نادي الهلال السعودي - شبكة الزعيم - الموقع الرسمي - ثالث ثانوي على كف عفريت (دعوة للمناقشة)

- منتدى المجلس العام (http://vb.alhilal.com/f1/)

اخوي فهد

جاك العلم واناخوك

بالنسبه لمرحلة ثالث ثانوي ترى هي مرحله محصلة للسنوات اللي راحت

وااكيد انك متعقد نفسيا خاصة في نظام الاجازات السنه هذي الزفت

لكن خذ مني العلم وتراني مثلك داخل على هذي المرحلة :

اول شئ سواء اذا كانت مدرستك اهلية او حكومية ترى ما بينها فرق كبير

اذا سويت الي عليك وذاكرت اول باول وجبت مدرسين للمواد اللي تشوف نفسك فيها خربان

ثاني شئ هو تحاول تنتبه مع المدرس في الحصة وتسأله عن اي شئ ماتعرفه

ثالث شئ هو تشبيك المدرسين والتودد معهم علشان اذا نقص عليك شئ يمكن يزودك درجات خاصه بالمشاركة

رابع شئ حركات الاستهبال والاستعباط في الحصه انساها في ثالث

خامس شئ في الاختبارات الشهرية حاول انه ماتضيع ولا درجة وحده

اذا اخذت بهذي الاشياء الخمسة صدقني لتاخذ نسبة مرتفعه

ودمت سالما

[align=center]هلا أخوي فهد

الصراحه أنا بكلمك عن ثالث ثانوي بهمومها كلها :rolleyes:

أنا أشوف أنك تشد حيلك من أول يوم من المدرسه

وخصوصا في الترم الأول لأنه بيساعدك في الترم الثاني

وتحاول أنك تحفظ كل تدرس بيومه وتعمل لك مراجعات للدروس خصوصا في الأيام الأخيره من الترم الثاني s60s

يعني أنا بقولك نظامي اللي كنت ماشيه عليه طول السنه :)

أرجع من المدرسه بعدها انوم وفي العصر أبدأ في حل الواجبات وحفظ الدروس تقريبا إلىالمغرب وأحيانا

إلى العشاء وبعدها اجلس على النت وبعد كذا اتعشى مع اهلي وجلس عند التلفزيون شوي وبعدها انوم

وأبغى أنبهك على شي هاااااام :rolleyes:

وهو إذا كان عندك أمتحان ضروري أنك تصحى قبل الفجر عشان تراجع لأن المراجعه مهمه وتنفعك

والله يعينك على غثاها وتعبها :sad:

طلعت عين قسم بالله أن أيام الأختبارات النهائيه ماعرفت النوم :wallbash:

هبلت فيني الله لايحلها :cry:

بس الحمد لله ماضاع تعبي ونجحت ونسبتي عالي العال ;)

والله يعني على نكد الجاامعه الحين :razz:

وبالنسبه للدورة الأنجليزي فأنا أعتقد لو انك ماخذها في العطله كان أحسن وأريح لك

لاكن الحين أحسن لك لاتخذها لأنك راح تتعب من كل الجهتين :rolleyes:

أنا مثلك أول كنت بأخذ دوره بس أهلي قالوا راح تتعبين لأن الدروه لها دوام ثاني غير المدرسه

فأقترحوا علي أني أخذ مدرسه خصوصيه واخذتها وكانت تجيني في الأسبوع مره

والحمد لله جبت العلامه الكامله في الانجليزي :D

بس أنت شوف اللي يناسبك وأعمل فيه s60s

والله يوفقك أن شاء الله :)

أرق تحياتي 00000توته[/align]

[align=center]هلا اخوووي فهــــد

ووانا والله ياخوي مثلك
كنت محتاره بس قررت اجلس بالحكوميه
والي ربي كاتبه بناخذه
وللاسف
دخلت معهد وباقي على المدرسه اسبوووووووووع
بس الله يعين

ويوفقك
وان شاء الله نجي السنه الجاايه مستانسين بنسبنا

إقتباس:

وفقك الله لما يحبه و يرضاه ..

اللهم أعط فهد ما تمناه @ و بلغه من خير الدارين مناه

اميــــــن والجميع :) [/align]

[align=center]يالله حيهم نورتوا لموضوع ,,
اثلجتوا صدري بصراحة بردودكم :)
[line]

ابو نوف الهلالي
ياهلا بك :)

إقتباس:

نصيحه واسئل مجرب اجتهد كلها كم شهر وتخلص لاتكاسل

مشكور ياخلفهم على النصيحه

إقتباس:

وبعدين اخر السنه اذا رحت تقدم يحذفون الملف وبجهك

فال الله ولا فالك :D
هذا اللي بيخليني اهون وماادرس :razz:

شاكر لك ردك خيوو :)

[line]

ياهلا بـ عزوووزي :)

إقتباس:

اول شي الله يوفقك ان شاء الله وهاذي السنة هي الزبدة شد حيلك عشان ترتاااح

ويوفق الجميـع ,, الله يعين يارب على هالسنه ويعين الجميع :)

إقتباس:

انا حليتها بحركة حلوة وهي اني جبت
مدرسين خصوصيين وصرت اتابع معاهم المواد بحيث اني اراجع معاهم واسترجع معاهم
ومنها تذكير والله اني ارتحت

عااد تصدق ان فكرتك اللي سويتها ممتازة حتى اني كنت مفكر اسوي مثل كذا ,,
بس أجلتها للفصل الثاني لانه بيكون اصعب والجهد لابد من مضاعفته فيه ,,

إقتباس:

الاشياء المطلوب انك تركز فيها : المواد العلمية اهم شي الرياضيات تنقص درجة بست درجات
والكيميا والفيزيا والانجليزي والاحياء الدرجة بأربع درجات يعني كسر ظهر حاول انك تركز
عليهم من بداية السنة عشاان تقدر تجيب نسبة محترمة في الفصليين وطبعا لاتجحد الموااد
الثانية بس ركز على المواد العلمية اهم شي

هذا اللي كاسر ظهري المعدل التراكمي الله لايعودة من معدل :sad:
شئ اكيييد التركيز في المواد العلميه والسبب هالمعدل :)

إقتباس:

دورة الانجليزي : انا انصحك خلك في دراستك حاليا والدورة لاحق عليها في الصيفية الجااية

خلاااص حطيت اكس على دراسه الانجليزي هالسنه وندمان لاني مااخذتها بالصيف :sad:

إقتباس:

انا ماانصحك تاخذ دورة ابدا في السعودية اطلع برا لبريطانيا وادرس هناك

نصحيتك اخذتها بعين الاعتبار وخاصه ان النادر كبر الفكرة زيادة بعد موضوعه عن دراسته برا :)

إقتباس:

ختاما الله يوفقك ويوفق كل طلاب ثالث ثانوي ان شاء الله

آمين يارب ويوفق الجميع ويوفقك يابعدهم ,,
مشكور على اضافتك خيووو :)

[line]

صالح ياهلا بك :)

إقتباس:

من أولى متوسط إلى ثاني ثانوي ماقد حليت واجب أو حفظت أو شي من هذا القبيل .. أحتري الإختبارات تجي وأذا جت ورقتين تحفظهم وتخش الإختبار وأنتهى الأمر

مشكلة حقين المدارس الاهلييه :D
والله اللي بتروح عليييك اجل ,, :D
الملخصات مشكلة بصراحة وخاصه اذا تعودت علييه وانت بتلاحظ هالشئ :)

إقتباس:

كذلك الحال سنطبق عندي في ثالث في الفصل الدراسي الأول .. أنا لا أنكر أني راح أجيب مدرس رياضيات وكيمياء وأنقلش فقط لاغير .. خصوصاً هذا الفصل اللي هو الفصل الأول عشان أجيب نسبه

قصدك ستنطبق :D ,, الفصل الاول مهم كثيير ولكن الثاني اهمممم :)
نظام المدرسين بيساعدك كثير ولكني حاس انك تقول لي كلام من هينا ومناااك ركبه في وجهة المدرسين :D

إقتباس:

دخلت على ثالث وأنا كلي همه وإجتهاد أتابع كل درس وأراجعه بالبيت يوميا أسبوع أسبوعين يوم جا الثالث بديت أأجل والرابع ألين سحبت كلياً

هذا سلمك الله مشكلتن اسمها الاتكاليه والتاجيل ,,شئ اكيد لو بسوي مثله او اي احد غيري يسويه بتطلع له هالمشكلة ,, ولكن بالاصرار والعزيمه بتتغلب عليها :)

إقتباس:

والسبب يرجع لأن هذا الأخ العزيز مثل نظامي النايم ما قد ذاكرت أبد في حياتي وسط السنه وأذا جا المصري يشرح مغير فهاوه ولا قشم حب ولا طقها علك ولا سولف أذا المدرس زلابه

اجل فهاوة :D

إقتباس:

وثاني يقول .. أهلي ضغطو علي بالمذاكره وأنا كني تحست شوي وصرت اذاكر وجبت بالفصل الأول 92% بجهود واحد من اللي قدامه .. والفصل الثاني جااب 71 يوم أنكب وماصار أحد قدامه !!

قايل لك هذي مشكلة الاتكاليه والله كل ماذكرت سالفته جلست اضحك مسكين والله :D

إقتباس:

أكيد عرفته يافهد :D

افاعليييك :D

إقتباس:

عموماً أنا زي ماقلت لك .. مدرسين خصوصيين للمواد العلميه .. ماراح أجيبهم من بداية السنه ( لا لا ) راح أدرس كذا اسبوعين ثلاث .. بأشوف كيف المدرسين وشرحهم وبأشوف اللي أحتاج أني أجيب مدرس للماده الفلانيه

زين اللي بتسويه ,, شف الوضع اول شئ ثم شف لك مدرس يغطي لك المادة افضل من المدرس حق مدرستك

إقتباس:

وأنا متأكد أن فيه ناس من جنبها بس جابو نسب عاليه كله من دعوات الوالدين ورضاهم عليه ورضا الرب أولا وأخيرا عليك

من اهم اسباب التوفيق رضى الله ثم رضى الوالدين ودعوواتهم ..

شكراً صالح على مداخلتك :)

برب راجع للباقين :)[/align]

[align=center]وعليكم السلام ورحمة الله وبركاتة
ياهلا والله بالـنـادر :)
شخبارك ان شاء الله تمااام :)

إقتباس:

انا خلصت الثانوي و الحمد لله على النتيجه
النتيجه اللي تخرجت به هي 88,65%

ماشاء الله ,, :)

إقتباس:

رتب جدولك اليومي
بحيث يكون وقت للراحه و وقت للدراسه ووقت للمدرس الخصوصي و وقت للوناسه زي الطلعه و النت و زي هذه الاشياء

النظام اللي هو جدولي اليومي ,, بكل تاكيد راح الاقي صعوبه في تغيير نظامي
الله يعين على مشكلة النظامـ :)

إقتباس:

بعدين سالفة المدارس الاهليه و الدرجات لا تهمك
اذا انت في مدرسه و مرتاح فيها و مدرسينها ممتازين لا تغيرها

فكرة تغيير المدرسه هذي شايلها من راسي ,,
حمد لله مدرستي تعد الافضل على مستوى المنطقه اللي انا فيها ,,ومرتاح فيها :)

إقتباس:

لا تهتم في الاسئلة المهربه او اللي تسربت
تراها ما تفيدك في شي

هذي نصحية لي ولجميع من في هذه المرحلة ,,
صدقوني ماراح تفيد :nono:
أعـرف ناس اعتمدوا على هالاسئلة وتفاجئو بغيرها في الاختبار وراحت علييهم :cry:

إقتباس:

الا اذا بغيت تعرف طريقة الاسئله فهذه انا ايدك فيها لاني كنت اسويها
كانت عندي اسئلة الرياضيات و الكيمياء و الاحياء و الفيزياء كلها للاربع العوام اللي قبل اختباري
والحمد لله استفدت منها شوي

معرفه طريقه الاسئله راح تفيد كثيير
وانا حريص على سؤال من مروا بالمرحلة هذي :)

إقتباس:

احرص على الحل بيدك اذا تذاكر الرياضيات
لان الكتابه تدخل لك المعلومه في راسك و تثبت لمده طويله
لا تعتمد على الحفظ الا لمواده

في هذي معك حق ,, وسبق ان جربت هالطريقه واستفدت كثير منها وكان الاختبار سهل بكثير علي
:)

إقتباس:

لوانك مستثمر وقتك في الاجازه و داخل لك معهد انجليزي افضلك
و من ناحية انها بتسبب لك ضغط فهذا شي اكيد
لان ماراح يكون عندك وقت للدراسه و المدرس الخصوصي و الوناسه

يالله راحت علينا :)
الوعــد ان شاء الله في فانكوفر ولا وش رايك :D

إقتباس:

اتمنى اني افدتك في النصايح اللي عطيتك اياه
وبشوف ردك علي

ماتتصور وش كثر افادتني وان شاء الله بتفيد من يقراء الموضوع
ماقصـرت ويعطيك العافيه :)

[line]

أبو ريمان ياهلا بك ,, :)
شكراً على استجابه الدعوة وكنت واثق من الافادة من ماسوف تكتبه "

إقتباس:

هي سنة من سنين عمرك و إن لم تبتديء بعد فما هي إلا أيام ستمر كاللحظات و تصبح ماضياً إن أحيانا الله ..

ولكنها بكل تاكيد تختلف عن سابقتها ,, اتمنى ان تمر بـ سلام وبـ نتيجة مرضية :)

إقتباس:

قد لا نشهد نهاية العام ؟! و إن شهدناه سنضحك سوياً على هم حملناه !!

نسأل الله طوله العمـر ,, ان شاء الله ساضحك وافرح وتشاركني الفرحة كما هي عادة الاخ لأخية
يشاركة فرحتة :)

إقتباس:

ي لا تحفل بشيء ! فمن يعلم أين يكون الخير ؟! فقد يكون الخير في ما نكره و قد يكون الشر في ما نحب ؟!

s60s

إقتباس:

ابتعد عن الشد ، أقبل على الدراسة برغبة ، استمتع بها ، لا تمارسها كواجب و مارسها كوسيلة تريد بها تحقيق بعض أهداف حياتك ..

ياسلام علييك ياابو ريمان ,, ذكرت نقطة مهمة كثيراً وهي ممارسه برغبه تستطيع من خلالها تحقيق اهدافك ,, وليس كما نرا من بعض الطلاب معتبر الدراسه حمل ثقيل عليه لايستطيع التخلص منة :)

إقتباس:

لا تزد من الضغوط ( معهد لا ) و استرخ بالقدر الذي تستطيعه ..

( معهد لا ) <<=-= نعم هذا ماسوف يحصل :)

إقتباس:

لا تنسى بأن الكلية التي ستدخلها محددة ليس من الآن ؟! و إنما من سنين أقل بأربعة أشهر من سنين عمرك الحالي !!

الهدف معروف ومحدد ,, وباذن الله يتحقق :)

إقتباس:

ابذل الجهد البدني الذي لا بد و أن ينتهي ، و ابتعد ما استطعت عن الجهد النفسي ..

هذا هو وقت مضاعفه الجهد لاجل الهدف :) ,, نقطة ساخذها بعين الاعتبار الابتعاد عن الجهد النفسي :sad:

إقتباس:

تذكر أيضاً أن الرزق مقسوم و الأمر محتوم و أن ما أنت ماض فيه ليس إلا سبب ! حكمة الخالق ( و جعلنا لكل شيء سببا ) ..

سبحان الله العظيم :)

إقتباس:

حقك علي و على كل محب : وفقك الله لما يحبه و يرضاه ..
اللهم أعط فهد ما تمناه @ و بلغه من خير الدارين مناه

اللهم آمين أجمعين ,, جزاك الله خيراً ياابو ريمان على دعواتك الصادقة :)

إقتباس:

نظامي لم يتغير في أي من السنين باستثناء السنين الأولى بالطبع ..
عودة فعادة النوم ( القبيحة ) !! فقط حل الواجبات و المذاكرة فقط في ليالي الاختبارات ..

بصراحة مثل نظامي السنه الماضية,, على آمل ان يتغيير هذي السنة :)

إقتباس:

ليس هو الأسلوب المثالي و لكن حاول أن تخصص جزءاً من جدولك اليومي للمذاكرة و لو ساعة واحدة ..
و لتحقيق أعلى النسب في نهاية العام راجع أسئلة الوزارة للسنوات العشر الأخيرة بتركيز يفوق التركيز على المنهج !! فهم يدورون في نفس الحلقة و لا بد أن تلاحظ ذلك بنفسك ما إن تبدأ في مراجعتها ..

بكل تاكيد ساحاول اخذ فكرة شاملة عن الاسئله ,, وشكرا على نصيحتك في السطر الاول :)

إقتباس:

تحياتي لك يا رجل و استبشر خيراً ..

ابو ريمان بحق اسعدتني كثيراً مداخلتك وافادتني ايضا في نفس الوقت
شاكر لك ..

[line]

واحد زاحف ياهلا والله بالهطلة ,, :)

إقتباس:

بجيكم اول يوم اناظر واطبق .. :razz:

الحين بفلها .. :D

طيب لاتنسى تعلمني :D
:confused: :confused: :confused:

برب راجع للباقين

:) [/align]

[align=center]رجعنا لكم ,, :)
قلب الشلهوب ياهلا بك اخوي ,,

إقتباس:

لكن نصيحة من محب .. لا تتجمع عليك الدروس .. وخذ كل يوم بيومه ..!!

راح تؤخذ بعين الأعتبار ,, ;)

إقتباس:

اذا مرة مرة .. خربت يعني .. جمعها لنهاية الأسبوع ..!!

ان شاء الله ماراح تخرب ,, ونهايه الاسبوع ان شاء الله بحاول اخليها لمواد الحفظ :)

إقتباس:

وبالنسبة للدورة .. كان دخلت دورة بالعطلة طيب ..!!
أو انك تآخذها الإجازة الجاية ..!!

يالله العوض بالعطلة الجايه ,, :)

وياهلا فيك وشكراً على مداخلتك "

[line]

اررررررررررحب ياولد وايل :D
يالله حية شخبارك مبسوط :)

إقتباس:

اجل وراك ثالث

يقولون :D

إقتباس:

بالتوفيق مااعرفك انا :razz:

تمزح ولد وايل مايسويها :D

إقتباس:

طبعا قبل ماتبدا السنه كنت اقول براجع كل يوم واراجع دروس الاسبوع في نهايته
ومنها هالكلام طال عمرك ويشهد الله علي ماشفت من ذا شي

تصدق عاد ان كثير من الطلاب يقول مثل هالكلام ثمن يطلع ماعندة الا الدجة :D

إقتباس:

الثاني كان اخر اختبار عندنا هو الاحياء ذاك اليوم فتحت الدفتر لقيت الصفحات فوق التسعين
كلها شرح ورسمات وقلق اعوذ بلله :D ,,, لا وبعد ناقص
قلت يارجال رزقك مكتوب على ربك وامزع الدفتر طال عمرك وهم دفوني الى 55 ونجحت :D

الله يرجك ياشيخ :D ,,والله بعذرك تمزع ابو الدفتر يااخي
احياء وفي آخر يوم وتسعين صفحة ابطت المذاكرة من جدددد :razz:

إقتباس:

افقلني ياشيخ ان ماكانت فله وسااعه صدر وتوقيف عند باب الوكيل والمرشد كل يوم يناديك

:D :D

إقتباس:

تبي وجهة نظري احس انك شايل همها من الحين راح تتعب يابعدي

تبي الصراحة ,, موب ذاك الزود كاني اهتميت فالاهتمام بيكون مع منتصف الفصل

إقتباس:

خل الوضع طبيعي المكتوب بيصير سواءا بتاخذ 98 % والا 69 % << نسبتي دجه

دجة وبس لايكون سمعك احد وانت تقولها :razz: :D

إقتباس:

ودك تسنتر قدام الكتب 24 ساعه ؟

مو معناة اني ابي اجتهد في آخر أن اتعب نفسي بالمذاكرة ,,
المذاكرة لها وقت ,, والوناسه لها وقت ,, والدوري الايطالي هم بعد له وقت :D

إقتباس:

تبي تفلح لا تفكر في نسبه ابد ياكثرهم اللي فوق الثمانين مالقوا شي
وياكثرهم اللي تحت السبعين والحين في احلى الوظايف

الله يعينا ويعينهم ,, لكن شئ اكيد اني راح اهتم في النسبه لعل وعسى نصيب :)

إقتباس:

صدقني ياخوي يافهد ان اصعب مراحل ثالث ثانوي في الممملكه هي السنه اللي تخرجت منها
اول مره يطبق التراكمي مدري وش
العالم والله ماتدري وش السالفه تدرس وبس

تقصد السنه اللي فاتت ,, الله لايعيدة من قرار والله فيه طلاب مساكين راحت عليهم بسبه هالمعدل :sad:

إقتباس:

الله يوفقك ويسهل امرك ياخيي وعقبال مانبارك لك بالنسبه 79 % قصدي 97 %

آمين والجميع ان شاء الله ,,
ياهلا باضافتك ياولد وايل[/align]

