يعاقب لين يعرف ان الله حق

لا أعتقد أن فيه أي شخص هلالي غيور على ناديه وعلى لاعبيه يقول هالكلام المسئ للهلال ولخالد عزيز .....

ياشباااااااااااااااااااااااااااااااااااااااااااااااااااااااااااااااااااااااااااااب خلونا مع خالد عزيز

معا للمطالبة برفع العقوبات عن خالد عزيز .....ولنكن يدا واحدة .....

والله اذا خالد عزيز اعتذر وزي ماقال بو سلطان قدم شي للهلال انا وقتها مع رفع الايقاف عنه

شكرا لك بس أبغا أعرف هالحملة التي تشن على خالد عزيز ....

إقتباس الرسالة الأصلية كتبت بواسطة WoW LoVeLy شكرا لك بس أبغا أعرف هالحملة التي تشن على خالد عزيز ....

بالعكس مو حملة ولا شي ما توقع فيه هلالي ما يقدر عزيز ويتمني يشوفه في التشكيله الأساسيه خاصه في الأونه الأخيره بس لازم يتئدب ويكون عبره لباقي الفريق وخاصه الجمعان ومن على شاكلته الي بتفلها بعد السالفه لا لازم نسحبه بذنه بعد مبارة المنتخب ونرفع عليه قضيه هنا في المنتدى ون عذره وحركاته ما عجبتنا شنقناه وخليناه عبره لمن لا يعتبر في المنتدى

خالد عزيز عوقب ومن الظلم الاستمرار في عقوبته يجب أن يعطى فرصة

فإن انتظم الحمدلله وإذا لم ينتظم يعاقب عقوبة أشد من الأولى وبهذا يكون هناك عدل أكثر

الله يعطيك العافية

والله ياعزيزي لوصار نادي الهلال بيعاقب لاعبيه على هالشكل بيجي الموسم الجاي وحنا ماعندنا ولا لاعب حتى في الإحتياط لأن هذا ماهو اسلوب حضاري نتعامل به مع الاعبين يجب علينا ... أنا نكون واعين في مثل هالمشاكل ومثل هالظروف فلا ننسى أن فيه ناس تصيد في الماء العكر لأنها تنتظر المشاكل في الهلال حتى تخطف لاعبيهم وهذا هو الشئ اللي احنا كهلاليين مانبغاه يصير ...علشان كذا خالد عزيز غلط ويستحق العقاب وانا مع عقابه لكن العقاب طول ... وهذا التطويل ماله داعي ولا هو من مصلحة عزيز ولا هو ايضا من مصلحة الهلال ... ولا أعتقد أن رئيس الهلال يريد إنتقال خالد عزيز لأي نادي آخر لأنه تعامله مع عزيز بهذه الطريقة هو تعامل سئ وغير مقبول ........

وشكرا لكم على آرائكم .....

خالد أخطأ بحق نفسه أولاً وبحق الهلاليين كافة ويستحق ماتقرره له الإدارة من عقوبة والفرصة أمامه ليثبت إخلاصة للنادي والعودة مرة أخرى ، وليس الهلال بالفريق الذي يقف على لاعب أياً كان حجمه فالهلال كبيراً قبل خالد وسيضل كذلك بإذن الله تعالى .

[align=justify]ياعزيزي أنتم الحين مافهمتوا وش قصدي أنا .... الاعب يجب أن يعطى فرصة ... ولا وش معنى عبدالله الجمعان .. عطوه ألف فرصة وللحين وهو نفس وضعه الأول ما تغير ولا استفاد من المشاكل اللي حصلت له ...

وبعدين كلمة رئيس الهلال لما يقول خالد عزيز لو يبغى يلعب مع الفريق لازم يتنازل عن مقدم العقد .... فإذا كان هالكلام صحيح فأعتقد أن رئيس الهلال لا يصلح لرئاسة النادي ... أبداً .... هذا كلام غير منطقي وكلام غير معقول ... يا أخي لاعب يبحث عن رزقه ... تجي وتقوله تنازل عن كل المبلغ ....ليش .. وش السبب .... عقاب وعوقب الاعب من جميع الهلاليين ويكفي اللي وصله ... أما غير هالكلام .. لا أعتقد أنه عين الصواب .... وهو ما يجعل عزيز يفكر في الذهاب لنادي آخر ....

مع خالص تحياتي للجميع [/align]

السلام عليكم ورحمة الله وبركاته

اخوي WoW LoVeLy

اشكرك على مشاعرك ولكن

حرمان خالد عزيز من مباراة النهائي لم تكن عقوبه .. فهو لم يحضر التدريبا ولا رجع الا قبل المباراة بيوم....

حرمانه من مكافآت المباراه ابسط حقوقه.... والكلام عنه شي طبيعي جدا في الصحف ...

فالي الحين خالد عزيز ما تعاقب!!! وانت قاعد تطالب بالعفو عنه؟

تقول ان الاداره الهلاليه لم تستجب لنداء الاعضاء بالعفو عنه وذلك لان المطالبين بعقوبته اكثر من الي يطالبون بالعفو عنه...

انا اعتقد ان ماتفعله الاداره الهلاليه لخالد عزيز شي طبيعي وهو يستحقه وعلى قولة المثل على نفسها جنت براقش ....

اسف على الاطاله

استودعكم الله

[align=justify]ياحبيبي لو كان القرار بيد الجماهير والأفضل للأكثرية كان شفنا خالد عزيز متقطع عشرين قطعة ... ماصار نادي هذا صار لعبة أطفال ....لازم ينظر للموضوع بعين العقل ... احنا لازم نفكر وش اللي قاعدين نقوله وش اللي قاعدين نسويه في الاعب ... خالد عزيز يعني تحسب لو الهلال تركه ... انه راح ينتهي بالعكس خالد عزيز بيروح لأي نادي كبير في المملكة وبيطلع أفضل منه يوم كان في الهلال ... يعني رزقه ماهو على محمد بن فيصل ولا على غيره من الإدارات ....

مع خالص تحياتي للجميع [/align]

السلام عليكم

اخوي الكريم انا معك بان خالد عزيز من افضل المحاور في المملكه ولو طلع من الهلال راح يلقى محله في احد الانديه الكبيره الاخرى ... ولكن مدام انه في الهلال لازم يعاقب عشان يرتدع ... وعشان غيره يتعلم بعد ... والله ولي التوفيق

مع التحيه