#1  
قديم 06/07/2001, 07:41 AM
موقوف
تاريخ التسجيل: 22/08/2000
مشاركات: 406
انا والملكه اليزابيث وبوش ...... ومن يسمع !!!!

ـــــــــــــــــــــــــــــــــــــــــــــــــــــــــــ بسم الله الرحمن الرحيم ــــــــــــــــــــــــــــــــــــــــــــــــــــــ

سوف اسرد عليكم قصه حدثت قبل فتره ليست بالبعيده وليست بالقريبه ولكن قصه عجيبه وغريبه تبين اشياء كثيره تقع في هذه الدنيا بعضها نصدقه والبعض الاخر نقول عنه غير معقول ولكن هذا ماحدث فعلا .......

سافرت مره من المرات الى فرنسا وكنت ساكن في الشانزليزيه وبعدين كانت وجهتي الاصليه "كان"

المهم جلست في باريس يومين وشفت قد ايش اخوانا المغاربه وضعهم سيء هناك ومضطهدين في

البلدان اللي تطالب بالمساواه وحقوق الانسان وكل يوم يقتل شخص او اثنين من هالضعوف من

واحد ابن كلب لكن لانه غربي مااحد يقوله شيء وهذا في جميع الدول الغربيه موهب بس في فرنسا

المهم .........

رحت لكان وانبهرت بجمالها وقصورها والمشاهير اللي فيها وصرت امشي وكل شوي اشوفلي واحد

والناس تلاحقه والبنات يصارخون عليه وانا مااحد عبرني !!!!!!!! ليش ؟؟؟؟ موهب مهم

بس كنت اتمنى القى عربي واحد مشهور مالقيت بس كل شوي نمر من عند قصور ومضيفي في كان

يقولي هالقصر للعربي فلان وهذا للعربي فلان وانا ماقد سمعت عن بعضهم اصلا بس اغلبهم

عايشين برا واستثماراتهم خارجيه ويفيدون عيال الغرب ويقوون علينا باموالنا وعيال شعبه كل واحد

منهم جوعانين !!!!!!! وبعدين رحنا ونمت في قصر اللي عازمني وقال بكره عندنا سهره تكفى لاتفشلنا

وتقوم تخرط بالسياسه على بالك فاهم كل اللي بيجون قاده وناس كبار وشخصيات عالميه بيحطونك

تحت باطهم وانت ماتدري ..... اذا بغيت تكلم في الموضه ....... قلت الله يصلحك اتكلم في الموضه

وانا في ديرة الموضه قال صح ........ طيب تكلم في الكوره !!!!!! رديت متنرفز منتب صاحي

والله ...........ليش يامستر فيصل .......قلت هالحين فرنسا وبطلة العالم واقوى دوري عندكم في

اوروبا الانجليزي واغلى لاعبين عندكم في اسبانيا وايطاليا وتبني اخرط في الكوره قال لاحول طيب

السيارات قلت ابد اغلاهن واحسنهن عندكم ...... طيب يادلخ الطيارات ... قلت قم ارقد بس ازينلك

هالحين كوره وعجزنا تبينا طيارات ....... اصلا كل شيء مااقدر اجاريكم فيه لاكوره لاصناعه لا

سينما وفن لا ثقافه ..... انتم في كل شيء تسابقون الريح وحنا نستقبل خرابيطكم تحت مسمى التبادل

التجاري والعولمه .........بس اعرف وش اجاريكم فيه وخر عني ,,,,,, المهم واصقعها نومه واقوم

العصر بعد يوم مرهق ........ ويجونا الحلاقين والبنات حقين المساج واللي يلبسونا البدلات اللي

مدري وشلون جايه ....... المهم كشخنا و قال يالله مشينا وكبيت على نفسي غرشة عطر ولبست

ساعتي جايبها مناك قال وش ذا ساعه جيفنشي افصخها راحت موضتها واجدعها !!!!! قلت جدعوا

راسك قل امين تدري بكم شاريها قال بس افصخها مالي شغل ... قلت ايه هذا انتم ماتقدرون تربحون

من ورانا الا بقصة هالموضه بس عناد فيك مانيب فاصخها وابروح كذا ...... قال اجل لاتمشي بجنبي

قلت بسلامتك المهم جانا ذا الليموزين الزين (موهب زي حقكم ) فياغرا طويل مره يوم ركبته قلت هذا

الفياغرا ولا بلاش !!!!!!

