السلام عليكم والله انا من اكثر المؤيدين لهذا الموضوع بصراحه انا زرت الرياض وما قدرت ازور النادي لانه كل واحد يقولي بعيد وزي ماسمعت انه الحي قديم ايضا لكن اخوي شبابي وقدر يزور الشباب ليه لان الموقع حلو وانا بصراحه استغربيت لما عرفت انه في هلاليه في الرياض عمره مازار النادي
وياخي بعدين الهلال صار علم من اعلام الرياض يعني لازم يكون في احسن الاحياء وافضلها زي الشباب الذي يعتبر افضل نادي من حيث المبنى على مستوى المملكة واعتقد انه الشباب هو النادي الوحيد اللي يفكر صح لانه اذا جات الخصخصة صدقني الشباب ماراح يحتاج شئ للمبنى بعكس حنا الهلاليين اللي بصراحه زي ماسمعت انه المبنى لايلقيق بالهلال

اناوالله ودي

صحيح اخوي الآشوري

كثير من الهلاليين في الرياض ما راحوا النادي و لا يعرفون مكانه اصلا !!



و شكرا على مداخلاتكم

المسألة مو ترميم و بس .. لكن المطلوب تغيير و تطوير


* موقع النادي أقل ما يقال عنه تعبان .. و هو في أقصى جنوب غرب الرياض

* لو تسوي استبيان بين جمهور الهلال .. بتلقى ثلاث ارباعهم ما عمرهم طبوا النادي .. لا و يمكن ما يعرفون مكانه أصلا !!

* اللي وده يشتري بطاقة العضوية و متردد .. لأنه عارف إنه ما راح يقدر يستفيد من المزايا اللي تتيح له العضوية استخدامها من استغلال مراق النادي لممارسة نشاطات رياضية !!

* اللي يجون من خارج الرياض و يحبون الهلال و يعشقونه من صغرهم .. و ودهم يشوفونه .. لكن شلون يشوفونه و هو في أقصى الدنيا !!

* مباريات الشباب و الناشئين عمركم شفتوا فيها جمهور .. لو موقع النادي في مكان جيد بتلقى الحضور دايم موجود في مباريات الفئات السنية و حتى في التمارين !!

* شف موقع الشباب .. والله حرام هالموقع المميز على فريق غير جماهيري !!
و أغلب المواهب في الرياض تسجل فيه بسبب قربه و تميز موقعه !!

* كذلك أندية الاتحاد و الاهلي .. و مواقعهم في قلب مدينة جدة .. دايما تلقى جماهيرهم قريبة منه نواديهم .. و مرافق الناديين دايم مليانة سواء المسابح أو الصالات الرياضية .. و لو تروح لهم تشوف كيف الزحمة هناك و قارنهم بالهلال !!








وش الكلام هذا؟

وربي ما اشوف اي سبب مقنع وهذا رايي
من ناحية موقع النادي لا ارى انه تعبان وبعدين تصحيحا لمعلوماتك من قالك انه في حنوب غرب الرياض
موقع النادي ياعزيزي في حي العريجاء يعني في وسط او في بداية غرب الرياض والظاهر انك تقصد نادي النصر اللي في جنوب غرب الرياض
ركز يابو الشباب
واتمنى انك ماتحكم على الاستبيان بان ثلاث ارباعهم يبون يغيرون الموقع
واذا على قولتك ان كثيرين ماطبوا النادي فهذا يدل على لن اقول انتمائهم وانما على عدم حرصهم للحضور للنادي وصدقني اللي يبي يروح النادي مايراح يتعذر بشي ليش لان لو الواحد انعزم في استراحه ولنقل بشكل اسبوعي والله ان يروح ولو كانت تبعد ثلاثين كيلو وبعدين انت تتكلم عن ثلاثين كيلو يعني من شرق الرياض ولكن لو حسبناها من وسط الرياض ماتعدت الخمسة عشر كيلو
ومن ناحية العضويه اعرف ناس كثير اشتروا العضويه بقصد دعم النادي والمشاركه في دعمه من الناحيه الماديه ولا يشترط انك تدفع عضويه عشان تحضر فهذا ليش مبرر لعدم الاشتراك في العضويه او في تغيير موقع النادي
وبعدين كلامك عن اللي يجون من خارج الرياض يعني قطعوا هالمسافه عشان يجون وفرقت معهم عشرين كيلو؟
ايضا سبب غير مقنع
اما مايتعلق بمباريات الناشئين والشباب فهناك جمهور يحضرها ولكن هذا الجمهور هو من يعشق الهلال وليس من يتعذر لبعد المسافات
اخر شي ابي اقولك
ان اختلاف الراي لايفسد للود قضيه

إقتباس الرسالة الأصلية كتبت بواسطة ابو حنفي [align=center]الصراحه اخوي هذا طلب غريب والنادي يقع بحي العريجاء الي هو بغرب الرياض " للتوضيح فقط " ولو كل واحد طلب النادي جنب بيتهم كان صارت مشكله ولا اعتقد فيه شي بعيد على السياره بعدين اخوي مافكرت كيف بيكون حال جميع الرياضيين بالنادي بجميع الرياضات وبمختلف الفئات كيف بيكون تواصلهم مع النادي يوميا والي هو مصدر رزقهم والاكيد ان اغلبهم ساكن بمنطقة النادي وبالاخص درجتي الشباب والناشئين .. والا تبي ننقلهم بعد للشمال ؟؟ ولا اتوقع ان يتم تنفيذ اقتراحك لسببين الاول التكلفه الماليه الضخمه لمشروع كهذا ( وحنا الى الان ماسددنا اقساط ياسر ) ثانيا ان هذه المقترحات تكون بعصر خصخصة الانديه وليس كما هو حالها الان لان الارض ممنوحه من الحكومه كما تعلم شاكر لك اخوي ومقدر اقتراحك وتبقى وجهات نظر شخصيه وعلى فكره انا ساكن بشمال الرياض وهذا لم يمنعني من التواصل مع النادي بشكل مستمر والاشتراك بعضويته [/align]

الصراحه هذا الرد ابلغ ردوصراحه انا ماتخيل النادي بغير مركزه

[align=center]

إقتباس يا خوي انا ما قلت يحطون النادي جنب بيتنا ثلاث ارباع الهلاليين يبونه بشمال الرياض .. و شف الردود المؤيدة و انت تعرف بنفسك !! مقر الهلال نبيه في مكان متميز و بشكل جميل و عالمي يوازي مكانته كزعيم لأكبر قارات العالم و بالنسبة للاعبين و اللي يشتغلون في النادي .. الانتقال لو حصل ما راح يكون بيوم و ليلة عشان يكون مفاجئ لهم !! و بالنسبة للتكلفة .. اصلا موضوع مثل هذا ما يتكفل فيه شخص او شخصين او ثلاثة مثل موضوع ياسر .. و إنما تتكفل فيه شركات !! و إن كان ما راح يتم هذا إلا بالخصخصة .. فمن عشر سنوات مضت و هم يقولون بعد خمس سنين بندخل الخصخصة !! .. و الله أعلم متى بتصير هالخصخصة !! الزبدة .. مقر الهلال الحالي ( يفشل ) و من بقايا العصر الحجري مع الأسف !! .. سواء كشكل أو كموقع !! و لا بد من التغيير

ماشاء الله عليك حكمت على اراء ثلاث ارباع الهلاليين بكل العالم من خلال موضوعك ؟؟
وبالنسبه للاعبي الهلال فانا لا اتكلم عن مفاجاة الانتقال من عدمه ولكن سيكون هناك تغيير بالسكن وخصوصا للاعبي فئات الناشئين والشباب وانا تحديدا اعرف لاعبين بدرجات الشباب باكثر من رياضه وبالكاد يتحملون مصاريف المواصلات للنادي وهم ساكنين بغرب الرياض فما بالك بنقل المسكن كليا !!
وبالنسبه لتكفل الشركات كيف بيكون تكفلها لنقل سكن النادي والنادي تابع للرئاسه العامه لرعايه الشباب !! يعني تجهز العصابه قبل الفلقه
وبالنسبه لموقع النادي وشكله لا يفشل ولاهم يحزنون بالعكس فيه امكانيات لا تتواجد بغيره كنادي الشباب مثلا !!
وانا شخصيا اعرف لاعب بنادي الشباب انسرقت منه سيارته لعدم تواجد صندوق امانات وهو اقل خدمه تقريبا يجب ان تتوفر بنادي !! فباي اساس حكمت ان الموقع والنادي فاشل ؟

عالعموم بالختام انا قلت الي ابي اقوله بهالموضوع
سلام[/align]

يعطيك العافية اخوي التشيكي

إقتباس الرسالة الأصلية كتبت بواسطة ابو حنفي [align=center] ماشاء الله عليك حكمت على اراء ثلاث ارباع الهلاليين بكل العالم من خلال موضوعك ؟؟ وبالنسبه للاعبي الهلال فانا لا اتكلم عن مفاجاة الانتقال من عدمه ولكن سيكون هناك تغيير بالسكن وخصوصا للاعبي فئات الناشئين والشباب وانا تحديدا اعرف لاعبين بدرجات الشباب باكثر من رياضه وبالكاد يتحملون مصاريف المواصلات للنادي وهم ساكنين بغرب الرياض فما بالك بنقل المسكن كليا !! وبالنسبه لتكفل الشركات كيف بيكون تكفلها لنقل سكن النادي والنادي تابع للرئاسه العامه لرعايه الشباب !! يعني تجهز العصابه قبل الفلقه وبالنسبه لموقع النادي وشكله لا يفشل ولاهم يحزنون بالعكس فيه امكانيات لا تتواجد بغيره كنادي الشباب مثلا !! وانا شخصيا اعرف لاعب بنادي الشباب انسرقت منه سيارته لعدم تواجد صندوق امانات وهو اقل خدمه تقريبا يجب ان تتوفر بنادي !! فباي اساس حكمت ان الموقع والنادي فاشل ؟ عالعموم بالختام انا قلت الي ابي اقوله بهالموضوع سلام[/align]

يا خوي الردود هذي عينة فقط !!

سوي استبيان .. أو خل النادي يسوون .. و بتشوف النتيجة بنفسك

و بالنسبة للمواصلات و نقل اللاعبين .. هذي عمرها ما كانت مشكلة يصعب حلها .. الحلول كثيرة و ليس الآن مجال طرحها

بالنسبة لتبعية النادي لرعاية الشباب .. فالحل الوحيد هو الخصخصة .. و إذا كان ما في أمل ينتقل النادي لمقر مثالي و متميز إلا من خلال خصخصة النادي .. فأعتقد ابو سلطان هو افضل من بإمكانه مناقشة هذا الأمر مع الرئاسة و المساهمة في تفعيله سريعا و التعجيل به .. خصوصا بالنسبة للهلال على الأقل


لكن السؤال .. انت ليش معارض فكرة نقل النادي لموقع متميز في الشمال .. حيث التطور العمراني و الكثافة السكانية ؟!

لا تقول لي مواصلات و نقل اللاعبين



و شكرا للجميع

اقول
ماودكم بعد نسوي في كل مدينه نادي للهلال؟
ياشباب
ياهوه
بالله عليكم نبي كلام منطق يعني نبي شي مفيد
وش اللي نغير موقع النادي الدعوه سهله؟
طيب وشرايكم نخلي نادي الهلال على شارع العليا؟
هههههههههههههههههههههههههههههههههههه
ياحليلكم وياحبيلكم بعد
عليكم اقتراحات تجن وااااااااااااااااااااااااااااااااااو جنااااااااااااااااااااااااااااااان





بس خلاص

[align=center]فكرة ممتازة وقد حان الوقت لتنفيذها فنحن ياجماعة الخير الزعماء ولازم يكون مقر نادينا يليق باسم الهلال وبعدين ياناس الموقع ترى النادي موقعه مب ذاك الزود حاطينه باقصى جنوب الرياض مب لم سالفة ترى[/align]

الردود غير مقنعه

افضل شي انهم يعطون خمسة فروع واحد في مكانه والثاني في شمال الرياض والثالث في جنوب الرياض


والرابع شرق الرياض<<<<<<<<<<<<<<<<<<<<<<<<<< صار مطعم



الي طالبون نقل الهلال شمال الرياض الهلال جماهيره في كل مكان شرق غرب

نفرض انهم نقلوه الي غرب الرياض وش بيسون بتصير نفس المشكله

انا احس مقر النادي بعيـــــد بالمرة يعني بانبسة للاعضاء الشرف واللاعبين

حي العريجاء بعيد كل البعد.. انا مؤيدة لكلامك بس مو وقتـــــة ( اجل متى وقتة)؟؟

والهلال لو يروح المريخ يبقى زعيم الاندية

مشكوور اخوي

ااخوي الافضل

إقتباس لي طالبون نقل الهلال شمال الرياض الهلال جماهيره في كل مكان شرق غرب نفرض انهم نقلوه الي غرب الرياض وش بيسون بتصير نفس المشكله

نبيه في الشمال .. مو في الغرب

و بعدين في الشمال حيكون قريب و سهل الوصول له من معظم سكان الرياض .. سواء اللي ساكنين شرق أو غرب



و شكرا للجميع

إقتباس الرسالة الأصلية كتبت بواسطة الكريزي وليش وش فرق شمال الرياض عن غربها ترا كلها في الرياض اتمنى توضح سبب مقنع اذا كان السبب مبنى جديد او حديث بامكان النادي ترميم المقر الحالي اتمنى توضح

والله الموقع الحالي جميل