#1  
قديم 14/07/2005, 08:38 AM
زعيــم نشيــط
تاريخ التسجيل: 26/10/2004
مشاركات: 907
ياخوفي نخسر الجمعه بسبب هالضعيف ولد عزيز !! اسمح لي يابو سلطان

السلام عليكم ورحمة الله ,,,,,

ابدخل في صلب ابو الموضوع من دون اي مقدمات ,,,,,,

خالد عزيز ,,,,,,,, أبدع هالموسم أيما ابداع ,,,,,, وصار عمود يرتكز عليه المنتخب قبل الهلال ,,,,, نجوم الأنديه السعوديه والعربيه صاروا عنده اقزام واسألوا محمد هوساوي وغيره ,,,,,,, المهم وش صار له بعد كذا ؟؟؟؟؟؟؟؟؟؟؟؟

كافـأه غالبية عشاق الزعيم بالسب والتجريح والشتم ,,,, وتطاولوا على شخصه بعد مستواه ,,,,,, ولقبوه بابشع الألقاب ,,,,,

في احدى الايام ما كان احد يتجرأ يدافع عن عزيز في كل المنتديات الهلاليه ,,,,,, فقمت بكتابة موضوع عنوانه (( اقتلوا عزيز)) كنوع من المبالغه للي يتعرض له هالمسكين ,,,,,,

ولكن للأسف شكله والله العالم راح ينقتل صدق ,,,,, وعلى يد مين؟؟؟؟؟؟

على يد ادارة النادي وعلى رأسها حبيبنا وراس مالنا ابو سلطان !!!!!!

اوكي عزيز ترك النادي في فتره مهمه وحرجه وسافر البحرين بدون اذن ,,,,, راح ارجع لهالنقطه ورجاء نحكم ضمايرنا وعقولنا قبل عواطفنا ,,,,,,

عزيز ارتكب خطأ ,,,,,,, فمن الطبيعي يتعاقب على قدر خطاه ,,,,,, غاب يومين الاثنين والثلاثاء والمباراة الجمعه ,,,,, يعني ما غاب ليلة المباراة زي الجمعان يوم كأس المؤسس ,,,,,, تقوم تخصم 50% من مرتبه وتحرمه من مكافأة البطوله 100ألف وتوقف باقي عقده 750ألف وتفكر بعد تحوله لهاوي !!!!!!!!!

خير ان شالله لايكون عزيز وقع للبلوي وانا ما ندري ؟؟!! يا ناس خافوا ربكم في هالضعيف ما تخافون الله يعاقبكم يوم الجمعه ؟؟؟؟

يا أخوان سفر عزيز ما لأحد دخل فيه ابد ,,,,, الاداره تحاسبه على غيابه فقط ,,,, من وجهة نظري قد يكون سفره مفيد له من الناحية النفسيه ,,,,,,, خصوصا انه استأذن وعاد للنادي قبل المباراة بثلاث ايام ,,,,, وبعدين يسمح الي يقول معليش يغيب اللاعب وهو في الرياض ((بجوار والدته)) لكن لا يسافر ,,,,, أقوله اذا اللاعب اخلاقه تسمح له يمارس اشياء في الخارج انا متأكد انه يقدر يسويها في الرياض وبدون غياب وكلنا عارفين هالشي ولا نقعد نكذب على انفسنا ,,,,,, مع ثقتي ان اللاعب عزيز رجل أول شي مسلم وخلوق وقلبه اطيب قلب في النادي بعد الجمعان

الي ما اعجبه كلامي هذا راح اعطيها اياه على بلاطه وافهم يا فهيم ,,,,,, أسألك في ذمتك وأحلفك بالله العظيم ,,,,,,, ما فيه نجوم في الهلال (خصوصا) سووا اعظم من عزيز بمراحل وما احد قالهم شي .؟؟؟؟ هل الي سواه عزيز لو سواه احد ثاني راح يشهر فيه قدام العالم ويعاقب هالعقوبات كلها ؟؟ ما راح ازيد عن كذا عشان مو وقته هالكلام ,,,,,,,

انا اقول بالفم المليان ,,,,, عزيز مظلوم مظلوم مظلوم ........ بأي حق يسلب منه مجهود موسم كامل وبسبب يومين يحرم من كل هالمجهود ,,,,, ولاعبين اخرين ما لعبوا الا شوط وياخذون مكافات كامله ,,,,,,,, وياخوفي من دعاء عزيز لأن دعوة المظلوم ليس بينها وبين الله حجاب ,,,,,,,,

ليش ما يعطى عزيز فرصه ثانيه ,,,,,,,, ليش الجمعان اخذ فرصه ثانيه وثالثه ورابعه ومليون !!! ليش الخاين الدوخي يتلاعب بنا كلنا وباداراة الزعيم ويفاوض البلوي من تحت الطاوله ,,,,,, ثم نقوله رح الله يوفقك ما قصرت ,,,,, وهالضعيف عزيز من أول غلطه نجيب أجله

وأخيرا اذا كنت يابو سلطان تعمل حسب لوائح وانظمه احترافيه ,,,,,, ورينا اللائحه الي طبقتها على عزيز ,,,,, وكم لاعب سبق وطبقت عليه ومن هم ومتى ؟؟؟؟ وليش ما طبقت على لاعب الجبلين الي غاب شهور والاداره فاتحه الابواب لرجعته ومعطيته مليون ريال !!

في رأيي ان الشحن والهجوم الي تعرض له عزيز طوال الموسم له دور رئيسي في صب جام غضب الاداره على هالمسكين الي جاب معه الشايب للنادي لأنه ((مروع)) من الاعلام الهلالي للأسف والي نشر غسيله قدام الي يسوى والي ما يسوى ,,,,,


قفله ::::

مبلغ عقد عزيز 250 ألف !! وعرض على الدوخي 3 مليون (6أضعاف) ,,,,, مع ان الأول لاعب اساسي في المنتخب الي تأهل لكأس العالم والثاني خارج تشكيلة الاخضر


تحياتي للجميع
اضافة رد مع اقتباس
  #2  
قديم 14/07/2005, 08:50 AM
زعيــم مميــز
تاريخ التسجيل: 18/12/2004
المكان: الجــوف
مشاركات: 2,578
[align=center]اسمعني يالغالي

كلامك ماهو صحيح

يعني معقوله يسافر والفريق يبيه وعنده مباراه مهمه وااي مهمه مباراه نهائيه على كاس الملك الله يحفظه.

مهما كانت الظروف الي سمحت له يسافر راح يكون غلطان واذا كانت امه صحيح مريضه يكون معذور.

صحيح خالد ابدع طوال الموسم ويستاهل المدح واكثر لكن غلطه الشاطر بألف .

وغلطته مثل غلطة الجمعان يوم راح مع البلوي وزليخه شكان ردة فعل الجمهور .

والله هالكلام الي قلته ويشهد علي الله اني ماكتبته الا عتب لشخص عزيز على قلبي وغالي.

شكرا على الموضوع
وتحياتي للجميع[/align]
اضافة رد مع اقتباس
  #3  
قديم 14/07/2005, 08:52 AM
الصورة الرمزية الخاصة بـ يوسفو 15
زعيــم مميــز
تاريخ التسجيل: 14/07/2003
المكان: مـدينة الضـباب ..
مشاركات: 1,941
والله اني معك في كل كلمه قلتـها ..

وصراحـه يستاهل مليونين التجديد ..

بس ماأقول الا ان ابو سلطـان ابخص ..

ويبي يمشي لعيبه الهلال صح !

عموما انا من المتعاطفين مع عزيز ايام سب الجمهور الهلالي له ..

ونزلت موضوع وتصميم .. " كلنا معك ياخالد " .. !

بقدر ماأنا اتمنى تنزل بقدره عقوبه .. تأدبه عن السفر الى الخارج !

تحيـتي !!
اضافة رد مع اقتباس
  #4  
قديم 14/07/2005, 08:52 AM
زعيــم نشيــط
تاريخ التسجيل: 17/03/2004
المكان: الرياض/سدير
مشاركات: 861
اقول انتم معطين هالــ ..... اكبر من حجمه اقول في بليس وابو زنه الله لايرده
من باع الهلال برخيص بتراب تكرمون ينباااااع
اتمنى انكم ماتعطون الموضوع اكبر من حجمه وكل(ن) يعمل بصله وفهم يافهيم
اضافة رد مع اقتباس
  #5  
قديم 14/07/2005, 08:55 AM
زعيــم نشيــط
تاريخ التسجيل: 26/10/2004
مشاركات: 907
إقتباس
الرسالة الأصلية كتبت بواسطة مغرور حدي
[align=center]اسمعني يالغالي

كلامك ماهو صحيح

يعني معقوله يسافر والفريق يبيه وعنده مباراه مهمه وااي مهمه مباراه نهائيه على كاس الملك الله يحفظه.

مهما كانت الظروف الي سمحت له يسافر راح يكون غلطان واذا كانت امه صحيح مريضه يكون معذور.

صحيح خالد ابدع طوال الموسم ويستاهل المدح واكثر لكن غلطه الشاطر بألف .

وغلطته مثل غلطة الجمعان يوم راح مع البلوي وزليخه شكان ردة فعل الجمهور .

والله هالكلام الي قلته ويشهد علي الله اني ماكتبته الا عتب لشخص عزيز على قلبي وغالي.

شكرا على الموضوع
وتحياتي للجميع[/align]

يالغالي انا ما ذكرت ان عزيز بريئ وما غلط ,,,,,, نعم غلط غاب يومين عاقبه على قد غلطته ,,,, لكن تهدم مستقبله عشان هاليومين انا اشوف ان فيها ظلم كبير ,,,, واذا جيت تحاسبه لازم ما تنسى الي اعطيته ,,,

مع احترامي لرأيك
اضافة رد مع اقتباس
  #6  
قديم 14/07/2005, 08:56 AM
زعيــم نشيــط
تاريخ التسجيل: 14/05/2005
مشاركات: 565
وانا مع الجميع ويستاهل والي خانته الخبره انت مو ابو سلطان وش علمك انت خلك مشجع احسلك
بدون زعل
اضافة رد مع اقتباس
  #7  
قديم 14/07/2005, 08:57 AM
زعيــم نشيــط
تاريخ التسجيل: 26/10/2004
مشاركات: 907
إقتباس
الرسالة الأصلية كتبت بواسطة خالدهلالي سدير
اقول انتم معطين هالــ ..... اكبر من حجمه اقول في بليس وابو زنه الله لايرده
من باع الهلال برخيص بتراب تكرمون ينباااااع
اتمنى انكم ماتعطون الموضوع اكبر من حجمه وكل(ن) يعمل بصله وفهم يافهيم

الظاهر انك خاش عرض في السالفه ,,,,,,

على العموم مشكور على مرورك وانتبه ترا في اخر الشارع دوريه مطفيه الأنوار
اضافة رد مع اقتباس
  #8  
قديم 14/07/2005, 09:00 AM
زعيــم نشيــط
تاريخ التسجيل: 26/10/2004
مشاركات: 907
إقتباس
الرسالة الأصلية كتبت بواسطة عنبوش
وانا مع الجميع ويستاهل والي خانته الخبره انت مو ابو سلطان وش علمك انت خلك مشجع احسلك
بدون زعل

ههههههههه ولا وش ابصير غير اني اكون مشجع ؟؟!!

لا تنسى ان ابو سلطان بشر والانبياء ارتكبوا اخطاء فكيف هو مايخطي ؟؟

ما زعلت يالغالي ومشكور على رايك
اضافة رد مع اقتباس
  #9  
قديم 14/07/2005, 09:02 AM
الصورة الرمزية الخاصة بـ يوسفو 15
زعيــم مميــز
تاريخ التسجيل: 14/07/2003
المكان: مـدينة الضـباب ..
مشاركات: 1,941
إقتباس
الرسالة الأصلية كتبت بواسطة هلالي في كندا
وانتبه ترا في اخر الشارع دوريه مطفيه الأنوار


حتى في كندا دوريات تطفي الأنوار
اضافة رد مع اقتباس
  #10  
قديم 14/07/2005, 09:03 AM
الصورة الرمزية الخاصة بـ Z3eeM_Dc
مشرف سابق بمنتدى الجمهور الهلالي
تاريخ التسجيل: 26/01/2004
المكان: شبكة الزعيم
مشاركات: 6,042
اعذرني لكن لا اتفق معك

عزيز كان مع المنتخب و كان احتياط و فاز الازرق

الهلال لا يقف عند لاعب واحد ياعزيزي

مباراة الهلال الاخيرة مع الاتحاد غاب اربعه عن الفريق

سامي و الدعيع و الدوخي و الغامدي !

تحياتي
اضافة رد مع اقتباس
  #11  
قديم 14/07/2005, 09:06 AM
زعيــم نشيــط
تاريخ التسجيل: 26/10/2004
مشاركات: 907
الأخ يوسفو 15 ,,,,

أشكرك على تكرمك ((مرتين )) ,,,,, يا حبيبي انا خبري بدوريات عليشه من اول ,,,,, ولا دوريات كندا يا حليلها لو يشوفونها شبابنا كان قطعوا الشوارع تفحيط عشان يمسكون ويركبون معهم
اضافة رد مع اقتباس
  #12  
قديم 14/07/2005, 09:06 AM
زعيــم مميــز
تاريخ التسجيل: 18/12/2004
المكان: الجــوف
مشاركات: 2,578
اوكي يحاسب على غلطته
بس غلطه عزيز تقدر تخليها مثل اي واحد يغلط لو تشوفه بالشارع؟

اتمنى ان الاداراه تحاسبه على قد غلطته
اضافة رد مع اقتباس
  #13  
قديم 14/07/2005, 09:10 AM
زعيــم نشيــط
تاريخ التسجيل: 26/10/2004
مشاركات: 907
إقتباس
الرسالة الأصلية كتبت بواسطة Z3eeM_Dc
اعذرني لكن لا اتفق معك

عزيز كان مع المنتخب و كان احتياط و فاز الازرق

الهلال لا يقف عند لاعب واحد ياعزيزي

مباراة الهلال الاخيرة مع الاتحاد غاب اربعه عن الفريق

سامي و الدعيع و الدوخي و الغامدي !

تحياتي

يا هلا والله وغلا ,,,,,

نورتنا بردك والله ,,,,, كلامك على العين والراس لكن ما تلاحظ أن عزيز مهضوم حقه اعلاميا وماديا ,,,,,,
وانا ما قلت اخاف نخسر بسبب غياب عزيز ,,,,, أنا قلت بسبب دعوة المظلوم وهذي ممكن تجي من أي شخص ولا علاقه لها بالمستوى ,,,,,,

تحياتي لك
اضافة رد مع اقتباس
  #14  
قديم 14/07/2005, 09:14 AM
الصورة الرمزية الخاصة بـ الغائب الحاضر
زعيــم نشيــط
تاريخ التسجيل: 10/02/2004
المكان: الرياض
مشاركات: 629
بدينا بهالكلام؟
ياشباب وش السالفه؟ كل ماقربنا من مباراه كل البشريه تقلب على الهلال
فزنا على الاتحاد بدون سامي والدعيع والغامدي والدوخي ونواف مادخل الا في الشوط الثاني, ومع ذلك باقي مافيه ثقه.

ياحبيبي يا هلالي في كندا لازم ان نساند الفريق حتى لو خسروا بس مانحطم معنوياتهم قبل المباراه بيوم
اذكر الله ياحبيبي وتفائل بالخير تجده

ومشكور عالموضوع
اضافة رد مع اقتباس
  #15  
قديم 14/07/2005, 09:20 AM
زعيــم نشيــط
تاريخ التسجيل: 26/10/2004
مشاركات: 907
إقتباس
الرسالة الأصلية كتبت بواسطة الغائب الحاضر
بدينا بهالكلام؟
ياشباب وش السالفه؟ كل ماقربنا من مباراه كل البشريه تقلب على الهلال
فزنا على الاتحاد بدون سامي والدعيع والغامدي والدوخي ونواف مادخل الا في الشوط الثاني, ومع ذلك باقي مافيه ثقه.

ياحبيبي يا هلالي في كندا لازم ان نساند الفريق حتى لو خسروا بس مانحطم معنوياتهم قبل المباراه بيوم
اذكر الله ياحبيبي وتفائل بالخير تجده

ومشكور عالموضوع

ابشر يالغالي ويعلم الله اني كنت متردد لكن الي خلاني اطرحه خوفي ان الظلم الي وقع على عزيز يتسبب في هزيمتنا لا قدر الله ولو تكلمت بعدها ما راح يفيد الكلام وبيصير شماته اكثر منه نصيحه ,,,,,
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:55 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube