السلام عليكم
كيفك ابراهيم حقوي & جزرة2005 ان شاء الله بخير
اولاً اشكر اخوي جزرة2005 على انه اتاح لك الفرصه انك تنقل ملاحظاتك على الجمهور وانتقاداتهم اللى شوي الله يهديهم فيها بعض المبالغه وفيها بعض التجريح
ثانياً الف شكر لك ولـ جميع من يساندك من رابطة مشجعي نادي الهلال ماقصرتو اما من ناحية انتقادهم على انك تقلد بعض رابطات الفرق الاخرى ياخي العالم كله مايجيب شي جديد الا ماندر ياخي الامواج كانت للمدرجات المكسيكيه والحين صار العالم يسويها اللافتات وهتافات جمهور الدوري الايطالي والاسباني صارت حالياً في مدرجانتا يعني ليه الانتقاد صدقني لو عندي اي شي جديد انا اجزم انك ماراح تبخل به لنادي
بعدين لو قلد الاخ صالح القرني او اي احد ثاني ياخي صالح القرني افضل رئيس رابطه بالسعوديه والدليل
اخذه اولا للمنتخب السعودي وثانيا افتتاح خليجي 17 في قطر
عزيزي ابراهيم حقوي انا من بداية الدور الثاني لدوري كأس الملك فهد رحمة الله عليه وانا احضر الملعب
صراحه انا مالومك لو ماجبت اي شي جديد لن صراحه جمهور الهلال يعطي اللى عنده قبل المباراة ويتحمسون الشباب واذا بدت المباراة تحصلهم طافين يعني مافيه تفاعل من قبل الجمهور وانا حضرت كم مباراة للهلال
دايماً الرابطه تحمس الجماهير قبل المباراة بوقت طويل واذا بدت المباراة بات على الجمهور التعب
وبعدين فيه جماهير واتوقع القله منهم محسوبه على نادي الهلال انهم جماهير للاسف ياتحصلهم جايين عشان
يرجمون والا جايين عشان يشققون اعلام ياخي المباراة النهائيه الاخ حماده جاب علم كبير مره تخيل الظاهر العلم صار اعللام يعني انواع التقطيع يعني جايين حق التخريب بالعربي
وبرضو في مباراة النهائي وبعد هدف الكلاشنكوف ( كماتشو ) فليت العلم حقي تخيل ماحصلته حصلته عند الناس اللى صراحه محسوبين علينا جمهور بالهواش وبعد فزعة الشباب معاي مع اني ماعرفهم بس كانو جنبنا
طلعناه من عندهم تخيل يوم خلصت المباراة جاني يقول عطني العلم
مع اني تعبت انا وخويي عليه لني صلحته يوم الخميس يعني قبل المباراة
ياخي اللى شاف مباراة الهلال والاتحاد قبل النهائي وشاف العلم كم مره راح وجاء مافيه احد شقه والا حاول انه ياخذهـ وكذا فريق ومن ضمنهم القادسيه برضو نهائي كأس ولي العهد
ماقول الا الله يعينكم على بعض الجماهير اللى محسوبه علي النادي
اسف اني طول عليكم في الكلام بس هذا شي ضايقني من قبل بعض الجماهير وصرت اتجنب اني اجلس قريب من الرابطه عشان الترجيم واحاول بقدر الامكان اني اكون في منطقه بعيده لن مايلدغ المؤمن من جحره مرتين
في مباراة المنتخب السعودي ومنتخب إيران في استاد الملك فهد الدولي مانرجمت بكأس مويه تخيل بحصات كبر كورت تنس الطاوله الحمد لله اني كنت لبس شماغ والا كان علوم
بــ111111يوووووو