#1  
قديم 11/07/2005, 03:02 PM
زعيــم فعــال
تاريخ التسجيل: 08/07/2005
مشاركات: 318
أسرار صفقة ياسر وجوال الزامل وطرائف الأمير بندر

[align=center]خلاص إنتهى ياسر

خلاص إنتهى ياسر

خلاص إنتهى ياسر

خلوه تهدى اعصابه بعد الصدمه وإن شاء الله انه يكمل ومايعتزل


بهذه الكلمات ودعني تركي المقيرن مدير أعمال اللاعب أنا والجماهيرالهلاليه المتجمهره حول سيارته عند بوابة نادي القادسيه الساعه 2 بعد منتصف الليل

وكان قبله خرج الأمير بندر بن محمد وهو يبتسم للجماهير ويقول ماخسرنا شي

اللي خسر اليوم هي إدارة القادسيه وحدها خسرت عشرين مليون وخسرت القحطاني

وبحكي لكم بالتفصيل وش صار اليوم في نادي القادسية

حضرت بعد صلاة العشاء للنادي وكان فيه جماهير هلاليه كبيره تحمل أعلام الهلال

وكان أيضاً موجود جماهير قدساويه تظهر على وجوهها علامات اليأس من بقاء ياسر

الساعه تسعه إلا ربع بالضبط قابلت جاسم الياقوت عند مدخل الإدارة وكان حوله مجموعه من الإداريين

وقلت له ياجاسم الهلال يبغى ياسر وياسر يبغى الهلال

قال وحنا ماعندنا مانع بس مصلحة القادسية أهم من رغبة الهلال وياسر

قلت مافيه نادي في الدنيا بيدفع 42 مليون على لاعب سعودي ولاتصدق المطبلين في الجرايد لعرض البلوي لأنك عارف بنفسك انه ماراح يدفعها وهو بس قاعد يزايد ويخرب على عرض الهلال

قال حنا وصلنا اليوم شيك مصدق بقيمة 25 مليون ريال واذا جانا عرض من الامير بندر افضل من عرض البلوي راح نوافق على طول

قلت أنت عارف ان الأمير جاي وجايب معه عرض بتسعه مليون قابله للزياده لكن ماراح توصل 25

أطلب السعر اللي يناسبك وأطلب ثلاثة لاعبين من الهلال وهم الشريده واحمد خليل وحسين العلي

قال قول الكلام هذا للامير بندر اذا جاء

وفجأه أرتفعت اصوات الجماهير عند مدخل النادي وعرفنا أن ابو محمد وصل

وقابلت الأمير بندر عند الباب وسلمت عليه وقلت له الليله يابو محمد ياسر بيصير هلالي

قال ان شاء الله وهو يضحك وواثق

وكان عند باب النادي احمد الزامل وجاسم الياقوت

قال احمد الزامل للامير بندر تاخرت طال عمرك قال ابو محمد والله ناديكم هذا ضيعنا ماندله

قال الزامل بخبث ماضيعه البلوي قبلك

قال ابو محمد انت اللي رحت للبلوي مو هو اللي جاك وعندها تعالت الضحكات على راعي الكنديشنات

بعد كذا دخلوا قاعة الإجتماعات وودخلوا المصورين والصحفيين وأنا معهم صرفت عمري

وبعد ما انتهى التصوير طلعوا وبعدها دخل الأمير بندر والتويجري ومعهم واحد ثالث ماعرف اسمه للمكتب ودخل معاهم اعضاء ادارة القادسية

قعدوا في الإجتماع حوالي نص ساعه وطبعاً تم خلالها تقديم عرض الهلال وبعدين طلعوا جاسم والزامل والمحيسن على اساس انهم يتشاورون على العرض برى المكتب

أول واحد طلع كان احمد الزامل وراح بسرعه لدورة المياه وكنت انا قريب من باب دورة المياه ومافيه احد من السكرتيه والجماهير كلهم برى

وفجأه والله العظيم والله على ما أقول شهيد يوم القيامه شفت الزامل طلع جواله ويدق عند المغسله ويقول :

يابو ثامر عرضوا علينا 12 مليون

أثر الخبيث قاعد يتعذر بالخروج لدورة المياه علشان يتصل على البلوي ويقول له عرض الهلال كم والبلوي يزيد عليه

وفي هذيك اللحظه طلع عضو مجلس الإدارة التوويجري من المكتب ودخل دورة المياه وشكله كشف الزامل وبعد كذا دخل المقيرن دورة المياه وصار زحمه وانتبه لي واحد من حراس الامن وطلب مني الخروج بسرعه

المهم طلعت وعلمت اللي صار للجماهير اللي كانت واقفه عند باب القاعه

وإنتظرنا يمكن نص ساعه وبرضو طلع الزامل مره ثانيه وراح دورة المياه وهالمره كان التويجري يلحقه بسرعه لانه عارف أنه بيتصل ولابيعطيه فرصه كل هذا كنا نشوفه من الباب الزجاجي

وكل مره يقدم الأمير بندر عرض يطلعوا إدارى القادسية يتفاوضون مع بعض ويكلموا بالجوالات الين صارت الشغله مكشوفه وعشان كذا طلب جاسم الياقوت من حراس الامن يبعدون الجماهير من الباب حتى مايشوفوا الزامل رايح جاي على دورة المياه وفي يده الجوال

المهم رجع الإجتماع وطلع الياقوت يصرح للقناه الرياضيه ان الامور قربت تنتهي

وبصراحه طولنا وحنا ننتظر الين صارت الساعه 12 ونص وطلع الأمير بندر من المكتب وطلعوا بعده اعضاء الهلال والقادسيه وكان باين من وجيههم انهم ما اتفقوا

وجلس الأمير بندر يتعشى وسمحوا للمصورين والصحفيين فقط بالدخول وأنا دخلت معهم بطريقتي

وبعد العشاء كان فيه إجتماع صحفي وشرح الامير بندر ان الصفقه لم تتم وقد عرضوا على نادي القادسيه مبلغ عشرين مليون ريال بعد اخذ وعطاء وجدال استمر ثلاث ساعات

ولكن إدارة القادسية طلبت خمس وعشرين مليون ريال وهذا مارفضناه

حتى ولو طلب منا جاسم الياقوت ان ندفع خمس ملايين بعد سته أشهر لأننا لو كنا بندفع خمس ملايين زياده كان دفعناها من الآن مايحتاج ناجلها

وشرح موقف ناديه من الصفقه وقال انا يوم جيت كان معي عرض من نادي الهلال قدره 9 مليون ولا كنت أفكر ان الامور توصل وندفع عشرين مليون علماً أننا عرضنا قبل نهاية الإجتماع مبلغ 18 مليون ريال خلاف حصة اللاعب ثم دخل اللاعب ياسر القحطاني عندنا في المكتب وقال انا متنازل بمبلغ مليون ريال من حصتي لنادي القادسية وقلنا مادام ياسر تنازل بمليون احنا برضو راح ندفع زيادة مليون لعيون ياسر وتصير الصفقه عشرين مليون ولكن لم يوافقوا الزامل والياقوت وقالوا ان عندهم عرض اكبر وشيك مصدق بقيمة خمس وعشرين مليون

وبعدها بدا الصحفيين يسألون وكان من ضمنهم واحد حق الرياضيه اسمه الهلال اسألته بصراحه غبيه ولاهو عارف شي

وكان فيه اسأله لتركي المقيرن وكان باين انه متأثر وزعلان وقال ان اللاعب ياسر انصدم اليوم من قرار نادي القادسيه برفضها العرض الهلالي والذي وصل لعشرين مليون ريال بعد ان كان تسعه ملايين وقد يأثر عليه هذا القرار ويجبره على الإبتعاد عن الكره وبذلك الخاسر الاكبر هو المنتخب السعودي ونادي القادسيه الذي فرط بالملايين وفرط باللاعب الكبير

وبعدها تكلم الياقوت وقال طلبنا من الهلال عشرين مليون وخمسه ملايين يسددونها براحتهم خلال سته شهور وعندها قال ابو محمد ماتعوق معنا الخمسه ملايين ولكن واضح ان ادارة القادسية لاتريد ان تبيع اللاعب والدليل كل ماعرضنا عليهم عرض قاموا يزيدونه

وعندها حس الحضور داخل القاعه ان الصفقه انتهت وان ياسر لن يعود وحاول ابو محمد ان يلطف الاجواء وقال بقولكم نكته عن الزامل تراه مشاكس وخبيث وغبي في نفس الوقت قال وحنا في الإجتماع قال المقيرن مدير اعمال اللاعب للزامل اذا رفضتم عرض الهلال ترى السنه الجايه يحق للاعب الإنتقال من ناديكم وبلاش
فقال الزامل لا ماينتقل الا اذا كمل 28 سنه قال المقيرن النظام الجديد في الفيفا يسمح عند 23 سنه
قال الزامل انا اوريك لوائح النظام في الإحتراف ودخل يده في جيبه وطلع لوائح نظام الإحتراف للعبة الجودو وعندها تعالت الأصوات بالضحك على راعي الكنديشنات اللي حتى هو جالس يضحك على نفسه

