محمد بن فيصل طلبناك .. لا تردنا !! [align=center]السلام عليكم و رحمة الله و بركاته و الله ما أدري طلبي هذا ممكن يصير .. ولا هو بعيد المنال !! يا رئيس الهلال بفضل الله ثم جهودكم .. حققنا الرباعية بعد موسم النكسات و عاد الهلال لمكانه الطبيعي على الخارطة الرياضية المحلية .. و سيعود آسيويا بإذن الله .. بل و سيتجه نحو العالمية للمرة الثانية إن شاءالله يا رئيس الهلال لقد اصبحت وجه السعد بالنسبة لنا كجماهير هلالية .. أردنا الرباعية .. و جبتها أردنا القحطاني .. و برضو جبته و لو نبي لاعب اجنبي عالمي .. راح تجيبه يا ابو سلطان بحول الله يا رئيس الهلال طلبناك هالمرة .. و نتمنى إنك ما تردنا نبي مقر جديد للهلال في شمال الرياض و هذا الطلب أنا متأكد أنه يشاركني فيه أكثر من 90% من جماهير الهلال نعلم تماما إن بإمكانك أن تسعى في هذا الموضوع .. لتجعله حقيقة على أرض الواقع مقر جديد .. و عهد جديد .. و طراز جديد .. يواكب المكانة الكبيرة لزعيم آسيا العنيد الأسباب كثيرة التي تجعلنا نطلب مثل هذا الطلب .. و نلح فيه و لا أعتقد إنها تخفى على أحد طلبناك يا بو سلطان .. و عشمنا فيك كبير .. لا تردنا [/align] |
s60s |
ماهي بعيده على ابوسلطان اللي ضحى بالغالي والنفيس من اجل الهلال واسعاد الجماهير الهلاليه s60s لكن هناك اشياء اهم بكثير اتمنى يكون اللاعب الاجنبي الثالث اولها وشكرا,,, |
أبوسلطان الكبير كبير وآمين إن شاء الله . |
وليش وش فرق شمال الرياض عن غربها ترا كلها في الرياض اتمنى توضح سبب مقنع اذا كان السبب مبنى جديد او حديث بامكان النادي ترميم المقر الحالي اتمنى توضح |
بس اذا حطوا مبنى جديد وش يسوون بالقديم نشبة صح :confused: |
Why ? Is There Any Problem With The Current Building ? |
إقتباس:
* موقع النادي أقل ما يقال عنه تعبان .. و هو في أقصى جنوب غرب الرياض * لو تسوي استبيان بين جمهور الهلال .. بتلقى ثلاث ارباعهم ما عمرهم طبوا النادي .. لا و يمكن ما يعرفون مكانه أصلا !! * اللي وده يشتري بطاقة العضوية و متردد .. لأنه عارف إنه ما راح يقدر يستفيد من المزايا اللي تتيح له العضوية استخدامها من استغلال مراق النادي لممارسة نشاطات رياضية !! * اللي يجون من خارج الرياض و يحبون الهلال و يعشقونه من صغرهم .. و ودهم يشوفونه .. لكن شلون يشوفونه و هو في أقصى الدنيا !! * مباريات الشباب و الناشئين عمركم شفتوا فيها جمهور .. لو موقع النادي في مكان جيد بتلقى الحضور دايم موجود في مباريات الفئات السنية و حتى في التمارين !! * شف موقع الشباب .. والله حرام هالموقع المميز على فريق غير جماهيري !! و أغلب المواهب في الرياض تسجل فيه بسبب قربه و تميز موقعه !! * كذلك أندية الاتحاد و الاهلي .. و مواقعهم في قلب مدينة جدة .. دايما تلقى جماهيرهم قريبة منه نواديهم .. و مرافق الناديين دايم مليانة سواء المسابح أو الصالات الرياضية .. و لو تروح لهم تشوف كيف الزحمة هناك و قارنهم بالهلال !! و شكرا |
يعطيك العافية اخوي التشيكي ولكن هاذي يبيلاها امر يصدر من مجلس الوزراء مهيب بهالسهولة |
انا ما ادري ايش هو شمال الرياض بس اسمع ان موقع الهلال مو كويس انتم ادرى ايش الموقع المناسب للهلال (ساكني الرياض) |
ياخوي اهل جنوب الرياض مالهم رب يعني والله اذا كنت تعشق الهلال فالسياره تقرب البعيد او ممكن ماتنزل تجي جنوب الرياض فهذي مشكلتك على فكره انا ساكن في حي الغدير خلنا نركز على موضوع الاعب الاجنبي عالمي طبعآ احسن لاتزعل اخوي الزعيم على ردي شاكر لك |
إقتباس:
خل أعطيلك أهم سبب المعروف إن الرياض فيها أربع نوادي كبار ثلاث منها بمنطقه وحده والرابع نادي الشباب لحاله بمكان آخر وهو شمال الرياض المفروض توزع النوادي على مناطق الرياض لإقتطاب أكبر عدد من الناس الي تلعب بكل منطقه وهذي وحده من أكبر عيوب توزيع النوادي بمدينة الرياض وياليت تفكر معاي شوي بالموضوع وتقولي كم أب يستطيع إن ياخذ إبنه الموهوب كل يوم ثلاثين كيلو علشان يتدرب ؟؟؟؟؟ وللعلم ترى نادي الشباب مستفيد من موقعه بشكل كبيييييييييييييير وهو أحد أسباب بقائه بدائرة المنافسه رغم قلة المشجعين لهالنادي لأن شمال الرياض وغربها وشرقها كلهم يسهل عليهم الذهاب إلى نادي الشباب بعكس النوادي الموجوده بجنوب الرياض أنا مؤيد للفكره وأشوفها ممتازه تحيتي لكل ما هو أزرق |
s60s |
s60s s60s |
شكرا يا اخوان على التفاعل و نتمنى أن يصل الموضوع لابو سلطان و يهتم فيه شخصيا :) |
الوقت المعتمد في المنتدى بتوقيت جرينتش +3.
الوقت الان » 07:03 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd