08/07/2005, 09:45 AM
|
 | زعيــم فعــال | | تاريخ التسجيل: 19/10/2003 المكان: الرياض
مشاركات: 408
| |
|
خلف الكواليس من المنصة وغرفة تغيير الملابس
اول شئ الف الف مبروك على الفوز المستحق
اليوم من احلى الايام اللي عشتها في حياتي حضرت المباراة من المنصة بعد اعلان تشكيلة الهلال استغربت ان سامي مو من ضمن التشكيلة قلت يمكن يكون احتياط
شوي جاي سامي ومعاه محمد الدعيع وعمر الغامدي والمعيوف وعبدالرحمن العصفور دخلوا قعدوا في المنصة طبعا انا ماصدقت يوم شفت سامي جاي شغلت الكاميرا وهاتك تصوير وقمت سلمت على سامي وكنت مبسوط وزعلان في نفس الوقت مبسوط اني سلمت على سامي ( ياحظي ) وزعلان لأنه ماراح يلعب وقعد في الكرسي اللي وراي هو والدعيع وبدأت المباراة وسامي متحمس يقوم مع كل كورة ويصفق ومع كل هجمة تضيع اصارخ واناظر في سامي اهدى وعلى هالحال لين انتهى الشوط الاول وبدأ الشوط الثاني بس ما جاء سامي ما ادري وين قعد .....
وانتهت المباراة ونزلت الى ارض الملعب ورحت غرفة تبديل الملابس ولقيت كل اللاعبين ماني مصدق رحت على طول الى سامي وباركتله واتصورت معاه بعدين لقيت احمد الصويلح قاعد لحاله رحت وسلمت عليه وبعدين ظافر البيشي واشوف خالد عزيز واروحله واسلم عليه وباركتله وقلتله انت اليوم كنج استقعدت لمحمد نور وصار يظحك قلتله نبي الكأس ووعدني وكان جنبه الغامدي سلمت عليه ورحت للدعيع ياشباب والله ما شاء الله طويييل وسلمت عليه كان لاف ايده قلتله ماتشوف شر ان شاء الله ورحت لقيت ياسر الياس باركتله وقلتله كل الجماهير حاطة فيك الامل انك بتعوضنا عن الدوخي واحسن قالي ان شاء الله قلتله بس المهم الكأس ووعدني ولقيت نواف التمياط ورحت سلمت عليه واتصورت معه والله من الفرحة خميته مبسوووووووط  وباركت لمشعل الموري وشفت حسن العتيبي وباركتله وقلتله ما شاء الله عليك ابدعت اليوم بعدها شفت الامير محمد بن فيصل وهو يحضن الامير بندر بن محمد ويقوله مبروك وسلمت على الامير محمد بن فيصل وقلتله نبي ياسر قالي الدوري بعدين ياسر وان شاء الله الاثنين جايين وقالي موضوع ياسر منتهي بعدين صار يظحك ويقول لا يسمعني تركي المقيرن لأنه كان موجود وقتها في الغرفة وصار يظحك وطلعوا من الغرفة وركبوا الباص والقى عبداللطيف الغنام واروحله واقوله مبروك وتصورت معاه
بس القهر مالقيت محمد الشلهوب كان ودي اسلم عليه ولا كماتشو ولا تفاريس ولا المفرج ولا احمد خليل ولا العنبر ولا الجمعان ولا المبارك ولا الخثران ولا الهليل ولا مضواح ولا البرقان ولا الخراشي ما ادري وين كانوا 
كل الشكر والتقدير للشخص اللي خلاني ادخل غرفة تبديل الملابس واقوله شكرا من كل قلبي لانك حققت لي امنيتي
ومعليش اعذرووني على الاطالة بس حبيت اقلكم وش صار اليوم معي لأنه من احلى الايام في حياتي وكانت الفرحة فرحتين بالفوز على الاتحاد والسلام على اللاعبين
وشكرا . . |
ليش مااخذتني معك 
الوضع العادي