المهم انتهت المقابله الصحفيه وطلع الامير وكانت الجماهير تنتظره عند الباب وتفق له وتقول نبي ياسر قال ياسر بيجكم بلاش بس انتظروا

وكان الأمير قبل يركب السيارة جاء واحد من الصحفيين اللي يكرهوا الهلال وقالألا ترى ان اسعار اللاعبين المرتفعه تؤثر على الكرة السعودية وعلى اللاعبين الآخرين التي تنتهي عقودهم ولحظتها قلت انا بصوت مرتفع اسأل البلوي وضحك الجمهور ضحك وناظرني الأمير بندر وقال للصحفي جاوبك الرجال مايحتاج نزيد عليه

وركب ابو محمد الفياجرا الزرقاء ويقول لازم تحضرون النهائي والجماهير تصفق حيو ابو محمد حيوه

ونزل المقيرن مدير اعمال اللاعب وهو متاثر وكان يكلم ياسر بالجوال وسألناه وش بيصير

قال أحاول نبعد الإعلام عن ياسر لأنه مصدوم من قرار ادارة ناديه وماراح يلعب حالياً ولا يرجع للتمارين

اللاعب تنازل عن مليون من نصيبه في الإنتقال لإدارة القادسيه والإدارة ماتنازلت عن شي

وهذا بالتفصيل اللي صار اليوم دون زياده أو نقص والله يحاسبني لو كان في الموضوع كلمه وحده كذبت فيها عليكم

عموماً انتهت الصفقه ورجع ابو محمد الرياض وبقى ياسر في القادسيه لكن على حسب مافهمنا من مدير اعماله انه راح يعتزل

والسؤال اللي يطرح نفسه من المستفيد الحين من توقف الصفقه ومن توقف ياسر

وكم عطاكم البلوي ياجاسم انت والزامل عشان تنهون مستقبل القحطاني وتخربون الصفقه مع الهلال


منقوووووووول من منتديات مدمي الشباك
[/align]
اضافة رد مع اقتباس
  #2  
قديم 11/07/2005, 03:13 PM
زعيــم فعــال
تاريخ التسجيل: 13/10/2001
المكان: الرياض
مشاركات: 355
شكل الزامل متعود يرح لدوراة المياه الاخ جالس في بار
اضافة رد مع اقتباس
  #3  
قديم 11/07/2005, 03:18 PM
زعيــم متألــق
تاريخ التسجيل: 11/07/2002
المكان: KFUPM
مشاركات: 1,128
حسبي الله ونعم لوكيل اللهم طولك ياروح.

والله اني توني ادري انه صار مؤتمر وعلان وزحمة ......وصراحة مادري شقووول ...الله يكتب اللي فيه الخير.

ولا تنسووون يا شبااب مباراة النهائي ضد الشباب.
اضافة رد مع اقتباس
  #4  
قديم 11/07/2005, 03:23 PM
زعيــم فعــال
تاريخ التسجيل: 12/01/2004
مشاركات: 359
يعطيك العافيه أخوي على النقل
و ما نقول إلا حسبي الله وهو نعم الوكيل




سلااااااااااااااااااام
اضافة رد مع اقتباس
  #5  
قديم 11/07/2005, 03:30 PM
زعيــم مميــز
تاريخ التسجيل: 21/06/2004
مشاركات: 2,846
حسبنا الله و نعم الوكيل على هالثلاااثي المرح ياقوت و كنديشن و نعمااان

ان شاء الله ياااااااااسر هلاااااااااااااااااااااااالي يارب آمـــــــــــيـــــــــــــن

مشكوور اخوي على النقل من جد توضحت اشياااء كثييرة وخصوصا نية البرميييل

في الهلاااااااال و الهلالييييييييييييين حسبنا الله ونعم الوكييييييييييييل



تحياتي لك
اضافة رد مع اقتباس
  #6  
قديم 11/07/2005, 03:31 PM
زعيــم مميــز
تاريخ التسجيل: 07/04/2005
المكان: في رياض المحبه
مشاركات: 3,256
الزامل يكلم البلوي كل خمس دقايق
اضافة رد مع اقتباس
  #7  
قديم 11/07/2005, 03:43 PM
زعيــم جديــد
تاريخ التسجيل: 09/05/2005
مشاركات: 15
[align=center][align=center]ســـــامـــي


مشكور على المعلومات

ويعطيك العافيه

اما بنسبه لجاسم ابا الحمامات

واضح ان ((الدب القطبي )) طابخها مع ابالحمامات مزبوط

وبصراحه عجبني ياسر يوم تصدق على اباالحمامات

ونشالله كلها كم شهر ونشوفه بالنادي معزز مكرم



ويعطيك العافيه

اخوك

نورمنــــ(تو)ـــــدي


[/align]
[/align]
اضافة رد مع اقتباس
  #8  
قديم 11/07/2005, 03:46 PM
زعيــم متواصــل
تاريخ التسجيل: 07/09/2001
مشاركات: 197
الخبر اليوم بفلوس بكرة ببلاش



أن جاء ياسر زين وعين


وان ماجاء الي في الزعيم فيهم الخير والبركة
اضافة رد مع اقتباس
  #9  
قديم 11/07/2005, 03:53 PM
زعيــم مميــز
تاريخ التسجيل: 23/09/2004
المكان: في جنة خيالي
مشاركات: 1,786
والذي نفسي بيده لم اشاهد لاعب يضحي لاجل نادي يحبه كياسر القحطااااااااااني

ياشباب شوفوا الاخلاص شوفوا الحب ياسر يتنازل عن حصته بالصفقه ويتنازل عن ملايين بمقابل انتقاله لنادي الهلال اقسم بالله العضيم ان هالموقف يبكيني ورب البيت

كبيـــــــــر يا ياسر ورب البيت كبيــــر

فوالله العضيم انه لخير خلف للذئب سامي الجابر

صوره مع التحيه للذين باعوا الهلال بثمن رخيص

اااااااااااااااااااااااااه يا يااااااااااااااااااااااااااااسر
احبــــــــك يا يااااااااااااااااااسر احبك

وصدقوني لو يجي ياسر راح يحرث الملعب عرضا وطولا باخلاصه وراح يتحرق على الفنيله الهلاليه
اضافة رد مع اقتباس
  #10  
قديم 11/07/2005, 04:02 PM
الصورة الرمزية الخاصة بـ عاشقه الزعيــم
زعيــم مميــز
تاريخ التسجيل: 21/07/2004
مشاركات: 12,730
والله ظلــــــــــــــــم

ابو البلاوي متدخل في السالفة واضح اساساً القدساويين ذراعه الييمين
اضافة رد مع اقتباس
  #11  
قديم 11/07/2005, 04:09 PM
زعيــم نشيــط
تاريخ التسجيل: 14/05/2005
مشاركات: 565
مشكور على الموضوع الله ياخذ عمر الضالم
قولو امين
اضافة رد مع اقتباس
  #12  
قديم 11/07/2005, 04:11 PM
الصورة الرمزية الخاصة بـ عــشــق الــكــتــابـه
زعيــم مميــز
تاريخ التسجيل: 25/02/2005
المكان: aL DaMMaM CiTy
مشاركات: 3,947
لا تعليق
اضافة رد مع اقتباس
  #13  
قديم 11/07/2005, 04:17 PM
زعيــم فعــال
تاريخ التسجيل: 19/09/2003
المكان: الرياض دار الحب والسلام
مشاركات: 213
بأبو محمد مااقصرت والله يخليك لناا


وانشاء الله ياسر هلالي السنه الجايه ...
دامه شااري الهلال الهلال ماراح يبيعه
اضافة رد مع اقتباس
  #14  
قديم 11/07/2005, 04:50 PM
زعيــم نشيــط
تاريخ التسجيل: 12/12/2004
المكان: ام الصيد
مشاركات: 518
ابوحمامات المغربي الزامل حاقد على الهلال
اضافة رد مع اقتباس
  #15  
قديم 11/07/2005, 05:18 PM
زعيــم فعــال
تاريخ التسجيل: 03/06/2005
مشاركات: 237
مشكووووووور اخووي على النقل ...
حسبي الله عليكم ...
وربي ما قصر ابو محمد وياسر ...
لكن ربك كرييييم ...

يا شبااااب النهائي لاززززم الحضوور المبكر ...

سلاااااااااااام
المتيم 9
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:22 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube