#1  
قديم 11/09/2005, 09:54 PM
زعيــم فعــال
تاريخ التسجيل: 28/05/2005
المكان: قلب أنهار
مشاركات: 466
Angry حبها بدون مايشوفها ومات بيوم شافها رومنسية حزينة

[align=center]حبها بدون ما يشوفها وماتت بيوم ما شافها...



حكاية شاب وسيم عمره بين 22 و23 ما يعرف عن الحب شي
ولا مره بحياته حاول انه يعرف شي عن الحب
له طله مقبلوه واللي يشوفه على طول يحبه
سافر والله وفقه بوظيفة بس بعيد عن منطقة أهله اللي ساكن فيها والمكان اللي توظف فيه يمشي الحال بس زيارات البنات علي المكان هذا كثيرة
وبيوم جت وحده ودخلت المكان هذا وشافت الولد هذا فأعجبت فيه و أخذت رقم المحل لأنه موجود على اللوحة برا ويوم راحت للبيت اتصلت عليه وحاولت تحتك فيه بالكلام بس حست أسلوبه جاف شوي ولا قدرت تأخذ وتعطي معه
وصار كل يوم الساعة 11 المساء تتصل عليه على شان تتعرف أكثر عليه
وتتكلم معاه وهو ما يعرف ايش يقول بس يسمع ويقول إيه ولا طالت الأيام على الطريقة هذي تشجع مره وسألها أنتي ايش الهدف من مكالماتك هذي ولوين تبين توصلين هي جاوبت على طول لأنها منتظره السؤال هذا قالت أبي أوصل لقلبك
قال : طيب آنا ما اعرف شي عن الحب ولا حتى اعرف أتكلم فيه ولا افهم لغته
قالت :أنا بعلمك على أيديني وأخليك فيلسوف حب
المهم طالت المحادثة وجت أيام وراحت أيام وعلى الطريقة هذي وهي تعلم فيه وهو يستوعب بسرعة لين خلاص حب الولد من كل قلبه لدرجه انه صار ما يقدر ينام الليل من كثر التفكير فيها وكل أصدقاءه صاروا يحسون انه متغير ولا يأكل ونحف وصار يفكر كثير ويسرح كثير وأحيان يخطي باسمها وينادي أصدقاءه وهم ما يبون يسألونه من الاسم هذا لان من شكله مبين انه حب وخلاص أعلى مراحل الحب وصل
دارت الأيام ومرت سنه على الطريقة هذي ، واتصل عليها بيوم وكان مزعوج قال لها :أنتي شفتيني وشفتي شكلي وعرفتي أسلوبي وصار لنا سنه الحين ولا شفتك ولا حتى شفت صورتك قالت له :انتظر شوي لين يضبط وضعي وأخليك تشوفني
قال : لا ..لا.. لازم أشوفك وما راح اسكر لين توعديني متى ؟
قالت : طيب الخميس الجاي راح نطلع للمكان الفلاني نتقابل هناك والكلام هذا كان يوم السبت
تخيلوا الانتظار كيف راح يكون من يوم السبت لين الخميس صعب لحظات عمره كان مقضي يومه كله نوم على شان بسرعة الأيام تمشي
وصل يوم الأربعاء وبدا يفكر :
كيف راح يكون شكلها طويلة قصيرة بيضا سمره نحيفه دبدوبه حلوه مثل ما هو راسمها بخياله ؟
كان يفكر بكل شي
واتصلت عليه يوم الخميس قالت له : يالله طالعين وسيارتنا كذا شكلها ولونها كذا ورقم اللوحة كذا
قال : تمام .. اسمعي آنا كل الطريق مقدر اصبر أبيك كل دقيقتين تشيكين على جوالي على شان أحس انك معاي موجودة وادري انك ما تقدرين تكلمين لأن اهلك معاك صعبه بس اقل شي كل دقيقتين شيكي
قالت :اوكي
تحركت السيارة وهو حرك بعدها على طول وكل دقيقتين تجيه تشيكه وعلى الجوال لين انقطعت التشييكات اكثر من عشر دقايق
ما قدر يصبر أرسل رسالة ولا ردت عليه تردد بالاتصال تردد و تردد كثير ما يدري يتصل آو يخاف يحرجها مع ا هلها
المهم قرر ويوم دق على جوالها مر من جنبه سيارة إسعاف متجهة بنفس الطريق اللي هو يمشي فيه من كثر ما هو مخبوص نزل الجوال جنبه أسرع ورا السيارة وخلى الجوال يدق ( معاودة الاتصال آليا ) المهم وصل شاف حادث اكثر من رعب منظره مافيه
عائله كاملة يمين الخط منتثرة فيها أربع بنات وشايب وحده عجوز كلهم حالتهم وإشكالهم ميئوس منها بشكل خيالي
السيارة هي نفس السيارة ونفس اللوحة ونفس اللون بس كيف راح يعرفها بين البنات الأربع وهي ما وصفت له حتى شكلها نزل مع اللي نزلوا يشوف بقايا حلمه وبقايا أمله صار يناظر يمين يسار ولو يشوفها ما راح يعرفها
سمع صوت جوال يرن حاول يتبع الصوت لقى وحده من البنات ماسكه الجوال ويرن بيدها وهي شبه ملطخه بالدم ومافي آمل من إنها تعيش آلا بعد إذن الله
شاف اسم المتصل بجوالها لقى مكتوب !!!!! ( أمل عمري) قال : يمكن هذي وحده من صديقات البنت هذي لكن بدون شعور رفع الجوال وناظر للاسم اللي هـــــو ( أمل عمري ) وفتح الرقم وكانت الصدمة انه شاف الرقم حقه لان الجوال لقاه مع وحده كان الجمال ما أنخلق لغيرها بس للآسف فارقت الحياة
وانقلبت اسعد لحظات عمره بثواني إلى أتعس أيام العمر
الرقم لقاه رقمه ولقا اسمه مكتوب ) أمل عمري ) صدمة خلته ينهار ويغمى عليه وانقلوه معاها للمستشفى هي انتقلت إلى رحمة الله بس هو عاش آو اقصد ما عاشت الضحكة بعدها يوم
وترك الوظيفة وتعقد من عيشته وصار يكره نغمة الجوال ولا يتكلم مره غير إذا كان مجبور انه يسولف ويكره أي واحد يجيب أبجدية كلمة حب عنده
سافر عن المنطقة اللي كان موظف فيها وتعرف على آمل عمره اللي أنتها فيها واخذ عهد على نفسه انه مايجي المنطقة هذي آلا بنفس اليوم اللي توفى فيه حلمه وصار كل سنه بنفس اليوم يسافر للمنطقة ويمر نفس المكان ويجلس فيه ساعة ويرجع لمنطقته.
[/align]
اضافة رد مع اقتباس
  #2  
قديم 12/09/2005, 03:02 AM
زعيــم فعــال
تاريخ التسجيل: 28/05/2005
المكان: قلب أنهار
مشاركات: 466





قصة جميلة جداا أتمنى كل من دخل يقرء ويعيني راية

اضافة رد مع اقتباس
  #3  
قديم 12/09/2005, 04:32 AM
زعيــم مميــز
تاريخ التسجيل: 19/02/2004
المكان: الريـــــــــاااض
مشاركات: 1,642
يا الله حزينه بالفعل


عموماً الله يحسن خواتمنا وهذا الأهم



مشكوره انهار على القصه
اضافة رد مع اقتباس
  #4  
قديم 12/09/2005, 04:51 AM
زعيــم نشيــط
تاريخ التسجيل: 26/10/2004
مشاركات: 907
القصة رومانسيه ومؤثره لكن الي ما دخل مزاجي وما قدرت اصدقه ليش يطلب منها كل دقيقتين تدق عليه وتسكر ؟!!

الا اذا كانت القصه خياليه فاقولك كيف الحال وش لونك عساك طيب
اضافة رد مع اقتباس
  #5  
قديم 12/09/2005, 05:46 AM
زعيــم فعــال
تاريخ التسجيل: 22/08/2005
مشاركات: 460
مشكوووووووور اختي على القصه


بس اتوقع ان فيها بعض الخيال شوي



وشلون يجي وياخذ الجوال من يد البيت واهو يرن


بعدين على قولك الحاديث شنيع وقوي يعني الجوال بتصير ماسكته فيدها ما يطيح منها ويتقفل


<====== لا تصير حقنه وتحجر في كل شي مشها



على العموم قصه جميله ورائعه ورمنسيه ومحزنه<======= كل هذي الاشياء في القصه







سلا11111111111111111111111م
اضافة رد مع اقتباس
  #6  
قديم 12/09/2005, 05:53 AM
موقوف
تاريخ التسجيل: 12/09/2004
مشاركات: 80
ههههههههههههههههههههه
اضافة رد مع اقتباس
  #7  
قديم 12/09/2005, 02:23 PM
زعيــم مميــز
تاريخ التسجيل: 09/06/2002
المكان: الرياض
مشاركات: 2,721
مشكوووووووووره اختى انهار الزعيم على القصه الرائعه والحزينه والمؤثره :sad:
اضافة رد مع اقتباس
  #8  
قديم 14/09/2005, 01:17 AM
زعيــم نشيــط
تاريخ التسجيل: 31/07/2005
المكان: ميــت علــى قيـــد الحيـــاة
مشاركات: 910
اضافة رد مع اقتباس
  #9  
قديم 14/09/2005, 02:07 PM
زعيــم مميــز
تاريخ التسجيل: 27/06/2002
المكان: الرياض
مشاركات: 3,940
يا خي أنتوا تدققوا بكل شيء

اللي مو عاجبته القصة ينطم ساكت ولا يكثر من البربسة بتاعوا
اضافة رد مع اقتباس
  #10  
قديم 15/09/2005, 12:42 AM
زعيــم فعــال
تاريخ التسجيل: 24/04/2005
المكان: فوق هام السحب
مشاركات: 398
[align=center]مشكووووووووووووورة اختي أنهار الزعيم

القصةرومانسية مووووووت

بس تقطع القلب

ما اقوووووووول غير


الله يكون بعون كل العاشقين
[/align]
اضافة رد مع اقتباس
  #11  
قديم 15/09/2005, 01:15 AM
زعيــم مميــز
تاريخ التسجيل: 07/05/2004
المكان: الساحل الشرقي
مشاركات: 1,576
يالله حسن الخاتمه !!!


قصه حلووه ,, يعطيك ربي العافيه !!
اضافة رد مع اقتباس
  #12  
قديم 15/09/2005, 07:15 AM
زعيــم متواصــل
تاريخ التسجيل: 08/07/2005
المكان: مدغشقــر ...:$ (L)
مشاركات: 116
ياربي


والله القصه مرةتحزن



ومشكورةعالقصه
سلملــــــــــــم,,
اضافة رد مع اقتباس
  #13  
قديم 18/09/2005, 03:15 AM
زعيــم مميــز
تاريخ التسجيل: 27/02/2002
المكان: الرياض
مشاركات: 3,387
أعوووووووووود للزعماء بعد إنقطاع عن الكتابه لان الموضوع اجبرني على الرد وردود بعض الاعضاء أيضا

بالنسبه للموضووووع :

الموضوع يبدو والله أعلم انه نسج الخيال ، أو انه مسابقه (( افضل قصة قصيره ))

اما بالنسبه للاعضاء : فابعض يقول رومنسيه والبعض يقول حزينه ، والبعض يقول خياليه

وهذه الحقيقه .

أجل المسكينه صاير عليها حادث وممتدده على الارض والدم من كل جهة والجوال بيدها (( اذا كان المتحدث مجنون فالمستمع عاقل ))


ملاحضه : بعض الاعضاء للأسف يرد على موضوع وهو ليس مقتنع بما يرد وذلك أما لسبب زياده الردود في اسمه ، وهذا قمة الاحساس بالنقص

أو لان كاتب الموضوع اسمه (( فلان )) وهذه قمة السذاجه .
اضافة رد مع اقتباس
  #14  
قديم 18/09/2005, 09:24 AM
زعيــم نشيــط
تاريخ التسجيل: 16/08/2004
مشاركات: 550
إقتباس
الرسالة الأصلية كتبت بواسطة عاشق الفيلسوف 15



الموضوع يبدو والله أعلم انه نسج الخيال ، أو انه مسابقه (( افضل قصة قصيره ))



أجل المسكينه صاير عليها حادث وممتدده على الارض والدم من كل جهة والجوال بيدها (( اذا كان المتحدث مجنون فالمستمع عاقل ))

:p




أو لان كاتب الموضوع اسمه (( فلان )) وهذه قمة السذاجه
.

اضافة رد مع اقتباس
  #15  
قديم 18/09/2005, 12:25 PM
الصورة الرمزية الخاصة بـ الهلال موتي
مشرف سابق بمنتدى الجمهور الهلالي
تاريخ التسجيل: 20/08/2005
المكان: تركيا
مشاركات: 12,937
Unhappy

[align=center]

من أحزن المواضيع التي قـــرأتـــها إلى الأن .........

واللي دمرني هو :

إقتباس
شاف اسم المتصل بجوالها لقى مكتوب !!!!! ( أمل عمري)

يـــا حرام ....

والله القصص هذا نــــــادر من تكون في أيــــامنا هذي .... !! [/align]
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:49 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube