ممكن حل مع بطاقة السوا - نادي الهلال السعودي - شبكة الزعيم

~ مجـَـردإنسـّـان ~ · #1 07/09/2005, 06:15 AM

صبحكم بالخير
.
.
.
.
.
..
انا شاري بطاقة سوا من احد المحلات
المهم ضات علي الورقه اللي فيها ارقام سريه
المشكله الان خايف اطفي الجوال ولامن جيت اشغله يبي رقم سري
ونا ماعرف الرقم السري
ابي طريقة الغي الرقم السري بدون ذكر الرقم السري الاول

تكفون وش السوات ؟؟

اللـــــورد · #2 07/09/2005, 06:22 AM

اخوي ما معك حل إلى انك تخليه شغال وإذا كنت تعرف رمز pin فهذا المهم ترولـ الظبط وظبط الحمايه وضبط الهاتف وبطاقة سايم وبتلقها كلها عندك

~ مجـَـردإنسـّـان ~ · #3 07/09/2005, 06:34 AM

ايه انا خابر بس ابي الغيها !!!

الفتى الذهبي2002 · #4 07/09/2005, 08:06 AM

اخوي

اذا انت تبي اول ماتشغل الجهاز مايطلب منك الرقم السري ( المكون من اربع ارقام ) تسوي هالطريقه

الضبط >>> ضبط الحمايه >>> الرمز الشخصي >>> حطه لايعمل

وان شالله يضبط معك ولا يطلب منك الرقم اذا جيت تلغيه

طبعا على حسب جوالك بس ان شالله تضبط معك

انت جرب وشف

مجنونة بحب الهلال · #5 08/09/2005, 08:38 PM

الحل خذه مني وانا اختك ..

اذا البطاقه شريتها انت زي ماتفضلت من احد المحلات .. فاكيد انها بدون اسم ..

الحــــــــــــــــــــل......

اذا عندك الورقه حقت الشريحة رح لشركة الاتصالات وانقل الشريحة باسم اي احد ..

وتراها ماتكلفك .. او طلع لها بدل فاقد وهذا هو الحل من وجهة نظري وبتكلفة 100 ريال فقط

وبكذا تكون ماخسرت الشريحة والرقم .. ولازم تلحق عمرك قبل ماتخلص مدة الشحن .. بعدين

تسحب الشريحة ......

~ مجـَـردإنسـّـان ~ · #6 10/09/2005, 04:27 AM

اقول اختي مجنونه تصدقين حلك مره رايق

بالعربي خقيت معه

من احطها بأسمه طيب ؟؟

انا شاريها بدون اسم متعمد رغم انها اغلى من اني اروح اطلع من الاتصالات

اذا عندكم سواق عطيني صورة من اقامته اقلبها بأسمه

مجنونة بحب الهلال · #7 11/09/2005, 06:31 PM

اخوي مجرد انسان .....

حتى لو البطاقه بدون اسم .. (( أصلا مافيه بطاقة تطلع بدون اسم )) .. الحاصل انهم يطلعونها باسم

شركات أو عمال .. ويبيعوها علينا بمكسب .. شوري عليك بس دور أي واحد وحطها باسمه قبل لاتطير

البطاقه والرقم ......

عبدالله عاشق الهلال · #8 13/09/2005, 02:45 AM

مثل ما قال الاخ أذا ودك أذا سكرت جوالك وودك تفتحه بدون رقم سري اتبع الخطوات التاليه المذكورة وهي الأدوات الظبط ظبط الحمايه اول خيار يقو ل طلب رمز pin المقصود انك أذا سكرت جوالك وجيت تفتحه لازم رقم سري اذا حطيته متوقف مجرد انك تظغط التشغيل يفتح جوالك على طول بدون رقم سري وبكذا ترتاح او انك تغير الرقم وتخليه سهل بنسبه لك تحياتي لك

HASSAN_4U · #9 13/09/2005, 06:39 PM

الله يعينك
بس خبرنا وش يحصل معك

&هلالي صميم& · #10 14/09/2005, 03:37 AM

أخوي مجرد إنسان يؤسفني أقولك أنسى مالك أمل

صدقني راح علي رقم قبل كذا بسبب نفس الشي مع إني ما خليت محل في المدينة ما رحت له احاول الغاء الرقم السري

~ مجـَـردإنسـّـان ~ · #11 14/09/2005, 06:43 AM

ابشرررررررركم رميت الشريحة

وسحبت السواق مع خشته واقرب مكتب مشتركين

وطلعت لي غيرها هههههههههههههههههه