اقول بس احمد ربك وصلت ثالث انا للحين اجرجر ثاني لاوصلت ثالث ارد لك يابو الشباب :laugh:

[align=center]في البدايه حاب اسلم عليك اخي الغالي فهد
وادلي بدلوي في موضوعك

ثالث ثانوي وما ادراك ما ثالث ثانوي معيار نجاحك بدراستك مقرون بها
اذا فلابد من عوامل تساعدك على اتمام هذه السنه الدراسيه
وتوجد عوامل نجاح وايضا وفي نفس الوقت توجد عوامل فشل
و من اسمى عوامل النجاح
هي الابتعاد عن السهر فالسهر منهك للجسم ومرهق للعقل
لذا ابتعد عنه وحاول بان تقضي على عادة النوم بعد الظهر او بعد العصر
فهي من اهم الاسباب المؤديه للسهر
كذلك ابتعد عن الاشياء التي تشتت تفكيرك ودع جل همك هو دراستك
لذا فلا انصحك بالالتحاق باي مجال تعليمي اخر اثناء دراستك
ومن اهم العوامل مراجعة الدروس
وان تضع الحكمه القائله (لاتؤجل عمل اليوم الى الغد) نصب عينيك
لذا فاقترح عليك بجلب مدرسين مختصين من بداية السنه
يكون الاتفاق بينك وبينهم على مراجعة الدروس التي تتلقاها من المدرس
فمثلا حصتين كل اسبوع لكل ماده لن تشكل عبئا عليك بل ستزيد من حصيلتك العلميه
مادة الرياضيات والانجيليزي هما الركيزتان الاساسيتان التي على اساسها يتم
قبولك في الجامعات والكليات المرموقه فاعطهما حقهما
وتذكر بان من حولك من اهلك يعولون عليك الكثير فهم صرفوا ودفعوا
مقابل تعليمك وتوفير ماكلك ومشربك وكلهم امل بان تحقق ما يرفع رؤسهم

اتمنى ان تحقق ماتصبو اليه واعلم بانه ليس نيل المطالب بالتمني
وتذكر ان من طلب العلا سهر الليالي
اسال المولى عل وزجل بان يوفقني ويوفقك الى مايحب ويرضى[/align]

[align=center]عودة مرة اخرى ,, :)
ياهلا بـ مرسول الهلال

إقتباس:

بالنسبه لمرحلة ثالث ثانوي ترى هي مرحله محصلة للسنوات اللي راحت

بكل تاكييييييد :)

إقتباس:

وااكيد انك متعقد نفسيا خاصة في نظام الاجازات السنه هذي الزفت

مو مررررة يعني نص ونصين :)

إقتباس:

ثالث شئ هو تشبيك المدرسين والتودد معهم علشان اذا نقص عليك شئ يمكن يزودك درجات خاصه بالمشاركة

هذي من اهم النقاط كسب ودّ المدرسين ,, :)

إقتباس:

خامس شئ في الاختبارات الشهرية حاول انه ماتضيع ولا درجة وحده

شئ مهم بالفعـل ,,

إقتباس:

اذا اخذت بهذي الاشياء الخمسة صدقني لتاخذ نسبة مرتفعه

بكل تاكيد ساخذها بعين الاعتبار ,,
شاكر لك تجاوبك مع الموضوع اخوي مرسووول الهلال :)

[line]

ياهلا بـ توتة زرقاء
اهليين وسهليين :)

إقتباس:

الصراحه أنا بكلمك عن ثالث ثانوي بهمومها كلها

ادلي بدلوك :)

إقتباس:

شد حليك وخصوصا في الترم الأول لأنه بيساعدك في الترم الثاني

نقطة مهمة ,, خاصه ان بتساهم في تخفيف الضغط في الفصل الثاني . :)

إقتباس:

وتحاول أنك تحفظ كل تدرس بيومه وتعمل لك مراجعات للدروس خصوصا في الأيام الأخيره من الترم الثاني

s60s

وبالنسبه لنظامك صراحة اكثر من جيد ,, ولاغرابه بأن تكون نسبتك مرتفعه :)

إقتباس:

وهو إذا كان عندك أمتحان ضروري أنك تصحى قبل الفجر عشان تراجع لأن المراجعه مهمه وتنفعك

بصراحة المراجعه بعد الفجر اوقات الامتحانات مفيدة كثير ,, لاني سبق وجربتها :)

إقتباس:

هبلت فيني الله لايحلها
بس الحمد لله ماضاع تعبي ونجحت ونسبتي عالي العال

لكل مجتهد نصيييييب .:)

إقتباس:

وبالنسبه للدورة الأنجليزي فأنا أعتقد لو انك ماخذها في العطله كان أحسن وأريح لك
لاكن الحين أحسن لك لاتخذها لأنك راح تتعب من كل الجهتين

اي والله كانت بتكون احسن ,, ومن ناحيه التعب راح يكون موجود
والتنظيم بيكون صعب بينهم:)

شكراً لك على هالمشاركة ,,
وموفقه ان شاء الله بالجامعه :rolleyes:

[line]

ياهلا ومرحبا بالهنوووف :)

إقتباس:

ووانا والله ياخوي مثلك
كنت محتاره بس قررت اجلس بالحكوميه
والي ربي كاتبه بناخذه

الله يعينك ,وان شاء الله تتسهل امورك :)

إقتباس:

دخلت معهد وباقي على المدرسه اسبوووووووووع

الله يعينك بتكونين مضغوطة من كل الجهتين , الله يسهل عليك :)

إقتباس:

وان شاء الله نجي السنه الجاايه مستانسين بنسبنا

ان شاء الله :rolleyes:
ياهلا بك يالهنوووف اسعدني تواصلك ,,
وبالتوفيق لك ولي ولجميع المقبلين على هالمرحلة ,, :)

راجعين لكم[/align]

[align=center]مرحبا اخوي فهد

في البداية اتمنى لك وللجميع التوفيق

الأخوان والأخوات ما قصروا وأعطوك العديد من النصائح القيمة ...

لا يوجد عندي اضافات جديدة، وانما ابراز لبعض النقاط بالتحديد:

1- توكل على الله دائما وابدا

2- لا تبحث عن الخطط والطرق السحرية التي يزعم بها البعض، كتغيير المدرسة او احضار مدرسين خصوصيين قبل الأختبارات بأسبوعين او البحث عن أسئلة مهربة،، وانما اعتمد - بعد الله - على اجتهادك وتعبك

3- التركيز المتواصل من بداية العام وفهم كل درس وقت تلقيه وعدم الأنتظار لوقت الأختبار لتكتشف حينها انك غير فاهم لنصف المقرر. يجب ان تحاول ربط كل درس بما قبله، ففهمك الجيد للدروس التي في البداية (خصوصا في القسم العلمي) يساعدك على فهم الدروس اللاحقة لأنها في الغالب تعتمد على بعضها ..

4- من الأمور المهمة التي يغفل عنها الكثير هو الذهاب الى مكتب المدرس وسؤاله عن النقاط التي تصعب عليك مهما صغرت، ويكون هذا على مدار السنة وليس وقت الأختبارات فقط

ارجو ان يكون فيما سبق لك افادة ،،،

مع اطيب التمنيات ...[/align]

أذكر الله ولاتخاف ياخوي

شد حيلك وادرس والضغط اللي عليك راح يكون نفسي بس
لان الكل راح يبداء يسالك عن احوال الدراسة، حتى الخدم والسواقين
بس انا اقولك ان الرياضيات والفيزياء سهلة، بس يبغالك شدة حيل مع الكيمياء لان فيها مجال للف والدوران والوزارة ماتقصر فيها، اما المواد الباقية تعتمد على الحفظ والله يوفقكونصيحة لوجه الله لاتحاول تدخل معهد للغات لان كل معاهدنا الله بالخير ((ماتفيد)) بس تضيع عليك وقتك وفلوسك،
واذا دخلت قسم يعتمد على الانجليزي ، فان الجامعة راح تعطيك كورس مكثف ومفيد قبل ماتبداء الدراسة الفعلية.

[align=center]بكرة المطرسة :D
رجعنا لكم

هلالي جبلاوي
حيااك الله

إقتباس:

اقول بس احمد ربك وصلت ثالث انا للحين اجرجر ثاني لاوصلت ثالث ارد لك يابو الشباب :laugh:

حمد لله ,, لاتنسى تسير هينا بالموضوع وتقولي :D

وياهلا بك

[line]

اهليين وسهليين بالرايـــق :)

إقتباس:

في البدايه حاب اسلم عليك اخي الغالي فهد
وادلي بدلوي في موضوعك

تسلم ,, :)
وتسعدني مشاركتك

إقتباس:

هي الابتعاد عن السهر فالسهر منهك للجسم ومرهق للعقل
لذا ابتعد عنه وحاول بان تقضي على عادة النوم بعد الظهر او بعد العصر

صحيح كلامك يالرايق العصر وقته طويل فمن الافضل استثمارة ,,
على عكس مايفعل البعض نوم الى المغرب وقد يمتد الى العشاء :)
نقطة مهمة

إقتباس:

كذلك ابتعد عن الاشياء التي تشتت تفكيرك ودع جل همك هو دراستك
لذا فلا انصحك بالالتحاق باي مجال تعليمي اخر اثناء دراستك

الغيتها فكرة الدراسه بمعهد للغة ,,
وسيكون التركيز منصب لطرف واحد :)

إقتباس:

وان تضع الحكمه القائله (لاتؤجل عمل اليوم الى الغد) نصب عينيك

s60s

إقتباس:

لذا فاقترح عليك بجلب مدرسين مختصين من بداية السنه

هذي فكرة اكثر من رائعه ,,ومساعدة كثييير :)

إقتباس:

وتذكر بان من حولك من اهلك يعولون عليك الكثير فهم صرفوا ودفعوا
مقابل تعليمك وتوفير ماكلك ومشربك وكلهم امل بان تحقق ما يرفع رؤسهم

بكل تاكيد وهل لي ان انسى ذلك ,,سأحول جاهداً رد جميلهم.
مع اني اعلم بانني لن اوفيهم حقهم حتى لو فعلت مافعلت :sad:

إقتباس:

اسال المولى عل وزجل بان يوفقني ويوفقك الى مايحب ويرضى

آمين والجميع يارب ,,
حياك الله يالـرايـــق "

[line]

الجاحظ
حياك الله اخوي ياهلا بطلتك علييينا :)

إقتباس:

1- توكل على الله دائما وابدا

ونعم الأتكـال ."ومن يتوكل على الله فهوحسبه"

إقتباس:

2- لا تبحث عن الخطط والطرق السحرية التي يزعم بها البعض، كتغيير المدرسة او احضار مدرسين خصوصيين قبل الأختبارات بأسبوعين او البحث عن أسئلة مهربة،، وانما اعتمد - بعد الله - على اجتهادك وتعبك

بكل تاكيد ماراح التفت للاسئله المهربه او مثلا احضار مدرس قبل الاختبار بمدة
وسأعتمد على جهدي اولا واخيرا
ان اردت احضار مدرس سيكون من البدايه وليس من النهايه .., :)

إقتباس:

3- التركيز المتواصل من بداية العام وفهم كل درس وقت تلقيه وعدم الأنتظار لوقت الأختبار لتكتشف حينها انك غير فاهم لنصف المقرر. يجب ان تحاول ربط كل درس بما قبله، ففهمك الجيد للدروس التي في البداية (خصوصا في القسم العلمي) يساعدك على فهم الدروس اللاحقة لأنها في الغالب تعتمد على بعضها ..

s60s
ستؤخذ بعين الاعتبار :)

إقتباس:

4- من الأمور المهمة التي يغفل عنها الكثير هو الذهاب الى مكتب المدرس وسؤاله عن النقاط التي تصعب عليك مهما صغرت، ويكون هذا على مدار السنة وليس وقت الأختبارات فقط

صحيح كلامك يجب ان تفهم كل صغيرة وكبيرة في الموضوع ,,
ومراجعه المدرس بالطريقه هذي بتفيد كثييير . :)

إقتباس:

ارجو ان يكون فيما سبق لك افادة ،،،

سيكون بكل تاكييد :)

ياهلا بك يالجاحظ ماتتصور وش كثر اسعدتني مداخلتك :)

[line]

miss-ksa
ياهلا وسهلا فيك خيتوو :)
اسعدتني مشاركتك ,,
وصحيح كلامك طالب الثالث ثانوي دائما مايلقى الاهتمام من الكل :)
وبالنسبه للمعاهــد مو كلها سيئه بالعكس توجد معاهد على مستوى عال ٍ :)

إقتباس:

ختاماَ

بصراحة شاكر لكل من تجاوب مع الموضوع , اعطوني قليل من وقتهم لكي يفيدونني ويفيدو غيري
فكل الشكر مني لكم , وجزاكم الله خير.

....[/align]