعد
إذا ماصحت وقلت هذي لمبة وأنت تشوف انه كرسي ماكون أبو ساري
هذي حال المقارنة الحين ...
يعني نتعب أعمارنا ونتكلم بجد ... ونتحمس ...
بينما هم يقولون .. هذي لمبة
يعني لو وش تقول .. لو تشق القمر بحراثة وتبذر قرع فيه ماقتنعوا بكلامك .. لأنهم يدرون وش الصح والغلط
بس كبرياء منهم .. وحقد ... وحسد ... ومحاربة للهلال قبل سامي الجابر ... يقولون هالكلام ...
على طاري القمر ذكرتوني بنفسي
وبسالفة بقولها
صديق لي نصراوي ...
قال لي ياخوي وش رايك باللي يقول سامي أفضل من ماجد ؟؟
قلت له صادق .. ماجد أفضل لاعب بالعالم ...
قال لا جد وش رايك ..
قلت له صاااااادق أفااااااااااا عليك ... ماجد مافيه من إلا حبة وحدة
قال ولو بس سامي فيه حقه ... يعني لعيب ماشاء الله عليه ..
قلت له .. سامي لعيب ؟؟؟ ... لا لا ... أبد مايعرف يلعب ... لا تقول مثل هالكلام أزعل عليك
قال ياخي الهلال فريق حظ ... وتحكيم ... مدري شلون البطولات تجيه ...
قلت له .. إيه صادق .. خاصة الأربع بطولات السنة اللي راحت ... الحكام الأجانب من مبطي وهم هلاليين
سكت ... شوي .. قال أنا أشوف سامي أفضل مع إن الناس كلهم يقولون ماجد ..
قلت صادق والله ..
قال شلوووون ..؟ .. موب تو تقول ماجد أفضل ...!!!
قلت له أنت وش تبي ..؟؟ ... من اللي تبيه أفضل بس ... لو تبي أبو عذاب أفضل من سامي ... بقول لك أبو عذاب أفضل من سامي ...
ثلاث حاجات تسبب وجع الراس ... 1- جيران يركبون ستاير للبيت ...
2- البزر لامنه صاح ..
3- مناقشة نصراوي
عشان كذا ... فكوووونا من هالكلام الله يخليكم ...
وربي مليت أنا .. وأستغرب إنكم للحين تكتبون هالمواضيع ...
الطرقان مدري مين كتب ماجد .. جستنيه قال ماجد ... فلان علان قالوا صاحوا ..
شباب قفوا المواضيع الفاشلة هذي ... على الأقل خمس مواضيع بس خلوها ..
المنتدى كله سامي ماجد ...
مااااااااااااااجد مين والناس نايمين
أي واحد اسمه ماجد بسميه وليد
<===== وليد للي يعرفه .. الله يخلف عطيات
أبيك تعرفون شي واحد ....
كلامكم عن سامي ... مدافعتكم عن سامي .... أمام هالسفهاء ... قليلين العقل ...
مجرد نفخ في قربة مشقوقة
تحياتي لكم ... ولكم حرية كتابة المواضيع ... لكن مجرد تنبيه بس .. حفظا على سلامتكم من الضغط
إضااااافة توني أتذكرها الكلام عن ساااااااااامي له طعمه ... ياحبي لسامي وأنا أسرد إنجازاته والله
ياحبي لساااامي وأنا أقول اسمه ... ياحبي لسااامي وأنا أتذكر له سحبه .. وإلا هدف
وأدري ماحد يرضى على سامي شي ... لا كلام ولا غيره
بس ولو ... هم عقول فارغة ... تخيل تتكلم مع مركأ والا جنط سيارة ...
سلام
اللي مامل من مقارنة سامي بماجد يدخل أبيه بكلمة راس 
الوضع العادي
