#1  
قديم 13/08/2005, 10:50 PM
الصورة الرمزية الخاصة بـ أبولافي الهلالي
زعيــم مميــز
تاريخ التسجيل: 10/04/2005
المكان: @ الموج الازرق@
مشاركات: 2,855
@@ أنت هلالي تعال نفـتـشـ كـ @@ ( قصة واقعيه ) .

[align=center]

/

\

/


الله بالخيـــ ــر جميعاا .. ويسعد الله اوقاتكم بكــل خيــرر ..


الف مبــروك الانجازات الي فاتت كلها من بطولات أو توقيعات جديده أو عوده لنجوم من اصابات ..


موضوعي عباره عن موقف شخصي حصل لي يوم مباراة الزعيم والشباب في نهائي كأس خادم الحرمين الشريفين ..

كنت جاي من حائل الى الرياض ومعي واحد من أقاربي ..

وكانت السياره مكتسيه داخلها بالعلم الازرقـ .. وكنت حاطه بالمرتبة الخلفيــ ـــة ..

وباقي السياره مافيه ركن الا وفيه ربطة زرقــ .. ــاء أو شال أزرقـ .. لكن كل هذا ما كان يبان لغير الراكب للسيارة ..

الطريق بين حائل القصيم مر بسلام الين وصلنا تفتيش أم سدره الي يبعد عن القصيم 50 كيلــ ــو

التفتيش من نظره بعيده وضعه تمام التمام والسيارات تمشي حتى بدون أبراز رخصه او حتى أثبات مع ان الجندي كان واقف مو بعيد عن مرور السيارات ..


الين جاء الدور علي وكنت ناوي أمشي كالعالم الا انه قال وقف ..

قلت سم .. وأنا أمـــد له الرخصـــة والأستماره بكل ثقــه كثقتي بالفوز تلك الليلة ..

لكن الرجال ما كفاه كذا .. سألني وين رايح ..؟؟

ما كنت ناوي أجاوب لانه مو من حقه يسأل ..

قلت :: للريــ .. ـــاض


قال وش عندك هناك ........ أدري انه طولها ..

قلت خلني أخذه على قد عقله .. خفت ينشب لي .. ويأخرني ;) ;)

قلت عندي دراسه صيفي

>> مسجــل فعــلا صيفــي ..

طلب مني اثبات الي معي وعطيته .. وما كفاه كل هذا ::

قال .. أصفطوا على جنب
و
أنزلوا تفتيش شخصي

فتشنا ونثر الأبواك الشخصيه وفتش الميداليات .. ما بقى شي بحاله معنا ..

وفتش السياره تفتيش مو طبيعي وخاصة اننا بالرياض تعودنا على التفتيشات الروتينيه ..

كنت واثق بنفسي لكن تذكرت انه في سيارتي كاشف رادار ناسيه بمخبــأ المرتبه من وراء .. واذا حط يده بالجيب مليون بالميه بيحصله ويصادر علي جهاز بـ 500 ريال غير المخالفه .

فتش بعنف وكسر درج السيارة يوم سحبه بقــ ــوه

فتش وراء وأبعد العلم المحطوط على المرتبه ..

ما انتبه للجيوب وخاصة انها كانت من الشكل اللاصق ولا كشف كاشف الرادار

فتش الدبه (( الصندوق الخلفي )) ولا حصل شي غير معتااد

بالاخير سلمني اثباتي واثبات خويي والاستمارة

وقال كلمه حاول يوصلني بها انه ما سوى اللي سوى الا عشان أني هلالي ::


قال ::

لو دريت أنك هلالي ما فتشتـــ .. ـــــــك ......


يعني ما شاف العلم والشال ولا شاف الربطه على القيــر ....... !!!

كان وقتها ودي أرد عليه واقول ::

وصلت المعلومه مثل ما راح يأصل الكأس لدرج الهلال الليلة ..

بس برضوا صرنا أكبر منه وخذيناه على قد عقله ... ;)
[/align]
اضافة رد مع اقتباس
  #2  
قديم 13/08/2005, 11:41 PM
الصورة الرمزية الخاصة بـ ابو زيد الهلالي 9
زعيــم مميــز
تاريخ التسجيل: 31/03/2005
المكان: DAMMAM!
مشاركات: 3,620
قصة حلوة ياحلو.............



والله انه نصراوي مو معقول ماشف العلم.........
اضافة رد مع اقتباس
  #3  
قديم 14/08/2005, 12:07 AM
زعيــم متواصــل
تاريخ التسجيل: 25/11/2004
مشاركات: 199
اكيد هذا حاقد على الزعيم
اضافة رد مع اقتباس
  #4  
قديم 14/08/2005, 12:09 AM
الصورة الرمزية الخاصة بـ malimalk
زعيــم نشيــط
تاريخ التسجيل: 15/04/2005
مشاركات: 534
يار جل الحمد لله على السلامه اولا




والحمد لله ماراح تعبكم سدى




ولكن اقول على نياتكم ترزقون !!!!!



