#1  
قديم 01/09/2005, 08:21 AM
الصورة الرمزية الخاصة بـ عريب عبدالله
إشراقة المجلس العام
تاريخ التسجيل: 13/10/2004
المكان: الرياض
مشاركات: 3,980
Talking فضائح مدرسة بنات من جزئين

انا طول عمري ما احب المدرسه واقرر افصل في السنه من ست الى عشر مرات وتحصل ظروف تثنيني عن القرار وعمري ما رسبت الا لما دخلت الكليه غبت عن امتحان ست من اصل عشرمواد على نية اني بأفصل ولما دخلت الأربع الباقه بعد رجوعي عن القرار نجحت في ثلاث ودقرت في وحده ووحده من اللي نجحت فيها كنت حالفه ما اذاكر وفعلاً نفذت حلفي ورسبت فالماده اللي قطعت نفسي اذاكرها ما علينا الموضوع من جزئين لو لاقى قبول كملت او كنسلته
المقدمه ...
اعزائي كتبنا هذا الكلام للمرح والثرثره وتوسيع الصدر بناء على تجربتنا في اسوء ثانويه في الرياض وما نرى فيها من اشياء نعايشها او بمعنى ادق نعانيهامن مدرسات وأنظمه وأشكال غريبه والمثل يقول من ضاق عقله اتسع لسانه وياليت يعجبكم
صديقتي عيوش وانا
حال الطالبات والطلاب اول يوم
في الصباح بعد الفجر لاهي ظلما ولاهي نور في عز البرد هذي الفتره الي ما يصلح فيها الا النوم العميق نقوم من احلى نومه <قلق>والأم تصحي عيالهاولابد من ممارسة نوع من الأرهاب العائلي وتشوفهم مقطبين الوجوه <تقول ماكلين ليمون>وتصيح الأم في عيالها قوموا ياحبايبي المره الأولى الثانيه قوموا الله يرضى عليكم بعد جهد قوموا جعلكم القام اللي يلقطكم وفي هذه اللحظه يكره الأبناء آبائهم وأنا اتفق معهم ...وتنهال الأوامر العسكريه أفطروا ثم تأتي مرحلة تمشط الشعر<للبنات>عاد لي قامت معقد وكل شعره في اتجاه و...تظل تنحت فيه لين يقول امي ارحميني...بعد فاصل التعذيب اللطيف تأتي مرحلة المواصلات اللي تروح بالباص مسكينه وهنا وصف أشكالهم ينتضرون الباص يوقفون امام الباب لاحول لهم ولاقوه يلسعهم البرد تتشقق الوجوه من عصف الرياح ويطيرون احياناً<ارنب>لذا يطلعون للباص روحهم في مناخرهم ما طايقين احد...وصل الباص الى المعتقل <المدرسه يعني>وينزل المساجين<الطالبات>ويصطفون في صفوف وتبدا الحصص ما ادري كيف محتملين هالمواد وأحسن مافي المدرسه الفسحه سواليف وفله اللي بتروح مع حبيبتها ...الخ وبعد الدوام يعود المساجين للباص وهم كارهين الحياة وتستقلهم الأم المرتاحه وهنا تنبيه للأمهات ان التدليل في هاللحظه ادت الى روح الإنتقام ثم تقول الأم وش سويتي بالمدرسه والبنت المسكينه تقول لنفسها لوكان في جيبي مسدس.... وهذا وصف آخر يقف الباص تنزل الطالبات والكل يرجف قلبه يترقب اللحظه الحاسمه<اكره اليوم الي يجيبني ابوي وقت وصول الباص>يدخل الجميع دفعه وحده ويحصل تصادم عند فصخ العبايات توها المسكينه حاطه الشنطه الا تطلع لها وحده من هالمتسلطات <بنات النظام>ممنوع ادخلي جوا لاوفي وجهها كشره ورازه خشتها شبرين كنها ملكة جمال العالم لا وتحكي من طرف خشمها كن المدرسه شاريتها بفلوسها ماتدري انها للحكومه وتدخل المسيكينه الا اذا كانت شرانيه لها وضع آخر المهم لما تفصخ العبايه يبين المستور والمستور حدث ولا حرج تجيك ببلوزه عشرين الف لون وطوق الوان الطيف والا الجزمه تقول<ارحموا من في الأرض يرحمكم من في السماء> من كثر اللبس لازقه في الأرض تقول بليز ذبوني شوي وتنقطع .....ثم الشعر تجيك ياكله زيت يا كشه ما مشطته أصلاًوالوجه منتفخ الله يستر<زاقه معها>اللي يكلمها تسوي عليه اسقاط<يعني تنفس غضبها فمصدر آخر>ما تنلام من اللي شافته في البيت المهم يصفون طابور والمسكينه ضايعه ماتدري وين طابورها تصف في اللي جنبه لين مشو الاركزت في الغلطه المطبعيه الحاصله عاد لين مشوا طبعاً واقف المروراوحرس الحدود يسوون تفتيش <كأنهم جوازات يدورون متخلفين>المهم المخالفه توقف على جنب تكتب قسيمه اقصد تعهد ثم تطلع فوق عاد الدرج تشم روائح على كيف كيفك ثم نوصل الدور الثالث مسطولين منهدين ولا الومهم لأني عانيت الشنطه المليانه والعبايه المحيوسه متعوده على التعليق نست اذكر الدوريات اقصد المراقبات اللي يدخلوننا السجون اقصد الأقفاص يووووووه اقصد الفصول اخيراً طلعت طبعاً يتجدد النشاط للعانه المهم تجي المدرسات وندخل الفصول كلهم في سبات طبعاً لأن الفصل مشاغب وكسلان ثم مايمدي الجرس ران الا البنات سابقين المعلمه طالعين وتجي دوريه تدخلهم لين تجي معلمه ثم ندخل الفسحه والفسحه تظهر ماخفي وبان خصوص من الدور الثاني او الثالث نتفرج على أشكال استغفر الله رايحه اذكرها في الفصل الثاني المهم تصفر والبنات ماشين على بيض هدوء جدا جدا حركة الحصه الأولى عاد آخر الدوام وماادراك ما آخر الدوام دواهي تصفر منها الأناملٌ مثل الفسحه واردى نظراً لبنات ال..... المهم ننزل مع زحمة الدرج والروائح الزكيه طبعاً الصبح اهون والشتا أرحم من الصيف الصيف ما تقدر تتنفس المهم ننزل في الزحمه اللي كأنها حج تبشر الموت ....فاصل أعلاني(دعوه لمن يريد الأنتحار التوجه الى مدرسة ....وقت الطلعه عند الباب او على الدرج بيموت قبل يطيح على الأرض)طبعاً احنا ادمنا الروائح ما صارت تأثر فينا قوه فهي ذات فعاليه قويه وقويه جداً احيان كثيره طبعاً احنا ننزل ونقف نتطلع الى ان تفتح الأبواب ونغني اغنية شلاح .....
ولم الوجار وخلي الباب مهجوج................خوف المسير يستحي لاينادي
وطبعاً يفتح الباب ابو عوض ثم نطلع كأننا رايحين المرجم اول يوم من هالزحمه سب ولعن وشتم وتطلع البنت دون عبايه تنفصخ بالزحمه ثم تستنى الى توقف الحشود وينقلب سوادها الى بياض وعذاب واللي يطلع سالم بلا جروح اوخدوش محظوظ ثم نطلع الله هواء نقي :p نسيت اذكر نقطه مهمه وهي وقوف البنات على الباب ينتظرون أهاليهم على الباب سلوك غير حضاري وهو سبب من أسباب الزحمه الي مالهاداعي المهم تبدا المعاناه الكل دايخ بطريقه سبشل يعني طقاق او حرب عشان نطلع من المعتقل الوحده ولا أنشط اللي تروح سياره هنيئاًلها واللي مشي أرحم اما المساكين أشكالنا اللي يركبون باص في الرجعه يصير مشاكل المهم ركبنا الباص دائماً واقفين نادراً جالسين طبعاً نركب كراسي فاضيه بس محجوزه جايز الباص لأبوهم على غفله عاد شلاح ذو الوشاح <سبب التسميه انه كل يوم يكشخ ببشته يحسب نفسه وزير وآخرته سواق باص>مايعرف يسوق ومن الزحمه كأننا فمصر لا وراكبين ورا عاد المطبات الله البنت تطير<فوق هام السحب مقطع اغنيه>يصقع راسها فوق وتنزل تحت وهكذا لين توصل البيت لا ويوقف على بعد كيلو والباقي مشي آه بعد معانات أخيراً وصلنا البيت فتحنا الباب بعديين ننطق في الشمس الباب الداخلي مزلوج وهم نايمين <عذر اقبح من ذنب> وانا نكرف من صبح الله في المدرسه نرقى مانبي الا النوم ندقها نومه الى العشا ونقةم آه ما ودنا ونكتب الواجبات ان كتبناها ثم ننوم نتأهب للمعاناة مره أخرى...............
تنويه ...........الجزء المقبل المدرسات والفسحه
بالحب والإشراق
اضافة رد مع اقتباس
  #2  
قديم 01/09/2005, 08:59 AM
زعيــم مميــز
تاريخ التسجيل: 11/12/2004
المكان: السعودية - الرياض
مشاركات: 1,659
[align=center]
وش قاعدة تقولين أنتي ,,
إقتباس
عسكرية +قسيمة+ دوريه +المعتقل + المساجين

الله يرجك بس ماصارت مدرسه صارت قاعدة عسكريه ,,

والله ياحالتكم صعبه من جد أحس كل الرياض مسجلين بالمدرسه هذي ,,
معاناة من جد ,,
يالله مابقى الا اسبوع وترجعين للعسكرية
أما أنا برجـع لـ جنة من العلم والتعليم <<- ياعيني على اللي يحب المدرسة

سلامي لك
[/align]
اضافة رد مع اقتباس
  #3  
قديم 01/09/2005, 09:03 AM
زعيــم مميــز
تاريخ التسجيل: 19/03/2005
المكان: هناك عند تفاصيل حياتي
مشاركات: 1,594
والله كلام كثير ماقريته لانه فيني النوم طال عمرك لكن اوعدك اني اقراه..اكييييييييييييييييد حلو مثل أصحابه
اضافة رد مع اقتباس
  #4  
قديم 01/09/2005, 09:15 AM
الصورة الرمزية الخاصة بـ عريب عبدالله
إشراقة المجلس العام
تاريخ التسجيل: 13/10/2004
المكان: الرياض
مشاركات: 3,980
فهد انا مجنونه انشر هالكلام وانا معهم يذبحوني انا طلعت من سنتين وتوني استجري اتكلم لأننا كتبناها في اولى وكدنا نتصفق بس الحمدلله ما انجلدنا
اميرة العشاق حبيبتي شاكره مرورك
اضافة رد مع اقتباس
  #5  
قديم 01/09/2005, 09:33 AM
زعيــم مميــز
تاريخ التسجيل: 22/08/2005
المكان: المدينه النبويه
مشاركات: 1,682
يوه والله معناها.................

بس الحمد لله أنك تخرجتي من المدرسة سليمه ..................الحمد لله يعني مافية إعاقات أو رضوض أخدوش على الاقل......................


لاكن الفكه وإن شاء الله حناوراكم بنفتك.................أمين
اضافة رد مع اقتباس
  #6  
قديم 01/09/2005, 09:47 AM
زعيــم مميــز
تاريخ التسجيل: 02/12/2002
مشاركات: 3,762
رائده مبدعه في الوصف...


هههههههههههههههههههههه

والحمد لله اللي ربي فكنا منها...

بانتظار الجزء الثاني..
اضافة رد مع اقتباس
  #7  
قديم 01/09/2005, 09:47 AM
زعيــم مميــز
تاريخ التسجيل: 31/03/2005
المكان: جـدة
مشاركات: 3,632
مشكوووووووورة يارائدة الزعيم على الموضوع
الله يرجك فكرتيني بالمدرسة وأيامها والمعاناة اللي عايشين فيها

على الكلام اللي قلتيه يدل على إن المدرسة صغييييييرة جداااا وفيها عدد كبير من البنات

بالنسبة لخروج البنات قبل المدرسة من الحصة هذا شيئ عااااادي تعودنا عليه والهروب <<<<ومع إني مو من ذا النوع ;) ،واحنا في المدرسة اللي تهرب من الحصة يكتبوا اسمها فقط وتنقص من العلامات <<< ياكثرها ههههه
لاكن بانسبة انهم يرجعوهم الفصل إنسي لأن المدرسة كبيييييرة فوق ما تتصوري ونتوه فيها احيانا لو ما إنهم كاتبين مخرج هههههه


ذكرتيني بالمرشدة إللي بالمدرسة مسميينها ماروكواا ههههههههههه


الله يعينك على الروائح الحلوة

مشكورة مرة ثانية وننتظر الجزء الثاني
اضافة رد مع اقتباس
  #8  
قديم 01/09/2005, 09:51 AM
زعيــم مميــز
تاريخ التسجيل: 11/12/2004
المكان: السعودية - الرياض
مشاركات: 1,659
[align=center]
إقتباس
فهد انا مجنونه انشر هالكلام وانا معهم يذبحوني انا طلعت من سنتين وتوني استجري اتكلم لأننا كتبناها في اولى وكدنا نتصفق بس الحمدلله ما انجلدنا

أوف للدرجة هذي ,,
أشك أن المدرسه محوطة بسياج أمني وتفتيش ألعن من حق السفارات
[/align]
اضافة رد مع اقتباس
  #9  
قديم 01/09/2005, 04:06 PM
زعيــم فعــال
تاريخ التسجيل: 05/04/2005
المكان: تحت قدمي أمي
مشاركات: 379


الحمدلله اني ولد على الاقل مافي سجن ابو غريب ومعقتل جوانتنامو وعلى اخوي فهد وسياج امني مشدد

بس زين جاك افراج بعد تدخل الحكومة وخرجتي منه سالمة بس لازم من مراجعة المستشفى للتاكد فقط من الحالة العقلية بعد هذا العذاب


يعطيك العافية بس في الجزء الثاني لا تجيبي سيرة الافاطار


يعطيك العافية

وتقبلي تحياتي
اضافة رد مع اقتباس
  #10  
قديم 01/09/2005, 04:15 PM
زعيــم مميــز
تاريخ التسجيل: 05/05/2003
المكان: في ضواحي مدريد
مشاركات: 4,171
[align=center]اوووووووف والله معــاناه عنــدكم احســب بس حنــا الشــباب ..بس الحمــد لله حنا احســن منــكم

الله يعيــنكم بس موضــوع حلــو ننتظــر الاجــزء القــادمه من فضــايحكم [/align]
اضافة رد مع اقتباس
  #11  
قديم 01/09/2005, 07:35 PM
موقوف
تاريخ التسجيل: 24/08/2005
المكان: ديار الفهد
مشاركات: 249
الله يعيننا على العسكرية مابقا لها الا اسبوووووووووع

يالله متى تجي الصيفية الجاية
اضافة رد مع اقتباس
  #12  
قديم 01/09/2005, 08:13 PM
زعيــم فعــال
تاريخ التسجيل: 21/07/2005
المكان: لا أعلم
مشاركات: 262
والله موضوع حلووووووووووووووووو


ههههههههههههههههههههههههههه

والله انا كنت اهرب بالترم الاول ولا احد يدري عني بالترم الثاني بسوي فيها خلاص مافي هروب ونقعد ادب قعدت فتره وبعدين هربت لا كن انكفشت حبتين تهزيئه من المشرفه وبعدها انقلعوا الفصل..عادي يعني

اما حقتنا المديره هههههههههههههههههههههههه
تتنحى من المنصب احسن مالها داعي

نكذب عليها عادي ماتقول شي ..وهي تتكلم نمشي ونطنشها ماتقول شي ..
والله فله ..
اضافة رد مع اقتباس
  #13  
قديم 01/09/2005, 08:24 PM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
أهنئك على ملكة السرد التي تمتلكينها ..
توقفت كثيراً عن < فوق هام السحب > بصراحة أعجبتني فضحكت ..
لا أدري عن دقة ما كتبتيه و لكن أسلوب السرد لديك رائع و يجعلني مشتاقاً لرؤية سردك عن قضية اجتماعية حتى و إن بقصة وهمية ..
تقبلي تحياتي ..
اضافة رد مع اقتباس
  #14  
قديم 02/09/2005, 12:59 AM
زعيــم متواصــل
تاريخ التسجيل: 11/07/2005
مشاركات: 98
يووووووه والله ذكرتيني بالمعاناة الثانوية

بس الحمد لله الجامعة فلة مابيها هل معاناة ;)


تسلمين حبيبتي الرائدة على طرحك

وبانتظار الجزء الثاني

الى ذلك الوقت لكي كل التحايا

ودمتي باسعد حال


عاشقة الولهان
اضافة رد مع اقتباس
  #15  
قديم 02/09/2005, 02:29 AM
زعيــم مميــز
تاريخ التسجيل: 13/09/2004
مشاركات: 1,685
إقتباس
الرسالة الأصلية كتبت بواسطة ..][ فـهـد ][..
[align=center]
وش قاعدة تقولين أنتي ,,

الله يرجك بس ماصارت مدرسه صارت قاعدة عسكريه ,,

والله ياحالتكم صعبه من جد أحس كل الرياض مسجلين بالمدرسه هذي ,,
معاناة من جد ,,
يالله مابقى الا اسبوع وترجعين للعسكرية
أما أنا برجـع لـ جنة من العلم والتعليم <<- ياعيني على اللي يحب المدرسة

سلامي لك
[/align]

اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:08 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube