قبل ثلاثة اسابيع تقريباَ جاني واحد من خوياي وقال اركب قلته على وين ؟! قال :اركب واعلمك ومير اركب معه وما امداني اسكر الباب
الا ودعس الطبلون كله و وقف عند محل جريدة الرياض أكسبرس وجلس الرجال ياخذ الاخبار طازة وبعد ما اخذ له كم خبر
ودعس على محلKSACAR
محل غير طبيعي فلاش وحركات وقعدنا نلعب بالالعاب اللي عندهم
في المحل ثم دخلنا قسم السيارات وقعد يدور على سيارة
على قد فلوسه وبالاخير ما لقى شئ قام الاخ وعرض سيارته عندهم
دسن غمارة موديل 84 وبعد مافشلنا قلته حرك ودور على محل ثاني
الهم وحنا ماشين لقينا الدائري مقفل وفيه زحمة ولا زحمة طريق الملك فهد ايام المدارس
قلته وش القصة وعلى ايش هذي الزحمة
قالي الزحمة على محل العمادة بجامعة الملك سعود
قلت ياخوي دور اقرب مخرج وفكنا
المهم الرجال طلع مع اقرب مخرج وضيع الدرب
ومير ننقز لقرب محرك بحث وقعدنا ندور موقع عبدالرحمن بن مساعد
ويوم عرفنا الدرب وحنا ندزله موقع رهيب لشاعر كبير
وبالاخير قلته ما مرينا على موقع ينفع بالدنيا والاخرة
قالي وش دعوة وين تبى شبكة الاذكار والا موقع الشيخ محمد الدويش
قلته نمر الاثنين
وبعد طلعنا موقع الشيخ طفت السيارة علينا
قلته وش القصة قالي البنزين خلص
قلته الشره ماهي عليك على اللي يخاوي واحد اشتراكه محدود (قليل خاتمه صح)
المواقع اللي زرناها
شبكة اذكار الشيخ محمد الدويش KasCar عبد الرحمن بن مساعد الرياض اكسبرس