بعد التحيه لجميع الاعضاء الاحبه الكرام والمشرفين الأعزاء وعلى راسهم صاحب السمو الملكي الامير بندر بن ثامر.
طبعا مايخفي بعض الاعضاء الكرام اني من فتره طويله ما كتبت اي موضوع يمكني اكون موسمي يعنى مع الموسم حال ما ينتهي اوقف عن الكتابه وليس القراءه ومتابعة هذا المنتدى العزيز على قلبي لكن عندي احساس واتمنا انه يكون فيه شيء من الخطاء الا وهو انه من بعد توقف الموسم اختلفت الكتابات وصرنا نشوف كتابات تخلتف عن ما كانت عليه في بدايه الموسم وبالاصح بداية منتدى الزعيم بحكم معرفتي في هذا المنتدى ومعاصرتي له من بدايته وحتى قبل بدايته. صرت يا اخوان اشوف مواضيع وكتابات تختلف عن ما هي عليه من الاول واتوقع كثير منكم يعرف وش اقصد بهذا الكلام وانا بشرحه على كل حال كنا في السابق قلب واحد نحرص في كتاباتنا على مصلحة الزعيم في المرتبه الاولى وان اختلفنا في شي هو في الاخير يصب في مصلحة الزعيم ما كنا في الماضي القريب جدا نختلق مشاكل الي ما يبي فهد المصبيح والي يثير بلبله بشان اخلاص ووفاء الدوخي والي يسب في فيصل ابواثنين ولا يبيه والي يتهم المؤيد لفهد المصبيح بالمندس والي يتهم المعارض لفيصل ابواثنين انه ضد مصلحة الهلال والي يتهم عضو شرف في اخلاصه للهلال وسلسله طويله ما تنتهي مما أثر بعض الشحناء والبغضاء بين الاعضاء من جهه والاعضاء والمشرفين من جهه اخرى والي زاد الطين بله واحد ما يشرفني اني اذكر اسمه او بالاصح لقبه لكن كان الموضوع الي كاتبه قبل فتره قصيره هو الثاني له يعني هو حديث الاشتراك وحاط موضوعه بين المواضيع وكاتب كلام يدل على تربيته يعنى بالمختصر شخص وضيع هذا ما كنا نشوفه من الاول ابدا ولا مر على انا شخصيا شخص يسجل في المنتدى علشان يسب جمهور الهلال بأحقر الالفاظ ويمشى وهذا دليل على ان المنتدى متغير مهوب الاولي.
يأخوان احنا لازم نرجع زي اول واحسن ونحاول نكتب ما هو مفيد وممكن يثري الزعيم كون انك تفتح النت وتكتب في منتدى مشهور جدا جدا جدا زي هذا المنتدى الي الصحافه تتكلم عنه هذا شي مهوب سهل لازم المواضيع تكون من الصفوه في منتدى الجمهور الهلالي يعنى نبتعد عن المواضيع الهامشيه ما ابي اقول تافه لكن خلينا نقول هامشيه جدا هذا يقول ساعدوني وهذا يقول كم رقم الاعب الفلاني في المبارة الفلانيه والبنت الفلانيه تسأل وتقول صديقتي تشجع الفريق الفلاني وشلون اقنعها تشجع الهلال وهذيك تقول انا اليوم في الكليه تهاوشت مع وحده علشان الهلال وادبتها يعني بدال ما ترفع التلفون وتسولف مع صديقتها عن الي سوته اليوم تفتح موضوع وتخلي اكثر من مليون شخص يشوفون هي وش سوت اليوم والمشكله يفتح (بضم الياء) موضوع كامل علشان سؤال او المواضيع الي ذكرتها مع انه ادارة المنتدى ما قصرت وحطت قسم للاستفسارات والاسئله والفلاشات والاشياء هاذي حتى ما اطيل عليكم وأرجوا انكم تحملوني اتمنى من كل قلبي ان نحط الزعيم في القمه امام اعينا يمكن نختلف في الطريق الي يسلكها الزعيم للقمه الي متعود عليها لكن اهم شي ان هدفنا واحد وهو استمرار عضمه الزعيم.
هذا ولكم مني جزيل الشكر والثناء ...... وأسف مره اخرى للاطاله.

وينك يابو سعد ...من زمان انت وينك !
الغريب انك ماهاجرت مع الطيور المهاجره .....الغريب ايضا ماصيفت مثل بعض الناس !!!
موضوعك حليو ، بس هذا الفراغ ومايسوي...والشباب فاضين يخوضون ويلعبون كيفما شاؤوا ، لاحسيب ولارقيب..يعني اكل ومرعى وقلة......!!
اذا جاء الجــد جو النشامى وعمروا الساحه كما نحب....أمصيب انا؟