موقف محرج صار لواحد هلالي .. من سنوات !!
هذا الشخص هو اخو صديقتي .. الموقف يتلخص في التالي:
كانت صديقتي واخوها طالعين مشوار .. وفي الطريق وقفوا عند اشاره .. وكان في السيارة اللي على يمينهم نواف التمياط وواحد من اخوانه .. المهم بغى يطير من الفرحه اخو صديقتي .. ومن يلقاها؟؟؟؟
حتى الآن ماشين صح.. اوكيه !!!!!
وبغى يموت من الفرحه لما فتح نواف الدريشه اللي جمبه يبغى يكلم اخو صديقتي ..
وشكان يبغى يقوله تتوقعون؟؟؟
كان يقول :






... قل للي معك تتدخل (العبايه ) تراها طالعه .....

ما اقدر اوصف حالته وقتها كيف كانت !!! ياهي فشيله!!!
اللي ودي اعرفه وش كان بيصير موقفكم لو كنتم مكانه ؟؟؟؟

والله موقف محرج



انا بقطع الاشارة وبمشي

ههههههههههههه حلو الموقف هذا
وبعدين لافشيله ولاشيء يحمد ربه اللي نواف كلمه
ترى امزح معك ;)
لك أطيب تمنياتي ...

ياليتني مكانها والله استانس :p

واقول لنواف شكرا على النصيحه;)

ادري بتقولون اي نصيحه بس الواحد مع الفشله يرقع الموضوع ويقول اي شئ

اقول الله يخلف على قليبتس يا ماروكو بس ، وش تستانسين عليه على عبايتس اللي ما عرفتي تدخلينها ، والا على ذكاءك الخارق ما اقول الا الله يخلف بس على أوهيلتس . ومعليش ترا انا ما لقيت الا انتي امون عليها والا الباقين وعلى رأسهم اللي كاتبة الموضوع ما امون عليهم والا كان وريتها شغلها لأن الموضوع لك عليه عموما هي توها جديدة والمستقبل قدامها .

خخخخخ

اول شي انا مااقصد عبايتي اللي مستانسه عليها انا اقصد شئ ثاني بس يله

بنزل مستوى تفكيري لتفكيرك وعساك تفهم بعد


يله الحين بديت انزل مستوى تفكيري لتفكيرك

اناالحين مستانسه اني مااعرف ادخل عبايتي زين عندك مانع

على الاقل احسن من اللي مايعرف يكتب له مواضيع مثل العالم:p لا وبعد يقول موضوع البنت

لك عليه شوي ياشييييييييخ روووووووووووووووووووووح:p :p

على الاقل البنت جديده ومواضيعها تهبل وهي ببدايتها مو مثل بعض الناس :p

هو موقف محرج بس عادي بصرف الموضوع على طول ;) ;)

مافهمت كلامك اللي قلته .. افصح لو سمحت .. هذه العباره ( لان الموضوع لك عليه).

هو موقف فيه شي من الاحراج!!!

ولكن اختي عنود الصيد... وشرايك بلي واقف جنبه سامي الجابر عند الاشاره وهو مطيرعيونه في سامي الجابر وده يقوله وقف ابي اسلم عليك بس منحرج تدرون وش سوى سامي!!


سامي اللاعب الكبير بأخلاقه وبفنه ..وقف الرجال الي مطير عيونه فيه وسلم عليه وقاله انا رايح للنادي تعال معي ,,,

الرجال هذا تراه مهوب انا لاني انا اصلاً ساكن في حارة سامي وسامي يعرفني من كثر ما انطل وجهي عليه

اخوكم سداح

آسف يا عنود اني كتبت بالعامي القح بس عشان تفهم هالقروية ماروكو ،
انا مشكلتي يا عنود القنص اني صريح واللي في قلبي على لساني وانا صراحة ما اعجبني الموضوع لأني اشوف من وجهة نظري طبعاُ انه علاقتنا بالنجوم هي في حدودها يعني في الملعب اما في الحياة العامة فاي نجم مهما كنت احبه فهو زي اي شخص ثاني القاه في اي مكان عام بدون ما اناظره ولا اطير عيوني فيه حتى لو كان مشهور . عموما الاختلاف في الرأي لا يفسد للود قضية واذا ماخذة على خاطرك فأنا آسف ، بس هالصتيمة ماروكو وش مزعلها ، ما علينا بس والله ردك احرجني ودل على انك انسانة راقية وذوق . مع كل الاحترام لكل اعضاء المنتدى بلا استثناء حتى ماروكو.

واللة فشيلة 000
ولو اني منة ابا اروح فيها

والله الفضيحه بس احده

والله ما أخذت على خاطري ولا حاجه .. لانك تعبر عن وجهة نظرك وانت حر ..
واذا انت ثقيل وما تطير عيونك في اي احد توده ... ترى مو كل الناس زيك ..
على العموم مشكور لأنك رديت علي .. ولو انك ما بينت معنى الكلمه بالضبط ..

ياحراااااااااااااااااااااااااااااااااااااااااااااااااااااام وش هالفشيلة ....

بس وين شافه فيه ؟
يعني في اي حي ؟

اي كلمة يا عنود اللي ما عرفتي معناها ؟؟؟؟؟؟

والله لو اني اتكلم فرنسي عموماً انتي اشري ميرندا قصدي اشري على الكلمة وانا اعلمك معناها.