#1  
قديم 29/08/2005, 11:20 PM
زعيــم مميــز
تاريخ التسجيل: 01/03/2003
المكان: الكويت
مشاركات: 4,418
Cool مافيه أحد مرتاح!


[align=center]

السلام عليكم والرحمة

اهلييييييييييين وسهليييييييييييين بالكل

كيفكم؟ شخباركم؟ اشحالكم؟

لكم وحشة والله

امممممممبسم الله وعلى بركة الله نبتدي



:: نبضة ::
(1)


جيتك وانا ادري بداخلك لوم وعتاب
ما ابيك تسأل وين حضرة جنابي
ابطيت غايب لكن الشوق ماغاب
جتك الرسايل تعتذر عن غيابي
ماهو بكيفي غبت وللغيبة اسباب
لكن بكيفي جيت واعلنت اشتيااااااااااااااقي




:: تعزية::


عظم الله اجركم جميعا في وفاة الفهد واحسن الله عزاكم.. ادري انها متأخرة حيل بس انا كنت غايبة والغايب عذره معاه!!

مات الفهد وانتم على العهد باقين
على التقدم تكملون المسيرة
انتم قيادات البلد والسلاطين
وانتم هل الحكمة سباع الجزيرة



:: وصلني ::

وصلني خبر .. ان سهل جاب طاري شوشتي..اسمع ياسهل فكني من شرك وخل الشوشة تعيش بسلام مو حرام عليك الحين لا استشوار ولا تمليس ينفع معاها ولا عمري تهنيت بالصبغات ولا القصات مثل كل البنات



:: تصميم عالماشي ::






:: نبضة ::
(2)


سوف أجزيك بالجفاء جفاء
ليس قدر الهوى التذلل فيه
احمل النفس ان اردت لها العز
على ترك بعض ما تشتهيه



:: الشيفة كيفي ::

صار لي مدة يا جماعة وانا هاويه الطبخ ما يمر يومين الا وانا داشة المطبخ احيان يطلع اللي اسويه على كيف كيفكم واحيان الله لا يوريكمواميمتي دايما تزفني وتقتل طموحاتي :p وتخيليني بيزة ما اسوى جدام الخدامةالمهم وانا افرفر بالمواقع ادور على اكله يديده لقيت هالاكلة بس بعدني ما جربتها



++ معكرونة جبن بووووك اللذيذة ++


المقادير :
- كيس معكرونة مسلوقة .
- 3 صدور دجاج مسلوقة و مقطعة .
- 2 بصل متوسط مفروم .
- جزرة كبيرة مفرومة جداً جداً
- علبة مشروم .
- 1 علبة ذرة .
- مسحوق ماجي الكمية حسب الرغبة .
- صلصة صويا و الكمية حسب الرغبة .
- 1الى 2 ملعقة شاي فلفل اسود .
- 4 ملاعق زيت .

مقادير الصلصة :
- علبتين قيمر قشطة .
- جبن بوك كأس متوسط .
- 4 ملاعق مايونيز .


الطريقة:
نضع الزيت في الأناء ثم نضعة على الفرن ثم نضع البصل حتى يذبل ومن ثم نضع صدور الدجاج المقطعة المسلوقة ثم الجزرة المفرومة و نضع المشروم و الذرة ونضع فوقة صلصة الصويا ونتركه دقيقتين على النار ثم نضع المعكرونة المسلوقة ونرش فوقها مسحوق ماجي وقليل من صلصة الصويا و الفلفل الاسودونتركة على النارلمدة دقيقتين ثم نذهب لنعد الصلصة وذلك بالقيام بخلط جميع مقادير الصلصة ثم نضع مقدار قليل من الصلصة في البايركس ( طبق التقديم ) ثم نضع فوقة خلطة المعكرونة ثم نرش قوقها باقي الصلصة بحيث أن يكون السطح مشبع بالصلصة من جميع الجهات ( مثل الباشميل ) ثم نضعة في الفرن حتى يحمر الوجه ) .

وبالعافية




:: نظرية ::

بعيد عن العين بعيد عن القلب!! ;)



:: ط ل ا ق::

طلقت المنتخب ثلاث طلقات.. الاولى بعد مباراة السعودية والثانية بعد مباراة كوريا والثالثة بعد مباراة اوزبكستان :p طلقت اخباره ومبارياته وبرامجه وكل شي عنه لكني بوقف في بلعوم كل من يستخدمهم وسيلة للهجوم على الكويت ;)



:: خريجة ::

بعد ثلاث اسابيع تقريبا يبدا عام دراسي جديد وبندخل هالعام بمسمى خريجة سبحان الله مسرع تمر الايام جيت للزعيم وانا مستجدة في الجامعة والحين بصير خريجة عقبال الوظيفة يارب



:: نبضة ::
(3)


ايه احبك .. كيف مدري؟ والغلا يجتاح جوفي
عاشقك لازاد عشقه ما حسب للمستحيل
الغرابيل ابتلتني والهموم اوفى ضيوفي
كل مافيني تهاوى للثرى اصبح يميل
ياسنين عاندتني وش بقى هذي كفوفي
انزعيني من عذابي لا تردين الدخيل
دام بعض الناس يقسى ولاعرف وش هي ظروفي
كيف برجى لي عطايا من ورا يمنى البخيل
اقتل الاحساس فيني.. من ظلم وشلون يوفي
وانت اصدق من ذبحني تمشي فجنازة قتيل



:: يقولون ::

للانفعالات وجودها القوي في حياتنا، وهي تحتاج منا الى أن نعبر عنها في الوقت المناسب، غير اننا في خضم حياتنا الصاخبة نتجاهلها تماما، فتكبت في اعماقنا. اننا لا ندرك هذه الانفعالات الا عندما تستفحل بدرجة كبيرة وتصل بداخلنا الى مرحلة الفوران.
++ دانيل جولمان ++

التصرفات المشابهه لتصرفات ابي هي التي كانت تغضبه مني.
++ ليليان هيلمان ++

يستطيع انجاز الامور من يعتقد انه قادر على ذلك، ويخفق في انجازها من يعتقد بعجزه امامها، فالانسان هو ما يعتقده.
++ هنري فورد ++

لكي احافظ على هدوئي يتعين علي: ان اتقبل الاشياء التي لا يمكن تغييرها ، وان تكون لدي الشجاعه لكي اغير الاشياء التي اريد تغييرها، وان تكون لدي الحكمة التي استطيع ان افرق بها بين الحالتين.
++ رينهولد نيبور ++

من كتاب طرق مختصرة للاحتفاظ بهدوئك



:: ابي بوكي :sad: ::

بوكي ضاع في الحرم فيه بطاقتي المدنية :p وهويتي الجامعية :p وبطاقة البنك :p مافيه فلوس بس فيه صور وايد الله يستر تخيلوا تنتشر صورنا في الانترنت



:: قلق::

تصدقون ياجماعةطلع فيني قلق خطير :p والله صج توني هالاسبوع قريت كتاب المهم وقريت في هالكتاب نفس الاعراض اللي فيني :p والله استانست لاني كنت اموت واعرف شنهو تفسير بعض الاعراض لكن الحمدالله طلعت هينه :p بس قلق ياحياتي يا انا والله




::عطوني علومكم::

اخبار المنتدى صار شي اقصد مشاكل وهوشات ولا كل شي طبيعي
>> ماتبي شي يطوفها :p



:: مافيه أحد مرتاح ::

اهداء لكم

[rams]http://song1.6rob.com/kw/ruwaished/ruwaished-ma-fy-a7d-mrta7.ram[/rams]



تحياتي لكم

[/align]
اضافة رد مع اقتباس
  #2  
قديم 29/08/2005, 11:35 PM
فيو
تاريخ التسجيل: 25/01/2002
المكان: .. الحـــبيــ الرياض ـبـه ..
مشاركات: 15,376
Cool

[align=center]
هلا والله وغلا بالغلا كلـه

وعليكمووووو السلامووووو

بخير دامك بخير وش أخباااارك وش الدنيابـك ؟!

إقتباس
لكم وحشة والله

أدري

إقتباس
عظم الله اجركم جميعا في وفاة الفهد واحسن الله عزاكم.. ادري انها متأخرة حيل بس انا كنت غايبة والغايب عذره معاه!!

جزاك الله كل خير يالغلا ... وطول عمرك راعية واجب

إقتباس
ولا عمري تهنيت بالصبغات ولا القصات مثل كل البنات

لوووووووو ووووووووووووو وووووووول

ترحمين ياكيفوهـ ...

إقتباس
:: تصميم عالماشي ::

تصميمك حلو

إقتباس
ادور على اكله يديده لقيت هالاكلة بس بعدني ما جربتها

أفاااااا تدورين لك أكلـه وأنا موجودهـ

عندي لك أكلـه لا صارت ولاأستوت .. مكس بين مكرونه والبيتزا
معكرونه بالبيتزا والله طعمها خيااااااااااال

إقتباس
لكني بوقف في بلعوم كل من يستخدمهم وسيلة للهجوم على الكويت

بعدي والله .

إقتباس
بعد ثلاث اسابيع تقريبا يبدا عام دراسي جديد وبندخل هالعام بمسمى خريجة سبحان الله مسرع تمر الايام جيت للزعيم وانا مستجدة في الجامعة والحين بصير خريجة عقبال الوظيفة يارب

أي والله تمشي الأيامـ بسرررعـه ولا حسيت فيهـا

إن شاء الله تتخرجين بتفوق ... وعقبال يارب ماباركـ لك بالتخرج والوظيفـه


إقتباس
:: ابي بوكي ::

كيفووووهـ بوكك هذا فيه شي ... بالاول ضاع بالجامعه والحين بمكـه
عاد مصيبه شلون بتلقينه ...

إقتباس
::عطوني علومكم::

ماعندنا علومـ عندنا رياضيات ... تبين رياضياتنا


إقتباس
:: مافيه أحد مرتاح ::

يااااااااهـ مرهـ حزينه ... ليش أهدائك كذا






حمدلله ع سلامتك دبـه وعقبال يارب ماأمل منك وأشبع



سي يو قلبو [/align]

اخر تعديل كان بواسطة » الفيروسه الزرقاء في يوم » 30/08/2005 عند الساعة » 12:20 AM السبب: mazaj
اضافة رد مع اقتباس
  #3  
قديم 29/08/2005, 11:40 PM
كاتب مميز بالمجلس العام
تاريخ التسجيل: 03/06/2003
المكان: نفس المكان
مشاركات: 1,444
[align=center]هلا بـ كيفي والحمدلله ع السلامه ;)

لي عودة للموضوع ... أما اللحين بروح " ذابحني الجوووووووووع "
[/align]


[align=center][line]

عوووووووووودنا مع أنه ما ودنااااااااااااااااااا

إقتباس
كيفكم؟ شخباركم؟ اشحالكم؟

مبسوطين ! طيبين ! مرتاحين

إقتباس
ابطيت غايب لكن الشوق ماغاب
جتك الرسايل تعتذر عن غيابي
ماهو بكيفي غبت وللغيبة اسباب
لكن بكيفي جيت واعلنت اشتيااااااااااااااقي

انتباه يوجد خلل في القافيه :p عسى بس ماهي بخافيه

إقتباس
مات الفهد وانتم على العهد باقين
على التقدم تكملون المسيرة
انتم قيادات البلد والسلاطين
وانتم هل الحكمة سباع الجزيرة

صح لسان القائل والناقل ;)

إقتباس
بوكي ضاع في الحرم فيه بطاقتي المدنية وهويتي الجامعية وبطاقة البنك مافيه فلوس بس فيه صور وايد الله يستر تخيلوا تنتشر صورنا في الانترنت



ضاع والا انسرق وبصراحه مالهم حق
بالنسبة للصور هذا يعتمد على ثقافة الحرامي يمكن يكون ماله في الانترنت
الله يستر لا يكون غاوي بلوتوث :p
[/align]

اخر تعديل كان بواسطة » بطل في يوم » 30/08/2005 عند الساعة » 09:02 PM
اضافة رد مع اقتباس
  #4  
قديم 29/08/2005, 11:52 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895
[align=center]هلا وغلا واحلى ولكم باااك كيفي كويتيه

وصدق من قال (( من طول الغيبات جاب الغنايم ))

الحمد لله على السلامة وياهلا ومرحبا

وتسلمي على هيك موضوع منوع وجميل

وعلى طاري الشيفة كيفي

تراني حاط وجبة اسهل (( سمن بالعسل )) ادعوك الى تناولها

واحلى ياخريجة >>>>>>>>> عقبال لدكتوراه نشاء الله ;)

وعلى طاري البوك ذكرتيني يوم حجيت قبل سنتين ويضيع شماغي >>> اسبشل جديد

وروح على نيتي الى قسم المفقودات قولهم ابي شماغي >>>>>> روح ياشيخ قال شماغ قال

ثانكيو كيفي ولك سلاااااااااااااااامي [/align]
اضافة رد مع اقتباس
  #5  
قديم 29/08/2005, 11:57 PM
كاتب أديب بالمجلس العام
تاريخ التسجيل: 20/10/2003
المكان: جارة القمر .. الخبر
مشاركات: 1,650
الف هلا كيفي

مرور على الطائر

قريت رؤؤس اقلام الموضوع

وراجع لتكلمته على هدوء
اضافة رد مع اقتباس
  #6  
قديم 30/08/2005, 12:03 AM
الصورة الرمزية الخاصة بـ كلك 9 ذوق52
زعيــم مميــز
تاريخ التسجيل: 24/04/2005
مشاركات: 6,729
[align=center]الحمد لله على السلامة نور المنتدى بوجودكـ


كلامكـ رائع وأعجبني بس شد أنتباهي حكاية المنتخب الأزرق وش دعوى طلقتيه وبالثلاث بعد وش حقه يبه

يكفي وجود حبيبي بشار عبدالله

ويعطيكـ العافية أوخيتي الكريمة[/align]
اضافة رد مع اقتباس
  #7  
قديم 30/08/2005, 01:16 AM
زعيــم مميــز
تاريخ التسجيل: 19/03/2005
المكان: كورنيــــــش الدمـــام
مشاركات: 1,564
الموضوع

بكووم

والمكرونه

شي ثاااني
يابيي

مشكوورة الكويتيه


وننطر طبخااتك الجايه

لووول

اقصد مواضيعك الجاية


يسلمو
اضافة رد مع اقتباس
  #8  
قديم 30/08/2005, 01:25 AM
زعيــم مميــز
تاريخ التسجيل: 22/04/2002
المكان: الرياض
مشاركات: 3,583
[align=center]وعليكم السلام ورحمة الله وبركاته

كيفي بالمجلس



هلاوالله وغلا والف الحمدالله على السلامه

وعمره مقبوله ان شاءالله

إقتباس
بعيد عن العين بعيد عن القلب!!

وانااقول بعيدعن العين بعيدعن المنتدى


إقتباس
مافيه فلوس

بوك ومافيه فلوس ليه تاخذينه

على العموم الحمدالله على السلامه

ولا عاديطول غيابك ثم ناخذعليه




تحياتي وانااخوك

ابودانه
[/align]
اضافة رد مع اقتباس
  #9  
قديم 30/08/2005, 01:39 AM
زعيــم مميــز
تاريخ التسجيل: 29/03/2002
المكان: ( الررررررررياض)
مشاركات: 3,661
[align=center]السلام عليكم ورحمة الله

من زمان والله عنكم ومواضيعكم

الموضوع بكفة و هالعبارة بكفة :

إقتباس
:: الشيفة كيفي ::

من زمان وانا اقولها بس توك تصدقني الحين

إقتباس
بوكي ضاع في الحرم فيه بطاقتي المدنية وهويتي الجامعية وبطاقة البنك مافيه فلوس بس فيه صور وايد الله يستر تخيلوا تنتشر صورنا في الانترنت


وانتي الصادقة انسرق !!

والله يعوضك خييير

والله هذي مشكلة يعاني منها المعتمرين والزوار ولا حول ولا قوة الا بالله ؟؟

اما الصور لاتخافين الناس يبون ناس حلوووووة موب شيف

ممكن يحطونها بمواقع رررعب


إقتباس
:: مافيه أحد مرتاح ::

الله سبجانه وتعالى يقول ( لقد خلقنا الانسان في كبد ) ..!!
سبحان الله لا الفقير مرتاح ولا الغني مررررتاح
والله يعين



[line]


وعموما حبينا نسلم لا أكثر [/align]
اضافة رد مع اقتباس
  #10  
قديم 30/08/2005, 02:30 AM
نصراوي مندس
تاريخ التسجيل: 21/05/2005
المكان: بين جمهور الزعيم
مشاركات: 236
الحين هذا موضوع
ولا موقع بلحاله
اضافة رد مع اقتباس
  #11  
قديم 30/08/2005, 02:44 AM
موقوف
تاريخ التسجيل: 29/04/2004
المكان: في اللفة !
مشاركات: 7,555
عودن حميدن خالدن عاجلن غير آجل يوخيتي ..!!

كلمات جميلة .. بعضها أعجز عن التعليق عنها ..!!

هع ..!!
اضافة رد مع اقتباس
  #12  
قديم 30/08/2005, 02:46 AM
زعيــم فعــال
تاريخ التسجيل: 14/08/2005
المكان: مسقط رونالدينهو
مشاركات: 207
ايه والله مو موضوع
اضافة رد مع اقتباس
  #13  
قديم 30/08/2005, 04:35 AM
زعيــم نشيــط
تاريخ التسجيل: 06/03/2004
المكان: شرقاويه
مشاركات: 648
موضوع حلوووووو ورايق
تسلمممممممممين كيفي كويتيه
اضافة رد مع اقتباس
  #14  
قديم 30/08/2005, 07:53 AM
زعيــم مميــز
تاريخ التسجيل: 11/12/2004
المكان: السعودية - الرياض
مشاركات: 1,659
[align=center]وعليكم السلام ورحمة الله وبركاته
تمام وشخباررررك أنتي ,,اليوم المنتدى منور بصراحة
أن شاء الله يكون هيدا الموضوع أمتداد لمواضيعك الشيقه ,,يعني ماعاد تقاطعينا

إقتباس
عظم الله اجركم جميعا في وفاة الفهد واحسن الله عزاكم

أجرنا وأجرك ,,الله يغفر لك يأبو فيصل

إقتباس
:: ط ل ا ق::

هاردلك ,, بصراحة ياكيفي منتخب الكويت مايستحق التأهل لأنه مابعد وصل لمرحلة يكون قادر على المنافسة ,,هذي وجهة نظري وان شاء الله يرد المنتخب لمثل أول وأحسن ,,ومستغرب هجوم الأعلام الكويتي على بشار ,, بشار بكل تأكيد أفضل من في التشكيلة

إقتباس
بعد ثلاث اسابيع تقريبا يبدا عام دراسي جديد وبندخل هالعام بمسمى خريجة سبحان الله مسرع تمر الايام جيت للزعيم وانا مستجدة في الجامعة والحين بصير خريجة عقبال الوظيفة يارب

ماشاء الله عليكم ثلاث أسابيع حنا باقي بس عشر أيام
وحالتك مثل حالتي هذي آخر سنه لي بالثانوي وأصير خريج مافيه حد أحسن من حد
الله يوفق الجميع ,,

إقتباس
::عطوني علومكم::

كل شئ على أحسن حال ,,
وعقاب لك ماراح أقولك وش صار عشان ثاني مرة ماتقاطعينا ,,

ويسلموووو على الأهداء





سلامي لك
[/align]
اضافة رد مع اقتباس
  #15  
قديم 30/08/2005, 11:00 AM
زعيــم مميــز
تاريخ التسجيل: 05/05/2001
المكان: الريــــاض
مشاركات: 1,536
[align=center]

وعليــكم الســلام ورحمــة الله وبركـــاتـــه ..

إقتباس
عظم الله اجركم جميعا في وفاة الفهد واحسن الله عزاكم.. ادري انها متأخرة حيل بس انا كنت غايبة والغايب عذره معاه!!

جـــزاك الله كــل خيــر .. الله يغفــر لــه ويرحمــه ويسكنــه الجنــه ..

مشكــورة وراعيــة واجــب ..

إقتباس
يستطيع انجاز الامور من يعتقد انه قادر على ذلك، ويخفق في انجازها من يعتقد بعجزه امامها، فالانسان هو ما يعتقده.

علــى قــدر العــزم تــأتــي العــزائـــم ..
لكــل أنســان طاقــات .. وقــدرات .. القليــل جــدا مــن يسخــرهـا ليستفيــد
منــها .. والكثيــر جــدا يتخــوف كثيــرا فــي اكتشــاف قــدراتــه مـع الاســف ..


إقتباس
اخبار المنتدى صار شي اقصد مشاكل وهوشات ولا كل شي طبيعي
>> ماتبي شي يطوفها

هههههه .. فيــه ســـرقــات ع المـــاشــي .. ومــا كــن أحــد شــاف ولا سمــع


ولــكــمـ بـــــاااااكـ .. والحمــد لله علــى الســلامــة ..
وبالتوفيــق .. وعقبــال الدكتــوراة ..

تحياااتي ؛؛
[/align]
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:34 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube