|
حــــمـــــام وقـــمـــــاري ,,
السلام عليكم ورحمة الله وبركاته ,,
تحياتي لكم جميعا ,,
لا تفوتكم هالدرر :
أهل مكة (حمام ) ,, وأهل المدينة ( قماري )
وأهل جدة ( غزلان ) ,, وأهل الطايف ( حباري ) !!
في مرة من المرات التي كنت أستمع فيها لإذاعة الرياض ( إذا كان أحد باقي يستمع لها )
وأنا في طريقي للعمل ,,
سمعت قرقعة وجلجلة وشوي إلا واحد يقول الكلام اللي فوق على باله يغني أغنية وطنية ,,
ياللهول ,, صراحة أنصدمت ,, مثل هذا الكلام الغث يذاع وفي إذاعة رسمية ,,
واحد ضايق صدرة ويمكن كان في عشة حمام وقام وحط هالكلمتين ,,
بس مدري وش جاب ( الغزلان ) ,,
يعني مالقى يمدح أهل مكة والمدينة وجدة والطايف ألا بهذه الأوصاف
اللي مدري هي مدحة وألا سبة ,,
أشوى ماتهور ومدح في السعودية وألا وش بيقول !!
تراي ماسمعت للآخر يمكن قال شئ !!
وأتوقع أن كثير ممن سمعها لايعير الكلمات إنتباهه وإنما ركز على الطربقة والدبكي ,,
المغني وكاتب الكلمات ماعليهم لوم ولاعتب ,,
لأن فاقد الشئ لايعطيه ,,
وهمهم أكتب وغني واشتهر وأكسب ,,
أما كيف تشتهر أو تكسب فهو لايهم لديهم ,,
اللوم على من سمح بمثل هذا الكلام الذي أقل مايقال عنه أنه سخيف
أن يردح به وفي وقت ربما يكون فيه
مستميعن لتوجه الموظفين لإعمالهم واللي يأملون بقضاء الوقت
في سماع شئ مفيد حتى يصلون إلى مقراتهم ,,
أنا متأكد أن هذا الكلام أفضل بكثير من كثير من الغثاء الذي ينتشر كل مكان ,,
ولكن المؤلم هنا أنها يتعرض لأناس لايستحقون هذه الصفات ,,
وضاقت على كاتبها اللغة العربية ,, الله يضيق عليه ,, هذا إذا كان من أهلها !!
في هالزمن ماصرنا نستغرب شئ ,,
أكتب أي شئ ,, لاتتردد ,, بس خلك قوي وجه ,, وماتستحي ,,
ودور لك ملحن ,, وألا خذ لك علب بيبسي فارغه وأرمها على البلاط
وسجل الصوت ويطلع لك أحسن لحن ,,
ودور مؤدي ,, وألا محرج من اللي في معارض السيارات ,,
وسجل وتصير فنان مشهور ,,
أخيرا :
اللي سمعوا هالأغنية يعلمونا برأيهم فيها ,,
وأيضا اللي من المناطق المذكورة وش يعني لهم هذا؟ ,
وياليت من يعرف كاتب الكلمات والمغني يقول لنا أسمائهم ؟
ماراح نسوي لهم شئ !! بس بنحقد عليهم !!
تحياتي لكم جميعا ,,
|
الوضع الشجري
