بسم الله اول حاجه احب ارحب فيكم ياشباب خصوص ان هذي بداياتي في الساحة ...

اوكي نخش في الموضوع ...
الموضوع طـــــــــــــــــويــــــــــــــــــل لكن اللي بيقراه يقراه كامل لانه موضوع حساس ويمس مصالحنا مساً مباشراً ......( انا اسلوب ) ( صدقتم صح ) المهم عشان تفهمون الموضوع اقروه كله الله يعافيكم ... جعلكم في الجنه ... الله يخلي لك والديك بس ريال وارجعه لك بعدين ...
اووه عفواً شطحت شوي

والله الصراحة مادري عن ايش انا بتكلم لكن لحظه دقايق بس ..... ايه لقيت حاجة ...
ابتكلم لكم عنها .. طبعاً انا رحت للحمام في هالحظة وحاولت اجمع افكاري هناك ولقيت الموضوع اللي بتكام لكم عنه طبعاً معروف ان الحمام هو افضل مكان لتجميع الافكار وانا انسان ما اكتب قصايدي الا في الحمام وفي الحمام اختبر قدراتي الصوتية والمرئية .....
الحمام نعمه ياشباب وخل عنكم اللي يقول انا ما اكتب قصايدي الا اذا كنت قدام البحر والا تحت ضوء القمر .. لايهمكم تراه نصاب .. انا احس ان افضل حاله لكتابة الشعر هي الحاله اللي تكون عليها وانت في الحمام وممكن في حاله ثانيه يجيك فيها الالهام وتكتب فيها الشعر الا وهي اذا قعدت تطالع في وجهي لانه يحمل بين طياته ( حلوه طياته ) عناصر فسفوريه مشعه ذات الوان كالوان الفراشات
( يلعن ام الثقافه ) فاقول لكم ان سبب ارتفاع اسعار البترول ( اووه عفواً متعود اصير مثقف )
( حلو حلو حلو ) ماعلينا المهم انا لما رحت الحمام قبل شوي لقيت الموضوع اللي بتكلم لكم عنه ..
اليوم ماراح اتكلم لكم عن الحامض النووي اليوم بخلي المحاضرة ( ياخي يازين اذا صرت دكتور )
بتكلم لكم عن سفرتنا مع الوالد والوالده يوم رحنا بريطانيا ( حلو حلو حلو )
عموماً السالفه ومافيها انه في مثل هذا اليوم من عام الف واربعمائة وحطبه توج المدعو ...
( اللي هو انا ) دراسته بنجاح باهر من الصف الاول [ ب ] بعد معاناة مع المرض ثارت على اثرها الادويه والسيول ( مساكين اللي ماعندهم دششش ويتابعون اخبار القناة الاولى )
قال - بعد معاناة مع المرض قال - ( قم بس قم ) الا والله بعد معانة مع الاستاذ صقر اللي دايم يرسبني في مادة الاملاء واللي قاهرني اني ارسب في الاملاء وانجح في الانثروبولوجيا ( قايلكم مثقف )
عموماً بعد نجاحي تلقينا رسائل التهنئة من رؤوساء الدول المجاورة ومن منظمة اليونسكو ( طبعاً بتسالوني وش دخل اليونسكو ؟؟ بقول لكم بحكم علاقة الوالد الله يحيه مع الدكتور : غازي القصيبي ) كما تلقينا التهاني من منظمة الاوبك ( طبعاً بتسالوني وش دخل الاوبك ؟؟ بقول لكم لوني ) ......( تراه ماهو كويحه )
وكذلك تلقينا التهاني من منظمة حقوق الانسان ( طبعاً بتسالوني وش دخلهم ؟؟ بقولكم ياشين الملقوف اذا عطيته وجه )
والاهم من هذا كله جانا خطاب شكر شديد اللهجه ( حلوه شديد اللهجه واضح اني اشتغل مراسل )
من مصلحة المياه والصرف الصحي ( طبعاً بتسالوني ليه : بقول لكم بحكم المكان اللي كنت اذاكر فيه )
والوالد بعد هالفرحه والتهاني وعد الزملاء بوليمه دسمه ( مثقف دايم اقرا جرايد ) وطبعاً وعدنابسفره والله ياهي سفره وبحكم اني اول واحد في العائله الكريمة يحقق هذا الانجاز غير المسبوق ويتجاوز الصف الاول [ ب ] خولني ( حلوه خولني هذي تنفع سبه ) ....
خولني ابوي اختار المكان .. طبعاً انا لا شعورياً قلت الحمام ( يلعن ام الحب ) ماقدر صدقوني ماقدر
.. دايم يزل لساني باسمها المهم الوالد قام يطالعني بعين ( عين والا غين ) ( حلو حلو حلو حلو )
المهم عشان افكر في الديره المناسبة قمزت ودخلت الحمام وقعدت اعصر نفسي ( ياشين تفكيركم اعصر نفسي عشان افكر ) وبعد تفكير عميق ( حلوه عميق يذكرني بمسبح عميق )
المهم طلعت وقلت لهم ان افضل ديره هي جلاجل ( كذا طموح القراوي ) ( يا اخي مشكلتي اني من يوم ماطحت في الافلام الامريكيه وانا مانيب عارف الا جلاجل ) وعلى صعيد آخر ( حلوه صعيد آخر ابشركم صار عندنا دششش وصرنا نتابع اخبار قناة الجزيرة )
المهم على صعيد آ خر اخوي منصور اللي اصغر مني نقز لحمام الرجال ... طبعاً عشانه افخم من الحمام اللي دخلته كان اقتراحه اننا نروح شقراء ( وهذا والحمام اللي دخله فخم ) عاد ابوي لما سمع كلامنا عصب وقال مالكم الا بريطانيا واللي يبي يرضا يرضا واللي مايرضا نرضيه ( جريتكم )
هاهاهاهاهاهاها
عاد احنا لما سمعنا بريطانيا ضاقت صدورنا قلنا كل يوم بريطانيا كل يوم رز كل يوم رز على نياتنا نحسب بريطانيا مطعم فاست فود ( هذي مشكلة اللي يدرس فرنسي في الحمام ) واخوي منصور عصب وقال يايبه مانبي ناكل باربكيو ياخي ( حلوه ياخي يمون على ابوي ) ياخي خل نروح لو مره مطعم مشويات ( اخوي منصور كان يدرس اللغة السرياليه في الحمام برضو ) المهم الوالد الله يحيه
( الله يحيه لازم تقرونها بصوت رزه يعني زي شكلي اذا ركبت في المرتبة الخلفيه للبيجو حقنا موديل 75 سنه قبل الميلاد ) فاقول لكم الوالد الله يحيه بحكم علاقته بالدكتور : غازي القصيبي وعلاقته المتعددة بالقناصل السعودية في السفارة الموزمبيقية اصر وشدد ونوه بالدعم اللامحدود من لدن الحكومه ... ( ماعليش ابوي شال الدش ورجعنا لاخبار القناة الاولى ) المهم ابوي اصر وشدد ونوه على بريطانيا عاد احنا بحكم تواضعنا قلنا بنروح بالنقل الجماعي منها ارخص ومنه ان ابوي يمتلك حصه من الاسهم في الشركة ... فمنها تواضع ومنها ندعم الشركة ( عاد احنا ماشاءالله شويين في البيت .. تصدقون من زمان وانا قاعد اعد كم احنا وكل ماجيت ابخلص جا ولد جديد والا مات واحد وبديت اعد من جديد .... حتى حقين التعداد السكاني مسويين لنا لجنه بلحالنا ولاقدروا يعدوننا برضو )
عاد الوالد الله يحيه شقاوي ويحب الرزه قال لا بنسافر بالطيارة وبحكم علاقة الوالد الله يحيه بالاستاذ : خالد بكر وعلاقته بالملاكم الشهير الفس برسلي طلب من الخطوط السعودية طيارة نجربها قبل مانركبها ( ايه بعد تبغونا ناكل شي مانعرفه ) فو الله الاستاذ الفس بكر ماقصر وقبل الرحله بيوم عطانا الطيارة نجربها وطلعنا للثمامه وعطاني ابوي دوره بالطيارة وعطا اخواني كلهم دورات مياه حتى الشغاله عطاها ابوي دورة وحتى امي بس امي ماعجبتها سواقة الطيارة تقول مافي فرق بينها وبين السكوتشر ( امي دايم تلعب بالسكوشر في ساحة الكندي ) حلو حل حلو حلو حلو حلو
اما بالنسبة لي صراحه اكتشفت ان الطيارة اطلق من البيجو حقنا .... ياناس جاني شعور غريب وانا اسوق مثل الشعور اللي يجيني اول مادخل الحمام ... عاد يوم طلع الليل ( حلوه طلع الليل )رجعنا الطيارة للمطار ورحاو اهلي لسوق الخضرة عشان يشترون ملابس عاد انا مارحت معهم لان الملابس اللي في سوق الخضرة ماتناسب ذوقي يعني لو انهم رايحين يشترون ملابس من سوق الغنم كان رحت معهم .... لكن للاسف ماراحو ففضلت ان ابقى في الحمام على ان اذهب معهم
وفي الصباح الباكر وعلى زقزقة العصافير صحت العائلة الكريمة ( ايه افلقني قال زقزقة العصافير .. في الرياض احلى صوت ممكن تصحى عليه صوت سيارة البلدية )
المهم وفي طور استعدادي للانطلاق لبست لبسي البنطال كان لونه زهر مع قميص اخضر يعني كني قائد مشجعين رابطة نادي الانوار في الحوطه ( والله من زين الذوق في الحواطى مالقوا الا زهر واخضر على الاقل احنا في شقراء حطينا الوان نادي الوشم برتقالي وازرق ياناس احنا ذوق )
عموماً الجزمه ماكانت صفراء مثل مانتم متوقعين بصراحه كان لونها ليموني على الاقل ليموني احلى مع لبسي من الاصفر ... وبعد ماتروشت ( لاحظو كلمة تروشت لانها ماتطلع الا في المناسبات ...
انا اقل واحد يتروش على وجه البسيطه واكثر واحد يجر السيفون على وجه المعموره ( ياناس رهيب في انتقاء الالفاظ )
المهم بعد ماتروشت جلست اكد شعري وبما انه مافيه شعر فوق اضطريت اكد شعري اللي تحت ( ياشين تفكيركم قصدي اللي تحت اباطي ) وبما انه شعري اللي تحت اباطي غزير وناعم ويطير مع كل هبه ونسمه هواء .. اضافة الى رائحته التي لاتقاوم .. اضطريت اربطه بربطه فيها ورده حفاظاً على الصالح العام ( وفي نفس الوقت لاني كاتب تعهد للهيئة الوطنية لحماية الحياة الفطرية اني ماافل شعر اباطي الا اوقات الذوره ( وش دخل اوقات الذوره ) حلو حلو حلو حلو حلو


Oops ... تعبت

اكمل لكم بعدين ... عاد انتو حمسوني ( تكفون please ) ( مش اقول لكم مثقف )

الى اللقاء ( مع الجزء الثاني )

I'm BoW WoW ..