المهم وصلنا الحفل وكان جميع قيادي العالم موجودين قلت ياولد هذي فرصتك تعرف الناس بنفسك

وبثقافتك العربيه الاصيله وتكسب احترامهم المهم دخلنا ويقابلنا في الوجه رئيس وزراء البرازيل

ونسلم عليه بس ماش جاحدينه وواقف عند الباب يعني بعيد يعني الناس المهمين داخل يروعون !!!!!

المهم قلتله ياحليلكم ورا منتخبكم دج قال اقول اقلب وجهك حنا وفي اسوأ حالاتنا نقدر نصقع اقوى

منتخب من جماعتك العرب بدستة اهداف المهم ويسحبني رفيقي ويقول هذا اولها الله يعين على

الباقي ..... المهم كل شوي نمر من عند يارئيس وزراء ياملك يارئيس دوله ماقد شفتهم الا بالتلفزيون

لكن هالحين انا معهم واقول اللي ابي في وجيههم وكان موجود معذب امريكا فيدل كاسترو رحت

سلمت عليه والله طلع حليل وزقرت بعد وعطاني سيجار كوبي واخذته منه وقلت وقع عليه بالله يوم

نغزني خويي قال توقيع على سيجار !!!!!!!!

المهم استمر الحفل كذا الين وصلوا اكبر المدعوين تباعا جورج بوش الابن وبعده كبيرة الحفل الملكه

اليزابيث وزوجها الطرطور مدري وش اسمه يمشي وراها ماحد معبره وابنها تشارلز بس ماجت

الملكه الام الظاهر ركيبا تها تعورها ....... المهم ورحنا وسلمنا عليهم ورحبت فينا وطلعت انا

الوحيد العربي هذاك اليوم وبعد شوي جلسنا على الكراسي وكان معنا في الجلسه جاك شيراك

وملك اسبانيا خوان كارلوس وكم رئيس بس موهب مهمين ( سياحيين من الاكوادور وطقتها )

وجلسوا يخربطون في السياسه ... بس انا ماجازتلي جلستهم ابي الملكه اليزابيث وبوش جالسين مع

بعض ...... واستئذنت منهم وقمت وشوي شوي امشي علشان ماصقع بخلق الله ومادري الا ذيك

اللي تنغزني من ورا والتفت معصب ..... خير ..... اوه اسف اثرها جوليا روبرتس ( بس وش جايبها

بين السياسين مدري ) قامت تضحك وقال انا الليله مامعي مرافق وانت مامعك مرافقه وش رايك

نترافق .... قلت ليش لا ... ومير امد يدي خبركم اتيكيت وهي تمسكها وتوزع ابتسامات منا ومناك

الين وصلنا طاولة الملكه الكبيره وبوش وتشارلز وولي عهد اليابان ... وفيه واحد وجهه موهب

غريب علي ياولد منهو منهو ...... ايه هذا الكلب شارون وتنغزني جوليا عيب استح واجلس

واسولف معهم وكل ماعلق شارون ودي اتفل بوجه ولد الكلب واخو القرود والخنازير.......

المهم بما اني العربي الوحيد قمت اسولفلهم عن الساعه انها من اختراعنا والاسطرلاب وخريطة

الارض ..... وعشان اقهر شارون قلت وصلاح الدين قادنا يالعرب مع انه كردي وحررنا القدس الله

يرجعها لنا من يد المحتل ..... يوم تغرت وجيههم ولاتكلم شارون لانه لو نفس ... مطقوق مطقوق

الله لايعوق بشر قالت اليزابيث بس هي من حق اليهود ..... قلت حقهم تبن من وين حقهم قالت

ارضهم قلت وين الدليل قال بوش هيكل سليمان قلت وينهو قال تشارلز يدورونه .... قلت صفقني اذا

لقوه هذولي يهود نصابين ... بعدين وشو هالدين اللي يبنى على خرافه ومايدرون بعد ماحرفوه وشو

ساسه من راسه يوم قام الحمار الدب الكبير شارون وتركنا قلت اصرف ماعنده رد ابن ........

المهم ورجعت لموضوعي واعدد ماثر العرب يوم تكلمت اليزابيث قالت انت تعدد الماضي وين

حاضركم ؟؟ قلت ماضينا انتم سرقتوه وكملتوا الدرب يالصوص .... يوم زعلت قالت لا موهب صحيح

قلت صحيح ونص يابنت الذين ( اعجبكم عصبي ) انتم يومكم في عصور الظلام حنا نبني ونصنع

ونخطط وانتم جهله والدليل .... ان عندكم في متاحفكم الاف المخطوطات والكتب العربيه وكلها

مسروقه قالت ايه لكن لوها عندكم ماعرفتوا قيمتها يالعرب يالداجين !!!! قلت حنا اللي ألفناها ماراح

نعرف قيمتها ؟؟... قالت لا اللي الفوها العرب القدامي غير عربكم اليوم ... قلت طيب العرب القدامى

كانوا متمسكين بدينهم اما اليوم انتم زعزعتونا وفرقتونا بقوميه وخربطه مالها داعي لان حنا يوم

كنا على دينا كنا مسيطرين وبعد القوميه دجينا ...... وانتم تكرهونا كره الى الان وتخافون من رجعتنا

لديننا الصحيح ..والدليل انكم تخافون من العرب ذبحتوا المزيوينه ديانا ..... يوم عصب تشارلز وقام

يهاوش ... قلت انت كل تراب من يوم تركتها ورحت للشينه بنت باركر وانت طايح من عيني انا كلامي

مع امك ياوصخ ..... المهم انحرجت في هاللحظه جوليا وراحت .....واكمل على اليزابيث ان التقارير

اكدت ان ديانا كانت حامل ومن مين من عربي واكيد اذا جابت طفل بيكون اخو لملك بريطانيا القادم

وبيتعاطف مع العرب .... قالت لا موهب متعاطف.... قلت الا لان الحق معنا فقمتوا انتم تخلصتوا منها

باسهل الطرق ... قالت هذا اتهام خطير ... قلت والله موهب كلامي كلام الدول المجاوره قالت مين

قلت فرنسا والمانيا واخواتها .... قالت اصلا فرنسا راس البلاء والمانيا وايطاليا ماعندهم سالفه

وهي تزاعق بصوت عالي وبوش قال كلامها صح ..... واكد كلامها ... المهم شوي وتخربطت الصاله

وقاموا يتهاوشون ويسبون بعض ويتهددون بعض وانا اتفرج ...... والدول المحايده يحاولون

يصلحون بس ماش الظاهر ان الحرب بتقوم وقاموا يطلعون فضايح بعض والتقارير السريه

ولعبهم على العالم ويذبون على بعض ... ياشيراك ياطويل الطول طول نخله والعقل عقل صخله ....

اسكتي ياأم شوشه ياعجوز الجن ..... وبوش يذب على رئيس وزراء اسبانيا .. قم انقلع يابو شنب

كنه شنب شريطي في حراج ابن قاسم .... وذاك يرد يابوش رح اضبط بناتك السكارى بعدين تعال

تكلم ... وخبط كراسي وكاسات الشمبانيا تناثرت والاكل تطاير والصحون تكسرت .....



وطلعت انا بكل برود وقلت شفتوا هذا عربي مسلم بسيط سوا فيكم كذا ...... اجل لوا نتحد ونحب

بعض.... ونترك المتغيرات ونهتم بالثوابت ..... وننسى الماضي ونطالع الحاضر ... ونهتم بجوهرنا

بعقيدتنا باسسنا والله ان نبيدكم ياعيال ...... عن بكرة ابيكم ونرجع حكام العالم زي ماكنا ......

بس من يسمع ........ من يسمع ........ من يسمع ..................................... من يسمع وشكرا


اضافة رد مع اقتباس
  #2  
قديم 06/07/2001, 07:51 AM
زعيــم متألــق
تاريخ التسجيل: 28/08/2000
المكان: هلالي وأعشق سامي
مشاركات: 1,169
أقووووول تبي تقول الحقيقة وش سويت أو أعلمهم ...

تراني ماعندي لف ودوران ...

لكن بصراحة موضوع مقلع يا مقلع ...

وتستاهل التثبيت ...

ولك تحياتي ...

أخوك / سفر المرزوقي .

اخر تعديل كان بواسطة » ســ9ــامــ9ــي في يوم » 06/07/2001 عند الساعة » 08:00 AM
اضافة رد مع اقتباس
  #3  
قديم 06/07/2001, 07:57 AM
زعيــم مميــز
تاريخ التسجيل: 11/03/2001
مشاركات: 1,605
هلا والله بالمتميز :

والله يا اخوي انت متميز بالي سويته .

مع انه من ضرب الخيال الا لو صار راح تكون قوة للمسلمين جمعيا .

وان شاء الله ترجع العزة والنصرة للمسلمين ونتحد تخت كلمة وراية وحدة .
اضافة رد مع اقتباس
  #4  
قديم 06/07/2001, 08:00 AM
زعيــم مميــز
تاريخ التسجيل: 20/12/2000
المكان: (@ د @)
مشاركات: 1,802
فعلاً متميز اسم على مسمى ... قصه فيها ابداع وقوة قصصيه رهيبه



بس يخوي ولا في عام 3000 يحدث هذا اللي نتمناه جميعاً








اضافة رد مع اقتباس
  #5  
قديم 06/07/2001, 08:03 AM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
منتب عاقل يالمتميز

موضوع جميل وطرحه اجمل

بس ياليت نتحد ونكون يد وحده في وجه عدونا
اضافة رد مع اقتباس
  #6  
قديم 06/07/2001, 09:05 AM
زعيــم فعــال
تاريخ التسجيل: 29/03/2001
المكان: بلد الاحرار .. والاخيار...
مشاركات: 342

السلااااااااااام على الجميع .......


ليش كووووووووووذيه يالمتميززززززز........


بصرااااااااااااااااااحه .........


وبدون زعل ..........



تراك قهرتني ........


بحركاتك الصبيانيه هذي ...........



طيب ليه ........





















تشوووووووووووووف ابن الكلب.... ابو كرش ...... شارووووون وماتتوطى في بطنه ....



طيب ليش مااخذتني معاااااااااااك ......


كان اذبحه بدالك ......

وماعليه اصيرررررر مجرمة حرب مو مشكله .........


======================================================
موضووووووووع موب صاحي .....

خطيررررررررررررررررررر.........

رووووووووووووووووووووعه.........

=====================================================

ولو اني زعلانه عليك مررررررررررررررره ..........

كذا تروح بدون ماتعلمنا ....... ولا تعزمنا معك ......

الله يسامحك ........

======================================================
وترى الهدايا والعطووووووور الي جبتها لاهلك من باريس.......

لي واحد منها ..... رضيت والا انرضيت .........
====================================================
التميزززززززززززز........... عنوان الغالي ....... المتميززززززززززززززز


اضافة رد مع اقتباس
  #7  
قديم 06/07/2001, 09:12 AM
زعيــم نشيــط
تاريخ التسجيل: 15/12/2000
المكان: منتدى الزعيم
مشاركات: 712
Thumbs up


صرررررررررررراحه فكرررررره حلوه وخيال واسع ماشالله عليك ...

ويستاهل موضوعك اكثر من التثبيت انه يكون موضوع مميز ...

ومشكورررررررررررررر ...
اضافة رد مع اقتباس
  #8  
قديم 06/07/2001, 09:44 AM
زعيــم مميــز
تاريخ التسجيل: 15/03/2001
مشاركات: 4,718
الغالي المتميز

انت متميز قبل هذا الموضوع والأن أصبحة اكثر تميزآ

لاتحرمنا من مواضيع الجميله وطرحك السلس

أرجو ان تقبل أحترامي لك

اخر تعديل كان بواسطة » ابوسليمان في يوم » 06/07/2001 عند الساعة » 02:20 PM
اضافة رد مع اقتباس
  #9  
قديم 06/07/2001, 09:52 PM
زعيــم فعــال
تاريخ التسجيل: 04/06/2001
المكان: الرياض
مشاركات: 228
قصة متألقة

قصة في غاية الروعة والابداع

وارجو من الله ان نجتمع على كلمة واحدة وينصرنا على اعدائنا

ولك اخي المتميز جزيل الشكر

وعندي اقتراح للمشرف سفر وهو

ان يكون المتميز بعد هالموضوع عضو متميز

وشكراَ

اضافة رد مع اقتباس
  #10  
قديم 06/07/2001, 10:25 PM
زعيــم متواصــل
تاريخ التسجيل: 06/01/2001
المكان: الرياض
مشاركات: 116
Thumbs up


ماشاءالله تبارك الله ..

فكره رائعه .. زاد من روعتها أسلوبك السلس وخيالك الواسع ..

بس بصراحه ماهقيتها منك ..

يعني تمشي مع جوليا روبرتس وانا موجوده ! .. وش دعوا ياكافي !

<-------- كل هالزين ماملا عينك
،
،
،
على العموم .. يعطيك الف عافيه يالمتميز

تحياتي لك ،،،

اضافة رد مع اقتباس
  #11  
قديم 06/07/2001, 11:37 PM
مشرف سابق في منتدى المجلس العام
تاريخ التسجيل: 17/12/2000
مشاركات: 8,956
Thumbs up



ماشاء الله احلوت المواضيع

ابداع في القصه واحداثها

مشكور المتميز والى الامام
اضافة رد مع اقتباس
  #12  
قديم 07/07/2001, 03:29 AM
زعيــم نشيــط
تاريخ التسجيل: 03/02/2001
المكان: الدنيا
مشاركات: 556
خيال رائع .. وسيلة رائعة للوصول لغاية و هدف اروع ...
اضافة رد مع اقتباس
  #13  
قديم 07/07/2001, 05:10 AM
زعيــم فعــال
تاريخ التسجيل: 05/04/2001
مشاركات: 457
صفقه شباب صفقه .. والله اسم على مسمى اخوي المتميز .. وش تبينا نقول .. وش تبينا نزيد .. متميز ومبدع وخيال فوق الخيال ----<يمديكم على خيال فوق الخيال والله ما ندري وش نقول اخوي المتميز .. ابدعت اخوي بمعنى كلمة ابدعت .. اتمنى لك دوام التوفيق ..





اضافة رد مع اقتباس
  #14  
قديم 07/07/2001, 05:13 AM
الصورة الرمزية الخاصة بـ salman99999
عضو ادارة الموقع الرسمي لنادي الهلال
تاريخ التسجيل: 10/09/2000
المكان: الرياض
مشاركات: 1,951
Thumbs up

بحق انه موضوع القرن ويسيتحق اكثر من تثبيت ....

اخي المتميز :
كيف لك بكل هذا لم اكن اتوقع ولو للحضه انك بهذا الابداع قد سطرت حقيقتاً موضوع يستحق ان يوصف بانه قمة الابداع وروعه الوصف وتوصيل الافكار ...
يالك من مبدع ...
انها ليست مجامله ولكنها الحقيقه التي تستحقها ...

تحياتي لك وتسلم علي كل ماتخطه يداك
اضافة رد مع اقتباس
  #15  
قديم 07/07/2001, 07:23 AM
زعيــم جديــد
تاريخ التسجيل: 20/02/2001
مشاركات: 19
ابو الابداع وعاشقه . المتميز بفعله وكتابته .شكرا على هذا الموضوع
والذي اقل ما يوصف بانه رائع;)
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:27 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube