السلام عليكم
كيف الحال
اخوكم يوسف الثنيان
^
^
^
^
^
متأثر بدعاية الاتصالات
المهم يا زعماء
اليوم جايب لكم أهازيج جديدة ما تنفع إلا في النهائي هذا فقط
البعض أنا وأخوياي مألفينه والبعض موجودة من زمان بس عدلنا عليها بحيث إنها ما تنفع إلى ضد الشباب أو النهائي .
طبعا كتبت الأهازيج بدفتر
ورجعت البيت ولا عيال خالي عندنا
ومن الموانه الزايدة فتح دفتري قال وش ذا
قلت هذي أهازيج مألفها وبنقولها في النهائي ان شاء الله
قال انت ومين
قلت واخوياي وانت باخذك معنا وواخوانك وكل من يعز عليك
قال طيب بنقولها لحالنا
قلت لا باكتبها في شبكة الزعيم علشان يقولونها كل الجمهور
قال طيب وشلون بيعرفونها بس كتابة لازم صوت
قلت والله فكرة .. امش خلني اسجلك
ماصدق خبر وجا أخوي بعد يسجل معه
والاهازيج هي :
1- يا عيوني
2- هلالي
3- نشيد بالطريقة اليابانية
4- عالي عالي
5- زعيم يا هلال
نبدأ
النشيد الأول : (( ياعيوني ))
طبعا النشيد طويل ومعروف لدى البعض بس أنا عدلت عليها بعض الكلمات وهي تتضمن مثلا أسماء لاعبين قدامى مثل النعيمة والثنيان و الحبشي ... الخ
القدامى الله يذكرهم بالخير
بس عدلتها وحطيت لاعبين جدد
وايضا البطولات عدلتها
وبعض الكلمات
اللي باللون الازرق بيقوله حقوي ان شاء الله واللي باللون الاخضر الجمهور كله يقول
المهم اترككم مع الابيات
نادي الهلال نادي الأبــــطال ياعيوني والفوز دايم يحالــفــهـــــــــم الله الله يسجلوا أحسن الأقــــــــــوال ياعيوني يا رب يا رب تحرسهــــــــم الله الله منهم شلهوب وخثــــــــــران ياعيوني والباقي فيهم بركــــــــــــــة الله الله جوا الملعب بالحركـــــــــة ياعيوني جابوا الذهب والكيســــــان الله الله وخلوا الفضة للثانــــــــــي ياعيوني جابوا كاس الامير فيصــل الله الله واتبعوها بولي العهـــــــــد ياعيوني وان شاء الله كاس الدوري الله الله جوا في درة الملاعـــــب ياعيوني يلعبوا ع النهائـــــــــــي الله الله مرر نواف تمريـــــــره ياعيوني خلا سامي وضميـــــره الله الله سوا سامي كم حركـــــة ياعيوني وحط الكورة في الشبكة الله الله عطل الشباب بالمـــــرة ياعيوني والكاس صار هلالــــي الله الله هذا الهلال الغالـــــــــي ياعيوني ما هو الشباب الهرياني الله الله
النشيد الثاني : (( هلالي ))
وهو من تأليفي انا ومجموعه قليلة من شلتي ( مهوب كلهم ) <<<< كلن ياخذ حقه
المهم هو نشيد قصير مدته يمكن 10 ثواني
نفس اللي قبل اللي بالأزرق حقوي واللي بالاخضر الجمهور
أتمنى إنه يعجبكم
هلالي يرقى المنصـات هلالي خذوا الميداليــات هلالي هذي هي العادات هلالي زعيم البــطولات
النشيد الثالث : (( هي لا لو )) – بالطريقة اليابانية –
هذا نشيد ألفته وانا على السرير فيني النوم قمت اهذر ياباني
وألفت هالنشيد ثلاث أبيات
بس
بس يبي له طيران
امحق ياباني وطيران وين صارت ذي
أحلى شي بهالنشيد أنه جماعي كل الجمهور يقوله بس توقفون برهه
لاخذ فاصل طيراني
المهم النشيد هو
هي .. لا .. لو ها .. ذا .. هو
هي .. لا .. لو عمك .. يا ..هو <<<<< امحق ياباني
هي .. لا .. لو زا .. عي .. مو
النشيد الرابع : (( عالي عالي ))
هذا ألفناه أنا والشباب كلهم
محد قعد كلن ألف بيت
وكلن بذل ما في وسعه لاجل الزعيم
سبع أبيات أتمنى أنها تنال اعجابكم
وبرضو اللي بالازرق لحقوي واللي بالاخضر لنا
عالي عالـــي ياهلال غالي غالـــي ياهلال لعبك فــــــــن ياهلال خصمك جــن ياهلال وقلبي لك حن ياهلال يانادي القـرن ياهلال يازعيم اسيــــــا ياهلال
النشيد الخامس والأخير : (( زعيم يا هلال ))
وهذا النشيد ألفوه أخوياي وسحبوا علي
علشاني سحبت على بعضهم في نشيد (( هلالي ))
فقاموا برد الدين علي
وهذا نشيدهم بس للاسف الجمهور ما راح يردد لانه لحقوي بس
واللي قاهرني أكثر انها على وزن يابودم خفيف <<<< الله يستر منها
المهم النشيد يتكون من 5 أبيات فقط
وهي
زعيم ياهـــــــلال يا نادي الأبطــــــــال
ياصحب البطولـة ورافع الكيســـــــــان
بطولة ورا بطولة وزعيمنا من يطولــه
شباب ولا الأهلي والنصر وحتى الاتي
ماهم قدك أبــــــداً يا زعيم البـــطولات
انتهت الاهازيج
اتمنى من الجماهير الحضور
اتنمى من الجماهير الترديد للاهازيج الهلاليه
والاهازيج بصوت ولد خالي
في هذا الملف المرفق
والسلام ختام &&&