هلالي تشيلساوي يأتيكم بجديد تحضيراته في موضوع شيق !! ويدعوكم للنقاش في عده مواضيع
[align=center]بسم الله الرحمن الرحيم[/align]
السلام عليكم ورحمة الله وبركاته ............
احبتي جماهير الزعيم وهذا الكيان الكبير بعد التحية والترحيب احب اعرض لكم هذا الموضوع بغرض التقاش اللي قد يفيد زعيمنا في كثير من الامور
------------------------------------------------------------------------------------
وبنفس الوقت انا محضر لكم موضوع جميل كما وعدتكم سابقا وفيه مفاجأة لكم
لت اتحدث كثيرا على الموضوع القادم ولكن اتمنى المساعده من احدكم في كيفية وضع شعار الزعيم على الفيديو والصور لان الموضوع اللي بطرحه فيه تصوير فيديو وصور وهو موضوع يوضح مالايعرفه الكثير عن الهلال في الخارج وفيه مفاجئه جدا جميله وتسكت كل الحاقدين بس اصبروا على .... ما ادري اذا الادارة او احد المشرفين ممكن ياسعدني بطرح الموضوع ووضع شعار الزعيم على الفيديو والصور حتى يكون الموضوع بالشكل اللائق والجميل .....
------------------------------------------------------------------------------------------------------------------------------
اما عن ما اود طرح النقاش فيه هو عدة امور لم اتمكن من مشاركتكم فيها بسبب الانشغال بالدراسه
وأولها : موضوع رابطة الجماهيير
وبكل اختصار وعقلانيه من يحارب رابطة الجماهير الهلاليه ويتكلم كثيرا ويثير الشوشره بجملة واحده فقط نرد عليه وكلي ثقه بانه رد جميع العقلاء في هذا المنتدى
لو فيكم خير يا من حاربتم حقوي وجماعته احضروا ربع ماحضروه من مباريات الهلال وامسكوا ادوات التشجيع وغنوا ورددو اهازيجكم اللتي تفضلوها واجعلوا الكيان الهلالي من خلفكم يردد كما تشاؤوون وصدقوني انا وحقوي وكل من في هذا المنتد وقتها سوف يكن لكم كل الاحترام والتقدير
لكني على ثقه تامه ان كل من تحدث عن اسد المدرجات ومن حوله لايعرفون الطريق الى الملعب من الاساس ........
وثانيا : التحضير للدوري من بعد المعسكر
الجميع يعرف قوة نادي الهلال وصلابته .... لكن الحديث بالحقائق والصراحة شي جميل
الهلال في الموسم الماضي كان ماسك كل شيئ !! وكانت له حصة الاسد في الموسم
يمكن الجو الهلالي ولاتلاحم والتماسك ساعدنا كثيرا وسهل علينا ماوصلنا له وماحصدناه في النهاية
لكن هذا الموسم مختلف جدا جدا ويجب علينا كجماهير ان نعي تماما ان هذا الموسم مختلف جدا وهو اصعب بكثير من الموسم الماضي بكل المقاييس
لماذا ؟ لاسباب كثيره جدا
ومن اهمها الاسباب الخاصة لكل نادي منافس !!! واللي مافهم ما اقصده ولاتهون بفهمك
نادي النصر : من اهم اسباب الفوز احترام الخصم ... ومهما وصل اليه من تعاسه وتدني نادي النصر فهذا الموسم سوف يكون مختلف جدا لماذا ؟
لان فريق النصير كان يبحث عن نفسه كثيرا واتوقع هذا الموسم النصر بيفعل الكثير مع مدربهم الجديد ولاعبينهم الاجانب والاصرار والضغط الجماهيرري الكبير ولتحسين الصوره !
وبكل صرحة النصر دائما كان يلعب بايجابيه ولكن الموسم الماضي موضوع الاجانب خذله بالنهايه وماقدر يكمل صفوفه من دونهم لكن هذي السنه النصر بيكون منافس قوي جدا
نادي الاتحاد : معروف جدا ان نادي الاتحاد منافس قوي جدا ويجبر منافسيه على احترامه واكبر دليل السيناريو الكبير العام الماضي بين الهلال والاتحاد والمنافسه في الدوري اللي كانت محصوره بينا وبينهم
ولاننسى الهلال اخذ كل حصاد الكؤوس المحليه .. والاتحاد فريق يطمح ويقدر يحقق اي بطوله والسنه هذي داخل بلاعبين بكل صراحه رائعين وصفوفه بتصير مكتمله في وقت انشغال لاعبين المنتخب وعنده لاعبين اجانب على مستوى عالي جدا .......
نادي الاهلي : قلعه الكؤوس الموسم هذا طالع منهم محاولات جاده لاسعاد الجماهير وتحقيق البطولات وخاصه ان الاهلي مشارك في كأس اسيا ففريقهم بيكون محتك بفرق ومباريات قويه تعطي الفريق شحنه قويه جدا في الدوري
نادي الشباب : الجميع يعرف وبكل اختصار ان نادي الشباب خصم صعب جدا ويتعب كل من يلعب ضده وهذا الشي كان واضح في اخر موسمين
احترامي لكل الانديه الاخري ولكن الجميع ملاحظ التطور الرهيب في مستوى الاتفاق والقادسيه والوحده ولايمكن ابدا الاستهانه فيهم
وخاصه ان الهلال بيفتقد باحد الفترات اهم لاعبيه وبعدد كبير جدا لارتباطهم مع المنتخب يعني المجهود لازم يتضاعف والحضور الجماهيري والدعم منكم يجب ان يتضاعف
صدقوني مهمة هذي السنه صعبه جدا جدا لان النفاسين وخاصه نادي الاتحاد والاهلي والشباب والنصر زادت حدت خطورتهم ولكن انا مؤمن بان الزعيم يبقى زعيم الانديه السعوديه وبأذن الله قادر على ردع كل من يحاول تخطيه
-------------------------------------------------------------------------
واخر ما احب ان اطرحه للنقاش وهو مايخص اللاعبين في النادي
1- صراحة حزنت كثيرا بسبب تعاقد خوجه مع نادي الشباب لانه فعلا حارس مرمى من الدرجة الاولى اي من نفس درجة الدعيع وزايد وله مستقبل واتمنى له التوفيق مع فريقه الجديد لكن كنت اتمنى انه يكون من احد اللاعبين في النادي
2- الحارس الشاب عبدالله المعيوف !! شارف في مباريات مهمه جدا للهلال امام الاتحاد !! لن اذكر انه سبب خسارتنا امام الاتحاد او من هذا القبيل لكن شي مايدخل المزاج ! يلعب مباريات بهذه الاهميه واما الاتحاد خاصه !! وفي بطوله الامير فيصل لم يشارك !!!!
كنت اتمنى ان اشاهد هذا الحارس يشارك مع الاولمبي ويحتك بجو المباريات حتى يصبح كفوا ان يكون بديلا لمحمد الدعيع !!! كل الاحترام للمعيوف بحكم سنه ولكن من الظلم ان يكون احتياطي للاساسي وهو غير معتاد على جو المباريات والجماهير ليست على ثقه بهذا الحارس ابدا
لازم الجماهير تطمن عليه بمشاركته في مثل هذا النوع من البطولات او الدوراات لكن في النهائه في مسؤوولين ومشرفين هم الابخص في مثل هذه الامور ويبقى موضوعي وجه نظ شخصيه تنتظر منكم الردود
3- اللاعب محمد العنبر ... الصقر .... الرائع .....الشاب الواعد .... ادريانو العرب .....
خايف عليه كثير والله !! الجميع يعرف طريقه باكيتا والجميع يعرف عدد النجوم في النادي
لكن الصراحه ان محمد العنبر لن يأخذ حقه في الموسم القادم بوجود ياسر وسامي وانا اؤؤكد ان العنبر افضل من ياسر بمراحل خاصه بانه ماشاء الله بهذا العمر استطاع ان يبرهن على نجوميته المبكره وان الحظ لم يخدمه كما خدم ياسر في كثير من الاهداف بل ان العنبر هو من صنع نفسه من دون اي حظ او مسانده من الغير هذا ليس تقليلا من شان ياسر !! بل اعطاء العنبر حقه !! ياسر لاعب كبير ولاعب له احترامه ولاعب رفيع المستوى لكن قد سانده الحظ في كثير من المباريات واشتهر في وقت افتقرت فيه الملاعب السعوديه من المهاجمين الشباب وهذاا ما اسميه بالحظ ! فالحظ ليس لايقتصر على ان يسجل اللاعب الاهداف !! وياسر نشا في نادي القادسيه اي نادي لا يكتظ بالنجوم اي يمكن ان يأخذ فرصه كبيره .. لكن العنبر ماشاء الله عليه برز في وقت كثر فيه الهاجمين الشباب !! وفي وقت برز فيه الهلال ونجومه وبأقل فرصه استطاع ان يبرز من بينهم
فمن الظلم ان يكون في مقاعد الاحتياط الموسم القادم ....................
واتوقع ان الجميع فهم ما اعنيه من هذه الكتابه ولكن صدقوني العنبر قنبلة للكره السعوديه واكبر خساره انه يكون في مقاعد الاحتياط
واكبر دليل !! الجميع حزن عندما دخل الهلال نصف النهائي في كأس خادم الحرمين الشريفين الملك فهد رحمه الله بدون سامي ونقول الله يستر .. ودخل الصقر من اول دقيقه واثبت انه خير كفو للذيب
واتمنى معاجلة هذا الموضوع من باكيتا بطريقته الخاصه مثلا بوضوع المنافسه في التدريبات بينه وبين ياسر والصويلح
او انه يلعب بطريقه سامي يكون صاتع لعب او مهاجم وهمي ويقدر يلعب بسامي وياسر والعنبر
طبعا انا اقترحت سابقا الخطه اللي تنفع الهلال كثيرا وهي 3-5-2
الخثران المفرج تفاريس
الشلهوب الغنام عزيز كماتشو سامي
ياسر العنبر
اتوقع انها تشكيله وخطه نارية ولجميع بيقول نواف وينه !! لكن اعتقد انه يقدر يستغني عن اي لاعب لمده شوط واحد ومافي فريق محترف ولاعبيه متحترفين يعتمد على نجوم مباراة كامله
بهذه الخطه يطلع اي لاعب ويدخل نواف او العكس صحيح لانه عندك الشلهوب وكماشتو لاعبين قدم يسري ويلعبون جناح ايسر وعندك سامي والتمياط يلعبون خلف المهاجمين او صانعي لعب !!
مع تحياتي لكم جميعا وبانتظار ردودكم
الف تحيه لكم جميعا
هلالي تشيلساوي