اضافة رد مع اقتباس
  #5  
قديم 14/08/2005, 12:11 AM
زعيــم مميــز
تاريخ التسجيل: 20/02/2005
مشاركات: 3,822
تعجبني بحركاتك وبالاعلام التي حاطها بالسيارة من حايل الى الرياض كله على شان الزعيم لو يدري عنك الامير محمد بن فيصل كان تكفل بتذاكرك طوال الموسم الجديد 0


الله يعطيك العافيه ويخليلك الهلال ومنال
اضافة رد مع اقتباس
  #6  
قديم 14/08/2005, 01:23 AM
زعيــم فعــال
تاريخ التسجيل: 23/05/2005
مشاركات: 296
يمكن يكون اتهادي
اضافة رد مع اقتباس
  #7  
قديم 14/08/2005, 01:33 AM
الصورة الرمزية الخاصة بـ أبولافي الهلالي
زعيــم مميــز
تاريخ التسجيل: 10/04/2005
المكان: @ الموج الازرق@
مشاركات: 2,855
أبو زيد الهلالي ...

حياك الله اخوي .. وعيونك الحلوة ...

المشكله مو بنصراويته او اتحاديته .. المشكله بتفكيره السقيم العقيم الغير عاادل ..

دمت بخيرر ..




الاسير ..

مرحبا اخوووووي .. هو حاقد على الاعتدال وعدم العصبية

دمت بخيرر



malimalk

فعلا على نياتكم ترزقوووون .... يعطيك العافيه اخووي والله يسلمك ..

دمت بخيررر


أبو أيمن ..

الزعيم ما قصر وخلنا نحتفل معه ونفرح وما خيب ظنوناا يوم راهنا عليه ..

الهلال اللي عطانا الكؤؤس ورفعة الرؤؤس بين باقي المشجعين .. والله ما نخذله ..

الله يخلي لك أيمن .. دمت بخيررر
اضافة رد مع اقتباس
  #8  
قديم 14/08/2005, 01:35 AM
الصورة الرمزية الخاصة بـ أبولافي الهلالي
زعيــم مميــز
تاريخ التسجيل: 10/04/2005
المكان: @ الموج الازرق@
مشاركات: 2,855
عبدالعزيز السالم ... خلنا أكبر منه ونقول اتحادي ;)

المشكله زي ما قلت قبل هو تفكيره مو تشجيعه ..

دمت بخيررر
اضافة رد مع اقتباس
  #9  
قديم 14/08/2005, 02:07 AM
زعيــم نشيــط
تاريخ التسجيل: 23/04/2004
المكان: قـــلـب ســـام6
مشاركات: 577
هههههههههههه حلووه بس ودي اشوف شكلك وانت تنتظر الكاشف ياخذه
اضافة رد مع اقتباس
  #10  
قديم 14/08/2005, 02:21 AM
موقوف
تاريخ التسجيل: 28/07/2005
مشاركات: 476
سلام والله القصة الخطيره

احس انه نصراوي مره
اضافة رد مع اقتباس
  #11  
قديم 14/08/2005, 02:31 AM
الصورة الرمزية الخاصة بـ أبولافي الهلالي
زعيــم مميــز
تاريخ التسجيل: 10/04/2005
المكان: @ الموج الازرق@
مشاركات: 2,855
الكاشف سلم ....

والهلال فاز ...

وش بعد اكثر يا اف 15




أبو سلامه .. تحياتي لك خيووو
اضافة رد مع اقتباس
  #12  
قديم 14/08/2005, 07:20 AM
زعيــم مميــز
تاريخ التسجيل: 31/05/2005
المكان: ريـــاض الـــعـــز
مشاركات: 6,031
اصلا ماله حق يسوي كل هذا
مادامك شفته فاضي انشب له
عسكر اخر زمن
اضافة رد مع اقتباس
  #13  
قديم 14/08/2005, 07:54 AM
زعيــم مميــز
تاريخ التسجيل: 29/07/2004
المكان: شبكة الزعيم
مشاركات: 7,277
واضح وبقوه انه متعصب نصرواي وحاقد على الزعيم

لكن انتي تعجبني لانك اعطيته على قد عقله
اضافة رد مع اقتباس
  #14  
قديم 14/08/2005, 10:49 AM
موقوف
تاريخ التسجيل: 31/10/2003
مشاركات: 537
اضافة رد مع اقتباس
  #15  
قديم 14/08/2005, 11:54 AM
عضو سابق في إدارة شبكة الزعيم
تاريخ التسجيل: 11/04/2003
المكان: USA
مشاركات: 13,487
يمكن نصراوي ولا اتحادي علشان كذا قال يعقدكم شوي

مع انة كان يؤدي واجبة العملي بس مادرى انك هلالي ؟؟؟
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:35 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube