كيف نجعل المنتدى مميزا (( وجهة نظر )) - نادي الهلال السعودي - شبكة الزعيم

ولد وايل · #1 11/07/2005, 11:16 AM

[align=center]

كيف تجعل المنتدى مميزاً ؟؟ وكيف تصبح عضواً محبوب !! ==> بعض الحلول

السلام عليكم ورحمه الله وبركاته...

...

اعضاء الإدارة والاعضاء الكرام

* ماهو المنتدى ..!!
خلونا نبعد عن التعريف الاصطلاحي وناخذه بالعاميه

المنتدى يالربع مثل الفصل الدراسي لا يقتصر على الجلوس فقط بل يحتم عليك المشاركة
مثلا كاتب الموضوع صدقني ماعنى بنفسه وكتب موضوع او نقله من منتدى اخر الا لسواد عيونكم
انت يحق لك تقرا الموضوع وهو يحق له انك تشارك برأيك او على اقل تقدير كلمة شكر وانتهى
عموما :

كيف نجعل منتدانا هو الأفضل ؟

- قبل كل شي انا ماابخص المشرفين وبعض الاعضاء النشيطين حقهم بالعكس انا اشوف البعض منهم
مجتهد ولكن يد وحده ماتصفق

- المشاركات موجوده والمواضيع البناءه والرائعه كل يوم نشوفها ولكن الاساس يبدأ من العضو
نفسه يعني كثير هي المواضيع اللي يدخل عليها ثلاث ارباع اللي يردون

عموما انا اشوف من وجهة نظر متواضعه اتمنى تقبلونها من شخص عاشر منتديات باشكال والوان

* اولاً : (( تشجيع الأعضاء الجدد ))
هذي هي البداية وأنت أكيد تتذكر أول يوم جيت فية للمنتدى وكتبت موضوع وكم تمنيت يرد علية الكل ،، وبتشجيعنا للأعضاء الجدد فحن نحثهم على الأبداع فمن هنا سيخرج لنا كتاب رائعين وكتاب متميزين في أي مجالات والعضو الي دايم يكون الأول في الترحيب ،، حبيب وقلبه طيب

* ثانياً : (( قبل أن تكتب أي موضوع في أي قسم معين يجب أن ترد على موضوعين اوثلاث او اكثر ))

وهذا يمكن انا اشوفه اهم سبب في زيادة فاعلية المنتدى لانك لو شاركت في مواضيع كم عضو
وكتبت موضوع راح يشاركون في مواضيعك وبكذا تكون المنفعه متبادله وينتج عنها حماس من قبل
الاعضاء لكتابه المواضيع

ثالثا انفع غيرك وانتفع بردك

ويمكن تستغربون من قصدي ولكن في البداية مايهم لانه اذا زاد ترابط الاعضاء والمشاركة في اغلب المواضيع راح يكون الشي هذا من اصغر الاهتمامات
اللي اقصده بالعنوان الثالث هو زيادة عدد المشاركات يعني اذا دخلت وطالعت الموضوع ياخي كلف عمرك ورد لو بكم كلمة بسيطه منها تنتفع انت بزيادة عدد ردودك

ومنها تعطي كاتب الموضوع جزء من حقه

* رابعا :كلمة قليله في عناها كبيره في معناها
كلمات الشكر ياأخوان والله لها مفعول سحري

ولو انها يعني ماراح تروي ظمأ كاتب الموضوع
ولكن كفيت ووفيت يعني كلمة (( الله يعطيك العافيه ** مبدع ** الف شكر لك ** موضوع رائع **))
كلمات ماارح تاخذ منك الكثير

*خامسا : (( التقليل من المشاكل ))
والله يالربع اختلاف وجهات النظر لا يفسد للود قضية لكن البعض الله يهديه يكبر الموضوع
ويدخل به في مساحات كبيرة الجميع في غنى عنها .
أي اثنين اختلفوا في وجهات النظر راحو وقلبوا المنتدى فوق تحت وصجه وهواش في المنتدى ( عزيزي بينك وبين اي عضو مشكله او رده ماعجبك او لك ملاحظة ،، ارسله على الخاص وتفاهم أنت وياه بدون ما يدرون الأعضاء لكن بشرط انكم ترسون على بر

والكل يكون راضي )

اخيرا
ماهو مهم كثرة الاعضاء المهم يكون المنتدى له صدى واسع والبداية مني انا اولا
ومن الاعضاء
انا ماابي اخفي عليكم لي فتره عن المجلس العام والسبب الركود اللي حاصل فيه واعذروني ,,

عموما هذي وجهة نظري اتمنى تقبلها بصدر رحب واتمنى اكثر انها ماتمر مرور الكرام
بدون مايكون لها اثر ايجابي

تحياتي للجميع [/align]

هلالي الظهران · #2 11/07/2005, 12:59 PM

يعطيك الف عافيه ولد وايل على الفكره وعلى حرصك على المنتدى..

تصدق ياولد وايل اول مره اعرف انك تعرف تقول كلام زي كذا

..اثاريك منت هين يابو كحيلان..

تحياتي الك..

bestuser · #3 11/07/2005, 01:12 PM

8
8
الله يخلي النقل

امزح ;)

اقتراحاتك منطقية .. خصوصا نقطة الردود على الأعضاء والانتفاع المتبادل ..

كل يوم تكبر في عيني ياخو الكحيلانه

تيماوي · #4 11/07/2005, 02:25 PM

[align=center]@ تسلم على هالمشاركة الأكثر من رائعة .. والله يعطيك الف عافية يا راعي الكحيلانيه ..[/align]

لوحة مميزة · #5 11/07/2005, 02:49 PM

[align=center]bestuser

تســـــــــــــلم أخوي ولد وايل

والله درر

أنت وكيفي كويتيه تطلعون درر

دايم المواضيع اللي كذا تصير منقوله

بس تعجبني على التجديد وجبت شيء من عندك خاص فينا

وكل نقطة يبي للواحد يقف عندها

[/align]

الحاتمي · #6 11/07/2005, 02:52 PM

الـحـاتـمــي ...

مــر مـــن هـــنـــا ...

ويـقـول : كلمات طالعة من القلب فعلا ;)

شكرا يا راعي كحيلان على حرصك على تطوير شبكتنا للأفضل

blueblood_999 · #7 11/07/2005, 11:20 PM

[align=center]ســم

> ذكرت سالفتها

على قولتهم .. كلمة ولو بجبر خاطر

][ مـشـكــور ع الـنــقــل ][

لا بالفعل . كلام بالصميم حبيب ألبي .. وكل كلامكـ ع الراس ..

مبدع يا

ريـــان

[/align]

جوليانا · #8 12/07/2005, 02:24 AM

شلون تجعل المنتدى مميز؟؟
اذا احترم بعض الاعضاء انفسهم من التريقه والهبال اللي مالوه داعي
من شوي كنت اقرى موضوع الردود كلها او اغلبها يازينك ساكت
ورح للمنتدى الفلاني..ووش عرفك با الكورة
وغيره وغيره
اقسم با الله شي يرفع الضغط انا مدري وش مجلسني في ذا؟؟؟؟؟؟؟؟؟

جراح الهلالي · #9 12/07/2005, 02:24 AM

يعطيك العافــــــــــــيه اخوي ولد وايل

ماقصـــــــــــــــرت

نتمنـــــــــــى منـــــــــــك المزيــــــد

نـــــــ15ــــــمر · #10 12/07/2005, 08:32 AM

ولد وايل كلامك مثل العسل 100/100 صحيح
لاكن انت قلت ابعد عن المشاكل

لاكن في بعض المشاكل تكون حلوه فمثلا
انا امس تهاوشت وتمشكلت مع احد الاعضاء روديت عليه رد بايخ وكان على الخاص ولاكن ما كان قصدي اني اتمشكله وكره لا بالعكس انا كان قصدي من اثاره المشكله اننا نكون قريبين من بعض في كل المواضيع والردود يعني تقدر تسميه اثبات للذات في مكان معين ولاكن تكون بطرقه سليمه وسلميه

وشكرا

تشـــــــــــــــــــــــــــــــــــــــــــــــــــــــــــــــــــاو
[email protected]

الهلالي الثقفي · #11 12/07/2005, 08:59 AM

كلامك سليم أخوي سعد

و خصوصاً فيما يتعلق بالأعضاء الجدد

أنا مالي ألا أربعة أشهر و حاطين نقرهم من نقري

الفارس الحائر · #12 13/07/2005, 05:58 AM

الله يعطيك العافية أخوي سعد

وكلامك كله مئه المئه

أتمنى من جميع الأعضا ء الدخول له والاستفادة منه

الف شكر لك

..][ فـهـد ][.. · #13 13/07/2005, 07:19 AM

ماقصرت ياولد وايل على هالدرر

وان شاء الله يرجع المجلس العام مثل اول ..
شعله من الأدهـــار

الأزرق العالي · #14 13/07/2005, 04:07 PM

[align=center]ولد وايل

:

و عليكم السلام و رحمة الله و بركاته ..

أشكركـ على هذا الموضوع الجميل و الذي كان الإهتمام فيه على مجلسنا العام و كيفية الرقي بـه ..

ليعلم الجميع أننا لا يمكن أن نرتقي بالمنتدى بدون الترابط فيما بيننا ، و زيادة الفعالية و تشجيع بعضنا البعض

..

المنتدى رقيّـهُ من رُقـيّـنـا ، لذا يجب أن نكون حريصين عليه ، و ألا ندخر الجهود في سبيل إعادة " مجلسنا " إلى سابق عهدهـ ، بل و ربما إلى أفضل من ذلكـ

..

شُــكــراً ( ولد وايل )

..[/align]

Blues4Ever · #15 13/07/2005, 09:32 PM

الله يعطيك الف عافيه

وشكراً لك على اهتمامك بتطوير المنتدى

وارجع اقول مشكور