[align=center]بسم الله الرحمن الرحيم [/align]

السلام عليكم ورحمة الله وبركاته ...........


اما بعد جماهير الزعيم الوفية والمحبة لهذا الكيان الهلالي الكبيـــــــــر والى الادارة في المنتدى

وفي النادي .. اتمنى ان يلقى هذا الموضوع القليل من الاهتمام لتجتمع اراء جزء بسيط من اراء

الجماهير فيما يخص اللاعب الاجنبي والخطة واللاعبين وووووو ..........

قد تكون امور ادارية ! قد تكون مهام المدرب ! وقد تعودنا على حرص الادارة على سماع رأينا

فمن هذا الباب اتقدم جماهير الزعيم في المنتدى لكي نقدم هنا كل مطالباتنا حول اللاعبين والفريق

في الموسم القادم والجميع يعلم ان كان ماجئنا به للنادي مفيد فأبو سلطان لن ينتظر كثيرا حتى

يقتنع ويطلب من باكيتا ......


اولا :- اللاعب الاجنبي الثالث ....

صراحة كثرت المطالب والاشاعات عن اللاعب الاجنبي الثالث ولكن بنظرة ثاقبة ودقيقة ممكن

ان نحسن الاختيار في هذا الموضوع ونحسمه

ذكر الكثيرون عن اللاعب اسماعيل مطر وصراحة انا اشوف انه لاعب فذ ! ونادر جدا لانه عليه هقلية كرويه ماشالله وصراحة كجماهير هلاليه نتمنى هذا اللاعب لصغر سنه وبراعه اداءه لكن ليس الان

فماشاءالله الذيب سامي موجود والكاسر ياسر والواعد الصويلح وختامها مسك بالعنبر !

وكثيرا اسمع بالخراشي ولا ننسى عبدالله الجمعان اذ ماعاد لمستواه المعروف

فالخانة ممتلئة جدا ! واذا كان خبر اسماعيل مطر صحيحا فهذا سوف يقلل من مستوى اللاعب وحرام انه يجي الهلال ويضيع من عمره بدكه الاحتياط ! او حرام يجي اسماعيل والعنبر او الصويلح او الكاسر بالاحتياط

فاتوقع يعني من مصلحة الاطراف كلها مايجي .....

واذا كانت هذه النظرية تطبق على اسماعيل مطر فانها تتطبق على كل لاعب اجنبي مهاجم

فيعني نشوف ان اللاعب الاجنبي خانته بمركز ثاني .....

النقطة اللي بتكلم فيها بعد موضوع اللاعب الاجنبي بتكون الخطة للموسم الجديد وانتوا بانفسكم بتحتارون وين بينحط لكن اجلوا مساله الخطة لين نهي مساله الاجنبي

تذكرون كلكم الهلال في اخر 20 مباريات له في الموسم الماضي ؟

مستحيل لعب اكثر او 3 مباريات متتاليه بنفس اللاعبين بنفس الصف الخلفي

كم من مرة المفرج مصاب ولعب محله خليل ! وكم من مره تفاريس ولعب محله الهليل ! وكم من مره غاب الدوخي ولعب الياس ! وكم من مره الخثران ولعب مضواح

واتوقع ان كل ماخسر الهلال او اضاع الفوز الترقيعة وين تجي ؟ الدفاع مو اساسي

ولو نلاحظ الاعمار الخثران في العقد الثالث يعني 30 وفوق
المفرج يعني نفس العمر تقريبا بين ال 27 وال 32
تفاريس على ماسمعنا تحت ال 24
الياس طبعا شكله يوهمك تحت ال 24 لكن الجميع يشهد انه 27 او 28
الهليل ما راح افتيلكم لكن سمعت او قرات انه 27
خليل اكيد كلكم تعرفون انه 32

فأذا تخيلنا اننا نلعب الان بالبطولة الاسيويه بهذا الخط الدفاعي والخثران باذن الله يستمر مع المنتخب ماتعرف وش بتكون ظروف اللاعبين الاخرين اذ لا سمح الله حصلت اصابات او اي شي اخر
غير ان اعمار اللاعبين كلهم كبار فاذا كان اللاعب الاجنبي في الخط الخلفي ابدا ماهي خساره للاعب الي بيصير بديل

وانا ارشح انه يكون اللاعب الاجنبي قلب دفاع او ظهير ماتفرق والسبب بتعرفونه بالخطة المقترحة


واذا تكلمنا ان اللاعب الاجنبي يصير بخط الوسط تحتار كثيرا

لانه عندك محاور ولا احلى الغنام عزيز البرقان والغامدي

مفاتيح لعب الشلهوب وكماتشو

مهاجمين وهميين التمياط فهد المبارك

فلا اتوقع انه ممكن تضحي بالشلهوب او كماتشو ! لمستواهم العالي !

ولا احد بيرض بالتضحية بنواف لان الجميع ينتظر عودته القوية

وما اتوقع تضحي بالمحاور لانهم كلهم تحت ال 24 وكلهم واعدين ومستوياتهم جدا رائعة


فأنا اشوف اضعف الخطوط كأسماء واعمار ! الدفاع وكبدلاء ايضا الدفاع !

لكن بحالة التزام اللاعبين بالمنتخب يتحول اضعف الخطوط !!!!!!!!!!!!!!!!!!!!!!!

شي ماتقدر تتوقعه لكن انا اشوف دام الوسط والدفاع فيه لاعب اجنبي بيبقى الهجوم هو الاضعف

لان العنبر اتوقع بيثبت نفسه بالمنتخب فسامي والعنبر والكاسر قوة ضاربه وخسارتهم لاتعوض

ابدا بالصويلح والجمعان !

لان الصويلح والجمعان لاعبين تستفيد منهم اخر 15 دقيقه !!!!!

واتوقع الجميع يعرف ما اقصد !

وايضا الغنام وعزيز والتمياط والشلهوب خسارة فادحة للوسط الهلالي

واذ مابقى المفرج والياس مع الهلال فيتحول الصف الخلفي اقوى صفوف المنتخب

يعني الموضوع يبيله دراسه شوي عشان تحدد اللاعب الاجنبي بينفع اكثر شي وين ؟

والجميع عينه على الهجوم او الوسط وبمعنى اخر انه لو خرج عزيز والغنام سوف يضيع الترابط

والانسجام الهلالي بين الوسط والدفاع وانا اشوف انه يكون اللاعب الاجنبي في هذا المركز تحديدا

ولكن يكون ذو نزعة هجومية قوية يعني عصفورين بحجر وعشان اقرب الصورة لكم مثل اللاعب

(فييرا) او لانروح بعيد مثل محمد نور سابقا في بدايته الكروية او الخرازي مع القادسية

لاعب يؤدي دور دفاعي او يغطي المنطقة الخلفية وله مشاركات هجومية

واترك لكم التعليق والمطالبة والاراء طبعا لاتنسو ا انه مجرد رأيي ونظره شخصية مني


ثانيا : الخطة والتشكيلة

طبعا الخطة والتشكيلة دوما مهام المدرب باكيتا ونظره من ابو سلطان

لكن يحق لنا كجماهير هلالية ان نقول مايعجبنا

كرؤية شحصية مني اشوف الهلال خسر شي عشان يكسب شي ثاني

الجميع يقول كان للهلال جبهة هجومية قويه وانتهت ! المقصد الدوخي

ولكن عوضت بالقحطاني .......... وان كان هكذا هو التعويض فمن المستحيل اللعب بنفس الخطة التي كان يشارك فيها الدوخي !!

يعني بالعربي مستحيل 4-5-1 !! لماذا ؟

مالفائدة من ياسر دون الجابر ؟

وخذها قاعدة ياباكيتا !! عندما يصبح لديك صانعي لعب مثل الشلهوب وكماتشو ولديك بالهجوم مثل سامي والقحطاني !! وخلف المهاجمين التمياط ! فانت ممكن تشكل رعب وقلق غير طبيعي لكل من يواجهك

كنا نلعب بسامي ومن خلفه كماشتو والشلهوب وعاشت الفرق برعب !

اذا اذا بيلعب التمياط والشلهوب وكماتشو والجابر والقحطاني مالك يازعيم الا 3-5-2

طريقة غريبة على الزعيم لكن حان وقتها بخروج الدوخي ودخول ياسر

واتوقع الجميع يعترف بأحقية الشباب بافضل فريق تكتيكي بالعلم هو يطبق هذه الخطه وهو دائما الاكثر استحواذا للكرة

لكن كيف بتكون التشكيلة بخطة 3-5-2 ؟؟؟ هنا الجواب


الحراسة (الدعيع - العتيبي )


الدفاع ( الخثران - المفرج - تفاريس ) احتياط الياس وخليل والهليل

الوسط ( عزيز - الغنام - الشلهوب- التمياط - كماتشو ) احتياط البرقان والغامدي والمبارك

الهجوم (الكاسر - الجاابر ) احتياط العنبر والصويلح والخراشي والجمعان


طبعا الطريقة شوي غريبه عليكم لكن ابدا ماهي غريبة على اللاعبين لماذا ؟

لان طريقة الهلال الاسياسية هي الاعتماد على المحاور في غلق منطقة العمق ! ودائما ماشوهدت اطرف الهلال مسارح للمهاجمين

وبلعب الهلال 4--5-1 كان الهجوم ضعيف جدا وفعالية الوسط في الهجوم قليلة

لكن بهذي الطريقة اتوقع ان يتحول الهلال ماسك اللعب في اغلب الوقت ولماذا ؟

لما يكون عندك المفرج وتفاريس في الدفاع فتطمن من العرضيات والعكسيات

والمدافع الثالث مانقدر نتنبا فيه لكن اتوقع انه يغلق تماما الجهة اليسرى كما كان عبجالرحمن الدوسري مدافع الشباب في الموسم الماضي

والمحاور مثل خالد عزيز والغنام ممكن تغلق تماما جميع المحاولات من العمق

ودام عندك بخط الوسط لاعبان من صانعي اللعب فمن الاكيد يتراجع واحد ويتقدم واحد !

ودام عندك مهاجمين ! اكيد بيكون في مسك اطراف من لاعبين الوسط

ودام عندك مهاجمين ! مافي حاجة ابدا لتقدم اكبر عدد ممكن من لاعبين الوسط ......


يعني الخطة متوازية تماما .... ولكن اعود لموضوع الاجنبي الثالث واشوف انه يكون مدافع او ظهير

بمثل مواصفات اللاعب البرازيلي السابق لاندومار وهو اللي بينفع بمثل هذه الخطة

بحيث يكون مدافع وله لمسه هجومية وقت اكتمال الصفوف او نقصها بحسب حاجة المدرب له

وعن طريقه ممكن تجيد اللاعب ب 3 مدافعين اذ كان بجانب المفرج وتفاريس يعني غالبا محل الياس او الخثران

يعني مثل هذه النوعيه من الاعبين يفيدك في اكثر من خطة واكثر من مركز وتشكيله

في الحفاظ على التغطيات الخلفية والمسانده الهجومية وقت الحاجة ...............

واولا واخيرا نننتظر ردودكم بخصوص التشكيلة والخطة المقترحة ياجماهير الزعيم

واذا في تعليقات تذكروا انه نظرة شخصية مني قد تنتظر الانتقاد او التشجيع للادارة


ثالثا واخيرا :-
خاااااااااااالد عزيييييييييييز .................. لقد قوتم على هذا اللاعب بكل معاني الكلمة

واعذرني ياخالد لاني في ذكر اسمه في الموضوع اقسو عليه صراحة

وبكل اختصار خالد بني ادم وبني ادم خطااااااااااااااء

الرجال اجتمع عليه شياطين الانس والجن !!!! وتتوقعون مايخططئ ؟

الرجال اعتذر !! وجاء معوالدهواعتذر ! وعوقب وحرم من فرحة الفوز والمكافأة

وغضب الكثيرون وشتمه الكثيرون وقلل من كرامته الكثيرون ووووووووووووووو .......

اللاعب بقدر ماسبيتوه العام الماضي وشتمتوه وطالبتم بأبعاده من الخارطة الزرقاء واولهم انا !!!

تفاخرتم فيه باداه الرافيع والمستوى الفني الملفت للنظر في المنتخب فيه ! وهذي حقيقه لاينكن اخفائها

ومجهود عزيز كان كبير جدا جدا جدا جدا في الوسط الهلالي خاصه انه ماكان بجانبه الغنام كثيرا

وحافظ عل توازن المنتصف بشكل كبير في جميع البطولات الي شارك فيها الهلال

ويكفينا ننسى الموسم كله ونذكر لعزيز مباراة الكويت مع المنتخب ومباراة الاتحاد في نصف النهائي حيث الغى تماما شي اسمه محمد نور اللي يعتبر اخطر ورقة للاتحاد

انا شخصيا اعترف بخطا عزيز الفادح والكبير جدا لكن ابدا لن اهضم حقه مع النادي

واتمتى من جماهير الهلال ومن ابو سلطان والادارة اغلاق هذا الملف نهائيا ويكفي جدا ماحصل له من عقوبات وشوشره اخذت اكثر من حقها

واقسم بالله العظيم لو كانت الغلطة من سامي محد فتح فمه ولو درى الجميع ان سامي غلطان بحثنا عن الاعذار المقنعة لسامي ولكن بسم الله على سامي من هذه الحركات ونعرف ان سامي اكبر منها

لكن حتى سامي اخطأ عندم كان بعمر عزيز والثنيان اخطأ !! وايضا عبدالجواد لاعب الاهلي اخطأ

وكلهم اشتهرت اخطائهم لكن لم يثار لهم مثل ما اثير لعزيز

فاتمنى طوي صفحة كره عزيز وعودة المياه لمجاريها بين الجميع وخالد عزيز

لانه لاعب حر ! وليس ملكا لنادي الهلال او لأبو سلطان او للجماهير ! فتذكروا دائما

صحيح ان الهلال مصدر نجوم لكن سوف نندم كثيرا ان طفشنا خالد عزيز ورأيناه يلعب للنصر او الاتحاد

سوف نبكي كثيييييييييييييرا لانه موهبة كروية ومستقبل كبير للكره السعودية باعين الجميع

كل مانحتاجه هو حب الجميع لخالد عزيز وحب عزيز للجماهير والشعار الازرق .....

وانتظر مشاراكتكم بالمبادرة مع اطيب تحياتي لكم جمييييييعا


والسلام عليكم ورحمة الله وبركاته