الموضوع غريب شوي يبداء بعمي اللي جاب خدامه بالشهر وبالصدفه كانت عندنا عزيمه وجابو خدامتهم ولما جا اليوم الثاني جت خدامتنا لي وقالت بلهجتها الي تحاول تسعودها :انا يبي يقول لأنتي شي قلت: شتبين قالت: شغالت بابا عادل تقول اذا تبين شغل كويس انحاشي واتصلي على هذا الرقم . وسألتها بغباء:يعني تبين تنحاشين وردت:انا مايدري لكن شغاله مدام فاطمه تبي تنحاش وانا جيت اقول على شان اخاف الله يعاقبني .وسألت عن التفاصيل وقالت بيعطوني 2000ريال في الشهر وطبعاً مكسب خدامتنا سرلنكيه وتاخذ 400ريال وقلت لها وليه ما تنحاشين على هذا الراتب المغري:قالت هذا فيه مشاكل علشان كله رجال حرمه سوى سوى
الخدامه الي جابها عمي اندنوسيه اسمها نوره اما شكلها مسكت لابسه عبايه على الكتف والبرقع
والطرحه والبنطلون والشنطه والموبايل هذا الخارج لكن الداخل عجوز قميص تحته بنطلون فعز الحر تحفه
طبعا اخذت الرقم وللقافه اتصلت وكمان علشان مااظلم احد
كان الرقم جوال الآنسه الي تعمل عند عمي مقفل واتصلت على الثابت كان فمكه واتصلت بجوالي متقمصه شخصية خدامتنا ورد علي رجال حجازي وقلت :أنا يئطني هدا رقم نورا ويقول ازا ينهاش دوققي هذا رقم وانا الهين في شارع وين يروه <وصوتي يملؤه الدموع والبكاء الكاذب وفي اعماقي ميته ضحك> قالي :انتني فين داحينا <هو حجازي>قلت:مايئرف انا في رياد وين يروه
قال لي لحظه بعدين قال تبين نوره والانوره وقال عيلتين اندنوسيه واخترت اسم وعطانياها قالت :اش جنسيه قلت سرلنكا قالت : يور نيم ققلت:اسوكا قالت:نورا الهين في رياض خمسه دقيقه ويكلم انتي .<وماصدقت تسكر علشان اموت ضحك من التمثليه اللي صدقوها>
والى اليوم ما كلمت ولا انا والمشكله ما اعرف مكان اودي له الرقم
واتمنى تساعدوني اعرف الجهه المسؤله اعيها الرقم لأن المسأله خطيره
وكان دافع خدامتنا لما قالت لي ان توها مسلمه وتسألني هذا يجوز فالأسلام او لا وطبعا ماتمون في البيت الا علي لأني الملقوفه الي من يوم جت مستلمتها بالكتب عن الأسلام حتى لما قررت تسلم
وهقتني جت قالت انا يبي صلي قلت :لازم تسلمين قالت:ابي اسلم والحمدلله اسلمت
بالحب والإشراق