قصتي .. أنا وحمتو 123 بسوق الفيصلية
ّ
ّ
ّ
!
!
!
!
!
أنا وحمتو 123كنا بنروح سوق الفيصلية ...
ورحنا شرينا ملابس من الهرم .... ومسوين ان شارينها من محلات الماركة ...
المهم .. وقفنا الددسن بعيد عن سوق الفيصلية .. ومشينا شوي تكسرت رجولنا ...
ومشينا ومشينا
ووصلنا عند الباب والسكيرتي يقول ممنوع دخول الشباب بس العوائل ..
وحمتو له سنتين وهو يبي يطول شعره ... ويلتفت لفته مصدق ان شعره طويل يبيه يتحرك ...
ووبعدين حمتو اي عائلة تمشي يتلزق فيها .. و السكيرتي يسأل هذا معكم يقولون لأأأ
و رحنا باب ثاني .. وبالصدفة نشوف خوية حمتو وتدختلنا السووووق ...:p
ونتمشى شوي يجي حمتو مسوي فيها عارف الحركتات يقول تبون كفي من ستار بكس...بعد يقول خلنا نمشي عند زارا هو جمبه .. والله من زود الثقة ..
ونمشي شوي نلقى الهندي راعي البسطة حقتنا .. ييجي عند حمتو يقول تعال بسرعة عند البسطة الحين بجون وزارة العمل لازم سعودة (ترى البسطة تنافس هارفي نيكلز )....
ويجي حمتو يصرفه مسوي مايعرفه يعطيه خمسة ريال ...
وبعدين يجي عندي .. وعطيته خمسة الريال ومن جد فرح العامل بس طلع ذهيين الهندي ... راح جاب ورد الله يسعده .. فهم الوضع ...وأنا الله يسعدني غنيت اميرة الورد ليه الورد مفتونك كم فراشة تحاول...تعرف محمد عبده من باكر انتحر ..
ويسولف حمتو مع خويته كأنه ولد الوليد بن طلال ..ونمشي شوي تقول خوية حمتو يؤيؤيؤيؤيؤيؤيؤيؤ هذا أبوي..
وتطيح باقة الورد يجي حمتو يقول ما عليكِ اذا قال شيء قول أنا أخوك ..
ويقول حمتو منتِ كفو تشيلين باقة يشيل الباقة يعطيها ابو خويته من زود الذاهنة ياحمتو..
وبعدين ابو خويته يمسك حمتو وانا هربت ... و خوية حمتو تروح عندهم تقول ماحصل الا الخير ... من زود الذهانة
ووالد خوية حمتو يروح يقطه على الهيئة ويقول فيه واحد معه هرب ... بعدين يروح حمتو يحط جواله داخل بلوزته تعرف جوال كاميرا .. ;) أكيد بيسحبونه الهيئة .. والذهين حمتو ماحطه على الصامت ..
وأنا رحت مع التاكسي (اللموزين ) الى الددسن حقت حمتو...وصلت هناك وأدور المفتاح مالقيته بس من حسن حظي .. أنا السيارة تشتغل بدون مفتاح .
.
وبعدين دقيت على حمتو وراح فيها حمتو نسى مايحطه على السايلنت ...المهم ماحط الا ذي النغمة ضحكة واحد يضحك من كرشة حمتو..
وواحد من الهيئة ( حفظهم الله )
قال هات الجوال منت كفووو ...
وو داه عند الحلاق ( الصالون )والهيئة قدام الحلاق بالجمس ..المهم حمتو من ذكائه راح هرب ... يجري يجري .. بعدين رجع الحلاق ليييييه ..
جواله مع الهيئة ...
حلقوله صفر ..
بعدين راح قسم الهيئة ... وجلس هناك وقال كلمة محد يقولها ... راح عند الشيخ قال أنا تبت ... قال الشيخ عن جد .. مسوي الشيخ لبناني ..
بعدين حمتو قال ايه ... قال الشيخ أنا بطلعك بس تجيب خويك اللي هرب قال حمتو تم .. وأخذ الشيخ بطاقة الأحوال ..قال حمتو تعطيني الجوال تعرف أنا فقير وزي كذا قال اهااا ومعك جوال آخر مديييل .. قال الشيخ خلاص
وأنا رحت عند بيتهم استقبلته بباروكة ...
<<< نذالة
قال حمتو بكرة تجي معاي الساعة 4 العصر عند قسم الهيئة قلت خلاص مايصير الا الخير ..
مر علي حمتو ورحنا هناك وفهمني الوضع قلت خلاص ماعليك ... وأنا مانمت أمس كنت قاعد أفكر وش بصير ..
المهم رحنا قسم الهيئة ..
دخلنا المكتب ...
جلست أنا وجلس حمتو ... الشيخ قاعد يسال حمتو ..وقاله من وين لك الجوال قال جاني هدية من ماجستيك ... وانا تعرف نمت مانمت أمس ..
ونمت..
والشيخ يسألني وأنا مو داري عن شيء .. ويجي حمتو يزعجني قلتله اووووووووت ... قال تيب بس قم .. وقمت .. المهم ..سألني حمتو أنت صح اهدتني الجوال ..قلت له انا مأ أهديتك جوال لعبة تبيني أهديك جوال الفارس ..
وعيونه تكبس لها ساعة .. وأنا آخر شيء فهمته ... وقلتله أني مهديله الجوال ..
وطلعنا من القسم بس الشيخ قال اذا شفتكم مرة ثانية ... مافي طلوووووووووووع ...
كان ودي اصور حمتو وهو أصلع بس قمت من النوووووووووم
ترى اللي فوق
نصب * نصب
كاتبها باللهجة العامة
آسف على الأطالة ..
تحيتي ألكن ..
!.. ماجستيك ..!