من ايجابيات قيادة المرأة للسيارة في المملكة :

1- ان ذلك يضفي على الحركة المرورية لمسات سحرية وجمال ا خاذ

2- كذلك سياقة المرأة للسيارة يحجم بل يمنع مشكلة تهور الشباب وقطع الاشارات المرورية فسيحرص الشباب كل الحرص على ان لا تفوته ! .. اشارة حمراء لعل الله ان يرزقه (( ببنت الحلال ))

3- سعودة محلات البنشر بنسبة 1000% لأن الشباب كل واحد بيفتح له بنشر وبينتظر تبنشر سيارة وحده من البنات عشان يصلحها وهذا غير الشباب اللي بتلقاهم على الخطوط منتشر تقول ( جراد ) كل واحد بعفريته ومفك الكفرات

4- بيكثر التقديم على وظايف المرور وخاصة ابو سبيته اللي يجلس عند الاشارات يعني زين اذا مالقيت المرور يشترطون شهادة الطب اللي يبون وظايف عندهم من كثر الطلبات عليهم

5- سعودة محطات البنزين يعني بدل الهنود بتلقون اللي يشتغل فيها كلهم سعوديين بس في المقابل افلقوني لو اصحاب المحطات بيكسون ريال واحد يعني تجي البنت تقول لا ابو الشباب صب بنزين بعشرة ريال ... طبعاً ابو الشباب بيحط لي البنزين في التانكي وبيفتح فمه ويناظر بالبنت مااايدري الا وهو معبي تانكي السيارة للاخر يعني (FULL ) وطبعاً يوم بيجي يحاسبها بتعطيه عشرة ريال مثل ما قالت له عب وياليته بياخذ العشرة ريال بعد .. الا بيطمر ويحلف عليها ماتدفع ريال ويقول هالمره خليها علينا (( مكسب ))

6- توفير فواتير التلفونات يعني ام صويلح اللي كانت تتصل على ام دحيم وتجلس تكلمها بالساعات بيصير التلفون مال امه داعي .. يعني ام صويلح بتمر ام دحيم والا بتقابلها في شارع وكلن بسيارتها وهاتك سواليف وهروج وهذا طبعاً له عيوب .. يعني طبعاً وهم يتكلمون بالخط بيفلقونه وبتصير زحمه ماهيب طبيعيه بس افلقني لو واحد فتح فمه وقال لهم حركو السيارات زين ان ماباشروا عليهم ببارد والا بعشاء وهن بسيارتهن وبيقولون لهم خذووو راحتكم على الآخر اصلاً حنا ماورانا شيء وين الابطال اللي الواحد ثواني يوقف سيارته مايدري الا مليون واحد يقوله حرررك من هنا والا والله ... بس ايييييييه هين هذول بنات من بيكلمهم هذا اللي في دمغتي في هالوقت بس اظن فيه كثير بعد اذا افتكرت شي جيتكم
وعلى فكرة فائدة قيادة السيارة لا تقتصر على المرأة ( الانسه ) بل حتى ( المدام ) المتزوجة ومن ذلك ......

7- انه اذا حصلت خصومه بين الرجال وزوجته واحتد الخلاف وعلت الاصوات وامتدت الايادي
( وصفقها وصفقته ) واحمرت الاعين وتطاير الشرر منها وارغى وازبد كل منهما ... عندها ستقول الزوجة لزوجها ( ودني لهلي ) وسيقول الزوج ( ماني موديش ) وستستمر المشكلة ولكن لو كان للزوجة سيارة فستخرج رغماً عن زوجها ... وبتقول له ( اروح ورجلك فوق راسك )
(( اوله حاله ))

8- كذالك من فوائد سياقة الزوجة ها انها تساعد في احضار الاولاد من المدرسة وكذلك يمكن للمرأة
( الزوجة ) ان تسهم كما سلفت في مصروف البيت وبذلك بأن تمارس مهنة ( الشياب ) اي تحميل الركاب .. وهنا اوصي المرأة باقتناء الهايلكس الغمارتين واذا لزم الامر (( دينا )) لتحميل الطوب ونقل العفش والخرسانة (( عربجية احسن ))

وهذا راي BoW WoW الذي يحتمل الهزل لا اكثر ولا اقل ...

اشرايكم انتم ؟؟

معقوله انت تنساني ياعيوني ***** معقوله تنسى بريدي الالكتروني
معقول تقسى وتهجر بالحيــل ***** ولا كأنه عندنا ياسيدي ايمـــيل
دامها هذي ســواتك وتتكــبر ***** اشيلك من حياتي ومن الماسـنجر
كل شي بيني وبينــك مــــات ***** ولا ارد عليك حتى لو جيتني في الشات
حلال فيك الهجران انت اللي غدر ***** حلال فيك الاعيب وخراب الهاكر
انت اللي بديت وللمحبه بعت ***** نسيت من علمك وفهمك الا نترنت

BoW_WoW _SA@hotmail .com