( بسكوت ابو ميزان )

مـن 15 محرم الى 15 صفــر

فيـك عناد نصفه يــيــزي ، ومـا تحـب احـد يفـرض رايه
عليـك ، وتشــوف الاشخاص الثانيـن ولا شي ؟؟ يعني
باختصار ساحب السيفون على ربعك

---------------------------------

( البعير ابو سنامين )

من 15 صفـر الى 15 ربيع اول

روحـك مـرحة ، وتحـب البساطه والملوخيــه .. واذا تكدر
خاطرك وزعلك احد على طول يدهنون سيرك بكلمتين لأنك طيب
وحبوب ومخــفه ، واصل دعاباتك الين الله يدير فلك

---------------------------------

(سرطان البــحر )

من 15 ربيـع اول الى 15 ربيع ثاني

تحس انك مضطهد ومنبوذ وان الناس مطنشينك ،، لكن
ولا يهمك اتبع المثل اللي يقول ماكل تطنيشه يتاكل
لحمها ، تواجه مشاكل نفسيه بسبب تقديمك في الجامعه عقب
صقعة الملف في وجهك الله يعينك القلب داعي لك

---------------------------------

( ثور الله في برسيمه )

من 15 ربيع ثاني الى 15 جمادى اول

التزليب والركبه هوايتك المحببه والمواعيد عندك الله
يخلف لكن فيك ميزه زينه هي انك فزوع عيذك بالله من
يوم يامرك احد تقحص كنك مقروص ... يخوي اثقل

---------------------------------

(حليــب أبــــو قــــوس )

من 15 جمادى اول الى 15 جمادى ثاني

انت انسان عاطفي ورومانسي وتحب الهدوء بس ثقفل معك اذا
سمعت زعاق البزران والصجه وتسبب بلاوي اذا ركبت رايك
وقامت تقودك الجنيه حقتك .

---------------------------------

( الحــوت المنحــوت )

من15 جمادى ثاني الى 15 رجـــب

طبعك حساس ومرهف ، بس اسمح لي كلمة توديك وكلمة
ترجعك ، يرحم والديك خل لك كلمة الحالك لا يلعبون
عليك الناس

اسعد ايامك يوم الخميس ياحظك مافيه دراسه

---------------------------------

( السحليــه )

من 15 رجــب الى 15 شعبان

تحــب الكشخة والزكرته يعني لا سمح الله لو يوقع
ذباب على شماغك على طول فصخته ووديته غسيل مستعجل ،،
مع انه المفروض ان الذباب هو اللي يروح يغسل مهوب
انت

---------------------------------

(طماغ المسامير )

من 15 شعبان الى 15 رمضان

ان كانك مولود في رمضان فعز الله انك غثيث من اولها
ما خليت امك تصوم مع الناس ولا شي حسبي الله عليك من
آدمي . على العموم حياتك مليئة بالوحوش الأليفه ..
انتبه لنفسك

---------------------------------

( خروف السله )

من 15 رمضان الى 15 شوال

انت شخص خفيف عقل قصدي خفيف دم ومرح وفكاهي بس احيانا
تجيك مصاله وتستخف دمك في مواقف مال امها داعي ..
انضبط احسن لك . مسلسلك المفضل كعبول ورقم الحظ 2
واذا بغيت غيره من خلال الموقع

---------------------------------

(القبصـــــــــــه )

من 15 شوال الى 15 ذو القعدة

مشكلتك انك راعي نوم بقوه مع انك ما تسوي اي مجهود
لا وزياده على سذا تفرم فرم يروع يعني مالك داعي
تعيش بصراحه ،، القيلوله تسبب لك احلام مزعجه عليك
بالتخلص منها فورا

---------------------------------

( الجــخــدبــه )

من 15 ذو القعدة الى 15 ذو الحجه

انت كسرة في دراستك ، وشكلك كذا يقول انك شلخة آدمي
لكن في داخلك انسان ثاني له طموح ( ايه هين بس ) ولا
تهتم بالاصوات الحاقده فقط اثبت لهم انك ماجبت خبرهم
ولا عندك باطقع منهم

---------------------------------

( ام جنــيــــب )

من 15 ذو الحجه الى 15 محــرم

تخاف من الليل والظلام وتخاف تنام الحالك لأنه صار لك
موقف في الليل يوم يكلـخ عليك القطو الاسود تذكر ؟
المهم حاول استثمار وقتك في لعب السوني وكراش لعل وعسى
انك تنسى ذيك الكلخــه

---------------------------------

هلا إخوي باهر ,,,

الأبراج رايقه ... لكن وانا أخوك ياليت الواحد يذكر المصدر حماية للحقوق الفكريه للغير ,,,

نقل المواضيع أمر طبيعي لكن ياليت عند نقل الموضوع يكون فيه ذكر لصاحبه الأصلي أو الإشاره إلى إنه منقول وهذا كله بصالحك علشان لحد ينظر للموضوع هذا بنظره مغايره وأنت وجميع الهلاليين بعيدين عنها ,,,

تحياتي لك ,,,

هههههههههههههه حلوه يالاطخم اخيراً عرفت تقول(( بنظره مغايرة )) اللي درسها لك هاجس امس على الماسنجر



<------------- مقهور مايعرف يرد بلغه عربيه فصحى

مرحبا اخوى ابراهيم

اول شى اسمىbahr01
او بالعربى بحر01

ثانيا المصدر معروف لدى المحامى الخاص عاشق النمر اطال الله عمره

ثالثا الوعد قدام

رابعا اشكر الاخ عاشق النمر

BAHR01
أخيرآ صار أسمك باهر:p

وبعدين تراك منغر بهالعاشق النمري ...أنصحك لاتمشي وراه تراه وأنا أخوك .... ؟؟؟؟.

والله أنك دجة يا ... bahr01 ... وش هالتخاريف ياحلو أنت















.



لاتزعل مني تراني أخرف أحيانآ .

أخوك الداج .... JAJ

أخوي الغالي ...

هالموضوع أنا قرأته في ساحة الإقلاع ...!!

إذا كنت أنت كاتبه هناك فلا بأس ...!!

وإذا كان لا فأرجوا ذكر المصدر في اي موضوع حماية للحقوق ...

ولك تحياتي ...

أخوك / سفر المرزوقي .